Reirei ao Berita aika Tabu 27–28

A babetitoaki Sally Knight ao Emma Smith n Tuun 1830, ma e kamangaoaki kamatoakiia irouia taan kamangao. Uoua te namwakaina i mwiina, Sally ao kainabana, Newel, a kawara Emma ao Iotebwa, ao e motikaki bwa te kamatoa e na karaoaki ngkai ao kaain te kurubu a na kona n anaa te toa n ikotaki. Inanon kawaina n nako ni karekea te wain ibukin te toa, e kateaki Iotebwa iroun te anera.

Wareka Reirei ao Berita aika Tabu 27:1–4 ni kakaea bwa tera ae e reireinna te anera iaon te toa. Tera ae a reireiniko kiibu aikai bwa e kanga arom ae tangiriko iai te Tia Kamaiu n tauraoi nakon te toa? Tera n am iango ae nanonaki n anaia “ni mata teuana nakon mimitongi[Na]”? Iangoa aei—ao tarai nonori riki ake tabeua iaon te toa—ngkai ko wareka Ruka 22:19–20 ao 3 Nibwaai 18:1–11. (Taraa naba te witeo “The Last Supper,” “Jesus Christ Blesses Bread in Remembrance of Him,” and “Jesus Christ Blesses Wine in Remembrance of Him,” Gospel Library).

6:12

4:24

2:28

N reiakina aron karaoan te toa bwa te taneiai n nebonebo ae uaana, iangoia ni kamatebwaia ana rongorongo Unimwaan D. Todd Christofferson “The Living Bread Which Came Down from Heaven” (Riaona, Nobembwa 2017, 36–39). Tera ae e reirei iaona Unimwaane Christofferson are e kona ni buokiko n reitaki nakon te Tia Kamaiu rinanon te toa? Iangoia inanom tera a ko kona ni karaoia ni katamaroa am katauraoi n anaa kanikinaean ana Mwakuri ni Kamaiu te Tia Kamaiu ao n taua ma te karinerine ke ni iai bukina.

Iangoia n anene, ongora nakon, ke wareka anenen te toa, n aron “As Now We Take the Sacrament” (Anene n Taromauri, nambwa 169), ao korea mwiin am namakin i aon iran te otenanti ae tabu aei.

Taraa naba Reirei ao Berita aika Tabu 20:77, 79; 59:9–13; Topics and Questions, “Sacrament,” Gospel Library; “Obtaining and Retaining a Remission of Sins through Ordinances,” in David A. Bednar, “Always Retain a Remission of Your Sins,” Riaona, Meei 2016, 60–62.

15:20

Tera ae ko ataia iaoia burabeti ake a taekinaki inanon kiibu aikai? Ko kona n ukorii rongorongoia inanon Bwai ni Kairi nakon Koroboki aika Tabu. Tera taian kakabwaia aika a tia n tauraoi ibukim rinanon taian kiing ake a tauii burabeti aikai?

E taku Beretitenti M. Russell Ballard: “Bon akea te bwai ae e korakora ao n rine ae ti kona ni karaoia n katauraoira ni namwakaina tamneira. Koauan mwaakan te maiu n tamnei a reke inanon mwakuri aika a uarereke aika a bootaki n ikotaki n riki ni kamatoatoa te oo ni maiu n tamnei are e totoko ao ni kamanoko man baika a bubuaka ni kabane” (“Be Strong in the Lord,” Ensign, Turai 2004, 8).

Ngkai ko reiakina taekan ana bwai ni buaka te Atua n Reirei ao Berita aika Tabu 27:15–18, ko kona ni karaoa te taibora n aron aio. Tera ae ko karaoia ni katokai i aom Ana bwai ni buaka te Atua teuana i mwin teuana?

Taraa naba Ebeto 6:11–18; Jorge F. Zeballos, “Building a Life Resistant to the Adversary,” Riaona, Nobembwa 2022, 50–52.

Iangoia bwa tera ae e na riki ngke arona bwa ngaira n tatabemaniira ti kona ni karekea te tua ao te kaotioti ibukin te Ekaretia ni kabane. Ngke e taekinna Hiram Page bwa e karekei kaotioti, a rawata kaain te Ekaretia aika a mangaongao iai. N Reirei ao Berita aika Tabu 28, te Uea e kaota aron te waaki ibukin te kaotioti inanon Ana Ekaretia. Tera ae ko reiakinna man te mwakoro aei n aron tibwangan te Beretitenti n te Ekaretia ae e onoti? Tera ae ko reiakinna bwa E kanga te Atua ni kairiko?

