“EyoMsintsi 29–EyeDwarha 5: ‘IyiNdlu yaKho, iNdawo yobuNgcwele baKho” : IMfundiso neMinqophiso 109- 110,” Yizani, Nindilandele—EyeKhaya neBandla: IMfundiso neMinqophiso 2025 (2025)
“IMfundiso neMinqophiso 109–110,” Yizani, Nindilandele—EyeKhaya neBandla: 2025
A Glorious Light—Kirtland Temple [UkuKhanya Okuzukileyo—iTempile yaseKirtland], nguGlen S. Hopkinson
EyoMsintsi 29–EyeDwarha 5: “IyiNdlu yaKho, iNdawo yobuNgcwele baKho”
IMfundiso neMinqophiso 109–110
Iminyango yeTempile yaseKirtland yayingamelanga ukuvulwa kude kube ngu-8:00 ekuseni kweyoKwindla 27, 1836. Kodwa abaNgcwele ababethemba ukuzimasa iinkonzo zongcwaliso baqala ukufola kwangethuba ukusukela ngo-7:00. Kwakufuneka indawo ephuphumayo kwaza kwalandela inxalenye yesibini ukuze kuhlaliswe wonke umntu. Kwaye yayingengabo abo baphilayo qha ababexhalabele ukubakhona. Amangqina amaninzi abona iingelosi ngaphakathi etempileni naphezu kophahla, ngexesha nasemva kongcwaliso. Ngokwenene kwakukhangeleka ngathi “imikhosi yezulu” yayizele “ukucula nokukhwaza” kunye nabo abaNgcwele beMihla yokuGqibela (“The Spirit of God,” Hymns,, no. 2).
Kwakutheni uvuyo olukhulu—kumacala omabini wekhuselo? Emva kweenkulungwane, kwakukho indlu yeNkosi kwakhona emhlabeni. INkosi yayizalisekisa isithembiso saYo sokunikela abaNgcwele baYo “ngamandla avela phezulu” (IMfundiso neMinqophiso 38:32). Kwaye oku, Yona yabhengeza, “[yay]isisiqalo sentsikelelo” (IMfundiso neMinqophiso 110:10). Ixesha esiphila kulo ngoku—ngomsebenzi wasetempileni ongxanyiswayo nemimiselo efumanekayo kwizigidi zabaphilayo nabafileyo—wabanesiqalo sawo eKirtland, xa “ikhuselo phezu komhlaba laliqala ukugqabhuka” (“The Spirit of God”).
Bona kananjalo Saints, 1:232–41; “A House for Our God,” in Revelations in Context, 169–72.
Iingcebiso zokufunda eKhaya naseBandleni.
INkosi indinika iintsikelelo ezityebileyo ngeminqophiso yetempile.
Ngezinye iindlela, iTempile yaseKirtland yayihlukile kwiitempile esizaziyo namhlanje. Kwakungekho zibingelelo kwaye kungekho ndawo yokubhaptiza, ngokomzekelo. Kodwa iintsikelelo ezichazwe kulo icandelo 109, umthandazo wongcwaliso weTempile yaseKirtland, ziyafumaneka endlwini yeNkosi namhlanje. Hlola imiqolo elandelayo ukuze ufumane ezinye zezi ntsikelelo, kwaye ucingisise ukuba zingakunceda njani ukuqinisa ubudlelwane bakho noBawo waseZulwini kunye noYesu Krestu.
Imiqolo 5, 12–13 (bona kananjalo IMfundiso neMinqophiso 110:6–8): Endlwini yeNkosi, Yona ingakwazi ukuzibonakalisa kum, kwaye ndingaweva amandla aYo.
Ezinye iintsikelelo:
Ukuba ubukhe waya endlwini yeNkosi, cinga ngendlela ezi zithembiso eziye zazaliseka ngayo ebomini bakho.
