“21–27 Epril: ‘Stap Wan; mo Sapos Yufala I No Stap Wan, Yufala I No blong Mi’: Doktrin mo Ol Kavenan 37–40,” Kam Folem Mi—Blong Hom mo Jos: Doktrin mo Ol Kavenan 2025 (2025)

“Doktrin mo Ol Kavenan 37–40,” Kam Folem Mi—Blong Hom mo Jos: 2025

Smol pat blong peinting ia, Ol Sent we Oli Muv i go long Ketlan, i kam long Sam Lawlor

21–27 Epril: “Stap Wan; mo Sapos Yufala I No Stap Wan, Yufala I No blong Mi”

Doktrin mo Ol Kavenan 37–40

Long ol fasfala Sent, Jos i bin wan ples we i moa bitim blong jes harem sam prijing long Sandei. Ol revelesen oli yusum ol toktok olsem stamba tingting, kingdom, Saeon, mo, i no oltaem, wok. Hemia maet i bin pat blong wanem we i pulum tingting blong ol pipol blong kam long Jos we i bin kambak. Oli bin lavem doktrin, be tu, plante oli bin wantem wan samting we i tabu we oli save givim laef blong olgeta long hem. Mekem se, blong stap obei long oda blong Lod long 1830, blong kam tugeta long wanples long Ohaeo, i no bin isi. Blong plante pipol, i minim blong lego wan gudfala haos mo go from wan ples we hem i no save long hem (luk long “Ol Voes blong Restoresen: Stap Kam Tugeta long Ohaeo”). Tedei, yumi save luk klia wanem we olgeta Sent ia oli bin save luk nomo wetem ae blong fet: Lod i gat ol bigfala blesing i bin stap blong olgeta we oli bin stap long Ohaeo.

Nid ia, blong kam tugeta long wanples long Ohaeo, i bin pas longtaem finis, be Ol Sent tedei, oli stap yunaet raon long semfala stamba tingting ia nomo; “blong mekem Saeon i muv fored” (Doctrine mo Covenants 39:13). Olsem ol fasfala Sent, oli invaetem yumi blong lego fogud “fasin blong kea long ol samting blong wol” (Doktrin mo Ol Kavenan 40:2) mo trastem promes blong Lod: “Bae yu kasem … wan blesing we i bigwan tumas we yu neva sacrifices bin save wan olsem bifo (Doktrin mo Ol Kavenan 39:10).

Luk tu long Saints, 1:109–11.

Ol aedia blong Lanem Samting long Hom mo long Jos

Doktrin mo Ol Kavenan 37–38

God i karem yumi kam tugeta blong blesem yumi.

Om Members of the Church in Fayette, New York, had to make difficult sacrifices to move to Ohio (more than 250 miles away) in the winter of 1831. Taem yu rid abaot komanmen blong Lod long Doktrin mo Ol Kavenan 37:3–4, maet bae yu tingting abaot ol sakrifaes we Lod i askem long yu. Afta, taem yu stadi Doktrin mo Ol Kavenan 38:1–33, lukaotem ol trutok abaot Sevya we i givim fet long yu blong folem kaonsel blong Hem. ?Wanem nao yu lanem aot long ol ves 11–33 abaot blesing blong stap karem i kam tugeta, olsem ol man blong folem Jisas Kraes?

Doktrin mo Ol Kavenan 38:22

“Harem voes blong mi mo folem mi.”

Olsem wanem nao yu save mekem Jisas Kraes i “[man] we i stap givim loa”? ?Olsem wanem nao taem yu stap folem loa blong Hem i mekem yu “wan fri pipol”?

Luk tu long 2 Nifae 2:26–27.

Doktrin mo Ol Kavenan 38:30

Sapos mi bin rere, mi no nid blong stap fraet.

?Wetaem nao yu kasem eksperiens long ol prinsipol we Lod i talemaot long Doktrin mo Ol Kavenan 38:30: “Sapos yufala i rere, bae yufala i no fraet”? Taem yu stadi seksen 38, luksave olsem wanem Lod i stap mekem rere Ol Sent blong Hem, mekem se oli save fesem fiuja wetem strong paoa long tingting. ?Long wanem wei nao Hem i wantem yu blong rere from ol jalenj, mekem se yu no nid blong fraet?

