Fotopampianarana sy Fanekempihavanana 23–26

Ilay fanambarana ao amin’ny Fotopampianarana sy Fanekempihavanana 24 dia nomena mba “hanatanjahana, hampaherezana, ary hampianarana” an’i Joseph sy i Oliver nandritra ny fotoam-pitsapana iray (sasin-tenin’ny fizarana; jereo koa ny Olomasina,, 1:94–96). Mitadiava teny ao amin’ny Fotopampianarana sy Fanekempihavanana 24 izay tsapanao fa mety ho nampatanjaka sy nampahery azy ireo.

Inona no soso-kevitra omen’ireto soratra masina manaraka ireto anao momba ny fomba hanampian’ny Mpamonjy anao amin’ny fiatrehanao ireo olana?

Fotopampianarana sy Fanekempihavanana 24:1–3

Fotopampianarana sy Fanekempihavanana 24:8

Fotopampianarana sy Fanekempihavanana 121:7–8

Isaia 40:28–31

Môzià 24:14–15

Rehefa nijery ny Famerenana amin’ny laoniny niseho tamin’ny alalan’i Joseph Smith vadiny i Emma Smith, dia mety ho nanontany tena izy hoe inona no mety ho anjara andraikiny. Mitadiava valiny nomen’Andriamanitra ao amin’ny Fotopampianarana sy Fanekempihavanana 25. Mahita zavatra ato amin’ity fizarana ity izay tsapanao fa ny “feo[ny] ho [anao]” ve ianao? (andininy 16).

Jereo koa ny Joy D. Jones, “Antso mendri-kaja manokana,” Liahona, mey 2020, 15–18.

5:15

Inona no dikan’ny andian-teny hoe “fanahin’ny fahamorana” aminao? Diniho ny fizarana 25 mba hahitana teny sy andian-teny izay manampy anao hahatakatra ny dikan’ny hoe malemy fanahy. Hevero ny handalina ny hafatry ny Loholona David A. Bednar hoe “Malemy fanahy sy mietry am-po” izay afaka manampy koa (Liahona, mey 2018, 30–33). Amin’ny fomba ahoana no maha-ohatra ho anao ny fahalemem-panahin’i Jesoa Kristy? (jereo ny Matio 11:28–30). Eritrereto ireo zavatra eo amin’ny fiainanao izay azonao atao “amin’ny fanahin’ny fahamorana.”

Rehefa misaintsaina ny torohevitry ny Tompo ao amin’ny Fotopampianarana sy Fanekempihavanana 25:10, ianao, dia mety hanampy ny fanaovana ny lisitr’ireo “zavatr’izao tontolo izao” izay tiany “hafoin[nao].” Avy eo ianao dia afaka manao ny lisitr’ireo “zavatr[y ny tontolo] tsara kokoa” izay tiany hokatsahinao. Azonao atao ny misafidy zavatra iray farafahakeliny amin’ny lisitra voalohany izay hapetrakao ary zavatra iray amin’ny lisitra faharoa izay hokatsahinao.

Ny Filoha Russell M. Nelson dia nanome torohevitra sy fampanantenana momba ny “[hanilihana] ny zavatra maro amin’izao tontolo izao.” Tadiavo izany ao amin’ny pejy 77 amin’ny hafany “Ireo harena ara-panahy” (Liahona, nôv. 2019). Ahoana no hampiharanao ny toroheviny?

Rehefa mamaky ny andininy 13, ianao dia eritrereto ireo fanekempihavanana nataonao tamin’ny Ray any An-danitra sy i Jesoa Kristy. Midika inona ny hoe “mifiki[tra]” amin’ireo fanekempihavanana ireo? Nanoro hevitra an’i Emma ny Tompo mba “hahafoy ny zavatr’izao tontolo izao ary hikatsaka ny zavatry ny tontolo tsara kokoa”?

Ireto misy soratra masina hafa izay afaka manampy anao hamantatra “ny zavatr’izao tontolo izao” sy ny “zavatry ny tontolo tsara kokoa”: Matio 6:19, 21, 25–34; Lioka 10:39–42; 2 Nefia 9:51.

