“Eberi 21–27: ‘Ngkana Kam Aki Katiteuanaaki Tiaki Au Bwai Ngkami’: Reirei ao Berita aika Tabu 37–40,” Nakomai Iriirai—Ibukin te Mweenga ao te Taromauri: Reirei ao Berita aika Tabu 2025 (2025)

“Reirei ao Berita aika Tabu 37–40 Timiti,” Nakomai, Iriirai—Ibukin te Mweenga ao te Taromauri: 2025

Rongorongo man Aomata aika Itiaki a Mwaing nako Kirtland, iroun Sam Lawlor

Eberi 21–27: “Ngkana Kam Aki Katiteuanaaki Tiaki Au Bwai Ngkami”

Reirei ao Berita aika Tabu 37–40

Nakoia Aomata aika Itiaki rimoa, te Ekaretia bon te tabo ae raka arona n ongoran taian kabwarabwara n te Tabati. E kabonganai taeka te kaotioti n aron karika, abanuea, Tion, ao, ae okioki, tmwakuri. Anne ae tao bon te bwai naba ae anaa nanoia aomata nakon te Ekaretia ae kaokaki. Ngkai a rangi n tangirii reirei, a mwaiti naba ake a tangiri bwaai aika a tabu are a kona ni katabua maiuia nako iai. Ao, e aki bebete te ongotaeka nakon te Uea n ana tua n 1830 tabun bwa a na ikotaki i Ohio. Irouia aika a mwaiti, e nanonaki bwa kitanakin mweenga aika a kamaiuraoi nakon te taabo aika a aki ataaki aroia (taraa “Voices of the Restoration: Gathering to Ohio”). N te bong aei ti kona n nooria raoi bwa tera ae a kona n nooria Aomata aika Itiaki ni mataia n onimaki: te Uea e katauraoi kakabwaia aika korakora are a tataninga ibukiia i Ohio.

Kainanoan te ikotaki nako Ohio e a kaman tia n toki ngkai, ma Aomata aika Itiaki ni boong aikai a teimatoa ni boonnano ibukin bwaai ni bukina ae teimatoa: “ni katea Tion” (Reirei ao Berita 39:13). N ai aroia Aomata aika Itiaki rimoa, ti kaoaki ni katinanikua “raraomaeakinan bwain te aonaaba” (Reirei ao Berita aika Tabu 40:2) ao n onimakina ana berita te uea: “Ao ko na karekea … te kakabwaia ae korakora ae ko tuai n ataia” (Reirei ao Berita 39:10).

Taraa naba Saints,, 1:109–11.

Iango ibukin te Kamatebwai n te Mweenga ao n te Taromauri

Reirei ao Berita aika Tabu 37–38

E ikotiira te Atua ni kakabwaiaira.

A tia n karaoa te mwakuri mwaaka membwa n te Ekaretia I Fayette, New York, ni mwaing nako Ohio (raka i aon 250 te maire te raroa) n te tai ni kamwaitoro n 1831. Ngkana ko wareka taekan ana tua te Uea n Reirei ao Berita aika Tabu 37: 3– 4, ko na kona n iangoa taekan te mwakuri ae kainnanoaki are e tuangko te Uea. Ngkanne, ngkai ko kamatebwaia Reirei ao Berita aika Tabu 38: 1–33, taratarai koaua ibukin te tia Kamaiu ae e anganiko te onimaki n iriira Ana reirei. Tera ae ko reiakinna man kiibu 11–33 ibukin taian kakabwaia n te ikotaki bwa taan ririmwiin Iesu Kristo?

Reirei ao Berita aika Tabu 38:22

“Ongo bwanaau irirai.”

Ko na kanga n karika Iesu Kristo bwa am “tia anga te tua”? E na kanga irakin Ana tua n karikiko bwa “aomata aika a inaomata”?

Taara naba 2 Nibwaai 2:26–27.

Reirei ao Berita aika Tabu 38:30

Ngkana I tauraoi ao N na aki maaku.

Ko a tia n rinanon te reirei are e kaotia te uea n Reirei ao Berita aika Tabu 38:30: “Ma ngkana ko tauraoi ao ko na aki maaku”? Ngkana ko wareka mwakoro 38, ataia bwa e kanga ni katauraoiia Ana Aomata te Uea bwa a onga ni kona ni kaitarai taai aika a na roko ma te ninikoria. E kanga n tangiria bwa ko na tauraoi ibukin kangaanga bwa ko aonga n aki maaku?

