Nkyerɛkyerɛ na Ahyɛmudzi 18

Ɔfã 18 mu no, Ewuradze ma Oliver Cowdery ahyɛdze dɛ ɔmboa ma wɔntoow Jesus Christ N’Asɔr ne fapem. Ebɛnadze na ihyɛ no nsew wɔ afotu a Ɔdze maa no ho—nkanka wɔ nyiyimu 1–5? Bia ibotum ahwɛ mbrɛ afotu kor yi besi bɛfa wo ho ber a “etow” wo gyedzi wɔ Christ mu. Mfatoho:

• Ebɛnadze na ɔwo “epɛ dɛ ihu” fi Ewuradze hɔ? (nyiyimu 1).

• Edze “wo werɛ rotwer ndzɛmba a wɔakyerɛw no do” n’asekyerɛ ma wo nye dɛn”? (nyiyimu 3). Sunsum no esi dɛn “ada no edzi akyerɛ wo” dɛ ndzɛmba yinom yɛ nokwar? (nyiyimu 2; hwɛ Nkyerɛkyerɛ na Ahyɛmudzi 6:22–24 so).

• Ibesi dɛn bɔtow wo bra wɔ “[Agyenkwa no] N’asɛmpa ne fapem na [No] botan do”? (nyiyimu 5).

Yesi dɛn susu adze bi no bo? Mfatoho, dɛn ntsi na guado no adze kor no bo yɛ dzen koraa kyɛn kor so. Ber a ekenkan ɔfã 18 dapɛn yi mu no, nkanka nyiyimu 10–13, ibotum edze mbrɛ nkorɔfo si susu adze no bo ato mbrɛ osi na ɔkra som bo kɛse wɔ Nyame enyim no ho. Hwɛ dɛ edze wo dzin bɛhyɛ mbea a nsɛmfua “ɔkra,” “akra,” na “adasa nyina” yinom hɔn anan mu. Nyiyimu yinom besi dɛn aboa obi a ɔnngye noho nndzi dɛ ɔsom bo?

Kyerɛwsɛm mu nsɛm binom so a ɔkyerɛkyerɛ ɔkra no bo a ɔsom ho nsɛm: Luke 15:1–10; John 3:16–17; 2 Nephi 26:24–28; Moses 1:39. Ɔnam nsɛm yinom do no, ibesi dɛn botwa no tsia mbrɛ osi ma Nyankopɔn tse ma wo no? Ibotum so ahwehwɛ President Dieter F. Uchtdorf n’asɛm “You Matter to Him” (Liahona, Ɔberɛfɛw 2011, 19–22) dze ahwehwɛ nkasfua na kasasin a ɔbɔboa wo ma ehu wo bo a edze som Nyankopɔn.

Osi dɛn na Nyankopɔn kyerɛ wo dɛ esom bo kɛse ma No? Osii dɛn na iyi nya nsunsuando wɔ w’atsenkã wɔ wankasa wo ho na binom ho?

Hwɛ Joy D. Jones, “Value beyond Measure,” Liahona, Ɔberɛfɛw 2017, 13–15; Nsɛngyinado na Nsɛmbisa, “Children of God,” Asɛmpa Nwoma Korabea.

Hyɛ no nsew mpɛn dodow a nkasafua tse dɛ nu ho na nnuho wɔkã no wɔ Nkyerɛkyerɛ na Ahyɛmudzi 18 mu nyina. Dwendwen dza isũa fi nkasafua yinom mu ber biara a wɔbɔ do no. Hwɛ nkanka nyiyimu 11–16. Osi dɛn na nyiyimu no si kã w’atsenkã wɔ nnuho ho–wankasa wo nnuho na asɛdze dɛ ibɔto nsa afrɛ nkorɔfo ma woenu hɔnho na woetu mpon. Kwan kor a edze bɛkyerɛw dza esũa no: kyerɛw akwan horow a edze bɛkyerɛw nsɛntɔw “Nnuho nye .”

Hwɛ Alma 36:18–21; Kyerɛwsɛm no Kwankyerɛ, “Nnuho,” Asɛmpa Nwoma Korabea; Dale G. Renlund, “Repentance: A Joyful Choice,” Liahona, Ɔberɛfɛw 2016, 121–24 so.

Ber a ekenkan nyiyimu 14–16 no, dwendwen “wɔmbɔ nnuho ho dawur” n’asekyerɛ ho—na saintsir a ɔdze dɛwdzi kɛse dɛm ba. Ebɛn akwan binom na ehu aboa binom ma wɔaba Agyenkwa no hɔ na wɔabɛgye bɔnfakyɛ? Nkorɔfo nkaafo esi dɛn ayɛ dɛm ama wo?

