Itita

Angiina mai buakora a tuai noora Iesu Kristo n aron ae e a tia n nooria te Burabeti Iotebwa Timiti. Ma ti kona, n ai arona, bwa e maiu te tia Kamaiu, ao bwa E atai tokanikaira ao kainnanora, ao bwa E na buokira n ara tai ni kainnano. Iangoa oin am kakoaua iroun Kristo ae maiu ngkai ko iangoa titiraki aika i mwiina ao kamatebwai bwaai ni ibuobuoki aika a airi ma ngaia.

• Antai Iesu Kristo? Bukin tera ti taromauria? (taraa “The Living Christ: The Testimony of the Apostles”).

• Tera ae reirei te Tamnei ibukin ana taneiai Iotebwa Timiti ao tabeman ake a tia n noora te tia kamaiu? A kangaa ni kakorakora au kakoaua aia koaua? (taraa Reirei ao Berita aika Tabu 76:11–14, 20–24; 110:1–10; Iotebwa Timiti—Rongorongon te Ekaretia:17).

• Tera ae I reiakinna ibukin ana mition te tia Kamaiu Ana taeka ae akea tokiia? (taraa Reirei ao Berita aika Tabu 29:5; 38:7).

• E na kanga ni buokai n te bong aei te tia Kamaiu? (taraa Itaia 53:3–5; Ebera 2:17–18; Motiaea 3:7; Aramwa 7:11–13; 36:3; Ita 12:27; Mote 5:10–12).

N te witeo ae “My Spritual Goal,” e baireia te ataeinaine bwa e na kamatenikunaa “The Living Christ” (Gospel Library). Tera ae anaa nanom ibukin ana taneiai neienne? Tera ae ko namakinna bwa ko kan karaoia ni karikirakei koaua i nanon “Te Kristo ae Maiu i nanom ao am iango?

2:5

N reiakina riki bwa e kanga ni kakabwaira te tia kamaiu n te bong aei, ko kona n kamatebwai, kakauongo nakon, ke anenea“I Know That My Redeemer Lives” (Boki n Anene n Taromauri, nambwa. 136). E kona ni karekea te ungannano ni kakaean koaua i nanon te boki n anene n taromauri aei ake a reiakinaki naba i nanon Reirei ao Berita aika Tabu 6:34; 84:77; 98:18; 138:23.

Taraa naba Topics and Questions, “Jesus Christ,” Gospel Library.

E ata aron te namakin Iotebwa Timiti n tangiran ae mate, ni ikotaki ma tamana ao uoman tarina. A tauniia onoman maibuakoia natiia Iotebwa ao Emma, a bane ni uarereke iaan uoua te ririki. Man te kaotioti are e anga te Atua, Iotebwa ao Emma a karekea iai aia noonori mai karawa.

Ukori koaua ibukin te mate ao ana babaire te Atua i nanon Reirei ao Berita aika Tabu 29:26–27; 42:45–46; 63:49; 88:14–17, 27–31; 93:33–34. A kanga koaua aikai n roota aron taraan te mate iroum? A kanga n roota aron maium?

Taraa naba 1 Korinto 15; Teachings of Presidents of the Church: Joseph Smith (2007), 174–76; Easter.ChurchofJesusChrist.org.

Teuana te kawai ni katurua ara taratara iaon te Tia Kamaiu n tain te Itita bon kamatebwaian te kaotioti inanon Reirei ao Berita aika Tabu ake a reireia aron Ana mwakuri ni kamaiu. Tabeua a kona ni kuneaki i nanon Reirei ao Berita aika Tabu 18:10–13; 19:16–19; 45:3–5; 76:69–70. Iangoia ni karinanii koaua ake ko kunea i nanon kiibu aikai. Ni kananoa am kamatebwai, ko kona ni ikotia nakon ake ko karinanna man warekan Ruka 22:39–44; 1 Ioane 1:7; 2 Nibwaai 2:6–9; Motiaea 3:5–13, 17–18; Moronaai 10:32–33.

Aikai tabeua titiraki ake a na kona ni kaira am kamatebwai:

• Tera ana Mwakuri ni Kamaiu Iesu Kristo?

• Bukin tera e rineia Iesu Kristo bwa E na korakai ao ni mate ibukira?

