Reirei ao Berita aika Tabu 30–36

Bwa tao iai ke akea te mwioko ni weteakim bwa te mitinare, ko kona n riki bwa te tia kakoaua iroun Iesu Kristo “n taai nako ao ni bwaai nako, ao n taabo nako” (Motiaea 18:9). Ngkai ko kamatebwaia Reirei ao Berita aika Tabu 30–36, korei mwiin baike ko reiakin i aon reken am tai n tibwaa te euangkerio. Ko kona ni korei ni karinanii bwaai ake e tangiria te Uea mairoum ao te rinan teuana ni kakabwaia ake e karaoi te Uea ngkai ko tibwa te euangkerio (te katooto, taraa Reirei ao Berita aika Tabu 30:8; 31:3–5; 32:1, 5; 35:13–15, 24). Ko kona naba n tarai tuua ake a kona ni buokiko n tibwa te euangkerio. Tera ae ko kunea ae kaungaa nanom n “taekina te rongorongo ae raoiroi ae moan te kakimwareirei”? (Reirei ao Berita aika Tabu 31:3).

Unimwaane Gary E. Stevenson e reirei bwa tataekinan te euangkerio e “kona ni kakoroaki bukina rinanon reirei aika bebete, e baiti te mataata iaon reirei ake a reiakinaki nakoira ma ngke ti uarereke: tangira. tibwatibwa, ao kakao” (“Love, Share, Invite,” Riaona, Meei 2022, 85). Iangoia ni kamatebwaia ana rongorongo ngkai kam iangoia ake kam kinaia, raraomi, ao utu. Tera iango aika a roko nakoim bwa ko na kanga ni tibwai ma ngaiia “baike [ko] tangiria n ana euangkerio Iesu Kristo”? Kawai raa ae ko kona ni kaoiia iai n “roko ao n noria,” “ n roko ao ni beku,” ao “n roko ao ni kaaina”? Ngkai ko anene ke n ongora nakon “I’ll Go Where You Want Me to Go” (Anene n Taromauri, nambwa 270) ke te anene n taromauri ae e irekereke ma ngaia, ko kona n titirakiniko, “Tera ae tangirai te Uea bwa n na taekinna ao n riki nako iai bwa I aonga n tibwaua Ana euangkerio?”

Taraa naba Marcos A. Aidukaitis, “Tabekarake Nanom ao Kimwareirei,” Riaona, Meei 2022, 40–43; Atuun Reirei ao Titiraki, “Kaoia ni Kabane bwa ana Karekea Ana Euangkerio Iesu Kristo,” “Ministering as the Savior Does,” Gospel Library; “Inviting All to Come unto Christ: Sharing the Gospel” (video), Gospel Library.

4:30

Utu n 1830 tabun a korakai ma aekaki ni kangaanga ae a kaitara naba iai utu ni boong aikai. Tera te kairi ao berita ake e anga te Uea nakon Thomas B. Marsh ibukiia ana utu n Reirei ao Berita aika Tabu 31? (taraa riki kiibu 1–2, 5–6, 9, 13). E na kanga Ana taeka ni buokiko i nanon reitakim ma am utu?

Ibukin te rongorongo riki iaon Thomas B. Marsh, taraa Saints,, 1:79–80, 119–20.

Kamatebwaian aron maiuia aomata aika a kabwarabwaraaki i nanon Reirei ao Berita aika Tabu 32–33; 35 e kona n buokiko n kinaa bwa e kanga ni katauraoiko te Uea nakon Ana mwakuri. Te katooto, ko kona ni wareka te reitaki i marenan Parley P. Pratt ao Sidney Rigdon inanon “Voices of the Restoration: Early Converts.” E kanga te reitaki aei ni kakabwaiaia natin te Atua? (taraa Reirei ao Berita aika Tabu 35).

Aio teuana te katooto: Ezra Thayer e koroia bwa tabeua te tai imwain ae bwabetitoaki, ao e karekea te mii ni burabeti are “e roko iai te mwaane ao ni uotia nakoiu te ninira ni beeba ao ni kaotia nakoiu, ao te turambete naba ao e tuangai bwa N na [katangnga]. I tuangnga bwa I tuai man [kakatangitang] i nanon maiu. E taku ko kona ni [katangnga], kataia. … E karaoa tangina ae moan te kabanea n tamaroa ae I tuai man ongongo mai i mwaina” (“Revelation, October 1830–B, Revelation Book 1,” historical introduction, josephsmithpapers.org). Ngke e karekea te kaotioti i mwiina Iotebwa Timiti ibukin Ezra Thayer ao Northrop Sweet, ae e koreaki ngkai bwa Reirei ao Berita aika Tabu 33, e kabwarabwara Ezra bwa bon te niira ni beeba are noria ni miina. E kanga te Uea ni katauraoa Ezra ibukin te mwakuri are E anganna n Reirei ao Berita aika Tabu 33:1–13?