Hwɛ Craig C. Christensen, “Biribiara So Nnyi Hɔ a Ɔbɛyɛ Dɛw Kɛse Tse dɛ M’enyigye no,” Liahona, Esusow Aketseaba 2023, 45–47.

Sɛ obi bisa wo dɛ Ewuradze ne ndze ɔtse dɛn a, ebɛnadze na ibɛkã? Dwendwen asɛmbisa yi ho ber a ekenkan Nkyerɛkyerɛ na Ahyɛmudzi 18:34–36. Ebɛnadze na esũa afa Ewuradze ne ndze ho asɛm fi Nkyerɛkyerɛ na Ahyɛmudzi ne nkenkanee mu? Ebɛnadze na ibotum ayɛ dze atse Ne ndze pefee ara yie?

Hwɛ “As I Search the Holy Scriptures,” Asɔr Ndwom, nkanee 277.

• Ber a ɔwo na wo mbofra kenkan Nkyerɛkyerɛ na Ahyɛmudzi 18:10–13, hwɛ dɛ hom dze hom mu kor biara ne dzin bɛsesa nkasafua “ɔkra,” “akra,” na “adasa nyina,” Nkyii hom botum akasa afa mbrɛ nyiyimu yinom boa hɛn ma yɛtse mbrɛ Ɔsor Egya dwen hɛn mu kor biara ho.

• Ibotum so ebisa wo mbofra no afa ndzɛmba a nkorɔfo susu dɛ ɔsombo. Anaa ibotum akyerɛ hɔn biribi a ɔsom wo bo. Yesi dɛn hwɛ ndzɛmba a ɔsom hɛn bo do? Nkyii ma wɔnhwɛ ahwehwɛ mu nkorkor. Ber a wɔyɛ no, kã kyerɛ abofra kor biara dɛ wɔyɛ Nyame ne ba na wosom bo kɛse. Yebesi dɛn botum akyerɛ nkaafo dɛ “[hɔn] akra som bo kɛse wɔ hɛn enyim?

• Ama etsĩ mu dɛ nkorɔfo nyina som bo kɛse ma Ɔsor Egya no, wo mbofra no botum ahwɛ mfonyin no a ɔwɔ n’apɔwdo n’apɔwdo yi n’ewiei ber a erekenkan Nkyerɛkyerɛ na Ahyɛmudzi 18:10–13. Hom robɔ mu atow ndwom tse dɛ “Every Star Is Different” (Children Songbook, 142–43) botum esi asɛm yi pi.

• Ama ekenyan wo mbofra ma wɔakyɛ Jesus Christ asɛmpa no, hom botum nye hɔnho akasa afa sũahu horow ho a hom ehu biribi a nna hom pɛ dɛ hom nye hom anyɛnkofo anaa ebusua kyɛ. Dɛn ntsi nna epɛ dɛ ekyɛ, na erekyɛ maa w’atsenkã yɛɛ dɛn? Nkyii ibotum akenkan Nkyerɛkyerɛ na Ahyɛmudzi 18:13, 16. Ebɛnadze na ɔdze enyigye brɛ Ewuradze? Ebɛnadze na Ɔse ɔdze enyigye bɛbrɛ hɛn? Ɔwo na wo mbofra botum akasa afa sũahu biara ho a hom enya ber a hom rekyɛ Agyenkwa n’asɛmpa mu enyigye no.

• Ndwom a ɔfa erekyɛ asɛmpa no, tse dɛ “I Want to Be a Missionary Now” (Children’s Songbook, 168), botum aboa wo mbofra ma wɔadwendwen akwan horow a wobotum akyɛ asɛmpa no.

• Wo mbofra botum enya enyigye wɔ agordzi bi mu a wɔbɔ mbɔdzen hu nkorɔfo asorɔtow, tse dɛ ebusua mu mba, anyɛnkofo, anaa Asɔr baanodzifo hɔn ndze. Yesi dɛn tse hɛn ndze nkorkor? Yesi dɛn tse Ewuradze ne ndze Hom botum abɔ mu akenkan Nkyerɛkyerɛ na Ahyɛmudzi 18:34–36 dze apɛnsampɛnsam asɛmbisa yi mu. Hom botum nye homho akyɛ mbrɛ hom esi atse Ewuradze ne ndze wɔ kyerɛwsɛm no mu.