“Amazwi eMbuyiselo: INtolongo yaseLiberty,” Yizani, Nindilandele—EyeKhaya neBandla: IMfundiso neMinqophiso 2025 (2025)
“INtolongo yaseLiberty,” Yizani, Nindilandele—EyeKhaya neBandla: 2025
Amazwi eMbuyiselo
INtolongo yaseLiberty
Xeshikweni wayevalelwe eLiberty, eMissouri, uJoseph Smith waye wafumana iincwadi zembalelwano zimazisa ngemeko emaxongo yabaNgcwele beMihla yokuGqibela yokuba babekhutshelwa ngaphandle kwelizwe ngokomyalelo werhuluneli. Incwadi yembalelwano ebuhlungu yayivela kwinkosikazi yakhe u-Emma. Amazwi wakhe, neencwadi zembalelwano zikaJoseph ephendula, zivakalisa zombini ukuhlupheka nokholo lwabo ngelixa leli xesha linzima embalini yeBandla.
UJoseph Smith nabanye babanjelwa kule ntolongo ebusika bowe 1838–39.
Incwadi yembalelwano evela ku-Emma Smith, eyoKwindla 7, 1839
Myeni Othandekayo
Ndinethuba lokuthumela ngomhlobo, ndenza umzamo wokubhala, kodwa andizukuzama ukubhala iimvakalelo zam ngokupheleleyo, ngenxa yemeko okuyo, iindonga, imivalo, iibholiti, imilambo eqengqelekayo, imilambo ebalekayo,iinduli ezinyukayo, iintlambo ezitshonayo namathafa asasazekileyo asahlulayo, nokungabikho kokusesikweni okukhohlakeleyo okwakuphosa okokuqala entolongweni kwaye kusakubambe apho, nezinye ezininzi iimbono, zibeka iimvakalelo zam kude lee kuchazwa.
Bekungekuko ukuba msulwa, nongenelelo oluthe ngqo lwenceba kaThixo, ndiqinisekile ukuba ngendingazange ndikwazi ukunyamezela iziganeko zokubandezeleka endadlula kuzo … ; kodwa ndisaphila kwaye ndizimisele ukuva ubunzima ngakumbi ukuba kuyintando yeZulu elinobubele ukuba ndifanele ngenxa yakho.
Sonke siphilile ngoku, ngaphandle kukaFredrick ogula kakhulu.
U-Alexander omncinci osezingalweni zam ngoku ngomnye wabona bafana bancinci babalaseleyo owakhe wababona ebomini bakho. Unamandla kangangokuba ngoncedo lwesitulo uya kugijima ejikeleza igumbi. …
Akukho bani ngaphandle koThixo owazi imbonakalo yengqondo yam neemvakalelo zentliziyo yam xa ndandishiya indlu nekhaya lethu, kwaye phantse yonke into esasinayo ngaphandle kwaBantwana bethu abancinci, kwaye ndathabatha uhambo lwam lokuphuma kwiphondo laseMissouri, ndikushiya uvalelwe kuloo ntolongo enesithukuthezi. Kodwa inkumbulo ingaphezu kokuba imvelo yomntu ifanele ukuthwala. …
… Ndiyathemba ukuba kukho iintsuku ezingcono zokuza kuthi okwangoku. … [Mna] ndohlala ndingowakho ngothando.
Emma Smith
Incwadi yembalelwano evela kuJoseph Smith isingise kuEmma Smith, Tshazimpuzi 4, 1839
Mfazi—othandekayo—nonothando.
NgoLwesine ngokuhlwa ndahlala phantsi kanye xa ilanga lisiya kutshona, njengoko sikroba emagqabeni ale ntolongo enesithukuthezi, ukuze ndibhalele kuwe, ukuze ndikwazise imeko yam. Kungoku nje ndikholelwa ukuba malunga neenyanga ezintlanu neentsuku ezintandathu okoko bendiphantsi kweliso lomlindi ubusuku nemini, kwaye ngaphakathi kweendonga, iingcango zentsimbi, neminyango yentsimbi yentolongo enesithukuthezi, emnyama, emdaka. Ngeemvakalelo ezaziwa nguThixo kuphela ndibhala le leta. Iingcinga zengqondo phantsi kwezi meko zidelela ipeni, okanye ulwimi, okanye iiNgelosi, ukuchaza, okanye ukupeyinta, kumntu ongazange abe namava oko sihlangabezana nako. … Soyamela engalweni kaYehova, kwaye akekho omnye, kwinkululeko yethu, kwaye ukuba yena akayenzi, ayisokuze yenziwe, usenokuqinisekiswa, kuba igazi lethu linxanelwe kakhulu kweli lizwe; hayi kuba sinetyala lokuthile. … Emma Wam Othandekayo, ndihlala ndikucinga wena nabantwana rhoqo. … Ndifuna ukubona uFrederick omncinane, uJoseph, uJulia, uAlexander, uJoana, kunye nomajor omdala [inja yosapho]. … Bendingakuvuyela ukuhamba apha ndinganxibanga zihlangu, ngenkqayi, kwaye ndinganxibanga ngokupheleleyo, ukuzo kunibona kwaye ndicinga ukuba kungaba lulonwabo olukhulu, kwaye andisoze ndikubone ngathi bubunzima. … Ndiyinyamezele yonke ingcindezelo yam ngenkalipho, njengawo onke la madoda akunye nam; kwaye akukabikho namnye kuthi othe wenza intshukumo yokunikezela. Ndifuna wena ukuba [ungavumeli] [abantwana bethu] bandilibale. Baxelele ukuba uTata uyabathanda ngothando olugqibeleleyo, kwaye yena wenza konke anako ukubaleka kweli qela lezigebengu aze kubo. … Baxelele ukuba uTata uthi kumele babengabantwana abalungileyo, kwaye bacingele umama wabo. …
Owenu,
UJoseph Smith Omncinci