Reirei ao Berita aika Tabu 23–26

Te kaotioti i nanon Reirei ao Berita aika Tabu 24 e anga bwa e na “kakorakora, kaungaa, ao n reireina” Iotebwa ao Oliver Cowdery n tain te kataaki (atuun te mwakoro; taraa naba Saints, 1:94–96). Kakaei taeka i nanon Reirei ao Berita aika Tabu 24 aika ko namakin bwa a tia n anganiia kakorakorakiia ao kaungakiia.

Tera ae anganiko kiibu aikai bwa e kanga te Tia Kamaiu ni buokiko n am kangaanga?

Reirei ao Berita aika Tabu 24:1–3

Reirei ao Berita aika Tabu 24:8

Reirei ao Berita aika Tabu 121:7–8

Itaia 40:28–31

Motiaea 24:14–15

Ngkai e tabe n noora Kaokan Bwaai Emma Timiti rinanon kainabana, Iotebwa Timiti, tao e na bae ni iango bwa ai tera mwiokoana. Kakaei kaekaan titiraki aika e katauraoi te Uea i nanon Reirei ao Berita aika Tabu 25. Iai te bwai ae ko kunei i nanon te mwakoro aei ae ko namakinna bwa “bwana[na nakoim]”? (kibu 16).

Taraa naba “An Elect Lady” (video), Gospel Library; “Thou Art an Elect Lady,” in Revelations in Context, 33–39; Joy D. Jones, “Te Nakoa ae te Kabanea ni Kakannato,” Riaona, Meei 2020, 15–18.

5:15

Tera ae nanonaki n te kibuntaeka ae “te nano ae nimamannei” iroum? Iangoia ni kakaea i nanon mwakoro 25 taeka ao kibuntaeka ake a na buokiko ni kamatatako bwa tera ae nanonaki bwa ko na nimamannei. N ana rongorongo Unimwaane David A. Bednar “Meek and Lowly of Heart” e kona naba n ibuobuoki (Riaona, Meei 2018, 30–33). E kanga Iesu Kristo n riki bwa te banna ni katooto n te nimamannei nakoim? (taraa Mataio 11:28–30). Iangoi bwaai i nanon maium ae ko kona ni karaoi n “te nano ae nimamannei.”

Ngkai ko iangoa ana reirei te Uea i nanon Reirei ao Berita aika Tabu 25:10, e na ibuobuoki karaoan rinanin “bwain te aonaaba aei” are E tangiriko bwa ko na “katikui.” I mwiina ko kona ni korei rinanin “bwaai aika tamaroa n te [aonaaba]” ae E tangiria bwa ko na ukori. Ko na bae n rinea tao teuana te bwai man te moan ni karinan are ko na katikui ao teuana man te kauoua n rinan ake ko na ukori.

E a tia n anga te reirei Beretitenti Russell M. Nelson ao ni berita i aon “[katukan] bwain te aonaaba aei aika mwaiti.” Noria iaon te iteraniba 77 n ana rongorongo “Kakabwaia n te Tamnei” (Riaona, Nob. 2019). Ko na kanga ni iriira ana reirei?

Ngkai ko wareka te kibu 13, iangoi berita ake ko a tia ni karaoi ma Tamara are i Karawa ao Iesu Kristo. Tera ae nanonaki ni “kawakinan” berita aikai? E kangaa am berita ni buokiko ni “katikui bwain te aonaba aei, ao ukoukori bwaai aika a raoiroi riki.”?

Aikai tabeua riki kiibu ake a na kona ni buokiko n ataa te kaokoro i marenan “bwain te aonaaba aei” ao “bwaai aika a tamaroa riki”: Mataio 6:19, 21, 25–34; Ruka 10:39–42; 2 Nibwaai 9:51.

Tarai naba Topics and Questions, “Sacrifice,” Gospel Library.