Tera te bwai ni kakoaua ae ko nooria bwa e mena bain te Uea i nanon maiuia membwa aikai aika kaain te Ekaretia ngkoa? Antai ae E katukua te Uea i nanon maium bwa ko na buokia n roko nakon Kristo? E kanga Ngaia ni katauraoiko ni kakabwaiaia tabeman rinanon am kakaonimaki, tangira, ao kakao?

Taraa naba “A Mission to the Lamanites,” in Revelations in Context, 45–49.

Reirei ao Berita aika Tabu 33 e bon karekeaki nakoia Northrop Sweet ao Ezra Thayer, uoman membwa ae kaain te Ekaretia. E kitana te Ekaretia Northrop tabeua te tai i mwin karekean te kaotioti aei. E nanomatoa ni beku Ezra tabeua te tai, ma e a manga bon bwaka naba. Warekan rongorongoia n te mwakoro aei tao e na kauka nanom ni iangoia bwa matoara ngkoe ni kateaki “i aon [te] bwaa” (kibu 13) n te euangkerio. Tera koaua i nanon te kiibu aikai ae a na kona ni buokiko n tiku n onimaki nakon te Tia Kamaiu?

Taraa naba Ereman 5:12.

• E na bae ni kakukurei irouia am ataei bwa a na kataia ni karaoi bwaai aika uoua n te tai ae ti teuana, n aron kamatenanoan taekan te kuna ae mamaten nanoia ngkai a tabe ni korei araia ni kabane aia utu. Bukin tera ngkai e kangaanga karaoan uoua te bwai n te tai naba anne? Kam kona ngkanne ni uaia ni wareka Reirei ao Berita aika Tabu 30:1–2 . Tera tabeua “bwain te aonaaba” are e kona ni katabetabeira man ururingakin Iesu Kristo ao Ana euangkerio? Ti na kanga ni kabotoa ara taratara Iaona?

• Ni buokiia am ataei ni mataata i aon Reirei ao Berita aika Tabu 33:8–10, ko kona ni kaoiia bwa a na taekin kiibu n taeka ni kainii wiia ngkai ngkoe ao am ataei ake tabeman kam kataia ni ketina are a taekinna. Wareka kiibu 8–10 ao kaoiia bwa a na kauki wiia ni katoa te tai are a ongo te kibuntaeka “kaurei wiimi. Bukin tera ngkai e tangirira Tamara are i Karawa bwa ti na kaurei wiira ao n tibwaua te euangkerio ma tabeman? Tera ae ti kona n tuangiia ara utu ao raoraora i aon te Tia Kamaiu ke Ana euangkerio? Kam kona naba n anenea te kuna iaon tibwaan te euangkerio, n aron “We’ll Bring the World His Truth” (Aia Boki n Anene Ataei,, 172–73).

• Iangoia n tibwaa te taneiai are ko a tia n rinanona ni irekereke nakon te tua ke berita n Reirei ao Berita aika Tabu 30–34. Tera ae ko reiakinna ke n namakinna iroun te Tia Kamaiu ao Ana mwakuri ngkai ko beku Ibukina?

• Ko kona ni kairiia am ataei nako tinaniku n noora aan te kateitei n aia auti ke kateitein te Ekaretia ao tuangiia bwa a na kabwarabwaraa. Bukin tera ngkai te kateitei e kainnanoa aana ae e korakora, ma ni matoatoa? Wareware ma ngaia n Reirei ao Berita aika Tabu 33:12–13, ao tibwaia i marenami ami namakin bwa bukin tera te Uea e tangiriira bwa ti na katea maiura iaon Ana euangkerio. Bukin tera te “bwaa” te taeka ae raoiroi ibukin kabwarabwaraan te euangkerio? Ti na kanga ni katea maiura iaon bwaan te euangkerio? (taraa naba Mataio 7:24–29).