Reirei ao Berita aika Tabu 125–128

I mwiin okina man te mition mai Engiran—teuana mai ibuakon ana mition aika a mwaiti ake e beku iai—e a manga karekea te wewete ae kakawaki Brigham Young mairoun te Uea. E tuangaki bwa e na “tararuaa raoi [ana]utu” (te kibu 3), ake a tia n rangi n rootaki n tain mwawana mai irarikiia. Ngkai ko kamatebwaia te mwakoro aei, iangoia bwa bukin tera n tabetai te Uea e kainnanoa te anga karea n te nano n ara mwakuri. Tera ae ko kona ni karaoia n tararua rabwatam?

Taraa naba “Take Special Care of Your Family,” in Revelations in Context, 242–49.

Bukibuki aika kairua ao kakamaku n katikitiki e a manga kairoroa Iotebwa Timiti bwa e na karabaraba i nanon Aokati 1842. Ma taeka ake e korei nakoia Aika Itiaki n tai aei (ngkai Reirei ao Berita aika Tabu 127) a onrake n taraan ae tamaroa ao te kimwareirei. Tera ae a reireiniko kiibu 2–4 ibukin te Atua? i aon kaitaraan bukibuki ke kakaitara? Tera kibu n taeka man kiibu aikai ae e na kona ni buokiko ngkana ko namakina te bwainikirinaki? Iangoia n taua mwiina bwa e kanga te Uea n kateimatoako n te “ran ae nano” n maium.

Ngkai ko wareka Reirei ao Berita aika Tabu 127:5–8; 128:1–8, kakaei bukina ngkai te Uea e angan Iotebwa Timiti kaetieti aika a onoti ibukin tauan mwin bwabetito ibukiia maate. Tera ae reireiniko aei ibukin te Uea ao Ana mwakuri? E kanga am namakin nakon te kaetieti aei ni kona ni kaeti nakon tauakin mwiin am rekooti, n aron oin am tieno?

E mataata n are e kaotia te Atua rinanon Iotebwa Timiti bwa bukin tera ara bakatibu ake aki bwabetitoaki n te maiu aei a kainnanoira: ti bwabetitoaki n tei ibukiia bwa aonga n rineia ni butimwaea ke n totokoa te otenanti aei. Ma e reirei naba te Burabeti naba bwa kamaiuakiia ara bakatibu e bon “kakaawaki ao n riai nakon oin kamaiuakira.” Ngkai ko wareka Reirei ao Berita aika Tabu 128: 15–18, iangoia bwa bukin tera e karaoaki aei.

Te kibu 5 e reirei bwa te otenanti ae te bwabetito ibukiia maate e “katauraoaki i mwain karikan te aonaba aei.” Tera ae reireiniko te koaua aei ibukin te Atua ao Ana kainibaire? Tera n ana rongorongo Unimwaane Dale G. Renlund “Rongorongon te Utu ao te Mwakurin te Tembora: Kabaebae ao Kamarurung” ae raona riki mataatam iai? (Riaona, Meei 2018, 46–49).

Iotebwa Timiti e kabonganai taeka n aron “mwaaka n kabaebae,” “toma ae matoa,” ao “katiteuanaki ae tamaroa” ngkana ae reirei taekan otenanti n te nakoanibonga ao te bwabetito ibukiia maate. Tarai baikai ao taeka n aron akanne ngkai ko wareka Reirei ao Berita aika Tabu 128:5–25. Ko kona ni iangoi riki bwai aika a kona ni kabonganaki ni kamataatai kibu n taeka aikai, n aron te tiein ke te roobu? Bukin tera a tamaroa kiibu n taeka aikai ni kabwarabwara te reirei aei?

Iangoan titiraki aika i mwiina a na kona naba ni buoka am kamatebwai i aon kiibu aikai:

• Ni bon am iango, e aera ngkai te bwabetito ibukiia mate e taraaki bwa bon “te kabanea ni mimitong i buakon bwaai ni kabane ake a irekereke ma te euangkerio ae akea tokina”? (kibu 17). Tera taneiai ae a tia ni buokiko n namakina aio?

• N te aro raa ae te aonaba e na oreaki n te maraia ngkana akea te “reitaki … i marenaia taama ma naati”? (kibu 18).

• Tera ae anaa nanom n ana taeka Iotebwa Timiti n kiibu 19–25? A kanga kiibu aikai n roota aron am namakin i aon Iesu Kristo? ibukin te mwakuri n tembora ibukiia am bakatibu? (taraa naba “Come, Rejoice,” Anene n Taromauri, nambwa 9).

I mwiin kamatebwaian kiibu aikai, ko na bae ni kaungaaki bwa kona karaoa te mwakuri ibukiia am bakatibu. Te iango are n FamilySearch.org e kona ni ibuobuoki.