Iculo “The Spirit of God” (Hymns,, no. 2) lalibhalelwe ungcwaliso lweTempile yaseKirtland—kwaye laye laculwa kuyo yonke imisitho yongcwaliso lweetempile ukusukela ngoko. Cinga ngokuyicula okanye ukuyiphulaphula njengenxalenye yokufunda nonqulo lwakho. Zeziphi iintsikelelo zetempile ozifumana zichazwe kweli culo?
Umthandazo lunxibelelwano noBawo waseZulwini
Icandelo 109 ngumthandazo wongcwaliso owawunikwe kuJoseph Smith ngesityhilelo (bona isihloko secandelo). Yintoni oyifundayo ngomthandazo kweli candelo? Ngokomzekelo, unokuphawula oko umProfeti awabulela ngako kwaye neentsikelelo awazicelayo. Yintoni enye awayithethayo kulo mthandazo? Njengokuba ufunda, ungavavanya olwakho unxibelelwano noBawo waseZulwini. Ufunda ntoni ngaYe noNyana waKhe kulo mthandazo?
Ukuba ungathanda ukufunda imithandazo yongcwaliso lwezinye iitempile, kuquka itempile ekufutshane nawe, ndwendwela iphepha letempile ku temples.ChurchofJesusChrist.org
IMfundiso neMinqophiso 110:1–10
INkosi ingazibonakalisa Buqu kum etempileni.
Njengokuba ufunda iinkcazelo zoMsindisi kuyo IMfundiso neMinqophiso 110:1–10, kuquka nesihloko secandelo, cingisisa ukuba le miqolo icebisa ntoni ngaYe.
UYesu Krestu uzibonakalisa njani ngokwaKhe—okanye azazise ngokwaKhe kuwe—endlwini yaKhe? Ukunceda njani Yena ukuba wazi ukuba Yena uyawamkela amadini akho?
phakathi kwiTempile yaseKirtland.
IMfundiso neMinqophiso 110:10–16
UMsindisi walathisa umsebenzi waKhe ngezitshixo zobubingeleli.
Ngaphambi nje kokuba uMoses, u-Eliyasi no-Eliya babonakale etempileni ukuze ukubuyisela izitshixo zobubingeleli, uYesu Krestu watsho, “Esi sisiqalo sentsikelelo eya kuthululelwa phezu kweentloko zabantu bam” (IMfundiso neMinqophiso 110:10). Ngengoko ufunda imiqolo 11–16, cinga ngeentsikelelo uMsindisi azithululela kuwe ngomsebenzi okhokelwa zezi zitshixo. Ngokomzekelo:
-
Umqolo 11: UMoses nezitshixo zokuhlanganiswa kukaSirayeli (okanye umsebenzi wobuvangeli). Ikusikelele njani iNkosi nosapho lwakho ngeenzame zomsebenzi wobuvangeli beBandla laKhe?
-
Umqolo 12: U-Eliyasi nezitshixo zevangeli ka-Abraham, kuquka Umnqophiso ka-Abraham. Ingakusikelela njani iNkosi wena nazo “izizukulwana emva [kwakho]” ngenxa yeminqophiso yakho? Bona kananjalo uHenry B. Eyring, “Umnqophiso waNaphakade,” Liyahona, EyeDwarha 2022, 4–11; IsiKhokelo kwiZibhalo, “Eliyasi,” Ithala leeNcwadi zeVangeli.)
-
Imiqolo 13–16: U-Eliya namandla okutywina, abonakaliswa ngetempile nomsebenzi wembali yosapho. Kutheni ucinga ukuba uBawo waseZulwini ufuna ukuba wena udityaniswe nezinyanya zakho ngemimiselo yasetempileni?
Loluphi unxulumano olubonayo phakathi kwezi zitshixo noxanduva lwethu kumsebenzi kaThixo wosindiso nowokuphakanyiswa (ukuphila ivangeli, ukukhathalela abantu abasweleyo, ukumema bonke ukuba bamkele ivangeli, nokumanyanisa iintsapho ngonaphakade)?