Jereo koa ny LOhahevitra sy fanontaniana, “Fahafoizan-tena,” Médiathèque de l’Évangile.

Inona avy ny sasany amin’ireo “hiran’ny fo”—hira izay maneho ny fahatsapanao momba ny Ray any An-danitra na i Jesoa Kristy? Hevero ny hihirana na hihainoana ny vitsivitsy amin’izy ireny. Inona no mampiavaka ireo hira ireo aminao?

Azonao atao ihany koa ny misaintsaina ny mampitovy ireo hira ireo amin’ny vavaka. Inona no mampitovy ny hira masina sy ny vavaka? Tamin’ny fomba ahoana no “[namaliana t]amin’ny fitahiana” ireo hira masina nohirainao?

Ny andian-teny hoe “faneken’ny rehetra” ao amin’io andininy io dia entina ilazana ny asa fananganana ny tanantsika mba hanehoana fa manohana olona iray izay mandray antso na fanendrena ao amin’ny fisoronana isika. Ahoana no hanazavanao amin’ny mpitsidika ny fivorian’ny Fiangonana ny dikan’ny hoe manohana olona iray isika? Inona no valiny hitanao ao amin’ny hafatry ny Filoha Henry B. Eyring hoe “Ny herin’ny fanohanana entanim-pinoana”? (Liahona, mey 2019, 58–60).

• Mba hianarana momba ny sasany amin’ireo fahoriana na olana natrehan’i Joseph Smith sy ireo Olomasina tany am-boalohany dia azonao atao ny mamerina mijery ny “Toko 11: Nitombo ny isan’ny olona niditra ho mpikamban’ny Fiangonana,” ao amin’ny Tantara ao amin’ny Fotopampianarana sy Fanekempihavanana, 46–47. Avy eo ianao sy ny ankizy dia afaka mamantatra ny zavatra nolazain’ny Tompo tamin’i Joseph momba ny fahoriany ao amin’ny Fotopampianarana sy Fanekempihavanana 24:1, 8. Azonareo atao koa ny mifampizara ny fomba nanampian’ny Tompo anareo nandritra ny fotoan-tsarotra.

  

  1:52

• Inona no ampianarin’ny Fotopampianarana sy Fanekempihavanana 24:8 antsika momba ny faharetana? Ahoana no fomba hampahafantaran’ny Mpamonjy antsika fa “momba an[tsika] hatrany” Izy mandritra ireo fahoriantsika?

  

  2:42

• Rehefa avy mamaky ny Fotopampianarana sy Fanekempihavanana 25:12 ianareo dia afaka mifampiresaka momba ny hira tianao indrindra na ny hiran’ny Fiangonana—ny “hiran’ny fo”—ary miara-mihira izany. Ifampizarao ny antony itiavanareo ireo hira ireo. Nahoana no faly ny Tompo rehefa mihira ireo hira ireo isika? Nahoana no mitovy amin’ny “vavaka ho [Azy]” ny fihirantsika?

• Mba hahatakarana ny dikan’ny hoe “mifik[itra] amin’ny fanekempihavanana” (Fotopampianarana sy Fanekempihavanana 25:13), dia afaka mifandimby mihazona mafy amina zavatra araka izay azony atao ny ankizy. Avy eo ianao sy ny ankizy dia afaka miresaka momba ny fomba “hifikirana” na hihazonanareo ny fanekempihavananareo. Raha ilaina dia avereno jerena miaraka amin’ny ankizy ireo fanekempihavanana ataontsika (jereo ny Môzià 18:8–10; Fotopampianarana sy Fanekempihavanana 20:37; sy ny pejin’ny sahanasa ho an’ity herinandro ity).

• Mba hanomezana ny ankizy ny sahan-kevitra momba ny Fotopampianarana sy Fanekempihavanana 25:13, dia azonao atao ny manazava fa izany no zavatra nolazain’ny Tompo tamin’i Emma Smith fotoana fohy taorian’ny batisany. Nahoana izany no torohevitra tsara ho an’ny olona iray izay vao vita batisa?