දහම සහ ගිවිසුම් 27–28

සැලී නයිට් සහ එමා ස්මිත් 1830 ජුනි මාසයේදී බව්තීස්ම වූ නමුත්, ඔවුන්ගේ තහවුරු කිරීම් කලහකාරී පිරිසක් විසින් කඩාකප්පල් කරන ලදි. මාස දෙකකට පසු, සැලී සහ ඇගේ සැමියා වන නිව්වෙල් එමා සහ ජෝසෆ් බැලීමට ගිය අතර, දැන් ඔවුන්ව තහවුරු කිරීමටත්, කණ්ඩායම එකට සක්‍රමේන්තුවට සහභාගී වීමටත් තීරණය කරන ලදි. සක්රමේන්තුව සඳහා වයින් ලබා ගැනීමට යමින් සිටියදී, ජෝසෆ්ව දේවදූතයෙකු විසින් නතර කරන ලදි.

දේවදූතයා ඔහුට සක්‍රමේන්තුව ගැන ඉගැන්වූයේ කුමක්දැයි දැන ගැනීමට දහම සහ ගිවිසුම් 27:1–4 කියවන්න. මෙම පද වලින් යෝජනා කරන ආකාරයට ගැලවුම්කරුවාණන්ට අවශ්‍ය වන්නේ ඔබ සක්‍රමේන්තුවට කොයි ආකාරයෙන් සමීප වෙනවාටද? ඔබ සිතන ආකාරයට “[උන්වහන්සේගේ] මහිමය උදෙසා එ්කායන අරමුණක් ඇතිව” එයට සහභාගී වීම යන්නෙන් අදහස් කරන්නේ කුමක්ද? ඔබ ලූක් 22:19–20 සහ 3 නෙපී 18:1–11 කියවන විට මෙය මෙනෙහි කර—සක්‍රමේන්තුව පිළිබඳ වෙනත් අවබෝධයන් සොයන්න.

6:12

4:24

2:28

සක්රමේන්තුව, නමස්කාරමය අත්දැකීමක් බවට පත් කිරීම ගැන දැන ගැනීමට, වැඩිහිටි ඩී. ටොඩ් ක්‍රිස්ටෝෆර්සන්ගේ “ස්වර්ගයෙන් පහළ වන ජීවනදායක ආහාරය” යන පණිවිඩය අධ්යයනය කිරීම සලකා බලන්න (ලියහෝනා, නොවැම්බර් 2017, 36–39). සක්‍රමේන්තුව තුළින් ගැලවුම්කරුවාණන් සමඟ වැඩි සම්බන්ධතාවයක් ඇතිකරගැනීමට ඔබට උපකාර කළ හැකි කුමන දේවල් වැඩිහිටි ක්‍රිස්ටෝෆර්සන් ඉගැන්වූයේ ද? ගැලවුම්කරුවාණන්ගේ වන්දිගෙවීමේ සංකේතවලට සහභාගි වීමට, වඩා හොඳින් සූදානම් වීමට සහ ඒවාට වැඩි ගෞරවයකින් හෝ අරමුණකින් සැලකීමට ඔබට කළ හැකි දේ ගැන මෙනෙහි කරන්න.

සක්රමේන්තු ගීතිකාවක් ගායනා කිරීම, සවන් දීම හෝ කියවීම සහ මෙම පූජනීය ආඥා පනතට සහභාගී වීම පිළිබඳ ඔබේ හැඟීම් වාර්තා කිරීම ගැන සලකා බලන්න

තවත් බලන්න දහම සහ ගිවිසුම් 20:77, 79; 59:9–13.

15:20

මෙම පදවල සඳහන් අනාගතවක්තෘවරුන් ගැන ඔබ දන්නේ මොනවාද? මෙම අනාගතවක්තෘවරුන් දැරා සිටි යතුරු හරහා ඔබට අගුළු හැර ඇති ආශිර්වාද මොනවාද?

