Nkyerɛkyerɛ na Ahyɛmudzi 23–26

Nyikyerɛ a ɔwɔ Nkyerɛkyerɛ na Ahyɛmudzi 24 mu no wɔdze maa dɛ “ɔbɛhyɛ dzen, ahyɛ nkuran, na wɔakyerɛkyerɛ” Joseph Smith na Oliver Cowdery wɔ hɔn nsɔhwɛ ber mu (ɔfã tsir; hwɛ Saints, 1:94–96). Hwehwɛ nkasafua a ɔwɔ Nkyerɛkyerɛ na Ahyɛmudzi 24 a ɔma inya atsenkã dɛ ɔbɛyɛ dzenhyɛ na nkuranhyɛ ama hɔn.

Kyerɛwsɛm a odzi do yinom mu no ebɛnadze na osusu kyerɛ wo mbrɛ Agyenkwa no boa wo wɔ wo haw mu.

Nkyerɛkyerɛ na Ahyɛmudzi 24:1–3

Nkyerɛkyerɛ na Ahyɛmudzi 24:8;

Nkyerɛkyerɛ na Ahyɛmudzi 121:7–8

Isaiah 40:28–31

Mosiah 24:14-15

Dɛ mbrɛ Emma Smith hwɛɛ Nsanananmu a orudua no kun Joseph Smith mu rokɔ do no, bia ɔbɔdwen mbrɛ n’asɛdze bɛyɛ. Hwehwɛ mbuae a Nyankopɔn dze maa no wɔ Nkyerɛkyerɛ na Ahyɛmudzi 25. Ana ihu biribi wɔ ɔfã yi mu a ɔma itse Ne “ndze a ɔba [wo] hɔ a”? nyiyimu 16).

Hwɛ “Ewuraba a Idzi Mu” (video), Asɛmpa Nwoma Korabea; “Iyɛ Ewuraba a Idzi Mu,” wɔ Revelations in Context, 33–39; Joy D. Jones, “An Especially Noble Calling,” Liahona, Esusow Aketseaba 2020, 15–18.

5:15

Kasasin “ɔdwe sunsum” n’asɛkyerɛ ma wo nye dɛn? Susu dɛ ibɔhwehwɛ ɔfã 25 nkasafua na kasasin horow a ɔboa wo ma itse iyɛ ɔdwe n’asekyerɛ. Elder David A. Bednar n’amandzɛɛbɔ “Meek and Lowly of Heart” botum so aboa (Liahona, Esusow Aketseaba 2018, 30–33). Jesus Christ si dɛn yɛ ɔdwe fasusu ma wo? (Hwɛ Matthew 11:28–30). Dwen ndzɛmba ho wɔ w’abrabɔ mu a ibotum ayɛ no “wɔ ɔdwe sunsum mu.”

Ber a idwendwen Ewuradze n’afotu wɔ Nkyerɛkyerɛ na Ahyɛmudzi 25:10 ho no, bia obotum aboa dɛ ibɛkyerɛw “wiadze ndzɛmba” a Ɔpɛ dɛ “edze to nkyɛn” no nkorkor. Nkyii ibotum akyerɛw “ndzɛmba a ofir bea pa” a Ɔpɛ dɛ ihwehwɛ no nkorkor. Annyɛ yie koraa no ibotum asan mu eyi adze kor wɔ ndzɛmba odzi kan a edze bɔto nkyɛn na adze kor wɔ ndzɛmba a otsĩa ebien no a ibɔhwehwɛ no.

President Russell M. Nelson ama hɛn afotu na anohoba a ɔfa “edze wiadze mu ndzɛmba dodowara roto nkyɛn.” Hwehwɛ no wɔ krataafa 77 wɔ n’amandzɛɛbɔ no mu “Spiritual Treasures” (Liahona, Ɔberɛfɛw 2019). Besi dɛn bedzi n’afotu yi do?

Ber a hom kenkan nyiyimu 13 no, hom ndwen ahyɛmu a hom nye Ɔsor Egya na Jesus Christ edzi. Ahyɛmudzi yinom no “yebosuo mu yie” n’asekyerɛ nye dɛn? Kwan bɛn do na ahyɛmudzi a yeeedzi boa ma “[yɛn]fa wiadze ndzɛmba [n]to nkyɛn, na [yɛn]per [n]hwehwɛ ndzɛmba a ofir bea pa.”?

Kyerɛwsɛm binom a obotum aboa wo ma etum ehu nsonsonee a ɔda “wiadze ndzɛmba” na “ndzɛmba a ofi bea pa” mu: Matthew 6:19, 21, 25–34; Luke 10:39–42; 2 Nephi 9:51.