Tera tabeua am “anen[e man te nano]”—anene ake a kaota am namakin iaon Tamara are i Karawa ao Iesu Kristo? Iangoia n anenea ke n ongora nakon anene tabeua. Tera i nanon anene aikai ae a karikiia bwa a na okoro nakoim?

Ko kona naba n iangoia bwa a kanga anene n taromauri aikai bwa ai aron te tataro. Tera ae a titebo iai anene aika tabu ao te tataro? E kanga am anene ae tabu ni “kaekaaki ma te kakabwaia”?

Taraa naba “Oh, What Songs of the Heart,” Anene n Taromauri, nambwa 286.

Te kibu n taeka “boutoka ae tabangaki” n te kibu aio e kananonaaki ni karaoan kateani baira ni kaota ae ti kamatoaa ao ni boutokaa te aomata are e karekea te wewete ke anganakina te nakoanibonga. Ko na kanga ni kabwarabwaraa nakon te aomata ae e roko ni bootakin te Ekaretia te bwai ae nanonaki ngkana ti kamatoaa temanna? Tera te kaeka ae ko kunea n ana rongorongo Beretienti Henry B. Eyring “Te Korakora n te Kamatoa ae Onimaki”? (Riaona, Meei 2019, 58–60).

• N reiakin tabeua karawawata ke kakaewenako ake e kaitarai Iotebwa Timiti ao Aika Itiaki ngkoa, ko kona ni wareka “Mwakoro 11: Angiia Aomata A Kaaina te Ekaretia,” inanon Karaki man Reirei ao Berita aika Tabu, 46–47, ke te witeo ae e irekereke n te Gospel Library. Ngkanne ngkoe ao am ataei kam kona ni kunea bwa tera ae e taekinna te Uea nakon Iotebwa i aon karawawatakina n Reirei ao Berita aika Tabu 24:1, 8. Ko kona naba n tibwaia i marenami bwa e kanga ni buokiko te Uea n am tai ni karawawataaki.

  

  1:52

• N reiakinna bwa tera ae nanonaki n “taotaonaki n nano n [ara] kangaanga,” ngkoe ao am ataei kam kona ni manga karaoa te taneiai n te witeo “Continue in Patience” (Gospel Library). Teraa ae e reireiniira Reirei ao Berita aika Tabu 24:8 i aon te taotaonaki n nano? E kanga te Tia Kamaiu ni kaongoira bwa E mena “i [roura]” n ara tai ni karawawataaki?

  

  2:42

• I mwiin warekan Reirei ao Berita aika Tabu 25:12, ko kona ni marooro i marenami i aon mamaten nanomi man anene n taromauri ke kunan te Ekaretia—are “anene man te nano”—ao uaia n anenei. Tibwatibwa i marenami bwa bukin tera ko tangirii anene aikai. E aera te Uea e kukurei ngkana ti anenei anene aikai? A kanga ara anene aikai n riki bwa kanga ai aron “te tataro nakon [te Atua]”?

• Ni mataata raoi bwa tera ae nanonaki ni “kawakini berita” (Reirei ao Berita aika Tabu 25:13), a kona am ataei ni ikaruoruo n taua ni kamatoa te bwai teuana. I mwiina ngkoe ma am ataei kam kona ni marooro bwa ko kanga n “tinea” ke n taua ni kamatoa am berita. Ngkana e kainnanoaki, rinanoia ma am ataei taian berita ake ti karaoi (taraa Motiaea 18:8–10; Reirei ao Berita aika Tabu 20:37; ao te iteraniba n te waaki ni kakukurei n te wiiki aei).

• N anganiia am ataei kabwarabwaraan are e riki n Reirei ao Berita aika Tabu 25:13, ko na bae ni kaotia bwa aio te bwai ae te Uea e tuanga Emma Timiti imwiin raoi bwabetitoana. Bukin tera bwa e na tamaroa aio bwa te reirei ibukin temanna are e a tibwa bwabetitoaki?