සභාපති එම්. රසල් බැලාඩ් මෙසේ පැවසුවා: “ආධ්‍යාත්මිකව සන්නද්ධ වීමට අපට කළ හැකි එක් ශ්‍රේෂ්ඨ හා උතුම් දෙයක් නැත. සැබෑ අධ්‍යාත්මික බලය පවතින්නේ සියලු නපුරෙන් ආරක්ෂා කරන සහ රැකවරණය සපයන කුඩා දේවල් බොහොමයක් එකට එකතු වූ විටය” (“Be Strong in the Lord,” Ensign, July 2004, 8).

ඔබ දහම සහ ගිවිසුම් 27:15-18 හි දෙවියන්වහන්සේගේ සන්නාහය ගැන ඉගෙන ගන්නා විට, ඔබට මෙවැනි වගුවක් සෑදිය හැකිය. දෙවියන්වහන්සේගේ සන්නාහයේ සෑම කොටසක්ම පැළඳීමට ඔබ කරන්නේ කුමක්ද?

තවත් බලන්න එපීස 6:11–18; ජෝර්ජ් එෆ්. සබාලොස්, “විරුද්ධවාදියාට ප්‍රතිරෝධී ජීවිතයක් ගොඩනැගීම,” ලියහෝනා, නොවැම්බර් 2022, 50–52.

යමෙකුට මුළු සභාව සඳහාම ආඥා සහ එළිදරව් ලැබීමට හැකි නම් එය කෙබඳු වේදැයි සිතා බලන්න. එවැනි එළිදරව්වක් ලැබුණු බව හයිරම් පේජ් ප්‍රකාශ කළ විට, සභාවේ බොහෝ සාමාජිකයින් ව්‍යාකූල වුණා. දහම සහ ගිවිසුම් 28 හි, ස්වාමින්වහන්සේ තම සභාවේ එළිදරව් ලැබීම සඳහා පිළිවලක් හෙළි කළා. සභාවේ සභාපතිවරයාගේ නිශ්චිත කාර්යභාරය පිළිබඳව මෙම කොටසෙන් ඔබ ඉගෙන ගන්නේ කුමක්ද? දෙවියන්වහන්සේ ඔබට මගපෙන්විය හැකි ආකාරය ගැන ඔබ ඉගෙනගන්නේ කුමක්ද?

තවත් බලන්න ඩේල් ජී. රෙන්ලන්ඩ්, “පුද්ගලික එළිදරව් ලැබීම සඳහා රාමුවක්,” ලියහෝනා, නොවැම්බර් 2022, 16-19.

මොර්මොන්ගේ පොතේ එක් අරමුණක් වන්නේ “ලාමන්වරු ඔවුන්ගේ පියවරුන්ගේ දැනීමට පැමිණ, එනම් තවද ඔවුන් ස්වාමින්වහන්සේගේ පොරොන්දු දැන ගැනීමයි” (දහම සහ ගිවිසුම් 3:20). මෙය මොර්මොන්ගේ පොතේ බොහෝ අනාගතවක්තෘවරුන්ට ස්වාමින්වහන්සේ දුන් පොරොන්දු සමඟ අනුකූල වුණා (උදාහරණයක් ලෙස බලන්න, 1 නෙපී 13:34-41;ඊනොස් 1:11-18; හිලමන් 15:12–13). සභාවේ මුල් සාමාජිකයන් අමෙරිකානු ඉන්දියානුවන්ව සැලකුවේ මොර්මොන්ගේ පොතේ මිනිසුන්ගෙන් පැවත එන්නන් ලෙසයි. (සභාවේ අද නිල ස්ථාවරය වන්නේ ලාමන්වරුන් “අමෙරිකානු ඉන්දියානුවන්ගේ මුතුන් මිත්තන් අතර සිටින බවයි” [මොර්මොන්ගේ පොතේ හැඳින්වීම].)

