“Kwakwar 17–23: “Me Mfɛfo Asomfo”: Nkyerɛkyerɛ na Ahyɛmudzi 12–17; Joseph Smith—Abakɔsɛm 1:66–75,” Bra, Bɛka Mo Do—Ma Fie na Asɔr: Nkyerɛkyerɛ na Ahyɛmudzi 2025 (2025)
“Nkyerɛkyerɛ na Ahyɛmudzi 12–17; Joseph Smith—Abakɔsɛm 1:66–75,” Bra, Bɛka Mo Do—Ma Fie na Asɔr: 2025
Esutsen Susquehanna a ɔbɛn Harmony, Pennsylvania
Kwakwar 17–23: “Me Mfɛfo Asomfo”
Nkyerɛkyerɛ na Ahyɛmudzi 12–17; Joseph Smith—Abakɔsɛm 1:66–75
Nyimpa dodowara a wɔwɔ wiadze yi mu no bia wɔnntsee Harmony, Pennsylvania da. Ewuradze taa dɛ ɔfa mbea botoo a N’ahenman mu dza ohia tsitsir no sisi hɔ. Ndua kwaa bi mu a ɔbɛn Harmony wɔ Esusow Aketseaba 15, afe 1829 mu no, John Onumanyi no puee Joseph Smith na Oliver Cowdery do. Ɔdze ne nsa too hɔn etsir do na ɔdze Aaron Asɔfodzi no hyɛɛ hɔn, a ɔfrɛɛ hɔn “me mfɛfo asomfo” (Nkyerɛkyerɛ na Ahyɛmudzi 13:1).
John Onumanyi no nna ɔyɛ Nyame no somfo nokwafo a onumaa Agyenkwa no na osiesiee kwan ma Ne mbae no (hwɛ Matthew 3:1–6, 13–17). Mberantsɛ beenu yinom a nna wɔwɔ hɔn mfe eduonu na no mboree mu no, otwar dɛ ɔboor hɔn do mpo, dɛ wɔbɛfrɛ hɔn John ne mfɛfo asomfo. Dɛm mber no, nna dodowara nnyim Joseph na Oliver, tse dɛ ma wonnyim Harmony no. Mbom Nyame n’edwuma mu som no aber biara ɔfa mbrɛ yesi som, nnyɛ nyimpa a ɔrohwɛ no ho. Mbrɛ wo ntoboa bia ɔbɛyɛ, dɛ osuar anaa wonnhu no, ɔwo so eyɛ Ewuradze no somfo wɔ edwuma “a ɔsõ na ɔyɛ ahobow” mu (Nkyerɛkyerɛ na Ahyɛmudzi 14:1).
Adwenkyerɛ horow ma Fie na Asɔr mu Adzesũa
Nkyerɛkyerɛ na Ahyɛmudzi 12; 14
Mubotum dze moho ahyɛ Nyame n’edwuma a ɔsõ na ɔyɛ ahobow” mu.
Joseph Knight na David Whitmer beenu no nyina nna wɔpɛ dɛ wohu mbrɛ wobesi bɔboa Ewuaradze n’edwuma. Ber a yɛkenkan Ewuradze no mbuae a Ɔdze maa hɔn no (Nkyerɛkyerɛ na Ahyɛmudzi 12; 14), hom ndwendwen “hom bɛkyekyer Zion” ne ntseasee ma hom (12:6; hwɛ 14:6) so. Ebɛn nkyerɛkyerɛ na Christ su ahorow a ihu no afã yinom mu na obotum aboa wo ma ayɛ iyi?
Hwɛ “The Knight and Whitmer Families,” wɔ Revelations in Context, 20–24 mu.
Jesus Christ somaa John Onumanyi no dɛ ɔmfa Aaron Asɔfodzi no nsananamu mbra.
John Onumanyi no frɛɛ Joseph Smith na Oliver Cowdery “me mfɛfo asomfo.” Edwendwen ho a, enye John Onumanyi yɛ mfɛfo asomfo no n’asekyerɛ nye dɛn? (hwɛ Matthew 3:13–17; Luke 1:13–17; 3:2–20).
