Reirei ao Berita aika Tabu 29

Reirei ao Berita aika Tabu 29 e reireii koaua aika mwait n taekan ana babaire te Atua ibukim. Ngkana ko wareware, tarai koaua ake ko reiakin i aon mwakoro nako Ana babaire:

• Te Maiu i mwain te Maiu aei (taraa kiibu 36–37)

• Kariki Bwai (taraa kiibu 31–33)

• Bwakan Atam ao Ewa (taraa kiibu 40–41)

• Te maiu ae mamate (taraa kiibu 39, 42–45)

• Ana Mwakuri ni Kamaiu Iesu Kristo (taraa kiibu 1, 42–43, 46–50)

• Te Mangauti (taraa kiibu 13, 26)

• Te Kabanea ni Motikitaeka (taraa kiibu 12–13, 27–30)

Tera nonori ae ko kaekei? Ngkana e na ibuobuoki ibukim, ko kona ni korei n te tabo are e katauraoaki ma te tamnei ni kabanean te kabwarabwara aio. E kanga koaua aikai n roota aron maium?

Tarai naba Topics and Questions, “Plan of Salvation,” Gospel Library.

E taekina ikotakiia Ana Aomata Iesu Kristo “n aron te moa aine ngke e ikotiia natina i aan baina” (Reirei ao Berita aika Tabu 29:2). Tera ae reiakiniko i aon te kabotau n te kaokoro ibukin Iesu Kristo? Tera iango riki tabeua ke namakin aika roko nakoim ngkai ko kamatebwaia te kamataata i aon te moa aine ao kiokio i nanon te kabwarabwara aei? Iangoia bwa ko kanga n tia n namakina ana ikoikoti Iesu Kristo ao kamanoakim.

Ngkai kam kamatebwaia Reirei ao Berita aika Tabu 29:1–11, tarai taian nonori i aon:

• Antai aika a na ikotaki.

• Tera ae nanonaki n “ikoikoti”nakon Kristo.

• Bukin tera ti ikoikoti Nakoina.

Iangoia bwa bukin tera ko tangiria aomata tabeman ni ikotaki nakon Iesu Kristo. Tera ae ko namakinna bwa ko riai ni karaoia ni ibuobuoki?

Ko kona n titirakiniko te titiraki naba anne ngkai ko mataku n te witeo “A Witness of God” (Gospel Library) ke wareka ke ongora nakon anene n taromauri i aon te ikoikoti, n aron “Israel, Israel, God Is Calling” (Anene n Taromauri, nambwa 7). Tera n am namakin ae kataia n reireiniko te Uea n taekan Ana mwakuri ni ikoikoti?

2:40

E taku Beretitenti Russell M. Nelson: “Ngkai te ikoikoti ae e a waaki n aaba ni kabane. E a tia te Uea ni katanoata katean Tion n tabo nako are E a tia n anganiia Aika Itiaki bwa a bungiaki iai ao abaia” (“The Gathering of Scattered Israel,” Riaona, Nobembwa 2006, 81). E kanga te ikoikotaki n aroia aio ni buokiira n “riki n tauraoi ni bwaai ni kabane” ibukin manga Kauaokin te Tia Kamaiu? (kibu 8, taraa naba kiibu 14–28).

Taraa naba Russell M. Nelson ao Wendy W. Nelson, “Hope of Israel” (worldwide youth devotional, Tuun 3, 2018), Gospel Library; D. todd Chistofferson, “Te Reirei iaon te Riki bwa Kaai te Bootaki Teuana,” Riaona, Nobembwa 2022, 53–56; Topics and Questions, “Gathering of Israel,” Gospel Library.

Ngkai ko kamatebwaia Reirei ao Berita aika Tabu 29: 31–35, titirakiniko, “N te anga raa ae ni kabane tuua a kaineti ma te maiu n tamnei?” Ko na bae ni koroi tabeua tuua ao iangoi koaua n te maiu n tamnei ake a irekereke nakon teuana ma teuana. Rinanoan Ibukin Kakorakoraia Kairake:Te Kairi ibukin Karaoan Rinerine e kona ni ibuobuoki—e reirei tabeua koaua aika akea tokiia irarikin ana tua te Atua aika mwaijti.