Ngawaphi amava okhe wanawo ngomsebenzi kaThixo wosindiso nokuphakanyiswa? La mava akufundisa ntoni ngoMsindisi, iBandla laKhe, nomsebenzi waKhe?
Fumana iindlela zokuquka abanye. Ukuba ufundisa ngayo IMfundiso neMinqophiso 110:11–16, ungacinga ukwabela umfundi ngamnye ukuba afunde ngoMoses, u-Eliyasi, okanye u-Eliya nezitshixo awathi wazibuyisela. Emva koko abafundi banokwabelana omnye nomnye ngoko bakufumanisileyo. Indlela efana nale ibandakanya wonke umntu ekufundeni nasekufundiseni. (Bona Ukufundisa ngeNdlela yoMsindisi,, 24–27).
Ngezimvo ezingakumbi, bona ukhutsho lwale nyanga lweencwadi Liyahona nako Okwenzelwe Ukomeleza uLutsha.
Iingcebiso Zokufundisa Abantwana
IMfundiso neMinqophiso 109:12–13; 110:1–7
ITempile yindlu yeNkosi.
-
Wena nabantwana bakho ninokuthetha ngento eniyithandayo ngekhaya lenu. Emva koko ungajonga umfanekiso weTempile yaseKirtland kwaye usebenzise IMfundiso neMinqophiso 109:12–13; 110:1–7 ukuthetha ngendlela loo tempile eyangcwaliswa ngayo kwaye yaba yindlu yeNkosi. Yabelanani omnye nomnye ngento eniyithandayo ngendlu yeNkosi.
2:17Chapter 39: The Kirtland Temple Is Dedicated: January–March 1836
-
Mhlawumbi wena nabantwana bakho ninga nomfanekiso-ngqondweni wokuba umhlobo uzama ukukukhangela indlu yenu. Sinokumnceda njani umhlobo wethu azi ukuba yeyiphi indlu yethu? Sazi njani ukuba itempile yindlu yeNkosi? (bona IMfundiso neMinqophiso 109:12–13).
UMsindisi usikelela abantu baKhe ngezitshixo zobubingeleli.
-
Usenokusebenzisa elale veki iphepha lomsebenzi ukuxelela abantwana ngezidalwa zasezulwini ezandwendwela itempile. Unokusebenzisa kananjalo umfanekiso osekupheleni kolu lwandlalo.
1:17The Kirtland Temple
-
Ukufunda ngokubaluleka kwako oko kwenzeka kwiTempile yaseKirtland, wena nabantwana bakho ningathetha ngokuba zenza ntoni izitshixo. Mhlawumbi abantwana bakho banokutshintshana ngokubamba izitshixo baze benze ngathi bavula umnyango otshixiweyo. Bancede bafumane igama izitshixo kuyo IMfundiso neMinqophiso 110:11–16, kwaye nithethe ngeentsikelelo ezithi zivulwe zezi zitshixo. Ungacacisa ukuba izitshixo zobubingeleli yimvume kaThixo yokukhokela iBandla laKhe. Yabelana ngombulelo wakho ngokuba iNkosi yasinika izitshixo zobubingeleli.
UMsindisi ufuna mna ndibuyisele intliziyo yam kwizinyanya zam.
-
Emva kokufunda IMfundiso neMinqophiso 110:15 kunye, xelela abantwana bakho ngamava ancede ubuyisele intliziyo yakho kwizinyanya zakho. Ningacula kananjalo ingoma kunye ngembali yosapho.
-
Yintoni enokunceda “kubuyiselwe iintliziyo” zabantwana bakho kwizinyanya zabo? Nisenokufumana ezinye izimvo zolonwabo ku FamilySearch.org/discovery. Ningasebenzisana kunye ukuchonga izinyanya ezidinga imimiselo yetempile. Kutheni uYesu efuna ukuba senze lo msebenzi?
Ngezimvo ezingakumbi, bona ukhutsho lwale nyanga lwencwadi Umhlobo.