Nkyerɛkyerɛ na Ahyɛmudzi 29

Nkyerɛkyerɛ na Ahyɛmudzi 29 kyerɛkyerɛ nokwar pii a ɔfa Nyame ne nhyehyɛɛ ma wo ho. Ber a ikenkan no, hwehwɛ nokwar a isũa fa Ne nhyehyɛɛ n’afã a odzi do yi mu kor biara.

• Abrabɔ a ansaana nyimpa reba asaase do (hwɛ nyiyimu 36–37)

• Abɔdze (hwɛ nyiyimu 31–33)

• Adam na Eve Asehwe (hwɛ nyiyimu 40–41)

• Ɔnnkyebo abrabɔ (hwɛ nyiyimu 39, 42–45)

• Jesus Christ No Werdambɔ (hwɛ nyiyimu 1, nyiyimu 42–43, 46-50)

• Wusoɛr no (hwɛ nyiyimu 13, 26)

• Atsɛmbu a Odzi Ewiei no (hwɛ nyiyimu 12–13, 27–30)

Ebɛn nhumu na inyae? Sɛ wɔayɛ mboa ama wo a, ibotum akyerɛw no wɔ kwan a wɔdze ama a mfonyin kã ho wɔ n’apɔwdo n’apɔwdo yi n’ewiei. Osi dɛn na nokwar yinom nya nhyɛdo wɔ w’abrabɔ mu?

Hwɛ Nsɛntsir na Nsɛmbisa, “Plan of Salvation,” Asɛmpa Nwoma Korabea

Jesus Christ kasa fa Ɔroboaboa No nkorɔfo ano tse “dɛ mbrɛ akokɔ baatan boaboa ne mba ano hyɛ ne ntsaban ase” (Nkyerɛkyerɛ na Ahyɛmudzi 29:2) Ebɛnadze na ntõtõho yi kyerɛkyerɛ wo fa Jesus Christ ho? Ebɛn adwen anaa nhumu ntodo bi na ɔba wo do ber a irusũa akokɔ baatan na ne mba ho mfonyin a ɔwɔ n’apɔwdo n’apɔwdo yi mu yi? Dwendwen mbrɛ esi atse nkã dɛ Jesus Christ roboaboa wo ano na Ɔrobɔ wo ho ban ho.

Ber a ikenkan Nkyerɛkyerɛ na Ahyɛmudzi 29:1–11, hwehwɛ nhumu fa:

• Woana na wɔbɔboaboa hɔn ano.

• “Wɔaboa ano” kɔ Christ hɔ n’asekyerɛ.

• Dɛn ntsi na yɛboaboa hɛn ano kɔ No hɔ.

Dwendwen siantsir a ipɛ dɛ nkorɔfo nkaafo no wɔboaboa hɔn ano kɔ Jesus Christ hɔ. Ebɛnadze na inya ho nkenyan dɛ ebɛyɛ dze aboa?

Ibotum ebisa nsɛmbisa yinom ara ber a erohwɛ video “A Witness of God” (Asɛmpa Nwoma Korabea) anaa erekenkan anaa iritsie ndwom a ɔfa mboano no ho tse dɛ “Israel, Israel, God Is Calling” (Asɔr Ndwom, nkanee 7). Ebɛn atsenkã na inya dɛ Ewuradze rohwehwɛ akyerɛkyerɛ wo No mboano edwuma ho nsɛm.

2:40

President Russell M. Nelson kãa dɛ: “Sesei mboano no kɔ do wɔ ɔman biara mu. Ewuradze ahyɛ Zion ne nkyekyeree ho ɔmom wɔ bea biara a Ɔama wɔawoo N’Ahotseweefo na woenya hɔn aman” (“The Gathering of Scattered Israel,” Liahona, Ɔberɛfɛw 2006, 81). Osi dɛn na mboano wɔ kwan yi do no boa hɛn ama “ woeesiesie [hɛn]ho wɔ adze nyinara mu” dze atweɔn Agyenkwa Ne Mbae a Otsia Ebien? (nyiyimu 8; hwɛ nyiyimu 14–28 so).

Hwɛ Russell M. Nelson na Wendy W. Nelson, “Hope of Israel” (wiadze nyina mu mbabun mpaabɔsom, Obiradzi 3, 2018), Asɛmpa Nwoma Korabea; D. Todd Christofferson, “The Doctrine of Belonging,” Liahona, Ɔberɛfɛw 2022, 53–56; Nsɛntsir na Nsɛmbisa, “Gathering of Israel,” Asɛmpa Nwoma Korabea.

Ber a ekenkan Nkyerɛkyerɛ na Ahyɛmudzi 29:31–35, bisa woho dɛ, “Ebɛn kwan do na mbrasɛm nyina yɛ sunsum mu dze?” Bia ibotum akyerɛw mbrasɛm kakrabaa nkorkor na ahwɛ sunsum mu nokwar a ɔfa kor biara ho. For the Strength of Youth: A Guide for Making Choices[Ma Mbabun enya Ahoɔdzen no mbobɔ do bɔboa—ɔkyerɛkyerɛ onnyiewiei nokwar a ɔhyɛ Nyankopɔn ne mbrasɛm dodowara mu.

