Fotopampianarana sy Fanekempihavanana 109–110

Ny Tempolin’i Kirtland dia miavaka amin’ireo tempoly izay fantatsika amin’izao fotoana izao. Tsy nisy alitara sy dobo fanaovana batisa tao tamin’izany, ohatra. Fa ireo fitahiana voalazalaza ao amin’ny fizarana 109, sy ny vavaka fanokanana ho an’ny Tempolin’i Kirtland dia misy ao amin’ny tranon’ny Tompo ankehitriny ihany koa. Vakio ireto andinin-tsoratra masina manaraka ireto hitadiavana ny sasany amin’ireo fitahiana ireo, ary saintsaino ny fomba ahafahan’izany manamafy ny fifandraisantsika amin’ny Ray any An-danitra sy i Jesoa Kristy.

Andininy 5, 12–13 (jereo koa ny Fotopampianarana sy Fanekempihavanana 110:6–8): Afaka maneho ny Tenany amiko ny Tompo ao amin’ny tranony, ary afaka mahatsapa ny heriny aho.

Andininy 9, 15–19, 26, 78–79:

Andininy 21–23:

Andininy 24–33, 42–46:

Andininy 35–39:

Fitahiana hafa:

Raha efa tany amin’ny tranon’ny Tompo ianao, dia eritrereto ny fomba nahatanterahan’ireo fampanantenana ireo teo amin’ny fiainanao.

Ilay hira hoe “Fanahin’ny Ray” (Fihirana sy hiran’ny ankizy, lah. 56) dia nosoratana ho an’ny fanokanana ny Tempolin’i Kirtland, ary nanomboka teo dia nohiraina tamin’ny fanokanana tempoly rehetra izany. Hevero ny hihira na hihaino izany mandritra ny fandalinana na ny fitsaohana ataonareo. Inona avy ireo fitahian’ny tempoly hitanao resadresahina ao amin’io hira ao amin’ny fihirana io?

Ny fizarana 109 dia vavaka fanokanana nomena ny Mpaminany Joseph Smith tamin’ny alalan’ny fanambarana (jereo ny sasin-tenin’ny fizarana). Inona no ianaranao momba ny vavaka avy amin’io fizarana io? Ohatra hoe, azonao raisina an-tsoratra ny zavatra nanehoan’ny Mpaminany fankasitrahana sy ireo fitahiana nangatahiny. Inona koa ny zavatra lazainy ao amin’io vavaka io? Rehefa mandalina ianao, dia afaka manombantombana ny fifandraisanao amin’ny Ray any An-danitra. Inona no ianaranao momba Azy sy ny Zanany avy amin’io vavaka io?

temples.ChurchofJesusChrist.org

Rehefa mamaky ireo famariparitana ny Mpamonjy ao amin’ny Fotopampianarana sy Fanekempihavanana 110:1–10 ianao, isan’izany ny sasin-tenin’ny fizarana, dia saintsaino ny zavatra tian’izany holazaina momba Azy.

Ahoana no hanehoan’i Jesoa Kristy ny Tenany, na hampahafantarany ny Tenany aminao, ao amin’ny tranony? Ahoana no hanampiany anao hahafantatra fa manaiky ny fahafoizan-tenanao Izy?

Nialoha indrindra ny nisehoan’i Mosesy sy i Elià ary i Elia tao amin’ny tempoly mba hamerina amin’ny laoniny ny fanalahidin’ny fisoronana, dia hoy i Jesoa Kristy: “Izany no fiandohan’ny fitahiana izay harotsaka eo ambonin’ny lohan’ny vahoakako” (Fotopampianarana sy Fanekempihavanana 110: 10). Rehefa mamaky ny andininy 11–16 ianao dia eritrereto ireo fitahiana izay arotsaky ny Mpamonjy eo aminao amin’ny alalan’ny asa izay tarihin’ireo fanalahidy ireo. Ohatra:

• Andininy 11: i Mosesy sy ny fanalahidin’ny fanangonana an’i Isiraely (na ny asa fitoriana ny filazantsara). Ahoana no nitahian’ny Mpamonjy anao sy ny fianakavianao tamin’ny alalan’ny ezaka izay ataon’ny Fiangonany amin’ny fitoriana ny filazantsara?

• Andininy 12: i Elià sy ny fanalahidin’ny filazantsaran’i Abrahama, tafiditra ao anatin’izany ny fanekempihavanan’i Abrahama. Ahoana no ahafahan’ny Tompo mitahy anao sy ny “fara aman-di[mbinao]” noho ny fanekempihavanana ataonao? (Jereo ny Russell M. Nelson, “Ny fanekempihavanana maharitra mandrakizay,” Liahona, ôkt. 2022, 4–11; Torolalana ho an’ny soratra masina, “Elià,” Médiathèque de l’Évangile.)