Ber a ekenkan dza John Onumanyi no kãa faa Aaron Asɔfodzi no ho wɔ ɔfã 13 no, dwendwen mbrɛ asɔfodzi yi ne nsaafee no si boa ma wɔyɛ John no ndwuma dɛ obesiesie Ewuradze no kwan mu no. Mfatoho:
-
Ebɛnadze nye “abɔfo hɔn som no”? (Hwɛ 2 Nephi 32:2–3; Moroni 7:29–32; Kyerɛwsɛm no Kwankyerɛ, “Abɔfo,” Asɛmpa Nwoma Korabea).
-
Ebɛnadze nye “nnuho asɛmpa no”? (Hwɛ Nkyerɛkyerɛ na Ahyɛmudzi 84:26–27; Dale G. Renlund, “The Priesthood and the Savior’s Atoning Power,” Liahona, Ɔberɛfɛw 2017, 64–67).
Osi dɛn na Aaron Asɔfodzi mu ayɛdze (tse dɛ enuma na sacrament) boa siesie kwan no a edze bɛgye Agyenkwa no wɔ w’abrabɔ mu ma wo?
Ebɛnadze nye asɔfodzi nsaafee?
Elder Dale G. Renlund na ne yer, Ruth, ma dɛm nkyerɛkyerɛmu yi a ɔfa asɔfodzi nsaafee ho.
Kasafua asɔfodzi nsaafee wɔkã no akwan nsonsonee ebien mu. Dza odzi kan no fa dza odzi wɔ wo anaa ndzinoa bi a wɔdze ma hɔn nyina a wɔgye Aaron anaa Melchizedek Asɔfodzi no. … Mfatoho, hɔn a wokitsa Aaron Asɔfodzi no gye abɔfo hɔn som ho nsaafee nye nnuhu asɛmpa ahosiesie ho nsaafee na nsumuhyɛ enuma a wɔdze kɔ bɔnfakyɛ mu (hwɛ Nkyerɛkyerɛ na Ahyɛmudzi 13:1; 84, 26–27). Hɔn a wokitsa Melchizedek Asɔfodzi no gye ahenman n’esumasɛm saafee no, Nyankopɔn no ho nyimdzee saafee no, nye sunsum mu nhyira nyina ne nsaafee (hwɛ Nkyerɛkyerɛ na Ahyɛmudzi 84:19; 107:18). …
“Kwan a ɔtɔ do ebien a wɔkã asɔfodzi nsaafee ho asɛm no fa baanodzi ho. Asɔfodzi baanodzifo gye asɔfodzi nsaafee binom kã ho, ndzinoa no dɛ wɔbɔhwɛ Asɔr no no kuw anaa quorum bi do. Iyi ho no, asɔfodzi nsaafee yɛ tumdzi na tum dɛ wɔdze kyerɛ, dzi baano, a wɔdze hwɛ Asɔr no do” (The Melchizedek Priesthood: Understanding the Doctrine, Living the Principles [2018], 26).
Joseph Smith Numa Oliver Cowdery, Del Parson yɛɛ nsaano mfonyin no
Ayɛdze horow ma hɛn kwan wɔ Nyame no tum ho
Ana adwen ho pɛn mbrɛ nkyɛ ɔbɛyɛ sɛ enye Joseph Smith na Oliver Cowdery bɔwɔ hɔ ber a Nsanananmu nsɛm etsitsir sisii no? Ber a ekenkan Joseph Smith—Abakɔsɛm 1:66–75, a asɛnsin a ɔwɔ nyiyimu 71 n’ase kã ho no, ibotum atse dza wonyaa ho atsenkã no ase kakra. Ebɛnadze na okenyan wo wɔ hɔn nsɛmfua ho? Hyɛ no nsew, nkanka, nhyira a wonyae osiandɛ wɔgyee asɔfodzi no na wonumaa hɔn. Ebɛn nhyira ahorow na Agyenkwa no edua asɔfodzi ayɛdze mu dze ama wo?
Ama eesũa bi aakã ho, hwɛ dɛ ebɛkyerɛw na ahyehyɛ Ayɛdze na Nhyiradɛ etsir etsir. Nkyii ibotum ahwehwɛ kyerɛwsɛm a ɔtse dɛ iyinom: John 14:26; Ndwuma 2:38; Nkyerɛkyerɛ na Ahyɛmudzi 84:19–22; 131:1–4; Joseph Smith—Abakɔsɛm 1:73–74 mu na akyerɛw ayɛdze na nhyira no nkorkor wɔ ase. Ebɛn nhyira binom so na ibotum dze akã dza wɔakyerɛw no nkorkor yinom ho? Osi dɛn na ayɛdze horow a agye no dze Agyenkwa no tum aba w’abrabɔ mu?
