సిద్ధాంతము మరియు నిబంధనలు 27–28

1830 జూన్‌లో సాలీ నైట్, ఎమ్మా స్మిత్‌లు బాప్తిస్మము పొందారు, కాని వారి నిర్థారణలు ఒక అల్లరిమూక చేత ఆటంకపరచబడ్డాయి. రెండు నెలల తరువాత, సాలీ మరియు ఆమె భర్త న్యూవెల్, ఎమ్మా మరియు జోసెఫ్‌లను చూడడానికి వచ్చారు, అప్పుడే వారు నిర్ధారించబడతారని మరియు ఈ బృందం కలిసి సంస్కారములో పాల్గొంటుందని నిర్ణయించారు. సంస్కారము కొరకు ద్రాక్షారసము తేవడానికి వెళ్తున్నప్పుడు, జోసెఫ్ ఒక దేవదూత చేత ఆపబడ్డాడు.

సంస్కారము గురించి దేవదూత జోసెఫ్‌కు ఏమి బోధించాడో కనుగొనడానికి సిద్ధాంతము మరియు నిబంధనలు 27:1–4 చదవండి. సంస్కారమును మీరు ఏవిధంగా తీసుకోవాలని రక్షకుడు కోరుతున్నారు అనే దాని గురించి ఈ వచనాలు మీకు ఏమి బోధిస్తాయి? “[ఆయన] మహిమయే లక్ష్యముగా” దానిలో పాల్గొనడమంటే అర్థమేమిటని మీరనుకుంటున్నారు? దీనిని ధ్యానించండి—మరియు మీరు లూకా 22:19–20 మరియు 3 నీఫై 18:1–11 చదువుతున్నప్పుడు, సంస్కారము గురించి ఇతర అంతర్దృష్టుల కొరకు చూడండి.

6:12

4:24

2:28

సంస్కారమును ఒక ఆరాధనాపూర్వక అనుభవంగా చేయడం గురించి నేర్చుకోవడానికి, ఎల్డర్ డి. టాడ్ క్రిస్టాఫర్‌సన్ గారి సందేశము “పరలోకము నుండి వచ్చిన జీవాహారము” (లియహోనా, నవ. 2017, 36–39) ను అధ్యయనం చేయడాన్ని పరిగణించండి. సంస్కారము ద్వారా రక్షకునితో గొప్ప అనుబంధాన్ని భావించడానికి మీకు సహాయపడగలిగేలా ఎల్డర్ క్రిస్టాఫర్‌సన్ ఏమి బోధించారు? రక్షకుని ప్రాయశ్చిత్తము యొక్క చిహ్నాలలో పాలుపొందడానికి మరియు వాటిని గొప్ప భక్తితో లేదా ఉద్దేశ్యముతో ఆదరించడానికి బాగా సిద్ధపడేందుకు మీరు ఏమి చేయగలరో ధ్యానించండి.

ఒక సంస్కార కీర్తనను పాడడం, వినడం లేదా చదవడాన్ని మరియు ఆ పవిత్ర విధిలో పాల్గొనడం గురించి మీ భావాలను నమోదు చేయడాన్ని పరిగణించండి.

సిద్ధాంతము మరియు నిబంధనలు 20:77, 79; 59:9–13 కూడా చూడండి.

15:20

ఈ వచనాలలో పేర్కొనబడిన ప్రవక్తల గురించి మీకేమి తెలుసు? లేఖన దీపికలో మీరు వారి గురించి సమాచారం కోసం శోధించవచ్చు. ఈ ప్రవక్తలు కలిగియున్న తాళపుచెవుల ద్వారా మీకు ఏ దీవెనలు లభ్యమవుతున్నాయి?

అధ్యక్షులు ఎమ్. రస్సెల్ బాల్లర్డ్ ఇలా అన్నారు: “ఆధ్యాత్మికంగా మనల్ని సాయుధపరచుకోవడానికి మనం చేయగలిగే గొప్పదైన, ఘనమైన విషయం ఏదీ లేదు. సమస్త కీడు నుండి రక్షించి, కాపాడే ఆత్మీయ రక్షణ దుర్గమనే వస్త్రములో అల్లబడిన అనేకమైన చిన్న చిన్న క్రియలలో నిజమైన ఆత్మీయ శక్తి కలదు” (“Be Strong in the Lord,” Ensign, July 2004, 8).

