Reirei ao Berita aika Tabu 12–17; Iotebwa Timiti—Rongorongo 1:66–75

E tangiria Joseph Knight ao David Whitmer n kan ataia bwa a na kanga aroia n ibuobuoki n ana mwakuri te Uea. Ngkai ko wareka ana kaeka te Uea nakoia (Reirei ao Berita aika Tabu 12; 14), iangoia bwa tera nanona nakoim “ukoukora waakinan ao katean ana waaki Tion” (12:6; taraa naba 14:6). Tera reirei ao anuan maiun Kristo ae ko kunea i nanon mwakoro aikai ae a kona ni buokiko ni karaoa aio?

Taraa naba“The Knight and Whitmer Families,” i nanon Revelations in Context, 20–24.

E weteiia Iotebwa Timiti ao Oliver Cowdery Ioane te Tia Bwabetito bwa “raona ni beku.” Tera nanon te riki bwa te tia mwakuri ma Ioane te Tia Bwabetito iroum? (taraa Mataio 3:13–17; Ruka 1:13–17; 3:2–20).

Ngkai ko wareka are e taekinna Ioane te Tia Bwabetito ibukin te Nakoanibonga ae te Aaron i nanon mwakoro 13, iangoia bwa a kanga n ibuobuoki te kiing n te nakoanibonga aei n katiaa ana mwakuri Ioane ni katauraoa kawain te Uea. Ibukin te katooto:

• Tera “aia mwakuri n ibuobuoki anera”? (taraa 2 Nibwaai 32:2–3; Moronaai 7:29–32; Kairi nakon Koroboki aika Tabu, “Angels,” Gospel Library).

• Tera “te euangkerio n rairannano”? (taraa Reirei ao Berita aika Tabu 84:26–27; Dale G. Renlund, “The Priesthood and the Savior’s Atoning Power,” Riaona, Nobembwa. 2017, 64–67).

E kanga aron te otenanti n te nakoanibonga ae te Aaron (n aron te bwabetito ao te toa) ni ibuobuoki ni katauraoa te kawai ibukim bwa ko aonga ni karekea te tia Kamaiu i nanon maium?

A katauraoa te kabwarabwara aei ibukin te kiing n te nakoanibonga Unimwaane Dale G. Renlund ao buuna, ae Ruth:

“Te taeka kiingin te nakoanibonga e kabonganaaki ni uoua kawai aika a kakaokoro. Te moan e kaineti nakon te koaua ke te tai are anganaki ni kabane naake a karekea te Nakoanbonga ae te Aaron ke te Merekitereka. … Te katooto, naake iai irouia te Nakoanibonga ae te Aaron a karekei kiingin aia mwakuri n ibuobuoki anera ao te euangkerio ni katauraoi ibukin te rairannano ao te bwabetito n te kateboaki iaan te ran ibukin kamaunaan buure (taraa Reirei ao Berita aika Tabu 13:1; 84:26–27). Ake iai irouia te Nakoanibonga ae te Merekitereka a taui kiingin bwain abanuea aika raba, kiingin te atatai ibukin te Atua, ao kiing ni kabane n ana kakabwaia n tamne te Ekaretia (taraa Reirei ao Berita aika Tabu 84:19; 107:18). …

“Te kauoua ni kawai ae kabonganaki iai te taeka ae kiingin te nakoanibonga bon ibukin te nakoa ni kairiiri. A karekei tabeua riki kiing n te nakoanibong mataniwi n te nakoanibonga, te mwiokoaki n tararuaa ana mwaanga te Ekaretia ke te kooram. Ni kaineti ma aei, kiingin te nakoanibonga bon te kariaia ao te mwaaka ni kaetii, ni kairi, ao n tararua te Ekaretia” (Te Nakoanibonga ae te Merekitereka: Ataakin te Berita, Maiuakinan Reirei [2018], 26).

Ko a tia ni iangoia bwa tera arom ngke arona bwa ngke Iotebwa Timiti ke Oliver Cowdery ibukin waakin Kaokan Bwaai? Ngkai ko wareka Iotebwa Timiti—Rongorongo 1:66–75, ni ikotaki ma te taeka ake n te kabanea n kibu 71, ko na konaa ni mataata n tabeua namakin ake a namakinna. Tera ae anaa nanom ibukin aia taeka? Ataia, n ae onoti, bwa kakabwaia ake a karekei ibukina bwa a tia ni karekea te nakoanibonga ao a bwabetitoaki. Tera kakabwaia ake e anganiko te tia Kamaiu rinanon te otenanti n te nakoanibonga?

N reiakinna riki, bairea korean te taibora ma atuun rongorongo aika Otenanti ao Kakabwaia. Ngkanne ko kona n ukori koroboki aika tabu n ai aron aikai ni karinani otenanti ao kakabwaia ake a roko mai iai: Ioane 14:26; Mwakuri 2:38; Reirei ao Berita aika Tabu 84:19–22; 131:1–4; Iotebwa Timiti—Rongorongo 1:73–74. Tera riki kakabwaia ae ko kona ni ikotia nakon kanoan ake ko karinanii? A kanga ni uota mwaakan te tia Kamaiu nakon maium otenanti ake ko a tia ni karekei?

