Doktrin mo Ol Kavenan 20–22

?From wanem yumi gat wan Jos we i oganaes? Maet bes ansa hem i “From se Jisas Kraes i oganaesem wan.” Taem yu stadi Doktrin mo Ol Kavenan 20–21, bae yu save luksave ol samting we oli semsemmak bitwin Jos we Hem i stanemap bifo mo hemia we Hem i putumbak tedei. Yusum ol ves ia blong lanem abaot Jos blong Sevya long ol taem bifo: Matiu 16:15–19; Jon 7:16–17; Efesas 2:19–22; 3 Nifae 11:23–26; Moronae 4–5. Yusum ol ves ia blong lanem abaot Jos Ia we i bin kambak: Doktrin mo Ol Kavenan 20:17–25, 60, 72–79; 21:1–2. Yu save raetemdaon wanem we yu faenem insaed long wan tebol olsem hemia ia:

Taem we oli bin oganaesem Jos, Lod i bin tijim olgeta Sent blong Hem abaot ol tabu odinens, wetem hemia blong baptaes mo blong sakramen. Taem yu rid abaot ol odinens ia, tingting hevi long olsem wanem oli helpem yu filim se yu konek i go long Sevya. Eksampol, ?long wanem wei nao ol odinens ia oli helpem yu blong kipim “wan strong tingting blong wok blong [Jisas Kraes] kasem en”? (ves 37). Mo tu, yu save ridim ol prea blong sakramen (ol ves 77, 79) mo pikjarem long maen blong yu se yu stap harem blong fastaem. ?Wanem ol niu tingting we yu kasem?

Luk tu long D. Todd Christofferson, “Stap Wokbaot long Kavenan Rod,” Liahona, Mei 2021, 116–19.

?Yu bin eva tingting abaot from wanem hem i impoten long Sevya blong putumbak prishud long Jos Ia blong Hem? Blong stap ridim wanem we Hem i askem olgeta we oli kasem prishud blong mekem long Doktrin mo Ol Kavenan 20:38–60 bae i save givim long yu sam niu tingting. ?Olsem wanem nao Sevya i bin blesem yu mo famli blong yu tru long ol wok we oli tokbaot insaed long ol ves ia?

Blong ademap, olgeta we oli kasem odinesen blong prishud, ol woman we oli setapat long olgeta blong givim seves insaed long Jos, olgeta tu oli yusum atoriti blong God taem oli tekempat long wok blong Hem. Blong lanem se i olsem wanem, luk long mesej blong Presiden Dallin H. Oaks “The Keys and Authority of the Priesthood” (Liahona, Mei 2014, 49–52).

Luk tu long Topics and Questions, “Josef Smit’s Teachings about Priesthood, Temple, and Women,” Gospel Laebri.

Doktrin mo Ol Kavenan 21:4–9 i gat insaed ol invitesen blong folem profet blong Lod mo ol promes we i gat paoa blong ol pipol we oli mekem. Ol aedia ia oli save helpem yu blong tingting hevi long ol ves ia:

• ?Wanem ol toktok long ol ves 4–5 i tokbaot wanem we Sevya i wantem yu blong mekem wetem ol toktok blong ol profet blong Hem we oli stap laef? ?From wanem yu ting se “fasin blong stap wet longtaem mo fet”, oli nidim blong mekem hemia?

• Tingting hevi long ol samting we Sevya i yusum insaed long ves 6 blong tokbaot ol blesing we i kam taem yumi folem profet blong Hem. ?Wanem nao yu ting se “ol get blong hel” i minim”? ?Olsem wanem nao “Lod God bae i ronemaot ol paoa blong tudak” long yu? ?Wanem i minim blong “ol heven oli seksek blong gud blong yufala”?

• ?Wanem nao Lod i stap askem long yu blong mekem tru long Presiden blong Jos tedei? ?Long wanem wei nao Lod i mekem i hapen ol promes blong Hem taem yu folem kaonsel blong Hem?