దేవుని కవచము గురించి సిద్ధాంతము మరియు నిబంధనలు 27:15–18లో మీరు నేర్చుకుంటున్నప్పుడు, ఇటువంటి పట్టికనొకదానిని మీరు తయారుచేయవచ్చు. దేవుని కవచం యొక్క ప్రతి భాగాన్ని ధరించడానికి మీరు ఏమి చేస్తున్నారు?

ఎఫెసీయులకు 6:11–18; జార్జ్ ఎఫ్. జెబల్లోస్, “అపవాదిని నిరోధించే జీవితమును నిర్మించుట,” లియహోనా, నవ. 2022, 50–52 కూడా చూడండి.

ఎవరైనా సంఘమంతటి కొరకు ఆజ్ఞలు, బయల్పాటులు పొందగలిగితే ఎలా ఉంటుందో ఊహించండి. హైరం పేజ్ అటువంటి బయల్పాటు అందుకున్నట్లు చెప్పినప్పుడు, చాలామంది సంఘ సభ్యులు గందరగోళానికి గురయ్యారు. సిద్ధాంతము మరియు నిబంధనలు 28లో, ఆయన సంఘములో బయల్పాటు పొందుటకు ప్రభువు ఒక క్రమమును బయల్పరిచారు. సంఘ అధ్యక్షుని యొక్క నిర్దిష్ట పాత్ర గురించి ఈ ప్రకరణము నుండి మీరు ఏమి నేర్చుకుంటారు? దేవుడు మిమ్మల్ని ఎలా నడిపించగలడు అనే దాని గురించి మీరు ఏమి నేర్చుకుంటారు?

డేల్ జి. రెన్లండ్, “వ్యక్తిగత బయల్పాటు కొరకు ఒక అంతర్లీన నిర్మాణం,” లియహోనా, నవ. 2022, 16-19 కూడా చూడండి.

మోర్మన్ గ్రంథము యొక్క ఒక ఉద్దేశమేమనగా, “లేమనీయులు వారి పితరులను గూర్చిన జ్ఞానమునకు రాగలిగి, ప్రభువు యొక్క వాగ్దానాలను వారు తెలుసుకొనగలుగుట” (సిద్ధాంతము మరియు నిబంధనలు 3:20). ఇది చాలామంది మోర్మన్ గ్రంథ ప్రవక్తలకు ప్రభువు ఇచ్చిన వాగ్దానాలకు అనుగుణంగా ఉంది (ఉదాహరణకు 1 నీఫై 13:34–41; ఈనస్ 1:11–18; హీలమన్ 15:12–13 చూడండి). ప్రారంభ సంఘ సభ్యులు అమెరికా వాసులను మోర్మన్ గ్రంథ జనుల వారసులుగా భావించారు. (లేమనీయులు “అమెరికన్ ఇండియన్ల యొక్క పూర్వీకుల మధ్య ఉన్నారు” అనేది నేడు సంఘము యొక్క అధికారిక సిద్ధాంతము [మోర్మన్ గ్రంథ పీఠిక].)

సమీపంలోని అమెరికన్ ఇండియన్ల తెగలకు ఆలీవర్ యొక్క నియమితకార్యము గురించి మరింత చదవడానికి, “A Mission to the Lamanites,” Revelations in Context, 45–49 చూడండి. ఈ నియమిత కార్యము ప్రభువు గురించి మరియు ఆయన కార్యము గురించి మీకు ఏమి బోధిస్తుంది?

• సంస్కారము కొరకు యేసు ద్రాక్షారసమును ఉపయోగించినప్పుడు మనమెందుకు నీటిని ఉపయోగిస్తున్నామని పిల్లలు ఆశ్చర్యపడవచ్చు (లూకా 22:19–20; 3 నీఫై 18:1–11 చూడండి). మీరు సిద్ధాంతము మరియు నిబంధనలు 27: 1–2ను కలిసి చదువవచ్చు మరియు “[దేవుని] మహిమయే లక్ష్యముగా” (2వ వచనము) సంస్కారమును తీసుకొనుట అనగా అర్థమేమిటో చర్చించవచ్చు. మనం సంస్కారమును తీసుకునేటప్పుడు రక్షకునిపై దృష్టి కేంద్రీకరించడానికి మనం ఏమి చేయవచ్చు?

