Nkyerɛkyerɛ na Ahyɛmudzi 19

Joseph Smith kyerɛkyerɛɛ mu dɛ nyikyerɛ a ɔwɔ ɔfã 19 mu yi “yɛ mbrasɛm … ma Martin Harris, a nyia a ɔyɛ Onnyiewiei no dze mae” (ɔfã tsir). Hwehwɛ beebi a ɔwɔ nyiyimu 1–12 mu a Ewuradze tsĩmu kã No onnyiewiei su ho asɛm. Dɛn ntsi na ebɔdwen dɛ ohia papaapa ma Martin Harris dɛ obohu iyi afa Ewuradze ho? Dɛn ntsi na ohia papaapa ma wo dɛ ibohu?

Dɛn ntsi na edwen dɛ Jesus Christ wɔfrɛ no “ahyɛse na ewiei”? (nyiyimu 1).

Ahyɛmu Fofor no kã Agyenkwa n’amandzehu wɔ Gethsemane ho asɛm fi nkorɔfo a wɔhwɛe no hɔn adzehwɛ. Nkyerɛkyerɛ na Ahyɛmudzi 19:15–20 mu no, Jesus Christ kãa N’amandzehu ho asɛm fi nankasa N’adzehwɛ. Ber a ekenkan nankasa n’asɛm krɔnkrɔn yi no, hwehwɛ mbrɛ Agyenkwa no sii kãa N’amandzehu ho asɛm. Hwɛ dza kasafua anaa kasasin biara bɛkyerɛkyerɛ wo. Dɛn ntsi na Agyenkwa pɛɛ dɛ ohu amandze? Ibotum ehu bi akã ho wɔ John 15:13; Mosiah 3:7; Alma 7:11–12; Nkyerɛkyerɛ na Ahyɛmudzi 18:10–13.

Atsenkã a inya ber a isũa Agyenkwa n’amandzehu ho asɛm no bia obegya nsɛmbisa tse dɛ iyinom: Dɛn ntsi na ɔwɔ dɛ Agyenkwa no hu amandze ma mo bɔn? Dɛn ntsi na ɔwɔ dɛ munu moho ana menya N’afɔrbɔ ho nhyira no mãhyɛ? Ibenya nsɛmbisa yinom na binom ho nhumu wɔ Elder Ulisses Soares n’amandzɛɛbɔ no mu “Jesus Christ: The Caregiver of Our Soul” (Liahona, Esusow Aketseaba 2021, 82–84). Ber a isũa no, ebɛn nkenyan na ɔba w’adwen mu? Hwɛ dɛ ibɛkyerɛw w’atsenkã a ɔfa Jesus Christ na N’afɔrbɔ ma wo no ho.

Ibotum ahwehwɛ ndwom a ibotum etsie anaa atow a ɔkyerɛ w’enyisɔ ma Agyenkwa no wɔ N’amandzehu wɔ ɔwo ntsi, dze ayɛ w’adzesũa na asɔryɛ ne fã bi. “Migyina Ahobow M’” (Asɔr na Mbofra Ndwom, nkanee 22 yɛ mfatoho pa.

Ebɛnadze na inya ho atsenkã dɛ Ɔsor Egya na Jesus Christ bɛpɛ dɛ iyɛ ɔnam dza atse ho nkã na esũa ho nsunsuando?

Hwɛ “Jesus Christ will help you,” For the Strength of Youth: A Guide for Making Choices (2022), 6–9; Nsɛngyinado na Nsɛmbisa, “Atonement of Jesus Christ,” “Repentance,” Gospel Library; D. Todd Christofferson, “The Divine Gift of Repentance,” Liahona, Ɔberɛfɛw 2011, 38–41; “Jesus Suffers in Gethsemane” (video), Asɛmpa Nwoma Korabea.

8:48

Hwɛ Agyenkwa ne nsato yi: “Hom nsũa me.” Ebɛnadze na isũa fa Jesus Christ ho wɔ Nkyerɛkyerɛ na Ahyɛmudzi 19 mu? Kyerɛw w’adwen, na dwendwen mbrɛ Agyenkwa no ho nokwar yinom si boa wo ma inya asomdwee. “[Ibɛ]nantsew ɔdwe mu wɔ [No] Sunsum mu” n’asekyerɛ nye dɛn ma wo?

Hwɛ Henry B. Eyring, “Finding Personal Peace,” Liahona, Esusow Aketseaba 2023, 29–31; “Peace in Christ” (video), Asɛmpa Nwoma Korabea so.