Ademap long lis ol niu tingting we yu kasem aot long ol seksen ia blong mesej blong Elda Neil L. Andersen “Profet blong God” (Liahona, Mei 2018, 24–27):

• From Wanem Yumi Stap Folem Profet:

• Gadman Antap long Taoa:

• Yu No Sapraes:

Luk tu long “Watchman on the Tower” (video), ChurchofJesusChrist.org; Topics and Questions, “Prophets,” Gospel Laebri; “We Listen to a Prophet’s Voice,” Hym, namba 22.

4:17

• Tingting blong stap yusum seksen heding blong Doktrin mo Ol Kavenan 21, japta 9 blong Ol Doktrin mo Ol Kavenan Stori, o vidio “Organization of the Church” (ChurchofJesusChrist.org) blong helpem ol pikinini blong yu blong andastanem wanem we i hapen long dei we Jos i bin oganaes.

  

  2:37

• Maet ol pikinini blong yu oli save majem ol pikja blong Jisas Kraes, wan we i stap mekem wok blong givhan, wan baptaes mo sakramen i go wetem ol ves insaed long seksen 20 (luk long ol ves 21–23, 47, 72–74, 75–79). Yusum ol pikja mo ol ves ia blong toktok raon long ol blesing we yumi gat from Jisas Kraes i bin putumbak Jos blong Hem.

• Maet ol pikinini blong yu bae oli glad blong stap lukluk wan pikja blong wan pikinini we i stap kasem baptaes mo konfemesen. Oli save talemaot olsem wanem hemia i majem ol instraksen insaed long Doktrin mo Ol Kavenan 20:41, 71–74. ?Wanem nao yumi lanem aot long Doktrin mo Ol Kavenan 20:37 abaot ol pipol we oli wantem blong kasem baptaes? Mo tu, tugeta, yufala save singsing “When I Am Baptized” (Children’s Songbook, 103) o wajem vidio “The Baptism of Jesus” (Gospel Laebri).

  

  3:10

  

• Sapos ol pikinini blong yu oli bin baptaes finis, mo kasem konfemesen, askem olgeta abaot eksperiens blong olgeta. ?Oli gat ol pikja we oli save soem? Toktok long olgeta abaot wanem oli stap mekem blong folem Jisas Kraes mo olsem wanem Hem i stap blesem olgeta.

• Ol pikinini blong yu oli save lukaotem toktok ia “wantem blong” long tugeta Doktrin mo Ol Kavenan 20:37 (abaot baptaes) mo ves 77 (prea blong sakramen). ?Wanem nao Jisas Kraes i wantem yumi, blong yumi wantem blong mekem? Maet ol pikinini blong yu oli save lukluk long wan samting we i gat wan nem long hem (olsem wan nem blong wan popula samting, o nem blong wan man). ?Wanem nao nem ia i talem long yumi abaot samting ia? ?Hem i minim wanem blong tekem nem blong Jisas Kraes long yumi?

• Tugeta, tingting blong stap ridim Doktrin mo Ol Kavenan 20:77 mo stap askem ol pikinini blong yu blong talemaot ol promes we yumi mekem olsem pat blong sakramen. Maet oli save gat wanwan janis blong aktem wan samting we oli save mekem blong “oltaem blong tingbaot” Sevya mo, stap traem blong talemaot wanem mining blong aksen we wanwan long olgeta i stap aktem. Folem ves 77olsem wanem nao yumi kasem blesing taem yumi tingbaot Sevya oltaem?

• Afta we oli faenemaot ol invitesen mo ol promes long Doktrin mo Ol Kavenan 21:4–6, ol pikinini blong yu oli save lukluk long wan pikja blong wan profet we i stap laef tedei mo serem wan samting we oli lanem o harem long hem. Serem wetem wanwan long yufala, ol wei we Jisas Kraes i bin blesem yu from we yu stap folem profet blong Hem.