Reirei ao Berita aika Tabu 124

E tua te Uea nakon te Burabeti Iotebwa Timiti bwa e na “karaoa te katanoata ae e nene n [Ana] euangkerio” nakoia “ni kabane uea n te aonaaba” (taraa Reirei ao Berita aika Tabu 124:2–11). Ngkana ko karekea te katabeaki aei, tera ae ko na katanoata iaon Iesu Kristo ao Ana euangkerio ae kaokaki? Iangoia naba bwa ko na kanga n tibwaua am kakoaua ni bon taetae raoi ao n ae kakaraoaki ma aomata ake ko reitaki ma ngaiia ni katoa bong.

Taraa naba “Kaokan Bwaninin Ana Euangkerio Iesu Kristo: Te Katanoata n te Kauabubua n Ririki nakon te Aonaaba,” Gospel Library.

Iangoia ni tibwaia ma aomata tabeman, n aron ae karaoia te Tia Kamaiu n Reirei ao Berita aika Tabu 124:12–21, n anuan maiun Kristo are ko noria irouia. E kanga n tia ni kaota Ana tangira ao Ana kakoaua nakoim?

Taraa naba Richard J. Maynes, “Earning the Trust of the Lord and Your Family,” Riaona, Nobembwa 2017, 75–77.

Ngkai ko iangoa ana kaetieti te Uea i nanon Reirei ao Berita aika Tabu 124: 22–24, 60-61, iangoia bwa ko na kanga ni karaoa mweengam ao am uoote bwa te tabo n aron are e iangoia te Uea ibukin Nauvoo.

Taraa naba “A Friend to All” (video), ChurchofJesusChrist.org.

4:1

Bukin tera ko namakinna bwa te Uea e “aki toki n tuangiia” Ana aomata bwa a na “katei [tembora] nakon [Arana] ae tabu”? Iangoia ni korei ni karinani bukiia are ko kunei i nanon Reirei ao Berita aika Tabu 124:25–45, 55. Ko na bae ni kunei tabeua i nanon anene n taromauri n aron “We Love Thy House, O God” (Anene n Taromauri, nambwa 247) ke te witeo “What Is a Temple?” (Gospel Library). E kanga katean te tembora n riki bwa te kanikina n Ana tangira te Uea ibukim?

5:41

Man te tai are e kateaki iai te Nauvoo Tembora n 1840 tabun, e raka i aon 300 tembora ae a tia ni kateaki ke ni katanoataaki. E reirei Beretitenti Russell M. Nelson: “Ti ataia bwa ara tai i nanon te tembora e kakaawaki nakon kamaiuakira ao karietatakira ao nakoia ara utu. … Ana waaki n iowawa teuare e buakaka e waekoa n rikirake, n ae korakora ao n ae kakaokoro. Kainnanoakin rinra n te tembora n tainako e a rangi ni korakora riki ngkai” (“Becoming Exemplary Latter-day Saints,” Riaona, Nobembwa 2018, 114). E kanga n tia te tembora ni buokiko ni kaitarai “ana waaki n iowawa te tia kaitara”? Tera te bwai ae ko namakinna bwa ko na karaoia n ira ana reirei Beretitenti Nelson?

Taraa naba “Why Latter-day Saints Build Temples,” temples.ChurchofJesusChrist.org.

Aomata aika Itiaki a tia n tuangaki bwa a na katea te tembora i Jackson County ma a “totokoaki irouia aia kairiribai” (Reirei ao Berita aika Tabu 124:51). Kiibu 49–55 iai i nanona taeka ni kaunganano nakoia aomata ake a kan tou mwin ana tua te Atua ma a totokoaki man karaoan anne ibukin baike a rinanona te utu ke waaki riki tabeua. Tera te reirei ae ko kunea ni kiibu aikai ake a kona ni buoka temanna ae mena i nanon aei?

Tabeua te tai i mwiin maten taman te Burabeti, Iotebwa Timiti te Ikawai, e wetea Hyrum Smith te Uea nakon te wewete are e taua ngkoa tamana—te Tamanuea nakon te Ekaretia. Ko kona ni wareka rongorongon aei i nanon Reirei ao Berita aika Tabu 124:91–92.

