දහම සහ ගිවිසුම් 23–26

දහම සහ ගිවිසුම් 24 හි ඇති එළිදරව්ව ලබා දී ඇත්තේ අභියෝගාත්මක කාලයකදී ජෝසෆ් ස්මිත්ව සහ ඔලිවර් කවුඩ්‍රිව “සවිමත් කිරීමට, දිරිගැන්වීමට සහ ඔවුන්ට උපදෙස් දීමටයි” (බලන්න කොටස් ශීර්ෂය). ඔවුන්ව ශක්තිමත් කිරීම සහ දිරිගන්වනසුලු වනු ඇතැයි ඔබට හැඟෙන වචන දහම සහ ගිවිසුම් 24 තුළ සොයන්න.

ඔබගේ අභියෝගවලට ගැලවුම්කරුවාණන් ඔබට උපකාර කරන ආකාරය ගැන පහත සඳහන් ශුද්ධලියවිලි ඔබට යෝජනා කරන්නේ කුමක්ද?

දහම සහ ගිවිසුම් 24:1–3

දහම සහ ගිවිසුම් 24:8

දහම සහ ගිවිසුම් 121:7–8

යෙසායා 40:28–31

මොසායා 24:14–15

එමා ස්මිත් ඇගේ ස්වාමිපුරුෂයා වන ජෝසෆ් ස්මිත් හරහා නැවත පිහිටුවීම දිග හැරෙන ආකාරය දෙස බලා සිටියදී, ඇයගේ භූමිකාව කුමක් විය හැකිදැයි ඇය කල්පනා කරන්නට ඇත. දහම සහ ගිවිසුම් 25 හි දෙවියන්වහන්සේ සපයා ඇති පිළිතුරු සොයන්න. උන්වහන්සේගේ “[ඔබ] උදෙසා හඬ” ලෙස ඔබට හැඟෙන කිසිවක් මෙම කොටසෙහි ඔබට පෙනෙනවාද? (16 වෙනි පදය).

බලන්න ජෝයි ඩී. ජෝන්ස්, “විශේෂයෙන්ම උතුම් ඇමතීමක්,” ලියහෝනා, 2020 මැයි, 15–18.

5:15

“මෘදුබවේ ආත්මය” යන වාක්‍ය ඛණ්ඩයෙන් ඔබට අදහස් කරන්නේ කුමක්ද? මෘදු වීම යන්නෙන් අදහස් කරන්නේ කුමක්දැයි ඔබට තේරුම් ගැනීමට උපකාර වන වචන සහ වාක්‍ය ඛණ්ඩ සඳහා 25 වෙනි කොටස උවමනාවෙන් කියවීම ගැන සලකා බලන්න. “යටහත් පහත් සිත් යන වැඩිහිටි ඩේවිඩ් ඒ. බෙඩ්නර්ගේ පණිවිඩය ද උපකාර විය හැකිය (ලියහෝනා, මැයි 2018, 30-33). යේසුස් ක්‍රිස්තුස්වහන්සේ ඔබට මෘදුබවේ ආදර්ශයක් වන්නේ කෙසේද? (බලන්න මතෙව් 11:28-30). ඔබේ ජීවිතයේ “මෘදුබවේ ආත්මයෙන්” ඔබට කළ හැකි දේවල් ගැන සිතන්න.

ඔබ දහම සහ ගිවිසුම් 25:10 තුළ ස්වාමින්වහන්සේගේ උපදෙස් ගැන මෙනෙහි කරන විට, ඔබ “පසෙකින් තබනවාට” උන්වහන්සේ කැමති “මේ ලෝකයේ දේවල්” ලැයිස්තුවක් සෑදීම උපකාරී විය හැකිය. ඉන්පසු උන්වහන්සේ ඔබ සොයනවාට කැමති “[ලෝකයේ] වඩා යහපත් දේවල්” ලැයිස්තුවක් ඔබට සාදාගත හැකිය. පළමු ලැයිස්තුවෙන් අවම වශයෙන් ඔබ පසෙකට තබන එක් දෙයක් සහ දෙවන ලැයිස්තුවෙන් ඔබ සොයන එක් දෙයක් ඔබට තෝරා ගත හැකිය.

“මෙම ලෝකයේ බොහෝ දේවල් [පසෙකට දැමීම]” ගැන සභාපති රසල් එම්. නෙල්සන් උපදෙස් සහ පොරොන්දු ලබා දී ඇත. උන්වහන්සේගේ “අධ්‍යාත්මික වස්තූන්” (ලියහෝනා, නොවැම්බර් 2019). ඔබ උන්වහන්සේගේ උපදෙස් පිළිපදින්නේ කෙසේද?

ඔබ 13 වෙනි පදය කියවන විට, ඔබ ස්වර්ගීය පියාණන්වහන්සේ සහ යේසුස් ක්‍රිස්තුස්වහන්සේ සමඟ ඇති කරගත් ගිවිසුම් ගැන සිතන්න. මෙම ගිවිසුම්වලට “ඇලී සිටීම” යන්නෙන් අදහස් කරන්නේ කුමක්ද? “මෙම ලෝකයේ දේවල් පසෙක තබා වඩා යහපත් දේවල් උදෙසා සෙවීමට” ඔබේ ගිවිසුම් ඔබට උපකාර කරන්නේ කෙසේද?