Taraa naba Dale G Renlund, “A Framework for Personal Revelation,” Riaona, Nobembwa 2022, 16–19.

Teuana te kantaninga n Ana Boki Moomon bwa “aonga taian Reimwanaite ni karekea ataakin taekan tamaia, ao n atai ana berita te Uea”.(Reirei ao Berita aika Tabu 3:20). Aio are bon titebo ma te berita are e karaoia te Uea nakoia burabeti n Ana Boki Moomon (ibukin te katooto, taraa, 1 Nibwaai 13:34–41; Enoti 1:11–18; Ereman 15:12–13). Membwa n te Ekaretia rimoa a taraiia taian Inria n Amerika bwa te riki mai irouia aomata n Ana Boki Moomon. (Ana reke raoi te Ekaretia n te tai aei bwa Reimwanaite “bon ngaiia te korakina mai buakoia aia bakatibu Inria ake i Amerika” [kabwarabwara nakon Ana Boki Moomon].)

Ni wareka riki ae mwaiti ibukin ana mition Oliver Cowdery nakoia Inria n Amerika ake a kaan, taraa “A Mission to the Lamanites,” Revelations in Context, 45–49. E kanga te mition aio n reireiniko taekan te Uea ao Ana mwakuri?

• A kona ni miimii ataei bwa bukin tera ti kabongana te ran n te toa ngke Iesu e kabongana te wain (taraa Ruka 22: 19–20; 3 Nibwaai 18:1–11). Kam kona n uaia ni wareka Reirei ao Berita aika Tabu 27:1–2 ao ni maroroakinna bwa tera ae nanonaki n anaa te toa “ma te mata teuana nakon mimitongin te [Atua]” (kibu 2). Tera ae ti kona ni karaoia ni kabotoa ara iango i aon te Tia Kamaiu ngkana ti anaa te toa?

• Tao karekean tamnei, kiibu man koroboki aika tabu, ke taekan te anene i aon te Tia Kamaiu e kona ni buokiia ataei n uringa Iesu ngkana a anaa te toa. A na bae ni kukurei ni karaoa te boki ae uarereke ma tabeua tamnei aikai, kiibu, ao taekan anene. A kona ni korea oin aia tamnei ke kakaei tabeua i nanon te Rao maekatiin.

• Ko kona ni kaotia nakoia am ataei tamnein te bwai ni buaka n aron teuana ae n te kabwarabwara aei ke iaon te iteraniba n te waaki ni kakukurei n te kabwarabwara ibukin I-Ebeto i nanon Nakomai, Iriirai—Ibukin te Moanrinan: Nu Tetemanti 2023. Ngkai ko wareka Reirei ao Berita aika Tabu 27: 15–18, buokiia bwa a na kunei mwakoro ni bwai ni buaka n te tamnei. E na kanga ana bwai ni buaka te Atua ni buokiira ni “kaitara te bong ae buakaka”? (kibu 15).

• Ngkana a mwaiti am ataei, ko na bae ni kaoiia bwa a na takakarona “iriira te tia kairiiri,” ma tuangiia uoman ke e mwaiti riki ataei bwa a na riki bwa taan kairiiri n te tai ae ti teuana. Tera ae riki ngkana e mwaiti iaon temanna te tia kairiiri? Ko kona ngkanne n reiakina taekan Hiram Page (taraa “Mwakoro 14: Te Burabeti ao Kaotioti ibukin te Ekaretia” n Karaki man Reirei ao Berita aika Tabu, 56–57, ke te witeo ae e irekereke ma ngaia n te Gospel Library; ke atuun te mwakoro n Reirei ao Berita aika Tabu 28). E kanga Tamara are i Karawa ni kaetii mangaongao irouia kaain te Ekaretia ake ngkoa? E kanga ni kaira te Ekaretia ni boong aikai? (taraa Reirei ao Berita aika Tabu 28:2). Tibwa am koaua bwa te burabeti ae ngkai e weteaki iroun te Uea ni kaira Ana Ekaretia inanon ara bong.

  

  1:21

• Ngkai kaotioti ibukin te Ekaretia a na aki toki ni karekeaki rinanon te burabeti, ti bane ni kona ni kairaki iroun te Tamnei ae Raoiroi. Ko kona ni buokiia am ataei ni kakaei koroboki aika tabu aikai ao korei ni karinani kawai ae e kona iai te Tamnei ae Raoiroi ni kairiira: Reirei ao Berita aika Tabu 28:1, 4, 15; Ioane 14:26; Moronaai 8:26; 10:4–5. Tibwatibwa imarenami bwa kam kanga n tia ni kairaki iroun te Tamnei ae Raoiroi.