Doktrin mo Ol Kavenan 29

Doktrin mo Ol Kavenan 29 i tijim plante trutok abaot plan ia blong God blong yu. Taem yu stap rid, lukaotem ol trutok we yu lanem abaot wanwan long olgeta pat ia blong plan ia blong Hem:

• Laef bifo laef long wol ia (luk long ol ves 36–37)

• Kriesen (luk long ol ves 31–33)

• Foldaon blong Adam mo Iv (luk long ol ves 40–41)

• Laef long wol ia (luk long ol ves 39, 42–45)

• Atonmen blong Jisas Kraes (luk long ol ves 1, 42–43, 46–50)

• Laef Bakegen long Ded (luk long ol ves 13, 26)

• Las Jajmen (luk long ol ves 12–13, 27–30)

?Wanem nao ol niu tingting we yu kasem? Sapos i helpem yu bigwan, yu save raetemdaon olgeta long ol spes we oli givim wetem ol pikja long en blong aotlaen ia. ?Olsem wanem nao ol trutok ia oli jenisim laef blong yu?

Luk tu long Topics and Questions, “Plan of Salvation,” Gospel Laebri.

Jisas Kraes i tokbaot wok blong karem ol pipol blong Hem oli kam wanples “olsem wan mama faol i stap karem i kam wan ples ol pikinini blong hem andanit long ol wing blong hem” (Doktrin mo Ol Kavenan 29:2 ?Wanem nao fasin ia blong komperem samting, i tijim yu abaot Jisas Kraes? ?Wanem nao sam moa tingting o filing we i kam long yu taem yu stadi long tingting ia blong wan mama faol mo ol pikinini blong hem long aotlaen ia? Tingting abaot olsem wanem yu bin filim Jisas Kraes i stap karem i kam tugeta mo stap protektem yu.

Taem yu ridim Doktrin mo Ol Kavenan 29:1–11, lukaotem ol niu tingting abaot:

• Huia nao bae oli karem olgeta i kam tugeta.

• Wanem i minim blong “kam tugeta” long Kraes.

• From wanem yumi kam tugeta long Hem.

Tingting hevi long from wanem yu wantem ol narafala pipol blong kam tugeta long Jisas Kraes. ?Wanem nao yu filim we i givim insperesen long yu blong mekem blong help?

Yu save askem yuwan ol semmak kwestin taem yu stap wajem vidio “A Witness of God” (Gospel Laebri) o stap ridim o lisin long wan hym abaot karem i kam tugeta, olsem “Israel, Israel, God Is Calling” (Hym, namba 7). ?Wanem nao yu filim we Lod i stap traem blong tijim long yu abaot wok blong Hem blong karem i kam tugeta?

2:40

Presiden Russell M. Nelson i bin talem: “Naoia, kam tugeta i stap tekem ples long wanwan nesen. Lod i talemaot wok blong stanemap Saeon long wanwan ples we Hem i bin givim long Ol Sent blong Hem oli bon i kam long hem mo gat sitisensip long hem” (“Kam Tugeta blong Isrel We I Seraot,” Liahona, Novemba 2006, 81). ?Olsem wanem nao blong stap kam tugeta long wei ia i helpem yumi blong “stap rere long saed blong evri samting” from Seken Kaming blong Sevya? (ves 8; luk tu long ol ves 14–28).

Luk tu long Russell M. Nelson mo Wendy W. Nelson, “Hope of Israel” (worldwide youth devotional, June 3, 2018), Gospel Laebri; D. Todd Christofferson, “Doktrin blong Stap Pat,” Liahona, Novemba 2022, 53–56; Topics and Questions, “Gathering of Israel,” Gospel Laebri.

Taem yu stadi long Doktrin mo Ol Kavenan 29:31–35, askem yuwan, ?Long wanem wei o tingting, we i mekem se evri komanmen oli long saed blong spirit?” Maet yu save mekem lis blong sam komanmen mo tingting long ol trutok long saed blong spirit we i go wetem wanwan long olgeta. Luklukbak long Blong Ol Yut Oli Kam Strong: Wan Gaed Buk blong Stap Mekem Ol Joes bae i save help bigwan—hem i tijim sam long ol trutok we i no save finis, folem wetem sam long ol komanmen blong God.