Hwɛ David A. Bednar, “With the Power of God in Great Glory,” Liahona, Ɔberɛfɛw 2021, 28–30; Saints, 1:65–68; “God of Power, God of Right,” Asɔr Ndwom, nkanee 20; Nsɛngyinado na Nsɛmbisa, “Covenants and Ordinances,” Asɛmpa Nwoma Korabea.
Nkyerɛkyerɛ na Ahyɛmudzi 15–16
Edze akra reba Christ hɔ yɛ dza ɔsom bo kɛse.
Ana adwen ho pɛn, dɛ mbrɛ John na Peter Whitmer yɛe, ebɛn “adze [n]a ɔbɔsom wo bo kɛse” wɔ w’abrabɔ mu? (Nkyerɛkyerɛ na Ahyɛmudzi 15:4; 16:4). Ber a ekenkan Nkyerɛkyerɛ na Ahyɛmudzi 15–16, dwendwen siantsir a edze akra ba Christ hɔ no som bo kɛse dɛm. Ebɛnadze na ereyɛ dze “akra aba” Christ hɔ?
Hwɛ Saints, 1:68–71.
Ewuradze dze adasefo si N’asɛm pi.
Dasefo nye woana? Dɛn ntsi na Ewuradze dze adasefo dzi dwuma wɔ N’edwuma mu? (Hwɛ 2 Corinthfo 13:1). Dwendwen nsɛmbisa yinom ho ber a ekenkan Nyame ne nsɛm a Ɔdze maa Adasefo Baaso no wɔ Nkyerɛkyerɛ na Ahyɛmudzi 17 mu no. Hwɛ “Nyimpa Baasa Hɔn Dasegye” a ɔwɔ Mormon Nwoma no mu no so.) Osi dɛn na adasefo boa ma wɔdze Nyankopɔn no “nhyehyɛɛ tsenenee” ba? (nyiyimu 4).
Ebɛnadze na ibotum agye ho dase?
Hwɛ Saints, 1:73–75; “A Day for the Eternities” (video), Asɛmpa Nwoma Korabea so.
A Day for the Eternities
Ama eenya adwen kyerɛhorow bi akã ho no hwɛ bosoom yi Liahona na For the Strength of Youth dawurbɔ nkrataa a wɔdze epue no.
Adwenkyerɛ horow a wɔdze Kyerɛkyerɛ Mbofra Adze
Nkyerɛkyerɛ na Ahyɛmudzi 13; Joseph Smith—Abakɔsɛm 1:68–74
John Onumanyi no na ɔdze Aaron Asɔfodzi no saan ananmu bae.
-
Nsaano mfonyin a ɔwɔ n’apɔwdo n’apɔwdo yi mu no bia obotum aboa wo mbofra ma woehu Aaron Asɔfodzi ne nsanananmu no wɔ hɔn enyido (hwɛ “Chapter 6: Joseph and Oliver Are Given the Priesthood,” wɔ Doctrine and Covenants Stories, 26–27, anaa video a ɔnye no kɔ do wɔ Asɛmpa Nwoma Korabea so). Ana ɔbɛyɛ hɔn enyigye dɛ wɔbɔdorɔw dza osii a akenkan akyerɛ hɔn wɔ Joseph Smith—Abakɔsɛm 1:68–74 mu no no mfonyin?
2:12Angels Restore the Priesthood: Power to do God's work
-
Ibotum so edze John Onumanyi no no mfonyin akyerɛ ber a wɔabɔ mu rekenkan Matthew 3:13–17; Joseph Smith—Abakɔsɛm 1:68–70. Dɛn ntsi na ohiaa dɛ Ewuradze soma John Onumanyi ma ɔdze asɔfodzi tumdzi a wɔdze numa no maa Joseph Smith?