Luk tu long David A. Bednar, “Bae Yumi Testem Olgeta long Wei Ia,” Liahona, Novemba 2020, 8–11.

Doktrin mo Ol Kavenan 38:24–27

God i wantem yumi blong “stap wan.”

Ol Sent we oli kam tugeta long Ohaeo, oli kamaot long ol defdefren situesen. Semmak samting ia, i tru abaot ol pipol insaed long wod blong yu. Be Lod i givim komanmen long ol pipol blong Hem blong oli “stap wan” (ves 27). ?Olsem wanem nao yumi save mekem kaen yuniti i hapen? ?Wanem ol aedia we i kam long maen blong yu taem yu ridim Doktrin mo Ol Kavenan 38:24–27? ?From wanem yumi mas stap wan blong mekem se, yumi stap ol pipol blong God?

Blong ridim ol ves ia tu, i givim insperesen long yu blong tingting abaot ol rilesensip blong yu—eksampol, wetem ol memba blong famli, wod, mo kworom o ol memba blong klas. ?Wanem nao i stopem yu blong stap wan long Kraes? ?Long wanem wei nao Sevya i helpem yu blong “stap wan”? Ol vidio blong “A Friend to All” o “Love in Our Hearts” (Gospel Laebri) i save helpem yu blong ansarem ol kwestin ia. Mo tu, yu save faenem ol aedia long mesej blong Elda Dale G. Renlund “Pis blong Kraes I katemaot Nogud Filing Agensem Man,” Liahona, Novemba 2021, 83–85.

?Olsem wanem nao yu save helpem ol grup ia, oli kam wan moa? Eksampol, tingting blong stap sendem o tekstem wan kaen not i go long ol memba blong kworom blong yu, klas o famli. ?Huia nao yu kasem insperesen blong givhan long hem?

?Wanem i givim insperesen long yu abaot eksampol blong Sevya long Efesas 2:14, 18–22; 2 Nifae 26:24–28?

Luk tu long Quentin L. Cook, “Ol Hat Oli Joen Tugeta long Fasin blong Stap Stret mo Gud mo Fasin blong Stap Wan,” Liahona, Novemba 2020, 18–21; “Love One Another,” Hym, namba 308; Topics mo Questions, “Belonging in the Church of Jesus Christ,” Gospel Laebri.

Doktrin mo Ol Kavenan 38:39; 39–40

Papa long Heven i wantem givim ol rij samting we oli blong taem we i no save finis, long mi.

Long tingting blong yu, ?wanem nao i mekem se “ol rij samting blong wol” oli defren long “ol rij samting blong taem we i no save finis”? (Doktrin mo Ol Kavenan 38:39). ?Wanem nao ol eksperiens we oli bin tijim yu blong tekem ol rij samting blong taem we i no save finis, i moa impoten?

Kipim hemia long maen blong yu taem yu rid abaot James Covel long seksens 39–40 (we i tekem tu, histri bakgraon blong ol heding long seksen ia). Tingting long olsem wanem yu save praktisim eksperiens blong hem. Eksampol: tingting long sam taem we “hat [blong yu] … i bin stret long fored blong [God]” (Doktrin mo Ol Kavenan 40:1). ?Olsem wanem nao yu yu bin kasem blesing from se yu bin fetful? Mo tu, tingting long “fasin blong kea long ol samting blong wol ia” we yu stap fesem. ?Long wanem wei nao oli save stopem yu blong stap kasem tok blong God “wetem gladhat”? (Doktrin mo Ol Kavenan 39:9; 40:2). ?Wanem nao yu faenem insaed long ol seksen ia we i givim insperesen long yu blong yu obei oltaem moa long God?

Luk tu long Matiu 13:3–23.

