Reirei ao Berita aika Tabu 129–132

A bati bwaai aika ti aki atai ibukin te karietataaki ke te maiu n te kabanea n rietata n aba n Uea ae Tiretio—aekakin te maiun te Atua. Angiina a konaa n riaon ootara ae ti konaa ngkai. Ma te Atua e a tia ni kaotii tabeua kanikinaa aika a kakawaki, ao angiia a kuneaki n Reirei ao Berita aika Tabu 130–32. Ko kona n wareware ma titiraki n aron aikai n am iango: Tera ae N na reiakinna ibukin te Atua? Tera ae I reiakinna ibukin te maiu ibukin te maiu ae mamate? E na kanga ataakin te rongorongo aio ibukin te maiu are akea tokina ni kakabwaiai maiura ngkai?

Taraa naba “Our Hearts Rejoiced to Hear Him Speak,” n Revelations in Context, 277–80.

Ko na kangaa n taekinna, n oin am taeka, are e reireia te Uea n Reirei ao Berita aika Tabu 130:20–21 ao 132:5? Iangoi bwa e kanga te tua aei n tia ni mwamwakuri i nanon maium.

N tabetai, e ngae ngkana ti ongeaba nakon te Atua, a aki roko kakabwaia ake ti kaantaningai n te tai naba ae tawe. Ko na kanga n kateimatoa am onimaki ao am kaantaninga ngkana e riki aei? Tarai nonoori i nanon ana rongorongo Unimwaane D. Todd Christofferson “Rekerekera ma te Atua” (Riaona, Meei 2022, 78–80).

Taraa naba 1 Nibwaai 17:35; Reirei ao Berita aika Tabu 82:10.

Rinanon te Burabeti Iotebwa Timiti, e kaoka te koaua te Uea bwa e konaa reitinako n akea tokin te mare ao te reitaki n te utu. Ngkana ko wareka Reirei ao Berita aika Tabu 132:13–21, tarai mwakoro n taeka aika a na buokiko n kamataatako te kaokoro i marenana bwa tera ae na “teimatoa” n tiku n akea tokina ao tera ae na aki. Tera nanon te reitaki n te mare iroum ae “mairoun [te Uea]”? (kibu 14).

N ana rongorongo “In Praise of Those Who Save,” E katerekea kaokoron te mare n te reitaki ae akea tokina ma bwaai aika a “kai bane taia” Beretitenti Dieter F. Uchtdorf (Riaona, Meei 2016, 77–78). Tera ae e reiakiniko te kabootau aei ibukin aron tararuaan—katauraoi ibukin—te reitaki n te mare? Iangoa aron reitakin am utu—ngkai ao n taai aika a na roko——ngkai ko wareka ana rongorongo Unimwaane Uchtdorf. Tera ae ko kunea iai ae anganiko te kaantaninga iroun Kristo ibukin reitakin am utu?

E tibwaa te reirrei aei Bereititenti Henry B. Eyring are e karekea ngke e raraoma ibukin aroia ana utu: “Ko na maiu n tau ibukin te abanuea ae te tiretio, ao baairean te utu e na tamaroa riki nakon are ko kaantaningaia” (n “Te Mweenga Are Maeka iai Tamnein te Uea,” Riaona, Meei 2019, 25). E na kanga te reirei aei ni buokiko ke temanna ae ko ataia?

Taraa naba “Families Can Be Together Forever,” Boki n Anene n Taromauri, nambwa. 300; Topics and Questions, “Marriage,” Gospel Library.

A mimii aomata aika a mwaiti ake a wareka te O Tetemanti ibukin Aberaam, Itaaka, Iakobwa, Mote, ao tabeman ake a mare ma buuia aika mwaiti. A tia ni karaoa te wenenibure ana toro te Uea aikai? E bon anga te kariaia n aia mare te Atua? Ana titiraki naba akanne Iotebwa Timiti. Tarai kaeka ake e anga te Atua n Reirei ao Berita aika Tabu 132:1–2, 29–40.

Te mare i marenan temanna te mwaane ao temanna te aine bon katein ana mare te Atua (tara te kabwarabwara nakon te mwakoro Katanoata ae Bwainaki 1; Iakobwa 2:27, 30). Ma, bon iai taai ngke e anga te tua te Atua nakoia Natina bwa a na karaoa te mare ma aika a mwaiti.

Moan ririkin te Ekaretia ae kaokaki bon teuana mai buakon taai akanne. Ngkana ko kan reiakina riki taekan te mare ma aika a mwaiti ibuakoia Aomata aika Itiaki ngkoa, taraa “Mercy Thompson and the Revelation on Marriage” (n Revelations in Context, 281–93); Saints, 1:290–92, 432–35, 482–92, 502–4; Topics and Questions, “Plural Marriage in The Church of Jesus Christ of Latter-day Saints,” Gospel Library; “Why Was It Necessary for Joseph Smith and Others to Practice Polygamy?” (witeo), ChurchofJesusChrist.org.

10:8

• Tera ae reireinira Reirei ao Berita aika Tabu 132:13 ibukin bwain te aonaba? Tao ko kona ma am ataei n baekina te tutikeiti ke te baekibaeki ma bwaai aika tei ibukin bwaai are, n kaineti ma Reirei ao Berita aika Tabu 130:2, 18–19; 132:19, ti kona n uotia ma ngaira nakon te maiu ae na roko.

• Tao te kabootau ae bebete e kona n reireiniia am ataei taekan te ongeaba nakon ana tua te Atua. N te katooto, ko kona n tuangiia bwa a na anga te kawai n nakon te tabo teuana, n aron te reirei ke ana kateitei te Ekaretia. Tera ae e na riki ngkana ti aki ira te kaetieti? I mwiina ko kona n wareka Reirei ao Berita aika Tabu 130:21 ao n kabotaui kawai nakon ana tua te Atua ake e a tia n anganiira.

• Kam kona naba n bootaki n anenea te anene ibukin te ongotaeka, n aron “Keep the Commandments” (Aia Boki n Anene Ataei, 146–47), ao tarai taekana n Reirei ao Berita aika Tabu 130:20–21 ao 132:5 aika a ti te arona nakon anene akanne. E kanga ni kakabwaiaiira te Atua ngkana ti keiaki ni kawakin Ana tua?

• I mwiin warekan Reirei ao Berita aika Tabu 130:22 ni bootaki, kam kona n taraa tamnein Iesu ngke ma am ataei ao n kotea Matana, Wiina, ao bwain rabwatana ake tabeua. A kona n manga kotei taabo n rabwataia ataei. Tuangiia bwa bukin tera e kakaawaki nakoim bwa ko na ataia bwa rabwatara bon titebo ma rabwtaia Tamara are i Karawa ao Iesu.

• Buokiia am ataei n kunei katooton bwaai ake aki kona n tiku n akea tokina—amwarake aika a kai buakaka, uee aika a rai, ao a mwaiti riki. I mwiina taraa Reirei ao Berita aika Tabu 132:19 ni bootaki ao n ukora mwakoro n taeka n aron“berita aika akea tokiia,” “kabaeaki,” “n akea tokiia,” ao “ngkai ao n aki tootoki.” (Taraa naba “Chapter 55: A Revelation about Marriage,” n Karakin Reirei ao Berita aika Tabu, 198, ke te witeo n te Gospel Library.) Ko kona naba n tarai tamnein am utu ao n kakoauaa bwa e karikia te Uea, rinanon otenanti ao berita aika a tabu n te tembora, ibukiia utu bwa e na akea tokina.

0:42