Irisiesie wo mbofra ma abrabɔ mber nyina wɔ Nyankopɔn n’ahyɛmu anamɔn kwan no. Ama eenya adwenkyerɛ horow bi aaka ho a ɔbɔboa wo mbofra ma woesũa asɔfodzi tum, tumdzi, na nsaafe no, hwɛ appendix A anaa appendix B.
Nsaanoo mfonyin a worunuma Jesus, Dan Burr yɛe
Ɔsor Egya dua Aaron Asɔfodzi mu hyira me.
-
Ama woekenyan hɔn ma wɔakasa afa asɔfodzi nsaafee a wɔaka ho asɛm wɔ Nkyerɛkyerɛ na Ahyɛmudzi 13 mu no, ɔwo na wo mbofra botum ahwɛ nsaafe a ɔsɛn adze do na wɔakasa afa dza nsaafee ma hɛn kwan ma yɛyɛ ho. Bia ibotum aboa hɔn ma wɔahwehwɛ kasafua nsaafee wɔ ɔfã 13 mu. Ebɛn nsɛm anaa kasasin binom so na ɔwɔ Nkyerɛkyerɛ na Ahyɛmudzi 13 mu a ɔkã Aaron Asɔfodzi ho nhyira ho nsɛm? Wo mbofra no so bootum ehu akwan horow a Ɔsor Egya dua asɔfodzi no mu dze hyira hɛn wɔ video “Blessings of the Priesthood” [Asɔfodzi no ho Nhyira horow] (Asɛmpa Nwoma Korabea)
Blessings of the Priesthood
Nkyerɛkyerɛ na Ahyɛmudzi 15:4–6; 16:4–6
Eroboa binom ma wɔaba Jesus Christ hɔ no yɛ “dza ɔsom bo kɛse.”
-
John na Peter Whitmer pɛɛ dɛ wohu dza ɔbɔsom bo kɛse ama hɔn (hwɛ Nkyerɛkyerɛ na Ahyɛmudzi 15:4; 16:4). Bia ɔwo na wo mbofra botum akasa afa ndzɛmba a ɔsom bo kɛse ma hɔn no ho. Ber a ekenkan Nkyerɛkyerɛ na Ahyɛmudzi 15:16 anaa 16:6 no, bisa wo mbofra no ma wɔma hɔn nsa do sɛ wɔtse dɛ dza Ewuradze kãa no yɛ “dza ɔsom bo kɛse.”
-
“Edze akra ba [Jesus Christ] hɔ kyerɛ dɛn”? Boa wo mbofra ma wɔnkyerɛw no nkorkor, adwenkyerɛ horow, tse dɛ ereyɛ nyɛnko ama binom, enye nyɛnko bi rekyɛ kyerɛwsɛm no, anaa erobɔ mpaa ama obi a ɔwɔ hia mu no. Wo mbofra no botum ahwɛ ndzɛmba yinom ho mfonyin wɔ Asɔr dawurbɔ nkrataa mu anaa Gospel Art Book Anaa wobotum adorɔw hɔn ankasa hɔn mfonyin To nsa frɛ hɔn ma wonyi biribi mfi dza wɔakyerɛw no nkorkor mu a wɔbɛyɛ. Hom botum so abɔ mu atow “I Feel My Savior’s Love” (Children’s Songbook, 74–75) ne nkyekyɛmu anan no.
Mubotum ayɛ Mormon Nwoma no ho dasefo.
-
“Chapter 7: Witnesses See the Gold Plates” (wɔ Nkyerɛkyerɛ na Ahyɛmudzi mu Nsɛm mu, 31–33, anaa video a ɔnye no kɔ do wɔ Asɛmpa Nwoma Korabea mu no) botum aboa wo mbofra ma woesũa Adasefo Baasa no ho nsɛm. Hom akenkan Nkyerɛkyerɛ na Ahyɛmudzi 17:5–6 ewie no, kã mbrɛ isi nyim dɛ Mormon Nwoma no yɛ nokwar no kyerɛ wo mbofra. Yebesi dɛn botum ayɛ Mormon Nwoma no ho adasefo?
4:58Witnessess See the Book of Mormon Plates: Bearing testimony to the world
Ama eenya adwenkyerɛ horow bi aakã ho no, hwɛ bosoom yi Friend dawurbɔ krataa a wɔdze epue no.