Osi dɛn na iruhu dɛ “ndzɛmba nyinara … yɛ sunsum” benya nsunsuando wɔ kwan a edze hwɛ Nyankopɔn ne mbrasɛm? Susu dɛ ibɔhwehwɛ sunsum mu ntseasee anaa botae wɔ w’abrabɔ n’afã binom mu so akã ho.

Hwɛ 2 Nephi 9:39 so.

Ibesi dɛn dze dza ɔwɔ Nkyerɛkyerɛ na Ahyɛmudzi 29:36–50 akyerɛkyerɛmu siantsir a yehia ɔpon wɔ Jesus Christ mu?

Adam na Eve Asehwe no dze owu na bɔn baa wiadze, naaso osiesiee kwan so a yebodua Christ mu ebenya ɔpon na enyigye. Dɛm da adwen do no, kenkan nyiyimu 39–43 na hyɛ nkasafua na kasasin a ɔdze dɛm enyigye no ba no nsew. Ebɛnadze na okenyan wo wɔ dza Adam na Eve kãa faa Asehwe no ho wɔ Moses 5:10–12?

Hwɛ “Why We Need a Savior” (video), Asɛmpa Nwoma Korabea.

2:15

• Ama edze aahyɛ Ɔsor Egya ne nhyehyɛɛ ma hɛn ho nkɔmbɔdzi ase no, ɔwo na wo mbofra botum akasa afa ber bi a hom yɛ nhyehyɛɛ bi, tse dɛ akwantu anaa edwuma bi ne nyɛe. Ibotum so akyɛ nhyehyɛɛ ho mfatoho, tse dɛ calendar a wɔakyerɛw dwumadzi horow wɔ do anaa nkyerɛkyerɛ a wɔdze yɛ biribi. Dɛn ntsi na adze ho nhyehyɛɛ yɛ mfaso? Nkyii ibotum akasa afa dza hɛn Ɔsor Egya pɛ dɛ Ɔyɛ na mbrɛ Ne nhyehyɛɛ boa hɛn ma yetum yɛ.

• Ibotum dze mfonyin a ɔwɔ n’apɔwdo n’apɔdo n’ewiei no dze aboa wo mbofra ma wɔahwehwɛ nyiyimu wɔ Nkyerɛkyerɛ na Ahyɛmudzi 29 mu a ɔkyerɛkyerɛ Ɔsor Egya ne nhyehyɛɛ n’afã n’afã mu no. Ibotum so etwa mfonyin no na ebisa wo mbofra no dɛ wɔnhyehyɛ no esiado esiado. Dɛn ntsi na ɔyɛ hɛn enyisɔ dɛ yenyim dɛ Ɔsor Egya wɔ nhyehyɛɛ ma hɛn? Osi dɛn na yenyim ho asɛm nya nhyɛdo wɔ hɛn daa daa abrabɔ mu?

• Nsaano mfonyin a ɔwɔ ase ha yi yɛ akokɔ baatan a ɔaboaboa ne mba ano anaa video no “Chicks and Hens”ChurchofJesusChrist.org no botum aboa wo mbofra ma woehu wɔ hɔn enyido, mfatoho a ɔwɔ Nkyerɛkyerɛ na Ahyɛmudzi 29:1–2. Nkyii wobotum abɔ mu akenkan nyiyimu yinom na wɔnye hɔnho akasa afa mbrɛ osi na akokɔ baatan bɔ ne mba ho ban na mbrɛ osi tse dɛ dza Agyenkwa botum ayɛ ama hɛn no.

  

  1:24

  

• Ebɛnadze na obekenyan wo mbofra ma wɔapɛ dɛ wɔbɔboa Agyenkwa no ma Ɔaboaboa No nkorɔfo ano? Bia wɔbɛpɛ dɛ wotsie obi a ɔabɔdom N’Asɔr ma “wɔaboa no ano” ama No no sũahu. Mfatoho, woana na ɔdze w’ebusua baa Asɔr no mu? Igyee Agyenkwa ne frɛ no do pen dɛ wɔaboa wo ano aba No hɔ no, ebɛn nhyira na enya? Yebesi dɛn aboa binom ma wɔaboa ano aba No hɔ? (Hwɛ “A Message for Children from President Russell M. Nelson” [video], ChurchofJesusChrist.org.)

  

  3:30

• Agyenkwa no Ne Mbae a Otsĩa ne mfonyin (tse dɛ Gospel Art Book, nkanee 66) anaa ndwom bi a ɔkã ho asɛm (tse dɛ “When He Comes Again,” Children’s Songbook, 82–83) obotum wɔaboa ɔwo na wo mbofra no ma wɔapɛnsapɛnsa Nkyerɛkyerɛ na Ahyɛmudzi 29:11 no mu nsɛm. Boa wo mbofra no ma wɔnhyɛ kasasin ahorow bi a ɔfa biribi a ɔwɔ mfonyin no anaa ndwom no mu no nsew. Hom nye homho nkyɛ hom atsenkã wɔ Jesus Christ ne mbae bio wɔ asaase do ho.