Reirei ao Berita aika Tabu 19

E kabwarabwara Iotebwa Timiti bwa te kaotioti i nanon te mwakoro 19 bon “te tua … nakon Martin Harris, are e kaotaki iroun teuare ngaia ae Akea Tokina” (atuun te mwakoro). Ukori taabo i nanon kiibu 1–12 ike e katuruturua iai arona ae Akea tokina te Uea. Bukin tera n am iango bwa e rangi ni kakawaki ibukin Martin Harris bwa e na ataa aio ibukin te Uea? Bukin tera e kakaawaki ibukim bwa ko na ataa aei?

Bukin tera n am iango ngkai e atongaki Iesu Kristo bwa “te moan ao te kabane”? (kibu 1).

E kabwarabwara korakain te tia Kamaiu i KetetemwaneTe Nu Tetemanti man aia taratara te koraki ake a nooria. N Reirei ao Berita aika Tabu 19:15–20, e taekina aron Korakaina Iesu Kristo n Oin ana taratara . Ngkai ko wareka te rongorongo ae tabu aei, taraia bwa e kanga aron te tia Kamaiu ni kabwarabwara Korakaina. Iangoia bwa tera ae e reireiniko taeka n tatabeua ke kibuntaeka aikai. Bukin tera e anga nanona te Tia Kamaiu bwa e na korakai? Ko kona ni kunea riki ae bati n Ioane 15:13; Motiaea 3:7; Aramwa 7:11–12; Reirei ao Berita aika Tabu 18:10–13.

E kona ni karokoi titiraki n aron aikai namakin ake a reke iroum ngke ko kamatebwaia korakain te Tia Kamaiu: Bukin tera e na korakai te Tia Kamaiu ibukin au bure? Bukin tera N na kainanoa rairan nanou bwa I aonga ni karekea taian kakabwaia aika a bwanin man uaan Ana anga karea? Ko kona ni kunei atatai ibukin titiraki aikai ao tabeua riki n ana rongorongo Unimwaane Ulisses Soares“Iesu Kristo: Te Tia Tararua Tamneira” (Riaona, Meei 2021, 82–84). Ngkana ko kamatebwai, tera taian namakin aika a roko n am iango? Iangoia ni korea mwiin am namakin ibukin Iesu Kristo ao Ana Mwakuri ni Kamaiu ibukim.

Ni mwakoron am kamatebwai ao am nebonebo, ko kona n kakaea te anene n te boki n anene n taromauri are ko kona n ongora nako iai ke n anenea are e kaota kukurein nanom am kakaitau nakon tia Kamaiu ibukin Korakaina ibukim. “I Stand All Amazed” (Boki n Anene n Taromauri, nambwa. 193) bon te katooto ae tamaroa.

Tera ae ko namakinna bwa a tangiraa bwa ko na karaoia Tamara are i Karawa ao Iesu Kristo i mwiin karaoan am namakin ao am kamatebwai?

Taraa naba “E na buokiko Iesu Kristo,” Ibukin Kakorakoraia Kairake: Te Kairi ibukin Karaoan Rinerine (2022), 6–9; Atuun Rongorongo ao Titiraki, “Atonement of Jesus Christ,” “Repentance,” Gospel Library; D. Todd Christofferson, “The Divine Gift of Repentance,” Riaona, Nobembwa. 2011, 38–41; “Jesus Suffers in Gethsemane” (witeo), Gospel Library.

8:48

Iangoa ana kakao te Tia Kamaiu “Reireia taekau.” Tera ae ko reiakinna ibukin Iesu Kristo n Reirei ao Berita aika Tabu 19? Korei am iango, ao iangoia raoi bwa a kanga ni buokiko ni karekea te rau koaua aikai i aon te Tia Kamaiu. Tera nanon aio iroum n “nakonako ma te nimamannei n Tamnei[na]”?

Taraa naba Henry B. Eyring, “Karekean te Rau bon Ibukim,” Riaona, Meei 2023, 29–31; “Peace in Christ” (witeo), Gospel Library.