Te “Inspirational Videos” are n te “Temple and Family History” boota ni witeo n te Gospel Library e kona n anganiko ibuobuoki ni kairam, karaki aika anga te tamnei, ao rongorongo mairouia taan kairiiri i aon rongorongon te utu.

Taraa naba Kevin R. Duncan, “Bwanaan te Kukurei,” Riaona, Meei 2023, 95–97.

E taku Beretitenti Gordon B. Hinckley:

“Ana Mwakuri ni Kamaiu Iesu ibukiia ni kabane aomata e kaota te anga karea ae korakora ibukiia aomata ni kabane. E katea te baeten are e a riki Ngaia bwa te tia tei ibukiia aomata ni kabane. Te baeten aei are e riki temanna te aomata bwa e na kona n tei ibukin temanna e reitinako karaoana n taian otenanti n ana auti te Uea. Ikai are ti beku ibukiia tekoraki ake a tia ni mate n akea ataakin te euangkerio. E a bon nakoia bwa a butimwaea ke n totokoa te otenanti are e a tia ni karaoaki. E bon karekeaki naba nakoia bwa a na titebo aroia ma tekoraki ake a maiu i aon te aba. Te koraki ake a mate a anganaki aia tai n aroia naake a maiu. Ao riki, ai kakukureira ao ai tamaroara te buoka are e a tia ni karaoia te Atua ae Mwaaka n Ana kaotioti nakon Ana Burabeti” (“The Great Things Which God Has Revealed,” Riaona, Meei 2005, 82–83).

• Ni buokakiia am ataei n reiakina aron te beku nakoia kaain te utu, iangoia n tibwa te rongorongon i aon Brigham Young ni “Mwakoro 50: Aika Itiaki i Nauvoo” (i nanon Karaki man Reirei ao Berita aika Tabu,, 184, ke witeo aika irekereke n te Gospel Library) ke kakimototoa n taekina Reirei ao Berita aika Tabu 126 n oin am taeka. Ko na bae ni katuruturua te kibu n taeka “tararuaa raoi am utu” (kibu 3) ao marooro ma am ataei bwa tera nanon ae n tararuaa raoi ara utu.

  

  1:33

• E na rangi ni kaunga ibukim ao am ataei n tarai tamneia am utu (ke korotamnei) ngkai kam uaia ni marooro i aon kawai ake ti kona iai ni buoka “tararuakiia” kaain ara uru. Kam kona naba n anenea te anene n aron: “Home Can Be a Heaven on Earth” (Anene n Taromauri, nambwa 298).

• Kaoiia am ataei bwa a na kakaea n Reirei ao Berita aika Tabu 128:1 bwa tera ae tabeaianga iai ana iango Iotebwa Timiti. A kona naba n ukoria n te kibu 17 ni kakaea bwa tera te bwai ae e iangoia ae “te kabanea ni mimitong.” Kariaia bwa a na tibwauai baike a kunei ao maroroakinna bwa bukin tera ngkai e rangi ni kakukurei te bwai aei.

• Irarikin buokakiia am ataei ni katauraoi nakon (ao ni maiuakina) aia berita n te bwabetito, ko kona n reireiniia bwa a na kanga ni buokiia aomata ake a tuai karaoi berita aika tabu aikai inanon aia tai ni maiu. Iangoia n tuangiia am ataei taekan temanna ae ko kinaa ae e a tia ni mate ao e tuai ni bwabetitoaki. I mwiina kam kona n uaia ni wareka Reirei ao Berita aika Tabu 128:5 ao n taraa tamnein te tabo ni bwabetito n te tembora (n aron teuana are ni kabanean te kabwarabwara aei). Tuangiia am ataei bwa e kanga am namakin ngke ko bwabetitoaki n te tembora n tei ibukiia aomata ake atia ni mate bwa aonga ni kabane n reke aia tai ni karaoi berita aika tabu ma Tamara ae i Karawa.

• E na bae ni kaunga ibukim ao am ataei ni karaoa te tiein ae te beeba ma araia aia karo, tibuia, ke tibutoruia, ao a mwaiti riki (taraa te iteraniba n te waaki ni kakukurein te wiiki aei). I mwiina kam kona n tibwaia i marenaia te bwai ae kam ataia i aoia bakatibu aikai. Baane wareka Reiei ao Berita aika Tabu 128:18 ni kakaea bwa tera te “reitaki ae matoa” are e karika rongorongoia ara utu “ni bwanin ao ni bobonga.” Kam kona naba ni mataku n te witeo “Courage: I Think I Get It from Him” (Gospel Library).

  

  1:38

• Waaki ni kakukurei riki tabeua ni buokiia am ataei ni ira buakon rongorongon te utu e kona ni kuneaki n “Te Tembora ao te Babaire ni Kakukurei” i nanon abentekiti B ke n te FamilySearch.org.