Taraa naba David A. Bednar, “We Will Prove Them Herewith,” Riaona, Nob. 2020, 8–11.

Reirei ao Berita aika Tabu 38:24–27

E tangiria te Atua bwa ti na “katiteuanaaki.”

A roko Aoma aika Itiaki ake a ikotaki i Ohio man aaro aika a kakaokoro. Bon ti te arona anne ni koaua ma aomata n am uoote. Ma e tuangiia Ana aomata te Uea bwa a na “katiteuanaaki” (kibu 27). Ti na kanga ni kakoroa nanon te aeka ni reitaki aei? Tera iango n roko n am iango ni warekan Reirei ao Berita aika Tabu 38: 24–27? Bukin tera ti riai n bootaki bwa ti aonga n riki bwa ana aomata te Atua?

E kona n anaa nanom warekan kiibu aikai ni iangoa taekan am reitaki—te katooto, ma kaain am utu, kaain am uoote, ao kaain te kooram ke te kiraati. Tao tera ae tuukiko bwa ko naaki reitaki i nanon Kristo? E na kanga ni buokiko te Tia Kamaiu bwa “kam na katiteuanaaki”? A kona ni buokiko ni kaekai titiraki aikai Witeo “A Friend to All” ke “Love in Our Hearts” (Gospel Library). Ko kona naba n kunei iango n ana rongorongo Unimwaane Dale G. Renlund “Ana Rau Kristo E Kamauna te nano ni Kairiribai,” Riaona, Nobembwa. 2021, 83–85.

Ko na kanga ni buokiia kurubu aikai bwa a na katiteuanaaki? Te katooto, iangoa kanakoan ke rongorongo n teekiti ke te rongorongo n aakoi nakoia membwa n am kooram, kiraati, ke am utu. Antai ae ko namakinna bwa ko na kawaria?

Tera ae anaa nanom ibukin ana katooto te tia Kamaiu n I-Ebeto 2:14, 18–22; 2 Nibwaai 26:24–28?

Taraa naba Quentin L. Cook, “Hearts Knit in Righteousness and Unity,” Riaona, Nobembwa. 2020, 18–21; “Love One Another,” Boki n Anene, nambwa. 308; Atuun Rongrongo ma Titiraki, “Belonging in the Church of Jesus Christ,” Gospel Library.

Reirei ao Berita aika Tabu 38:39 39:40

E tangiria n anganai kaubwain te maiu ae akea tokina Tamau are i Karawa.

N am iango, tera te kaokoro i marenan “kaubwain te aonaaba ao “te kaubwai ae akea tokina”? (Reirei ao Berita aika Tabu 38:39). Tera taneiai ake a tia n reiakiniko kakawakin taian kaubwai are akea tokiia?

Karekea n am iango ngkai ko wareka taekan James Covel n mwakoro 39–40 (n ikotaki ma rongorongona n atuun te mwakoro). Iangoia bwa e kanga ana taneiai ae rinanona ni kaineti nakoim. Te katooto, iangoi taai ngkana “nanom … e eti imatan te [Uea]” (Reirei ao Berita aika Tabu 40:1). Ko kanga ni kakabwaiaaki man am kakaonimaki? Iangoia naba bwa baikara “raraomaeakinan bwain te aonaaba” ae ko kaitarai. A na kanga n totokoiko man karekean ana taeka te Atua “ma te kimwareirei”? (Reirei ao Berita aika Tabu 39:9; 40:2). Tera ae ko kunei i nanon mwakoro aikai ae kaungako bwa ko na teimatoa ni bwabwaina te ongotaeka?

Taraa naba Mataio 13:3–23.

Maiuakina kanoan koroboki aika tabu inanon maium. Teuana te kawai ae ko kona ni buokiia taan reiakinaki aika a kaineti nakon [koroboki aika a tabu] bon man titirakinan titiraki n aron ‘E na kangaa ni buokai aei ma te bwai ae ko rinanona ngkai?’ “Bukin tera e kakaawaki ibukim bwa ko na ataa aei?’ “Tera te kaokoro ae kona n riki n ataakin aei inanon maium?’ (Reirei n Ana Kawai te Tia Kamaiu, 23). Te titiraki n te waaki aei n taekan Reirei ao Berita aika Tabu 39–40 bon katooto tabeua n te titiraki are e kona ni buokiira ni maiuakin kaotioti aikai ni maiura.