4:10

E aki rangi ni kabooaki ana Boki Moomon i Palmyra. N tokina, e a kabonakoa mwakoron abana n ununiki man maniman Martin Harris ni kaitiaka te tarau ibukin te burinta.(taraa “The Contributions of Martin Harris,” i nanon Revelations in Context, 7–8). Iangoa ana anga nano Martin—ao kakabwaia ae karekei ibukin anne—ngkai ko wareka Reirei ao Berita aika Tabu 19:26–41. Ko riai n iangoia naba bwa tera ae E tuangko te Uea bwa ko na anga nano iai. Tera ae ko kunei i nanon kiibu aikai ae kaungako bwa ko na karaoi anga nano aikai ma “te kimwareirei” ao “te kukurei”? (taraa naba kiibu 15–20).

• Ko kona ni buokiia am ataei bwa a na namakina te rau ao te kakaitau ibukin te tia Kamaiu man bootakiia ni wareka Reirei ao Berita aika Tabu 19:16–19 ke “Mwakoro 51: Jesus Suffers in the Garden of Gethsemane,” i nanon New Testament Stories, 129–32, or the corresponding video in Gospel Library. Baireia bwa kam na toki teutana ao ni kakoaua bwa a mataata am ataei ao ni kariaia bwa ana kaota aia namakin. Te katooto, n te kibu 16, tera “bwaai aikai” ake e korakai iai Iesu ibukira? (taraa Motiaea 3:7; Aramwa 7:11–12). Tera ae ti reiakinna man Ana kabwarabwara n Korakaina? Ti na kanga ni kaota ara kakaitau ibukin te bwai are E karaoia ibukira?

1:47

• Ko kona ngke ma am ataei n noora te Anene n Taromauri ke Aia Boki n anene ataei ibukin anene are na buokiia ni kabwarabwara aia namakin ibukin Iesu Kristo (taraa taekana n te intekiti ni booki aikai).

• Te korakai ibukin ara bure e bon rangi ni matoatoa karaoana, ma e anga nanona Iesu Kristo bwa e na karaoia n ongotaeka nakon Tamana ao ni kaota Ana tangira Ibukina ao ibukira. Kam kona n kaai n taraa tamnein Iesu Kristo ngke e korakai i Ketetemwane (n ai aroia ake a kaotaki ikai) ao n titirakiniia am ataei bwa a na tuangko bwa tera bwaai ae ataia ake a riki n te tamnei. Kam kona n wareka Reirei ao Berita aika Tabu 19:18–19, 24 ni katuruturua bwa te korakai anne ibukin ara bure bon te kabanea ni kangaanga ae konaa ni karaoia temanna, ma ibukina bwa Iesu e tangira Tamana ao ngaira, E ongotaeka nakon nanon te Atua (taraa naba Motiaea 3:7). Tera bwaai aika a kangaanga ae tuangiira te Atua bwa ti na karaoia? Ti na kanga ni karekea te nanomatoa n ongotaeka Nakoina?

• Ko kona ni buokia am ataei ni iangoi mwakuri aika a beebete are e kona n airi ma mwakoro n taeka aika i nanon Reirei ao Berita aika Tabu 19:23. Wareka te kibu ni kabatiaa taina ngkai ngaiia ana karaoa mwakuriana. Tera kawai tabeua ae ti kona ni reiakina iai Kristo ao n ongora nakon Ana taeka?

• Ko kona ni kaairuoruo ma am ataei n taua katotoon ana Boki Moomon ao n tibwa te bwai ae ko tangiria iai. Taekinna ni kakimototoa aron ana anga karea Martin Harris bwa e aonga ni konaa ni boretiaki Ana Boki Moomon (taraa Karaki man Reirei ao Berita aika Tabu,, 33). Tera are taku te Uea nakon Martin i nanon Reirei ao Berita aika Tabu 19:38 are na kona ni buokia bwa e na kakaonimaki ao n ongeaba? Buokiia am ataei ni iangoi bwaai aika kona n anga bwa a na ongeaba nakon te Atua ke n ibuobuoki n Ana mwakuri.