Stap yusum ol skripja ia long laef blong yu. “Wan wei we yu save helpem olgeta we oli stap lan blong luksave stret sapot blong [ol skripja] i taem oli stap askem ol kwestin olsem ‘?Long wanem wei nao hemia i save helpem yu wetem wan samting we yu stap fesem naoia?’ ‘?From wanem hem i impoten blong yu yu save hemia?’ ‘?Wanem nao hemia i save mekem wan samting i defren insaed long laef blong yu?’” (Tij Folem Wei blong Sevya, 23). ol kwestin insaed long aktiviti ia abaot Doktrin mo Ol Kavenan 39–40 oli ol narafala eksampol blong ol kwestin we oli save helpem yumi blong yusum ol revelesen ia long laef blong yumi.

Blong kasem moa aedia, luk long magasin blong manis ia Liahona mo Blong Ol Yut Oli Kam Strong magasin.

Sam Aedia blong Tijim Ol Pikinini

Doktrin mo Ol Kavenan 37; 38:31–33

God i karem yumi kam tugeta blong blesem yumi.

Map mo aktiviti pej long en blong aotlaen ia, i save helpem ol pikinini blong yu andastanem wanem komanmen God i givim long Doktrin mo Ol Kavenan 37:3. Maet yu save helpem olgeta blong fanem ol ples we oli talem insaed long ol revelesen ia. Mo tu, yu save helpem olgeta blong faenem wan sentens long Doktrin mo Ol Kavenan 38:31–33 we i tokbaot from wanem God i wantem ol pipol blong Hem blong kam tugeta.

Doktrin mo Ol Kavenan 38:24–27

God i wantem yumi blong “stap wan.”

Taem yu ridim Doktrin mo Ol Kavenan 38:24–25 wetem ol pikinini blong yu, toktok abaot wanem i minim blong mas lukluk brata o sista blong yu olsem hem i yuwan stret (luk tu long Matiu 7:12). Helpem olgeta blong ripitim skripja ia, mo putum nem blong olgetawan long ples blong “brata blong hem.”
Blong tijim ol pikinini wanem i minim blong “stap wan” (Doktrin mo Ol Kavenan 38:27), yu save helpem olgeta blong droem wan bigfala namba 1 mo flasem wetem ol nem mo ol droing o ol pikja blong wanwan man o woman long famli o klas blong yu. Narasaed long namba 1, yu save raetem ol samting we bae yu mekem blong stap wan moa.
Tingting blong stap serem wan lesen we i yusum wan samting we i soem olsem wanem ol samting i save joen o yunaet blong kam wan, olsem ol pisis kaliko we i mekem wan blangket o ol samting blong kuk we i mekem wan bred. ?Wanem nao ol eksampol ia i tijim yumi blong kam wan olsem ol pipol blong God?

Doktrin mo Ol Kavenan 38:30

Sapos mi bin rere, mi no nid blong stap fraet.

Tugeta, taem yufala i ridim Doktrin mo Ol Kavenan 38:30, yu mo ol pikinini blong yu i save tokbaot ol eksperiens we i pas i no longtaem, we i nidim fasin blong stap rere. Afta, yu save askem ol pikinini blong yu abaot ol samting we Papa long Heven i wantem yumi blong rere from. Serem wetem ol pikinini blong yu, wan eksperiens blong taem we yu bin stap rere, i helpem yu blong no fraet. Mo tu, tugeta, yufala save wajem vidio blong “Men’s Hearts Shall Fail Them” (Gospel Laebri).

Doktrin mo Ol Kavenan 39:6, 23

Mi kasem presen we i Tabu Spirit taem oli mekem mi kam memba blong Jos.

Tingting blong stap soem wan pikja blong wan we i stap kasem konfemesen. Askem ol pikinini blong yu blong tokbaot wanem we i stap hapen long pikja ia. Mo tu, yu save invaetem olgeta blong poen i go long pikja taem oli harem ol toktok ia Tabu Spirit long Doktrin mo Ol Kavenan 39:6, 23 (o long wan singsing olsem “The Holy Ghost,” Children’s Songbook, 105). Serem wetem wanwan long yufala, olsem wanem presen ia blong Tabu Spirit i bin blesem yu.

Blong kasem moa aedia, luk long magasin blong Fren long manis ia.