Doktrin mo Ol Kavenan 27–28

Sali Naet mo Ema Smit, tufala i bin kasem baptaes long Jun 1830, be wan grup blong ol rabis man oli bin spolem taem blong konfemesen blong tufala. Tu manis afta, Sali mo hasban blong hem, Niuwel, i visitim Ema mo Josef, mo oli bin disaed se naoia bae tufala i kasem konfemesen, mo grup ia bae i tekem mo kakae sakramen tugeta. Taem hem i stap go blong tekem waen blong sakramen, wan enjel i bin stopem Josef.

Ridim Doktrin mo Ol Kavenan 27:1–4 blong faenemaot wanem enjel i bin tijim long hem abaot sakramen. ?Wanem nao ol ves ia oli talem abaot wei we Sevya i wantem yu blong kam blong tekem sakramen? ?Wanem nao yu ting se i minim blong tekem “wetem wan ae we i lukluk nomo long glori blong [God]”? Tingting hevi long hemia—mo lukaotem ol narafala niu tingting abaot sakramen—taem yu ridim Luk 22:19–20 mo 3 Nifae 18:1–11. (Luk tu long ol vidio “The Last Supper,” “Jesus Christ Blesses Bread in Remembrance of Him,” mo “Jesus Christ Blesses Wine in Remembrance of Him,” Gospel Laebri).

6:12

4:24

2:28

Blong lanem abaot blong stap mekem sakramen i wan eksperiens blong wosip, tingting blong stap stadi long mesej blong Elda D. Todd Christofferson “The Living Bread Which Came Down from Heaven” (Liahona, Nov. 2017, 36–39). ?Wanem nao Elda Christofferson i tijim we i save helpem yu blong filim wan bigfala koneksen wetem Sevya tru long sakramen? Tingting hevi long wanem we yu save mekem blong rere moa gud blong tekem ol simbol we oli ripresentem Atonmen blong Sevya mo tritim olgeta wetem bigfala respek o from we i gat mining.

Tingting blong stap singsing, stap lisin long o stap ridim wan hym blong sakramen, olsem “As Now We Take the Sacrament” (Hym, namba 169), mo raetemdaon ol filing blong yu abaot fasin blong stap tekempat long tabu odinens ia.

Luk tu long Doktrin mo Ol Kavenan 20:77, 79; 59:9–13; Topics mo Questions, “Sacrament,” Gospel Laebri; “Obtaining mo Retaining a Remission of Sins through Ordinances,” long David A. Bednar, “Always Retain a Remission of Your Sins,” Liahona, Mei 2016, 60–62.

15:20

?Wanem nao yu save abaot ol profet we oli tokbaot olgeta long ol ves ia? Yu save lukaotem sam infomesen abaot olgeta insaed long Gaed blong Ol Skripja. ?Wanem ol blesing we oli bin givim long yu tru long ol ki we oli profet ia oli kasem?

Presiden M. Russell Ballard i talem: “I no gat wan samting we i bigwan mo i bigfala we yumi save mekem blong spolem yumiwan long saed blong spirit. Tru paoa long saed blong spirit, i stap long ol plante smosmol aksen we oli wivim tugeta insaed long wan kaliko blong strong spirit we i protektem mo i blokem yumi long evri ivel” (“Be Strong in the Lord,” Ensign, July 2004, 8).

Taem yu lanem abaot klos blong faet blong God long Doktrin mo Ol Kavenan 27:15–18, yu save krietem wan tebol olsem hemia. ?Wanem nao yu stap mekem blong putum wan pis blong klos blong faet ia we i blong God?

Luk tu long Efesas 6:11–18; Jorge F. Zeballos, “Bildimap wan Laef blong Winim Enemi,” Liahona, Novemba 2022, 50–52.

Tingting se bae i olsem wanem sapos eniwan i save kasem ol komanmen mo revelesen blong ful Jos. Taem Haeram Pej i bin klemem se hem i bin kasem ol kaen revelesen ia, plante memba blong Jos oli konfius. Insaed long Doktrin mo Ol Kavenan 28, Lod i bin talemaot wan oda blong kasem revelesen blong Jos blong Hem. ?Wanem nao yu lanem aot long seksen ia abaot stret wok blong Presiden blong Jos? ?Wanem nao yu lanem abaot olsem wanem God i save lidim yu?