Taraa David A. Bednar, “Ma Mwaakan te Atua ao te Mimitong ae Korakora,” Riaona, Nobembwa. 2021, 28–30; Saints, 1:65–68; “God of Power, God of Right,” Te Boki n Anene n Taromauri, nambwa. 20; Atuun Rongorong ao Otenanti, “Berita aika Tabu ao Otenanti,” Gospel Library.

Ko a tia n iangoia, n aroia John ao Peter Whitmer, tera “ae rangi ni kakawaki riki i nanon maium? (Reirei ao Berita aika Tabu 15:4; 16:4). Ngkai ko wareka Reirei ao Berita aika Tabu 15–16, iangoia raoi bwa bukin tera kairakiia aomata nakon Kristo e rangi ni kakawaki. Tera ae ko na karaoia ni “kairiia nanoia aomata nakon Kristo”?

Taraa naba Saints, 1:68–71.

Tera te tia kakoaua? E aera te Uea e kabonganaia taan kakoaua ibukin Ana mwakuri? (taraa 2 I-Korinto 13:1). Iangoi titiraki aikai ngkai ko wareka ana taeka te Atua nakoia taan Kakoaua ake Teniman n Reirei ao Berita aika Tabu 17. (Taraa naba “Aia Kakoaua Taan Kakoaua ake Teniman” i nanon Ana Boki Moomon.) A kanga taan kakoaua ni buoka kakoroan ana “waaki aika a raoiroi” te Atua? (kibu 4).

Tera ae ko kona ni kaota am koaua iai?

Taraa naba Saints, 1:73–75; “A Day for the Eternities” (video), Gospel Library.

23:10

• Te korobanna ae i nanon te baaire aei e kona ni buokiia am ataei n katamneia aron manga kaokan te Nakoanibonga ae te Aaron (taraa naba “Chapter 6: Joseph and Oliver Are Given the Priesthood,” n te Karaki man Reirei ao Berita aika Tabu, 26–27, ke reirei ake a irekereke ma te tamnei inanon te Gospel Library). Ana kukurei ni korea tanmein te bwai ae e riki n aron are a warekia n Iotebwa Timiti—Rongorongo 1:68–74?

  

  2:12

• Ko kona naba n kaota tamnein Ioane te Tia Bwabetito i nanon am tai ngke kam kaai ni wareka Mataio 3:13–17; Iotebwa Timiti—Rongorongo 1:68–70. Bukin tera ngkai e kakawaki bwa e kanakoa Ioane te Tia Bwabetito te Uea bwa e na angan Iotebwa Timiti te kairiaia n nakoanibonga n te bwabetito?

• Ni kawaekoa te marooro i aon kiing ake a taekinaki n Reirei ao Berita aika Tabu 13, kam kona n taraa te bwabwati ni kiing ao n marooroa bwa tera te kiing ae karekea nakoira bwa ti na karaoia. Tao ko kona ni buokiia ni kunea te taeka ae kiing i nanon te mwakoro 13. Tera riki taeka ke mwakoro n taeka i nanon Reirei ao Berita aika Tabu 13 ae a kabwarabwara kakabwaia man te Nakoanibonga ae te Aaron? A kona naba am ataei ni kunei kawai ake e kakabwaiaira iai Tamara are i Karawa man te nakoanibonga n te witeo “Blessings of the Priesthood” (Gospel Library).

• A tangiria n ataia John ao Peter Whitmer bwa tera ae moan te kakaawaki riki nakoia (taraa Reirei ao Berita aika Tabu 15:4; 16:4). Ko kona ni maroroakina bwaai aika a rangi ni kakaawaki raoi nakoim ma am ataei. Ngkana ko wareka Reirei ao Berita aika Tabu 15:6 ke 16:6, tuangiia am ataei bwa a na tabekii baia ngkana a ongo ana taeka te Uea ae “moan te kakawaki.”

• Tera ae nanonaki n “uotakiia aomata nakon [Iesu Kristo]”? Buokia am ataei ni karinanii tabeua iango, n aron te riki bwa raoraoia tabeman, tibwaakin koroboki aika tabu ma raoraom, ke te tataro ibukin temanna ae tangira buokana. A kona am ataei n noori tamnein bwaai aikai n ana maekatiin te Aro ke n te Gospel Art Book. Ke a kona ataei ni korei oin aia tamnei. Kaoiia bwa a na rinea te bwai teuana man ake a karinanaki are a tangiria ni karaoi. Ko kona naba n anenea te kaaua ni kibu man“I Feel My Savior’s Love” (Aia Boki n Anene Ataei,, 74–75).

• “Mwakoro 7: Witnesses See the Gold Plates” (n Karaki man Reirei ao Berita aika Tabu, 31–33, or the corresponding video in Gospel Library) a kona ni buokiia am ataei n reiakina taekaia taan Kakoaua ake Teniman. I mwiin warekan Reirei ao Berita aika Tabu 17:5–6, tuangiia am ataei bwa ko kanga n ataia bwa e koaua ana Boki Moomon. Ti na kanga n riki bwa taan kakoaua n Ana Boki Moomon?

  

  4:58