?Olsem wanem nao, blong save se “evri samting … oli long saed blong spirit” i jenisim wei we yu tingting long ol komanmen blong God? Tingting blong stap lukaotem mining long saed blong spirit o stamba tingting long ol narafala pat blong laef blong yu tu.

Luk tu long 2 Nifae 9:39.

?Olsem wanem nao yu save yusum Doktrin mo Ol Kavenan 29:36–50 blong eksplenem from wanem yumi nidim fasin blong pemaot man tru long Jisas Kraes?

Foldaon blong Adam mo Iv i tekem ded mo sin i kam insaed long wol, be hemia tu i mekem rere wei blong fasin blong pemaot man mo glad we i kam tru long Kraes. Wetem tingting ia long maen, ridim ol ves 39–43 mo tekem not long ol toktok mo ol sentens we i givim glad long yu. ?Wanem nao i tajem hat blong yu abaot wanem we Adam mo Iv bin talem abaot Foldaon long Moses 5:10–12?

Luk tu long (vidio) “Why We Need a Savior”, Gospel Laebri.

2:15

• Blong statem wan storian abaot plan ia we Papa long Heven i gat long yumi, yu mo ol pikinini blong yu, yufala i save tokbaot wan taem we yufala i mekem wan plan, olsem blong wan trip o blong stap mekem wan wok i hapen. Yu save serem ol eksampol blong ol plan ia, olsem wan kalenda wetem ol aktiviti we oli raetem long hem, o ol instraksen blong mekem wan samting. ?From wanem ol plan oli gat gudfala yus? Afta, yufala i save tokbaot wanem we Papa long Heven i wantem blong mekem i hapen mo olsem wanem plan blong Hem i helpem yumi blong mekem i hapen.

• Yu save yusum ol pikja long en blong aotlaen ia blong helpem ol pikinini blong yu oli faenem ol ves insaed long Doktrin mo Ol Kavenan 29 we oli tij abaot ol defren pat blong plan ia blong Papa long Heven. Mo tu, yu save katemaot ol pikja mo askem ol pikinini blong yu blong putum olgeta long stret oda. ?From wanem yumi talem tangkyu blong save se Papa long Heven i gat wan plan blong yumi? ?Olsem wanem, taem yumi save abaot plan ia, i lidim yumi long evri dei laef blong yumi?

• Wanem we oli soem andanit ia abaot wan mama faol we i stap karem i kam tugeta ol pikinini blong hem o vidio “Chicks and Hens” (ChurchofJesusChrist.org) i save helpem ol pikinini blong yu blong komperem wetem Doktrin mo Ol Kavenan 29:1–2. Mo afta, tugeta, yufala save ridim ol ves ia mo tokbaot wetem olgeta wanwan abaot olsem wanem wan mama faol i protektem ol pikinini blong hem mo olsem wanem hemia i semmak long wanem we Sevya i save mekem long yumi.

  

  1:24

  

• ?Wanem nao bae i givim insperesen long ol pikinini blong yu blong wantem helpem Sevya blong karem tugeta ol pipol blong Hem? Maet bae oli wantem blong harem wan eksperiens blong wan we i bin “karem i kam tugeta” long Hem, taem hem i stap joenem Jos Ia blong Hem. Eksampol, ?huia i bin talem Jos faswan long famli blong yu? ?Long wanem wei nao yumi bin kasem blesing taem yumi akseptem singaot blong Sevya blong kam tugeta long Hem? ?Olsem wanem nao yumi save helpem ol narawan blong kam tugeta long Hem? (Luk long [vidio] “A Message for Children from Presiden Russell M. Nelson”, ChurchofJesusChrist.org.)

  

  3:30

• Wan pikja blong Seken Kaming blong Sevya (olsem long Gospel Art Buk, namba 66) o wan singsing abaot hemia (olsem “When He Comes Again,” Children’s Songbook, 82–83) oli save helpem yu mo ol pikinini blong yu blong toktok raon long Doktrin mo Ol Kavenan 29:11. Helpem ol pikinini blong yu blong luksave ol sentens insaed long ol skripja we i go wetem wan samting insaed long pikja o singsing. Serem wetem wanwan long yufala wanem yufala i filim abaot Jisas Kraes we bae i kambak bakegen long wol ia.