Luk tu long Dale G. Renlund, “Wan Plan blong Folem blong Kasem Revelesen blong Yuwan,” Liahona, Novemba 2022, 16–19.

Wan stamba tingting blong Buk blong Momon, i we, “blong Ol Man blong Leman oli kasem save blong papa blong olgeta, mo blong oli save ol promes blong Lod” (Doktrin mo Ol Kavenan 3:20). Hemia i go wetem ol promes we Lod i bin mekem long plante long ol profet blong Buk blong Momon (eksampol, luk long 1 Nifae 13:34–41; Inos 1:11–18; Hileman 15:12–13). Ol fasfala memba blong Jos oli bin tekem se Ol Indien blong Amerika oli laen blong ol pipol insaed long Buk blong Momon. (Jos i stap tedei long toktok ia se Ol Man blong Leman oli “bin stap laef, mo oli ol stret bubu blong ol Indien blong Amerika” [fas toktok blong Buk blong Momon.].)

Blong ridim moa abaot misin blong Oliva Kaodri we i go kolosap long Ol Indien blong Amerika, luk long, “A Mission to the Lamanites,” Revelations in Context, 45–49. ?Wanem nao misin ia i stap tijim yu abaot Lod mo wok blong Hem?

• Ol pikinini bae oli stap tingting se from wanem yumi yusum wota blong sakramen, taem Jisas i bin yusum waen (luk long Luk 22:19–20; 3 Nifae 18:1–11). Tugeta, yufala i save ridim Doktrin mo Ol Kavenan 27:1–2 mo toktok raon long wanem i minim blong tekem sakramen “wetem wan ae we i lukluk nomo long glori blong [God]” (ves 2). ?Wanem nao yumi save mekem blong lukluk nomo long Sevya taem yumi tekem sakramen?

• Maet blong gat ol pikja, ol skripja ves, o ol toktok blong wan singsing abaot Sevya, i save helpem ol pikinini blong yu blong tingbaot Hem taem oli stap tekem sakramen. Maet bae oli glad blong stap krietem wan buklet we i gat sam long ol pikja ia, ol ves mo ol toktok blong singsing. Oli save droem ol pikja blong olgetawan o faenem sam insaed long Fren magasin.

• Yu save soem wan pikja blong klos blong faet long ol pikinini blong yu. Olsem hemia long aotlaen ia o long aktiviti pej long aotlaen blong Efesas long Kam Folem Mi—Blong Praemeri: Niu Testeman 2023. Taem yu ridim Doktrin mo Ol Kavenan 27:15–18, helpem olgeta blong faenem ol pisis blong klos blong faet insaed long pikja. ?Olsem wanem nao klos blong faet blong God i helpem yumi blong “save stanap agensem rabis dei ia,”? (ves 15).

• Sapos yu gat plante pikinini, maet yu save invaetem olgeta blong plei “folem lida,” be askem tu o moa blong kam lida long semmak taem. ?Wanem i hapen taem i gat moa long wan lida? Afta, yu save lanem abaot Haeram Pej (luk long “Japta 14: Profet mo Ol Revelesen blong Jos,” long Ol Doktrin mo Ol Kavenan Stori, 56–57, o vidio we i go wetem long Gospel Laebri; o seksen heding blong Doktrin mo Ol Kavenan 28). ?Olsem wanem nao Papa long Heven i stretem ol tu tingting blong ol fasfala memba blong Jos? ?Olsem wanem nao Hem i lidim Jos tedei? (luk long Doktrin mo Ol Kavenan 28:2). Serem testemoni blong yu se Lod i bin singaotem profet blong tedei blong i lidim Jos ia blong Hem long dei blong yumi.

  

  1:21

• From we ol revelesen blong Jos bae oltaem oli kam tru long profet, Tabu Spirit i save lidim yumi evriwan. Yu save helpem ol pikinini blong yu blong lukaotem sam long ol skripja mo mekem wan lis blong ol wei we Tabu Spirit i save lidim yumi: Doktrin mo Ol Kavenan 28:1, 4, 15; Jon 14:26; Moronae 8:26; 10:4–5. Serem wetem wanwan long yufala, olsem wanem Tabu Spirit i bin lidim yu.