මෙන්න ඔබට “මෙම ලෝකයේ දේවල්” සහ “වඩා යහපත් දේවල්” ගැන තේරුම් ගැනීමට උපකාර කළ හැකි තවත් ශුද්ධලියවිලි කිහිපයක්: මතෙව් 6:19, 21, 25–34; ලූක් 10:39–42; 2 නෙපී 9:51.

ස්වර්ගීය පියාණන්වහන්සේ හෝ යේසුස් ක්‍රිස්තුස්වහන්සේ ගැන ඔබේ හැඟීම් ප්‍රකාශ කරන ඔබේ “හදවතේ ගීත” සමහරක් මොනවාද? ඒවායින් කිහිපයක් ගායනා කිරීම හෝ ඒවාට සවන් දීම ගැන සලකා බලන්න. මෙම ගීත ඔබට විශේෂ වීමට හේතුව කුමක්ද?

මෙම ගීතිකා යාච්ඤාවක් මෙන් වන්නේ කෙසේදැයි ඔබට සිතා බැලිය හැකිය. පූජනීය සංගීතයට සහ යාච්ඤාවට ඇති පොදු දේවල් මොනවාද? ඔබේ පූජනීය ගීතවලට “ආශිර්වාදයක් සමඟින් පිළිතුරු” ලැබී ඇත්තේ කෙසේද?

මෙම පදයේ ඇති “පොදු කැමැත්ත” යන වාක්‍ය ඛණ්ඩයෙන් අදහස් කරන්නේ, කැඳවීමක් හෝ පූජකවර නියම කිරීමක් ලබන පුද්ගලයෙකුව අප විසින් ස්ථිර කිරීම සහ ඔහුට සහාය දෙන බවට පෙන්වීමට අපගේ දෑත් එසවීමේ ක්‍රියාවයි. අප යමෙකු ස්ථිර කරන විට එයින් අදහස් කරන්නේ කුමක්ද කියා සභා රැස්වීමකට පැමිණෙන ආගන්තුකයෙකුට ඔබ පැහැදිලි කරන්නේ කෙසේද? සභාපති හෙන්රි බී. අයිරින්ගේ “ඇදහිල්ල ස්ථිර කිරීමේ බලය” පණිවිඩයෙන් ඔබ සොයා ගන්නා පිළිතුරු මොනවාද? (ලියහෝනා, මැයි 2019, 58–60).

• දුෂ්කර කාලවලදී ස්වාමින්වහන්සේ ඔබට උපකාර කරන ආකාරය ඔබට එකිනෙකා සමඟ බෙදා ගත හැකිය.

  

  1:52

• දහම සහ ගිවිසුම් 24:8 ඉවසීම ගැන අපට උගන්වන්නේ කුමක්ද? අපගේ පීඩාවන්වලදී උන්වහන්සේ “[අප සමඟ]” සිටින බව ගැලවුම්කරුවාණන් අපට දන්වන්නේ කෙසේද?

  

  2:42

• දහම සහ ගිවිසුම් 25:12 කියවීමෙන් පසු, ඔබට ඔබේ ප්‍රියතම ගීතිකාව හෝ සභාවේ ගීතයක්—නැතිනම් ඔබේ “හදවතේ ගීතය”—කුමක්ද කියා එකිනෙකාට පවසා, ඒවා එකට ගායනා කළ හැකිය. ඔබ මෙම ගීත වලට ආදරය කරන්නේ මන්දැයි එකිනෙකා සමඟ බෙදා ගන්න. අපි මේ ගීත ගායනා කරන විට ස්වාමින්වහන්සේ සතුටු වන්නේ ඇයි? අපගේ ගායනය “[උන්වහන්සේට] යාච්ඤාවක්” මෙන් වන්නේ කෙසේද?

• “ගිවිසුම්වලට ඇලී සිටීම” (දහම සහ ගිවිසුම් 25:13) යන්නෙන් අදහස් කරන්නේ කුමක්ද යන්න තේරුම් ගැනීමට ඔබේ දරුවන්ට යමක් හැකි තරම් තදින් අල්ලාගෙන සිටිය හැකිය. එවිට ඔබටත් ඔබේ දරුවන්ටත් ඔබ ඔබේ ගිවිසුම්වලට “ඇලී සිටින” හෝ එකඟව සිටින ආකාරය ගැන කතා කළ හැකිය. අවශ්‍ය නම්, අප ඇතිකරගන්නා ගිවිසුම් ගැන ඔබේ දරුවන් සමඟ සමාලෝචනය කරන්න (බලන්න මොසායා 18:8-10; දහම සහ ගිවිසුම් 20:37; සහ මෙම සතියේ ක්‍රියාකාරකම් පිටුව).

• දහම සහ ගිවිසුම් 25:13 සඳහා ඔබේ දරුවන්ට සන්දර්භය ලබා දීමට, එය බව්තීස්ම වූ විගස එමා ස්මිත්ට ස්වාමින්වහන්සේ පැවසූ දෙයක් බව ඔබට පෙන්වා දිය හැකිය. මෑතකදී බව්තීස්ම වූ කෙනෙකුට මෙය හොඳ උපදෙසක් වන්නේ ඇයි?