• బహుశా రక్షకుని గురించిన చిత్రాలు, లేఖన వచనాలు లేదా పాటల సాహిత్యం కలిగి ఉండడం మీ పిల్లలు సంస్కారమును తీసుకునేటప్పుడు ఆయనను గుర్తుంచుకోవడానికి సహాయపడవచ్చు. ఈ చిత్రాలు, వచనాలు మరియు సాహిత్యంలో కొన్నింటితో చిన్న పుస్తకాన్ని రూపొందించడాన్ని వారు ఆనందించవచ్చు. వారు తమ స్వంత చిత్రాలు గీయవచ్చు లేదా ఫ్రెండ్ పత్రికలో కొన్ని కనుగొనవచ్చు.

• ఈ నమూనా‌లో లేదా రండి, నన్ను అనుసరించండి—ప్రాథమిక కొరకు: క్రొత్త నిబంధన 2023‌లో ఎఫెసీయుల కొరకు నమూనాలోని ప్రోత్సాహ కార్యక్రమ పేజీలో ఉన్నట్లుగా మీరు మీ పిల్లలకు కవచం యొక్క చిత్రాన్ని చూపించవచ్చు. మీరు సిద్ధాంతము మరియు నిబంధనలు 27:15–18 చదువుతున్నప్పుడు, చిత్రంలో కవచం యొక్క భాగాలను కనుగొనడంలో వారికి సహాయపడండి. “ఆపద్దినమందు వారిని ఎదిరించుటకు” దేవుని కవచం మనకు ఎలా సహాయపడగలదు? (15వ వచనము).

• మీకు చాలామంది పిల్లలు ఉన్నట్లయితే, “నాయకుడిని అనుసరించండి” అనే ఆట ఆడడానికి మీరు వారిని ఆహ్వానించవచ్చు, కానీ ఇద్దరు లేదా అంతకంటే ఎక్కువ మంది పిల్లలను ఒకే సమయంలో నాయకుడిగా ఉండమని అడగండి. ఒకరి కంటే ఎక్కువ మంది నాయకులు ఉన్నప్పుడు ఏమి జరుగుతుంది? తర్వాత మీరు హైరం పేజ్ గురించి నేర్చుకోవచ్చు ( సిద్ధాంతము మరియు నిబంధనలు 28 యొక్క ప్రకరణ శీర్షిక చూడండి). ప్రారంభ సంఘ సభ్యుల గందరగోళాన్ని పరలోక తండ్రి ఎలా సరిచేశారు? నేడు సంఘాన్ని ఆయన ఎలా నడిపిస్తున్నారు? (సిద్ధాంతము మరియు నిబంధనలు 28:2). ప్రస్తుత ప్రవక్త మన కాలంలో ఆయన సంఘాన్ని నడిపించడానికి ప్రభువు చేత పిలువబడ్డారని మీ సాక్ష్యాన్ని పంచుకోండి.

  

  2:6

• సంఘము కోసం బయల్పాటు ఎల్లప్పుడూ ప్రవక్త ద్వారా ఇవ్వబడినప్పటికీ, మనమందరం పరిశుద్ధాత్మ చేత నడిపించబడగలము. మీరు మీ పిల్లలకు ఈ క్రింది లేఖనాలలో కొన్నింటిని శోధించడంలో సహాయపడవచ్చు మరియు పరిశుద్ధాత్మ మనకు మార్గనిర్దేశం చేయగల మార్గాల జాబితాను తయారు చేయవచ్చు: సిద్ధాంతము మరియు నిబంధనలు 28:1, 4, 15; యోహాను 14:26; మొరోనై 8:26; 10:4–5. మీరు పరిశుద్ధాత్మ చేత ఎలా నడిపించబడ్డారో పరస్పరం పంచుకోండి.