Nkyerɛkyerɛ na Ahyɛmudzi 27–28

Sally Knight na Emma Smith wonumaa hɔn Obiradzi afe 1830 mu, mbom hɔn pi si no etuatsewfo dɔm bɔbɔe gui. Abosoom ebien ekyir no, Sally na no kun, Newel, kɛseraa Joseph na Emma, na wɔbɔɔ adwenpɔw dɛ afei wobesi hɔn pi na kuw no bɔbɔ mu edzi sacrament. Ɔnam kwan do a ɔrokɔtɔ wenyin no ama sacrament no, ɔbɔfo bi gyinaa Joseph.

Kenkan Nkyerɛkyerɛ na Ahyɛmudzi 27:1–4 fa hu dza ɔbɔfo no kyerɛkyerɛɛ no faa sacrament ho. Ebɛnadze na nyiyimu yinom susu fa mbrɛ osi na Agyenkwa no pɛ dɛ eyɛ ahoboa kɔ sacrament? “[Yɛ]dze enyiwa kor wɔ [N’]enyimnyam nko dzi” edwen ho a, n’asekyerɛ nye dɛn? Dwendwen iyi ho—na hwehwɛ nhumu binom so a ɔfa sacrament ho—ber a ekenkan Luke 22:19–20 na 3 Nephi 18:1–11. (Hwɛ video yinom so “The Last Supper,” “Jesus Christ Blesses Bread in Remembrance of Him,” na “Jesus Christ Blesses Wine in Remembrance of Him,” (Asɛmpa Nwoma Korabea).

6:12

4:24

2:28

Ama yeesũa afa yɛrema Sacrament no ayɛ ɔsom krɔnkrɔn sũahu no, hwɛ dɛ ibosũa Elder D. Todd Christofferson n’amandzɛɛbɔ no “The Living Bread Which Came Down from Heaven” (Liahona, Ɔberɛfɛw 2017, 36–39). Ebɛnadze na Elder Christofferson kyerɛkyerɛ a obotum ama eedua sacrament mu enye Agyenkwa no enya nkitahodzi yie ho atsenkã? Dwendwen dza ibotum ayɛ ma ayɛ ahoboa yie dze edzi Agyenkwa No Werdambɔ ho asɛnkyerɛdze na ama no obu na botae pa ara yie.

Hom nhwɛ ntow ndwom, ntsie, anaa hom nkenkan sacrament ndwom mu nsɛm, tse dɛ “As Now We Take the Sacrament” (Asɔr Ndwom, nkanee 169), na erekyerɛw w’atsenkã a ɔfa edze woho rehyɛ ayɛdze krɔnkrɔn yi mu no.

Hwɛ Nkyerɛkyerɛ na Ahyɛmudzi 20:77, 79; 59:9 –13; Nsɛntsir na Nsɛmbisa, “Sacrament,” Asɛmpa Nwoma Korabea; “Obtaining and Retaining a Remission of Sins through Ordinances,” wɔ David A. Bednar, “Always Retain a Remission of Your Sins,” Liahona, Esusow Aketseaba 2016, 60–62.

15:20

Ebɛn nsɛm na inyim fa nkɔnhyɛfo a wɔabobɔ hɔn edzin wɔ nyiyimu yinom mu no ho. Ibotum ahwehwɛ hɔn ho nsɛm wɔ Kyerɛwsɛm no Kwankyerɛ mu. Ebɛn nhyira horow na woedua nsaafee a nkɔnhyɛfo yinom kitsaa no woebue ama wo?

President M. Russell Ballard kãa dɛ: “Adze kɛse kor na dza ɔkrɔn biara nnyi hɔ a yebotum ayɛ dze ayɛ hɛnankasa hɛn sunsum mu akodze. Nokwar sunsum mu tum no fi ndzeyɛɛ nketsenketse a wɔabɔ mu awen wɔ sunsum mu tam akoban a ɔbɔ hɛnho ban ara yie fi bɔn nyina ho.” (“Be Strong in the Lord,” Ensign, Ayɛwoho 2004, 8).

Ber a hom sũa Nyame n’akodze a ɔwɔ Nkyerɛkyerɛ na Ahyɛmudzi 27:15–18 mu no, hom botum ahyehyɛ no tse dɛ iyi. Ebɛnadze na ereyɛ afa Nyame n’akodze ne fã biara a ahyɛ?

Hwɛ Ephesusfo 6:11–18; Jorge F. Zeballos, “Building a Life Resistant to the Adversary,” Liahona, Ɔberɛfɛw 2022, 50–52 so.

Susu dza nkyɛ ɔbɛyɛ sɛ obiara botum enya mbrasɛm na nyikyerɛ ama Asɔr no nyina a. Ber a Hiram Page ɔnoara kãa dɛ oenya dɛm nyikyerɛ no bi no, Asɔrmba pii hɔn adwen mu yɛɛ hɔn konsẽe. Nkyerɛkyerɛ na Ahyɛmudzi 28 mu no, Ewuradze yii N’Asɔr mu nyikyerɛ ho nhyehyɛɛ. Ebɛnadze na yesũa fi ɔfã yi mu a ɔfa Asɔr no ne President no n’asɛdze pɔkyee no? Ebɛnadze na isũa fi mbrɛ Nyankopɔn besi botum ama wo kwankyerɛ ho?