Ibukin iango riki tabeua, taraa te beeba ni kaongora n te namwakaina aio n te Riaona ao Ibukin Kakorakoraia Kairake maekatiin.

Iango ibukin Reiakinaia Ataei

Reirei ao Berita aika Tabu 37; 38:31–33

E ikotiira te Atua bwa E na kakabwaiaira.

Te mwabe ao te te iteraniba ni kakukurei n tokin aei bon kanoana ae kona ni buokiia am ataei n mataata bwa tera are e tua te Atua n Reirei ao Berita aika Tabu 37:3. Tao ko kona ni buokiia ni kunei taabo ake a taekinaki ni kaotioti aikai. Ko kona naba ni buokiia ni kunea te kibuntaeka man Reirei ao Berita aika Tabu 38:31–33 are e kabwarabwara bwa bukin tera e tangiriia Ana aomata te Atua bwa a na ikotaki ni kabane.

Reirei ao Berita aika Tabu 38:24–27

E tangiriira te Atua bwa ti na “katiteuanaaki”

Ngkai ko wareka Reirei ao Berita aika Tabu 38: 24– 25 nakoia ataei, marooroakinna bwa tera ae nanonaki ni karinean tarim ke mwaanem n ai arom (taraa naba Mataio 7:12). Buokiia bwa a na kaokioka te kibu, n onea mwiin “tarina” ma aran temanna imwiin temanna.
N reiakiniia am ataei nanon te “katiteuanaaki” (Reirei ao Berita aika Tabu 38:27), ko konaa ni buokiia ni korea te numbwa ae bubura 1 ao n katamaroa ma aara ao korobanna ke tamneiia n tatabemaniia kaain am utu ke n te kiraati. Irarikin te 1, ko kona n korei bwaai ake ko na karaoia bwa kam aonga ni katiteuanaaki riki.
Iangoa n tibwaua te reirei ae e kamataataa aron bootakin bwaai ke reitakiia n riki bwa ti teuanai, n aron te moimoti ni kunnikai ae karika teuana te rabuna ae waeaki ma te rabuna ke taian rengarenga are a karika teaina te kariki. Tera ae ti reireinaki man katooto aikai n arora ni katiteuanaaki n aroia ana aomata te Atua?

Reirei ao Berita aika Tabu 38:30

Ngkana I tauraoi ao N na aki maaku.

Ngkai kam kaai ni wareka Reirei ao Berita aika Tabu 38:30, kam kona ni marooroa taekan bwaai aika kam a tibwa rinanona ngkoe ma am ataei are e kainnanoa te katauraoi. I mwiina ko kona n titirakiniia am ataei taekan bwaai ake e tangiriira Tamara are i Karawa bwa ti na tauraoi nako iai. Tibwaa te taneiai ma am ataei are ko tia n rinanona n aron ae te tauraoi e a tia ni buokiko n aki maaku. Kam kona naba ni kaai ni matakuakina te witeo ae “Men’s Hearts Shall Fail Them” (Gospel Library).

Reirei ao Berita aika Tabu 39:6, 23

I karekea ana bwaintituraoi te Tamnei ae Raoiroioi ngke I kamatoaaki.

Iangoa kaotan tamnein temanna ae e a tia ni kamatoaaki. Tuangiia am ataei bwa a na kabwarabwara te bwai ae riki n te tamnei. Ko kona naba n kaoiia bwa a na kotea te tamnei n te tai are a ongo iai taeka ae Te Tamnei ae Raoiroi n Reirei ao Berita aika a Tabu 39:6, 23 (ke n te anene n aron “The Holy Ghost,” Aia Boki n Anene Ataei, 105). Tibwaia ma ngaiia n tatabemaniia bwa e kanga ana bwai n tituaraoi te Tamnei ae Raoiroi.ni kakabwaiako.

Ibukin iango riki tabeua, taraa te beeba ni kaongora n te namwakaina aio n te Te Rao maekatiin.