• යේසුස්වහන්සේ වයින් භාවිතා කරන විට අපි සක්‍රමේන්තුව සඳහා ජලය භාවිතා කරන්නේ මන්දැයි ළමුන් කල්පනා කරන්න පුළුවන් (බලන්න ලූක් 22:19-20; 3 නෙපී 18:1-11). ඔබට එකට එකතු වී දහම සහ ගිවිසුම් 27:1–2 කියවා සක්‍රමේන්තුව “[දෙවියන්වහන්සේගේ] මහිමය උදෙසා ඒකායන අරමුණක් ඇතිව” (2 වෙනි පදය) ගැනීමෙන් අදහස් කරන්නේ කුමක්දැයි කියා සාකච්ඡා කළ හැකිය. අපි සක්‍රමේන්තුව ගන්නා අතරතුර ගැලවුම්කරුවාණන් කෙරෙහි අවධානය යොමු කිරීමට අපට කුමක් කළ හැකිද?

• සමහර විට ගැලවුම්කරුවාණන් ගැන පින්තූර, ශුද්ධලියවිලි පද හෝ ගීත පද තබාගැනීම, ඔබේ දරුවන්ට සක්‍රමේන්තුව ගන්නා විට උන්වහන්සේව මතක තබා ගැනීමට උපකාරී වෙයි. මෙම පින්තූර, පද සහ පද රචනා සමඟ පොත් පිංචක් නිර්මාණය කිරීමෙන් ඔවුන් සතුටු විය හැකිය. ඔවුන්ට ඔවුන්ගේම පින්තූර ඇඳීමට හෝ මිතුර සඟරාවෙන් පින්තූර සොයා ගැනීමට හැකිය.

• ඔබට මෙම දළ සටහනේ ක්‍රියාකාරකම් පිටුවේ ඇති සන්නාහයේ පින්තූරය ඔබේ දරුවන්ට පෙන්විය හැකිය. ඔබ දහම සහ ගිවිසුම් 27:15-18 කියවන විට, පින්තූරයේ ඇති සන්නාහ කොටස් සොයා ගැනීමට ඔවුන්ට උදව් කරන්න. “නපුරු දවසේ යටත් නොවී සිටීමට” දෙවියන්වහන්සේගේ සන්නාහය අපට උපකාර කරන්නේ කෙසේද? (15 වෙනි පදය).

• ඔබට දරුවන් කිහිප දෙනෙකු සිටී නම්, ඔබට “නායකයා අනුගමනය කරන්න” වැනි ක්‍රීඩාවක් කිරීමට ඔවුන්ට ආරාධනා කළ හැකිය, නමුත් එකම අවස්ථාවේදී නායකයා වීමට දරුවන් දෙදෙනෙකු හෝ වැඩි දෙනෙකුගෙන් ඉල්ලා සිටින්න. නායකයින් කිහිප දෙනෙකු සිටින විට කුමක් සිදුවේද? සභාවේ මුල් සාමාජිකයන්ගේ ව්‍යාකූලත්වය ස්වර්ගික පියාණන්වහන්සේ නිවැරදි කළේ කෙසේද? උන්වහන්සේ අද සභාව මෙහෙයවන්නේ කෙසේද? (බලන්න දහම සහ ගිවිසුම් 28:2). අපගේ කාලයේ ස්වාමින්වහන්සේගේ සභාව මෙහෙයවීමට උන්වහන්සේ විසින් වත්මන් අනාගතවක්තෘවරයාව කැඳවනු ලැබූ බවට ඔබේ සාක්ෂිය බෙදාගන්න.

  

  1:21

• සභාව සඳහා එළිදරව් සෑම විටම අනාගතවක්තෘවරයා හරහා දෙනු ලබන අතර, අප සැමට ශුද්ධාත්මයාණන් විසින් මගපෙන්වනු ලැබෙනවා. පහත සඳහන් ශුද්ධලියවිලි කිහිපයක් උවමනාවෙන් කියවීමට සහ ශුද්ධාත්මයාණන්ට අපට මගපෙන්විය හැකි මාර්ග ලැයිස්තුවක් සෑදීමට ඔබට ඔබේ දරුවන්ට උපකාර කළ හැකිය: දහම සහ ගිවිසුම් 28:1 4, 15; යොහාන් 14:26; මොරෝනි 8:26; 10:4–5. ඔබව ශුද්ධාත්මයාණන් විසින් මගපෙන්වනු ලබා ඇති ආකාරය එකිනෙකා සමඟ බෙදා ගන්න.