E kanga ataakin ae “ni kabane bwaai … aika bwai n tamnei” iai mwiia nakoim n taraakin ana tua te Atua? Iangoia n tarai nanon bwaai n tamnei ke te kantaninga ni waakina naba maium ake tabeua.

Taraa naba 2 Nibwaai 9:39.

Ko na kanga ni kabonganaa Reirei ao Berita aika Tabu 29:36–50 ni kabwarabwara bwa bukin tera ti kainanoa kaboan maiura rinanon Iesu Kristo?

Bwakan Atam ao Ewa a uota te mate ao te bure nakon te aonaaba, ma e katauraoa naba te kawai ibukin te kamaiuaki ao te kimwareirei rinanon Kristo. Ma te iango anne n am iango, wareka kiibu 39–43 ao korei taeka ao kibu n taeka ake a uota nakoim te kimwareirei. Tera ae anaaki iai nanom n te bwai are a taekinna Atam ao Ewa i aon te Bwaka ni Mote 5:10–12?

Taraa naba “Why We Need a Savior” (witeo), Gospel Library.

2:15

• Ni moana te marooro i aon ana babaie Tamara are i Karawa ibukira, ngkoe ao am ataei kam kona ni marooro i aon te tai ngke ko karaoa te babaire, n aron bairean te neweaba ke ni katiaan te tabe. Ko kona naba n tibwauai katotoon taian baire, n aron te karenta ma waaki ni kakukurei ake a koreaki i aona ke kaetieti ibukin karaoan te bwai teuana. Bukin tera a bongana taian baire? I mwiina ko kona ni marooro bwa tera ae tangiria Tamara are i Karawa ni kakoroa nanona ao e kanga Ana babaire ni buokiira ni kakoroa nanona.

• Ko kona ni kabonganai tamnei ake ni banen te kabwarabwara aei ni buokiia am ataei ni kunei kiibu inanon Reirei ao Berita aika Tabu 29 ake a reirei i aon kaokoron nako ana babaire Tamara are i Karawa. Ko kona naba ni korei ni kanakoi tamnei ao tuangiia am ataei bwa ana katikui nakon rinaniia ae eti. Bukin tera ti kakaitau n atakin ae Tamara are i Karawa iai ana babaire ibukira? E na kanga ataakin taekana ni kakairi nakoira ni katoa bong i nanon maiura?

• Te kamataata n tamnein te moaaine ni ikotiia kiokio ke te witeo “Chicks and Hens” (ChurchofJesusChrist.org) e kona ni buokiia am ataei ni katamneia te kabotau inanon Reirei ao Berita aika Tabu 29:1–2. I mwiina kam kona n uaia ni wareki kiibu aikai ao marooro imarenami bwa e kanga te moaaine ni kamanoia bunna ao e kanga te aekaki anne n titebo nakon are tera ae kona ni karaoia te Tia Kamaiu ibukira.

  

  1:24

  

• Tera ae na kaungai nanoia am ataei n tangiria ni buoka te Tia Kamaiu ni ikoikotiia Ana aomata? Tao a na tangiria ni kan ongora nakon ana taneiai te aomata temanna are e “ikotaki” n nakon Iesu man kainakin Ana Ekaretia. N aron te katooto, antai ae e kaira am utu nakon te Ekaretia? Ti kanga n tia ni kakabwaiakaki man butimwaean ana wewete te Tia Kamaiu ni ikotaki Nakoina? Ti na kangaa ni buokiia tabeman ni ikotaki Nakoina? (Taraa “A Message for Children from President Russell M. Nelson” [video], ChurchofJesusChrist.org.)

  

  3:30

• Tamnein Kauaokin te Tia Kamaiu (n aron Boki n Tamnei n te Euangkerio, no. 66) ke te (anene ae taekinaki iai n aron “When He Comes Again,” Aia Boki n Anene Ataei, 82–83) e kona naba ni buokiko ao am ataei ni maroroakinna Reirei ao Berita aika Tabu 29:11. Buokiia am ataei bwa a na atai mwakoro n taeka i nanon booki aika tabu are e kaeineti nakon te bwai teuana n te tamnei ke te anene. Tibwauaia i marenami bwa tera ami namakin i aon manga rokon Iesu Kristo nako aonaaba.