4:10

Mormon Nwoma no anntɔn yie wɔ Palmyra. No nsunsuando ntsi nna ɔwɔ dɛ Martin Harris tɔn ne haban ne fã kɛse dze tua tsimtsimfo ne kaw no (hwɛ “The Contributions of Martin Harris,” wɔ Revelations in Context, 7–8. Dwendwen Martin n’afɔrbɔ ho—na nhyira enya osian ɔno ntsi—ber a ikenkan Nkyerɛkyerɛ na Ahyɛmudzi 19:26–41. Bia ibotum so adwendwen dza Ewuradze ase wo dɛ fa bɔ afɔr ho. Ebɛnadze na ihu wɔ nyiyimu yinom mu a okenyan wo ma edze “ehurusi” na “enyigye” bɛyɛ afɔrbɔ yinom? (Hwɛ nyiyimu 15–20 so).

• Ibotum aboa wo mbofra ma woenya obu na enyisɔ ama Agyenkwa no ber a hom bɔ mu kenkan Nkyerɛkyerɛ na Ahyɛmudzi 19:16–19 anaa “Chapter 51: Jesus Suffers in the Garden of Gethsemane,” wɔ New Testament Stories, 129–32, anaa video a ɔnye no kɔ do wɔ Asɛmpa Nwoma Korabea. Hwɛ dɛ ibegyinagyina dze ahwɛ no yie dɛ mbofra no tse ase na ama wɔaama hɔn kwan ma wɔaakã hɔn atsenkã. Mfatoho, wɔ nyiyimu 16 mu no, ebɛn “ndzɛmba yinom” na Jesus hun ho amandze maa hɛn? (hwɛ Mosiah 3:7; Alma 7:11–12). Ebɛnadze na yesũa fi mbrɛ Osii kãa N’amandzehu ho asɛm no? Yebesi dɛn akyerɛ hɛn enyisɔ wɔ dza Ɔyɛɛ maa hɛn no ho?

1:47

• Ɔwo na wo mbofra botum ahwɛ Asɔr Ndwom anaa Children’s Songbook mu ahwehwɛ ndwom a ɔbɔboa ma wɔakyerɛ hɔn atsenkã wɔ Jesus Christ ho (hwɛ nsɛngyinado kwankyerɛdze a ɔwɔ mbuukuu yinom mu).

• Oruhu amandze ama hɛn bɔn no nna ɔyɛ dzen papaapa dze, naaso Jesus Christ pɛɛ dɛ ɔyɛ dze ayɛ setsie ama N’Egya na Ɔakyerɛ No dɔ ma Ɔno na hɛn. Hom botum abɔ mu ahwɛ Jesus Christ a oruhu amandze wɔ Gethsemane no mfonyin (tse dɛ ma ɔwɔ n’apɔwdo n’apɔwdo yi mu no) na ebisa wo mbofra ma wɔakã dza wonyim fa dza ɔrokɔ do wɔ mfonyin no mu no ho. Hom botum abɔ mu akenkan Nkyerɛkyerɛ na Ahyɛmudzi 19:18–19 dze etsĩmu akyerɛ dɛ hɛn bɔn ho amandzehu no nye adze a ɔyɛ dzen papaapa a obi ayɛ pɛn, naaso osiandɛ Jesus dɔ N’Egya na hɛn so no ntsi, Ɔyɛɛ setsie maa Nyankopɔn ne pɛ (hwɛ Mosiah 3:7 so). Ebɛn ndzɛmba a ɔyɛ dzen na Nyame se hɛn dɛ yɛnyɛ? Yebesi dɛn benya akokodur dze ayɛ setsie ama No?

• Bia ibotum aboa wo mbofra ma wɔadwendwen ndzeyɛɛ a ɔnnyɛ dzen a ɔnye kasasin horow no kɔ do wɔ Nkyerɛkyerɛ na Ahyɛmudzi 19:23 mu. Kenkan nyiyimu biara mpɛn pii ber a wɔyɛ ndzeyɛɛ no. Ebɛn akwan binom na yebotum esũa Christ ho nsɛm na yetsie Ne nsɛm?

• Ɔwo na wo mbofra botum asesa esusuo Mormon Nwoma no kor mu na wɔakyɛ dza wɔpɛ wɔ ho. Kasa tsiabaa fa Martin Harris n’afɔrbɔ a ɔbɔe ho ama woeetum etsimtsim Mormon Nwoma no (hwɛ Doctrine and Covenants Stories, 33). Ebɛnadze na Ewuradze kãa kyerɛɛ Martin wɔ Nkyerɛkyerɛ na Ahyɛmudzi 19:38 mu a bia ɔboaa no ma odzii nokwar na ɔyɛɛ setsie? Boa wo mbofra ma wɔndwendwen biribi ho a wobotum dze abɔ afɔr dze etsie Nyame anaa wɔaboa wɔ N’edwuma yɛ mu.