Hwɛ Nsɛntsir na Nsɛmbisa, “Sacrifice,,” Asɛmpa Nwoma Korabea.

“[W’]akoma mu ndwom”—ndwom a ɔkyerɛ wo nkã-tse ma Ɔsor Egya anaa Jesus Christ bi nye dɛn? Hwɛ dɛ ibɔtow anaa ibetsie no mu kakra ara. Ebɛnadze na ɔwɔ ndwom yinom ho a ɔma wɔyɛ dɛw dodow ma wo?

Ibotum so adwendwen mbrɛ asɔr ndwom yinom tse dɛ mpaabɔ. Ebɛnadze mu na ndwom krɔnkrɔn na mpaabɔ wɔsaa? Wo ndwom krɔnkrɔn no woesi dɛn “ehue nhyira ayɛ no mbuae”?

Hwɛ “Oh, What Songs of the Heart,” Asɔr Ndwom, nkanee 286 so.

Kasasin “nyɛ adwen kor” a ɔwɔ nyiyimu mu no kyerɛ ndzeyɛɛ dɛ yɛma hɛn nsa do dze kyerɛ dɛ yɛma nyimpa a ɔregye ɔfrɛ anaa asɔfohyɛ ayɛdze no tsĩpia na abamba ma ɔgye. Besi dɛn akyerɛkyerɛ mu akyerɛ hɔho a ɔaba Asɔr nhyiamu sɛ yɛma obi tsĩpia a n’asekyerɛ? Ebɛn mbuae na ihu wɔ President Henry B. Eyring n’amandzɛɛbɔ no “The Power of Sustaining Faith” mu? (Liahona, 2019 Esusow Aketseaba, 58–60).

• Ama eesũa amandzehu anaa ɔhaw binom a Joseph Smith na asɔpɔkan Ahotseweefo no hyiae no, ibotum abobɔ “Tsir 11: More People Join the Church do,” wɔ Doctrine and Covenants Stories, 46–47, anaa video a ɔnye no kɔ do wɔ Asɛmpa Nwoma Korabea. Nkyii ɔwo na wo mbofra botum ekopue dza Ewuradze kãa kyerɛ Joseph wɔ n’amandzehu ho wɔ Nkyerɛkyerɛ na Ahyɛmudzi 24:1, 8. Wobotum so wɔnye hɔnho akyɛ mbrɛ Ewuradze si boa hom wɔ nkõdzen mber mu.

  

  1:52

• Ama wɔdze eesũa “abotar wɔ [hɛn] amandzehu mu” n’asekyerɛ no, ɔwo na wo mbofra no botum ayɛ dza wɔreyɛ ahwɛ wɔ video “Continue in Patience” (Asɛmpa Nwoma Korabea) mu no bio. Ebɛnadze na Nkyerɛkyerɛ na Ahyɛmudzi 24:8 kyerɛkyerɛ hɛn fa abotar ho? Agyenkwa no si dɛn na Ɔma yehu dɛ “Ɔnye [hɛn] wɔ hɔ” hɛn amandzehu ber mu?

  

  2:42

• Hom akenkan Nkyerɛkyerɛ na Ahyɛmudzi 25:12 ewie no hom botum akã hom Asɔr ndwom a hom pɛ no papaapa–”hom ndwom a ofi hom akoma mu no” akyerɛ hom ho nkorkor—na hom abɔ mu atow. Hom nye hom ho nkyɛ siantsir a hom pɛ ndwom yinom. Dɛn ntsi na Ewuradze n’enyi gye ber a yɛtow ndwom yinom no? Osi dɛn na hɛn ndwontow tse dɛ “mpaabɔ ma [No]”?

• Ama wɔaatse “suo ahyɛmu a edzi no yie” no ase no (Nkyerɛkyerɛ na Ahyɛmudzi 25:13), wo mbofra botum afa mber nkorkor esuo adze bi mu dzendzen a wobotum. Nkyii ɔwo na wo mbofra botum akasa afa mbrɛ wobesi “wobosuo mu yie” anaa wobosuo hɔn ahyɛmudzi mu. Sɛ okehia a, enye wo mbofra no mbobɔ ahyɛmu a yedzi no do (hwɛ Mosiah 18:8–10; Nkyerɛkyerɛ na Ahyɛmudzi; na dapɛn yi mu dwumadzi krataafa).

• Ama wo mbofra no Nkyerɛkyerɛ na Ahyɛmudzi 25:13 ho nsɛm no, kyerɛ mu dɛ iyi nye adze bi Ewuradze kãa kyerɛɛ Emma Smith no numa ekyir noara. Ebɛnadze ntsi na iyi bɛyɛ afotu pa ama obia ndaansa yi ara worunuma no?