Ko na kanga ni kabwarabwara taekan te kakabwaia n tamanuea nakon temanna ae e tuai n ongo taekana? Tera ae ko na taekinna ni kaungaa temanna bwa e na karekea? Kakaea kaekaan titiraki aikai i nanon ana marooro Unimwaane Randall K. Bennett “Am Kakabwaia n Tamanuea—Kairaki Karekeana mai iroun Tamara are i Karawa” (Riaona, Meei 2023, 42–43) ke Atuun Reirei ao Titiraki, “Kakabwaia n Tamanuea” (Gospel Library).

Ni boboto i aon te bwai ae ko a tia ni kamatebwaia ao n rinanona, iangoia bwa ko na kanga ni kabwanina te tiententi aei: “Te kakabwaia n tamanuea kanga ai aron .” Bukin tera ngkai Tamara are i Karawa e tangiriia Natina bwa a na karekea te kakabwaia n tamanuea?

Ngkana e tuai n reke am kakabwaia n tamanuea, tera ae ko na karaoia ni katauraoi ni karekea teuana? Ngkana e a tia n reke am kakabwaia n tamanuea, ko na kanga ni kaotia nakon te Atua bwa ko kawakina raoi te bwaintangira aei?

Taraa naba Kazuhiko Yamashita, “Nningai ae Ko na Karekea iai Am Kakabwaia n Tamanuea,” Riaona, Meei 2023, 88–90; Aeniboki ni Kabuta, 18.17, Gospel Library.

• Ni buokiia am ataei n uringa te bwai are a reiakinna man Reirei ao Berita aika Tabu 124:15, 20, ko kona ni buokiia ni korea tamnein ao koroia ni kanakoa te aati ae te beebwa. I aon te aati, ko kona ni buokiia ni korei kiibu n taeka man kiibu aikai. Te anene n aron “Stand for the Right” (Aia Boki n Anene Ataei, 159) e kona ni kamatoaa ana taeka te Uea.

• I mwiin ae kam uaia ni wareka Reirei ao Berita aika Tabu 124: 15, 20, tao ko kona ni buokiia am ataei ni kunea bwa tera ae nanonaki ni maeka ma te etieti n te iteraniba 31 n Ibukin Kakorakoraia Kairake: Te Kairi ibukin Karaoan Rinerine. Tera ae e taekinna te Uea ni kaineti riki iaon George Miller ni kibu 20 “ibukin raoiroin nanon [George]”? Ko kona naba n tibwauai aia katooto ataei ni kaotakin te etieti man te bwai are ko rinanona ke man te Rao maekatiin. Kaoiia am ataei bwa a na karaoi aia kouru ni kaota te etieti n te wiiki aei ao n tuangko bwa tera ae a namakinna ngkana a karaoia.

• A na bae ni kukurei am ataei n taraa tamnein taian tembora, ni ikotaki ma te tembora rimoa ao te tembora ae kaan ma te tabo are a maeka iai (taraa ChurchofJesusChrist.org/temples/list). Ko kona ni kabonganai tamnei aikai ao Reirei ao Berita aika Tabu 124:39 ni kabwarabwara bwa Iesu Kristo e aki toki ni tua nakoia Ana aomata bwa a na katei tembora—ni boong ake rimoa ao n ara bong (taraa naba te iteraniba n te waaki ni kakukurein te wiiki aei).

• Ngkana ko maeka ni kaan ma te tembora, iangoia ni kairiia am ataei ikanne ao ma te karinerine n nakonako n ana tabo te tembora. Kaoiia bwa a na kakaea te taeka ae “E tabu ba ana bwai Iehova— Uman te Uea i tinanikun te tembora. Marooro ma am ataei bwa tera nanon taeka aikai.

• Iangoia ni kabonganaa te iango i nanon “Te Bwabetitoaki ao te Kamatoaaki ibukiia Bakatibu” i nanon abentekiti A ni buokiia am ataei ni ingainga nakon te bong are a na rin iai n te tembora (taraa naba “Te Tembora ao te Babaire ni Kakukurei” i nanon abentekiti B).

• Ngkai kam bootaki ni wareka Reirei ao Berita aika Tabu 124:91–92, buokiia am ataei ni kunea bwa tera ae tuanga te Uea Hyrum Smith bwa e na karaoia. Marooro bwa tera te kakabwaia n tamanuea: te kakabwaia ae onoti are e reireiniira iai arora te Uea ao tera ae E tangiria bwa ti na karaoia ao n riki nako iai. Iangoia kabongana te mwakoro “Karekean te Kakabwaia n Tamanuea” inanon abentekiti A ni buokiia am ataei n tauraoi ni karekea te kakabwaia n tamanuea.