• Tera ae I riai ni karaoia ni karekea te kakabwaia man Ana anga karea?

• Tera ae I namakinna ibukin Iesu Kristo i mwiin warekan kiibu aikai?

Taraa naba Guide to the Scriptures, “Atonement,” Gospel Library; “The Savior Suffers in Gethsemane” (witeo), Gospel Library.

8:48

• Ngkana ko na reireiniia am ataei taekan te mangauti, ko kona ni moanna man kaotii nakoia tamnein maten ao Mangautin te tia Kamaiu. Kariaia am ataei bwa a na tibwaua te bwai ae ataia n waaki aikai. Kam kona naba n anenea te anene n aron “Did Jesus Really Live Again?” (Aia Boki n Anene Ataei, 64).

• Iangoa te reirei ma bwaai are e kona ni buokiia am ataei ni kaotaia bwa tera ae e riki ngkana ti mate (a maenako tamneira ma rabwatara) ao ngkana ti a manga uti (a manga ikotaki tamneira ma rabwatara, ao ana kororaoi man aki mamate rabwatara). N aron te katooto, tera ae e na riki ngkana ti kamwainga te baetere man te tooti ke te inke man te been ni koroboki? Tera ae e na riki ngkana a manga ikotaki? (Taraa Aramwa 11:44–45.)

• Iai ibuakoia ami ataei ae kinaa temanna ae e a tia ni mate? Tuangiia bwa a na tibwaa teutana taekaia akana a mate, ao imwiina ana kaai ni wareka Reirei ao Berita aika Tabu 138:17. Marooro i marenami aron te namakin n ataia bwa ana manga karekea rabwataia ara koraki aika a tangiraki iroura ngkana a mangauti.

• Ngkana iai am ataei aika a ikawai riki, ko kona ni kaoiia bwa a na kakaea te mwakoro n taeka are e taekina te rongorongo n te Itita n kibuntaeka aikai: Reirei ao Berita aika Tabu 63:49; 88:14–17, 27; 138:11, 14–17. Ko kona naba ni karaoa aekan anne ma te witeo ae “Because He Lives” (Gospel Library). Ti na kanga n tibwaa te rongorongo aei ma tabeman?

• A kona naba n unga nanom ma am ataei ni wareka taekan teniua taai aika a kakaokoro ni kaotin Iesu Kristo nakon Iotebwa Timiti ao tabeman, ake a tauaki mwiia i nanon Iotebwa Timiti—Rongorongo 1:14–17; Reirei ao Berita aika Tabu 76:11–24; 110:1–10. A kona naba am ataei n tarai tamnein bwaai aika a riki aikai n te wiiki aei i nanon iteranibaa ni kakukurei. Tera ae ti reiakinna n taekan Iesu Kristo man bwaai aika a riki aikai n tatabeua? Bukin tera ngkai bon te kakabwaia ataakin ae Iotebwa Timiti ao tabeman ake a tia n noora te Tia Kamaiu are e a tia ni manga uti?

• Koaua are e a tia n reiakinna Iotebwa Timiti ibukin taekan kabwaraan bure rinanon Iesu e konaa n anganiia am ataei te kaantaninga bwa ana kona ni kabwaraaki aia bure ao aia kaairua. Iangoa kaoakiia am ataei ni karaoa te taibora ma atuun rongorongo iai n aron aikai: Tera ae e a tia ni karaoia ibukiu te Tia Kamaiu ao Tera ae I riai ni karaoia bwa I aonga ni karekea Ana Kabwarabure. Buokiia am ataei ni ukori rongorongo aikai i mwiina bwa a aonga ni kunei bwaai ake a kaineti nakon atuun rongorongo aikai:: Reirei ao Berita aika Tabu 18:10–13; 19:16–19; 45:3–5; 58:42–43. Tibwauai kimwareirei ao ami kakaitau i marenami nako ni bwaai ake e a tia ni karaoi te Tia Kamaiu ibukira.

• Ko kona naba n matakuakina te witeo ma am ataei ae “The Shiny Bicycle” (Gospel Library) ao n tibwai are e reke iroum ngkana ko namakina ana kabwarabure te Tia Kamaiu ngke ko raira nanom.

3:4