Hwɛ Dale G. Renlund, “A Framework for Personal Revelation,” Liahona, Ɔberɛfɛw 2022, 16–19 so.

Mormon Nwoma no botae kor nye dɛ “ama Lamanfo no ebenya hɔn egyanom hɔn nyimdzee ho, na woeehu Ewuradze n’anohoba no” (Nkyerɛkyerɛ na Ahyɛmudzi 3:20). Iyi nye anohoba a Ewuradze dze bɔɔ Mormon Nwoma mu nkɔnhyɛfo dodowara no saa (hwɛ, mfatoho, 1 Nephi 13:34–41; Enos 1:11–18; Helaman 15:12–13). Asɔpɔkan Asɔrmba no susuu dɛ America Indiafo no yɛ Mormon Nwoma mu nkorɔfo no hɔn asefo. (Asɔr no ne gyinabew ndɛ nye dɛ Lamanfo no “kã America Indiafo hɔn egyanom ankasa ho” [Mormon Nwoma Mbueienyi].)

Ama akenkan bi akã Oliver Cowdery n’asɛmpakã dwuma wɔ America Indianfo a wɔbɛn mu no, hwɛ, “A Mission to the Lamanites,” Revelations in Context, 45–49. Ebɛnadze na asɛmpakã dwuma yi kyerɛkyerɛ wo fa Ewuradze na N’edwuma ho nsɛm?

• Bia ɔbɛyɛ mbofra no nwanwa siantsir a yɛdze nsu yɛ sacrament ber a Jesus dze wenyin yɛɛ (hwɛ Luke 22:19–20; 3 Nephi 18:1–11). Wobotum wɔabɔ mu akenkan Nkyerɛkyerɛ na Ahyɛmudzi 27:1–2 na wɔakasa afa yɛdze “enyiwa kor wɔ [Nyankopɔn] n’enyimnyam nko ho dzi” sacrament no n’asekyerɛ (verse 2). Ebɛnadze na yebotum ayɛ dze etsim wɔ Agyenkwa no do ber a yeridzi sacrament no?

• Ibia erenya mfonyin, kyerɛwsɛm nyiyimu, anaa ndwom mu nsɛm a ɔfa Agyenkwa no ho botum aboa wo mbofra ma wɔakaa No ber a woridzi sacrament no. Wobotum ayɛ buukuu kakraba a mfonyin, nyiyimu, na ndwom mu nsɛm ne bi wɔ mu. Wobotum adorɔw hɔnankasa hɔn mfonyin anaa wɔahwehwɛ bi wɔ Friend dawurbɔ. Krataa no mu.

• Ibotum edze akodze tse dɛ ma ɔwɔ n’apɔwdo n’apɔwdo yi mu anaa ɔwɔ dwumadzi krataafa wɔ Ephesusfo wɔ Come, Follow Me—For Primary: New Testament 2023 mu no akyerɛ wo mbofra adze. Ber a ikenkan Nkyerɛkyerɛ na Ahyɛmudzi 27:15–18 no, boa hɔn ma wonhu akodze n’esinesin no wɔ mfonyin no mu. Nyankopɔn akodze no besi dɛn botum aboa hɛn ama “yeetum egyina wɔ da bɔn no mu”? (Nyiyimu 15).

• Sɛ ewɔ mbofra pii a, ibotum ato nsa afrɛ hɔn ma woedzi agor “follow the leader,” mbom bisa mbofra beenu anaa no mboree ma wɔnyɛ baanodzinyi aber kor noara mu. Ebɛn asɛm na osi sɛ yɛwɔ baanodzifo bɔbor kor a? Nkyii wobotum esũa Hiram Page no ho nsɛm (hwɛ “Chapter 14: The Prophet and Revelations for the Church,” wɔ Doctrine and Covenants Stories, 56–57, anaa video a ɔnye no kɔ do wɔ Asɛmpa Nwoma Korabea; anaa ɔfã tsir Nkyerɛkyerɛ na Ahyɛmudzi 28). Ɔsor Egya sii dɛn tsentsen asɔpɔkan Asɔrmba hɔn adwen mu konsẽe no? Osi dɛn na Odzi Asɔr no kan ndɛ? (hwɛ Nkyerɛkyerɛ na Ahyɛmudzi 28:2. Kyɛ wo dasegye dɛ ndɛ nkɔnhyɛnyi no Ewuradze na wɔafrɛ no dɛ ondzi N’Asɔr ne kan ndɛ.

  

  1:21

• Ber a nyikyerɛ a wɔdze ma Asɔr no aber biara wɔdze bɛma edua nkɔnhyɛnyi no mu, hɛn nyina benya kwankyerɛ efi Sunsum Krɔnkrɔn no hɔ. Ibotum aboa wo mbofra ma wɔahwehwɛ kyerɛwsɛm a odzi do binom mu na wɔakyerɛw no nkorkor akwan horow a Sunsum Krɔnkrɔn no botum ama hɛn kwankyerɛ: Nkyerɛkyerɛ na Ahyɛmudzi 28:1, 4,, 15; John 14:26; Moroni 8:26; 10:4–5. Wɔnye hɔnho nkyɛ mbrɛ Sunsum Krɔnkrɔn esi ama hɔn kwankyerɛ.