Reirei ao Berita aika Tabu 18

N mwakoro 18, e anga te kaetieti te Uea nakon Oliver Cowdery bwa e na buoka kawenean aan ana Ekaretia Iesu Kristo. Tera ae ko nooria ibukin te reirei are E anga—riki i nanon kiibu 1–5? Ko kona ni baireia bwa e kanga te reirei naba aei n kaineti nakoim ngkai ko “katea” am onimaki iroun Kristo. Ibukin te katooto:

• Tera ae ko “tangiria n kan ataia” mairoun te Uea? (kibu 1).

• Tera nanon aei iroum bwa ko na “onimakini bwaai ake a koreaki”? (kiibu 3). E kanga te tamnei “ni kaotia nakoim” bwa a bon koaua bwaai aikai? (kibu 2; taraa naba Reirei ao Berita aika Tabu 6:22–24).

• Ko kanga ni katea maium i aon “aan ana euangkerio [te tia kamaiu] ao [Ana] bwa”? (kibu 5).

Ti na kanga ni bairea taun te bwai teuana? Te katooto, bukin tera e bobuaka riki teuana te bwai n te mwaakete nakon are teuana? Ngkai ko wareka mwakoro 18 n te wiiki aei, riki kiibu 10–13, ko kona ni kabotaua bwa a kanga aomata n taainako ni bairea ae kakawaki ma tera kakawakin te aomata i matan te Atua. Iangoia n onea mwiin te taeka ae “te aomata,” “aomata,” ao “aomata ni kabaneia aomata n aram.” A na kanga kiibu aikai ni buoka temanna ae nanououa n tauna iroun teuanne ke neienne?

Aikai tabeua karaki ake a reireia taekan taun te aomata: Ruka 15:1–10; Ioane 3:16–17; 2 Nibwaai 26:24–28; Mote 1:39. Man karaki aikai, ko na kanga n taekina aron ana namakin te Atua i bukim? Ko kona naba n rinanon ana rongorongo Unimwaane Dieter F. Uchtdorf “You Matter to Him” (Riaona, Nobembwa. 2011, 19–22) ni kakaei taeka ao mwakoro n taeka are a na buokiko n ataa riki taekan taun arom iroun te Atua.

E kanga te Atua ni kaotia nakoim bwa e rangi ni korakora kakawakim Irouna? E kanga aei n roota aron am namakin ibukim ao tabeman?

Taraa naba Joy D. Jones, “Value beyond Measure,” Riaona, Nobembwa. 2017, 13–15; Atuun Rongorong ao Titiraki, “Children of God,” Gospel Library.

Nooria bwa mwaitira okiokin taeka n aron raira n nano ao rairannano ni kabonganaaki ni kabutaa Reirei ao Berita aika Tabu 18. Iangoia raoi bwa tera ae ko reiakinna man taeka aikai ni katoaa te tai are a kabonganaaki. Iangoi riki kiibu 11–16. A kangaa kiibu aikai n roota am namakin iaon te rairanano—oin am rairanano ao te beku ni kaoiia aomata bwa a na rairinanoia ao n katamaroaia riki? Ai te kawai teuana ni taua mwiin are ko reiakinna: karinanii tabeua kawai n kabwanina te kibuntaeka ae “Rairannano bon .”

Taraa naba Aramwa 36:18–21; Kairi nakon Koroboki aika Tabu, “Repentance,” Gspel Library; Dale G. Renlund, “Repentance: A Joyful Choice,” Riaona, Nobembwa. 2016, 121–24.

Ngkai ko wareki kiibu 14–16, iangoia raoi bwa tera nanon ae ko na “takaarua te rairannano”—ao bukin tera e uota te kimwareirei. Tera kawai tebeua ake ko kuneai ni buokia aomata bwa a na roko nakon te tia Kamaiu ao ni karekea kabwaraan aia bure? A kanga tabeman ni karaoa anne ibukim?

Taraa naba Craig C. Christensen, “Akea Riki te Bwai ae E Rianako ma ni Karewerewe n Ai Aron Kimwareireiu,” Riaona, Meei 2023, 45–47.

Ngkana iai ae titirakiniko bwa tera aekakin bwanaan te Uea, tera am taeka? Iangoa te titiraki aei ngkana ko wareka Reirei ao Berita aika Tabu 18:34–36. Tera ae ko reiakinna n bwanaan te Uea man warekan Reirei ao Berita aika Tabu? Tera ae ko kona ni karaoia ni karekei kairi mairoun te tamnei?

Taraa naba “As I Search the Holy Scriptures,” Boki n Anene n Taromauri, nambwa. 277.

• Ngkai ko wareware ma am ataei n Reirei ao Berita aika Tabu 18:10–13, onea mwiin araia n tatabemaniia n onea mwiin taeka aika “te aomata,” “taian aomata,” ao“aomata ni kabaneia.” Ko kona ngkanne n marooroia bwa a kanga kiibu aikai ni buokiira bwa ti na mataata n ana namakin Tamara are i Karawa ibukira.

• Ko kona naba n tuangiia am ataei ibukin bwaai ake a kakawaki irouia aomata. Ke ko kona n kaotia nakoia te bwai teuana ae kakawaki nakoim. Ti na kanga n tararuai bwaai ake a kakawaki iroura? I mwiina tuangiia bwa a na kaai n karuoruo n taraa te kiraati. Ngkana a karaoia, tuangiia n tatabemaniia bwa ngaiia natin te Atua ao a korakora kakawakiia. Ti na kanga ni kaotia nakoia aomata bwa “kakawakin tamnei[ia] e rangi ni kakawaki” n ara taratara?

• Ni katuruturuana bwa a bane ni korakora kakawakiia aomata ni kabane iroun Tamara are i Karawa, a kona am ataei n taraa te tamnei n tokin te kabwarabwara aei ngkai ko wareka Reirei ao Berita aika Tabu 18:10–13. Bootaki n anenea te anene n aron “Every Star Is Different” (Aia Boki n Anene Ataei, 142–43) e kona ni kakorakora te kaantaninga aei.

• Bwa ko na kaungaia am ataei n tibwaua ana euangkerio Iesu Kristo, ko kona n marooro ma ngaia n tatabemaniia taekan ake ko rinanona ngke ko kunea te bwai ae ko tangiria n tibwaia ma raoraom ke am utu. Bukin tera ko tangiria n tibwaia, ao tera am namakin n tibwaakina? I mwiina ko kona ni wareka Reirei ao Berita aika Tabu 18:13, 16. Tera ae uota te kimwareirei nakon te Uea? Tera ae E taku bwa e na uota te kukurei nakoira? Ko kona n marorooia ma am ataei taekan te taneiai are ko a tia n tibwaua kimwareirein ana euangkerio te Tia Kamaiu.

• Te anene ibukin tibwaakin te euangekerio, n aron “I Want to Be a Missionary Now” (Aia Boki n Anene Ataei, 168), e kona ni buokiia am ataei ni iangoi kawai are a konaa iai n tibwa te euangkerio.

• A kona ni unga am ataei n te takakaro ike ana kataia iai n kunei bwanaia aomata aika a kakaokoro, n aroia kaain te utu, rao, ke mataniwi n te Ekaretia. Ti na kanga ni kinai bwanaara ni kabane? Ti na kanga ni kinaa bwanaan te Uea? Kam kona n bootaki wareka Reirei ao Berita aika Tabu 18:34–36 ni maroroakina te titiraki aei. Ko kona naba n tibwaia i marenami bwa kam kanga n ongo bwanaan te Uea i nanon koroboki aika a tabu.