• Andininy 13–16: i Elia sy ny herin’ny famehezana, miseho amin’ny alalan’ny asa atao any amin’ny tempoly sy ny asa momba ny tantaram-pianakaviana. Nahoana raha ny hevitrao no tian’ny Ray any An-danitra hifandray amin’ireo razambenao amin’ny alalan’ireo ôrdônansin’ny tempoly ianao? (Jereo ny Gerrit W. Gong, “Sambatra sy mandrakizay,” Liahona, nôv. 2022, 83–86.)

Inona no hitanao fa mampifandray an’ireo fanalahidy ireo amin’ireo andraikitsika amin’ny asan’ Andriamanitra ho an’ny famonjena sy ho an’ny fisandratana (fiainana ny filazantsaran’i Jesoa Kristy, fikarakarana ireo sahirana, fanasana ny rehetra handray ny filazantsara, ary ny fampiraisana ny fianakaviana ho mandrakizay)?

Inona no traikefa azonao tamin’ny asan’ Andriamanitra ho an’ny famonjena sy ho an’ny fisandratana? Inona no ampianarin’ireo traikefa ireo anao momba ny Mpamonjy sy ny Fiangonany ary ny asany?

• Azonao sy ny ankizy atao ny miresaka zavatra tianareo momba ny tokantranonareo. Afaka mijery sarin’ny Tempolin’i Kirtland ianareo avy eo ary mampiasa ny Fotopampianarana sy Fanekempihavanana 109:12–13; 110:1–7 mba hiresahana mikasika ny fomba nanokanana izany tempoly izany sy nahatongavan’izany ho ny tranon’ny Tompo (jereo koa ny “Toko 39: Notokanana ny Tempolin’i Kirtland,” ao amin’ny Tantara ao amin’ny Fotopampianarana sy Fanekempihavanana, 154). Mifampizarà zavatra tianareo momba ny tranon’ny Tompo.

  

  2:17

• Azonao sy ny ankizy atao ohatra ny maka sary an-tsaina hoe misy namana iray miezaka mitady ny tranonareo. Ahoana no hanampiantsika ilay namantsika hahafantatra hoe ilay aiza no tranontsika? Ahoana no ahafantarantsika fa ny tempoly no tranon’ny Tompo? (Jereo ny Fotopampianarana sy Fanekempihavanana 109:12–13).

• Azonao ampiasaina ny pejin’ny sahanasa ho an’ity herinandro ity na ny “Toko 40: Ireo fahitana tao amin’ny tempolin’i Kirtland” (ao amin’ny Tantara ao amin’ny Fotopampianarana sy Fanekempihavanana, 155–57) mba hitantarana amin’ny ankizy momba ireo olona avy any an-danitra nitsidika ny tempoly. Afaka mampiasa ilay sary any amin’ny faran’ity lesona ity ihany koa ianao.

  

  1:17

• Mba hianarana mikasika ny maha-zava-dehibe ny zavatra nitranga tao amin’ny Tempolin’i Kirtland, dia afaka miresaka mikasika ny zavatra tontosain’ireo fanalahidy ianao sy ny ankizy. Azon’ny ankizy atao, ohatra, ny mifandimby mihazona lakile ary mody manao hoe manokatra varavarana mihidy. Ampio izy ireo hahita ny teny hoe fanalahidy ao amin’ny Fotopampianarana sy Fanekempihavanana 110:11–16, ary hiresaka momba ireo fitahiana izay vahan’ireo fanalahidy ireo. Azonao hazavaina fa ny fanalahidin’ny fisoronana dia fanomezan’ Andriamanitra lalana mba hitarika ny Fiangonany. Zarao ny fanehoanao fankasitrahana fa nomen’ny Tompo antsika ireo fanalahidin’ny fisoronana.

• Rehefa avy miara-mamaky ny Fotopampianarana sy Fanekempihavanana 110:15 ianareo dia tantarao amin’ny ankizy ny zavatra iray niainanao izay nanampy anao hampody ny fonao tamin’ireo razambenao. Azonareo atao koa ny miaraka manao hira momba ny tantaram-pianakaviana.

• Inona no mety hanampy mba “hampody ny fon’”ny ankizy amin’ny razamben’izy ireo? Afaka mahita hevitra mahafinaritra ianao ao amin’ny FamilySearch.org/discovery. Afaka miara-miasa ianareo mba hamantarana ireo razambe mila ôrdônansin’ny tempoly. Nahoana isika no tian’i Jesoa hanao ny asany?