Nkyerɛkyerɛ na Ahyɛmudzi 10–11

Satan bɛpɛ dɛ hɛn werɛ befir dɛ ɔwɔ hɔ—anaa dɛ annyɛ yie koraa no yennhu ne nhyɛdo wɔ hɛn do (hwɛ 2 Nephi 28:22–23). Mbom Ewuradze ne nsɛm no a ɔwɔ Nkyerɛkyerɛ na Ahyɛmudzi 10 si no pi dɛ Satan wɔ hɔ ampara—na otsia Ewuradze n’edwuma dzendzendzen. Nyiyimu 1–33 mu no hwɛ dza nna Ewuradze nyim wɔ Satan ne ndzeyɛɛ ho (hwɛ nyiyimu 62–63 so). Ibotum so ebisa Ewuradze ma Ɔaboa wo ma ehu mbrɛ Satan rosɔ wo ahwɛ Ber a ekenkan ɔfã 10 no, dwendwen mbrɛ Agyenkwa no besi botum aboa wo ma etsia Satan ne ndzeyɛe no.

Nephi nna onnyim saintsir a onyaa nkenyan dɛ ɔnyɛ no nkorɔfo no hɔn nkyerɛwee ahorow ebien. Nna Mormon nnyim saintsir a onyaa nkenyan dɛ ɔmfa sika mprɛtse mboano kor so nnkã ho. Nkɔnhyɛfo beenu no nyina nyaa awerɛhyɛmu dɛ Nyankopɔn wɔ “nyansaa botae” bi (1 Nephi 9:5, Mormon ne Nsɛm 1:7). Ndɛ yenyim botae no n’afã bi: dɛ wɔdze bɛhyɛ Mormon Nwoma no ne nkrataafa 116 a ɔyewee no ananmu. Ebɛnadze na Ewuradze pɛ dɛ isũa fi iyi nyina mu? Dwendwen dɛm nsɛmbisa no ho ber a ekenkan Nkyerɛkyerɛ na Ahyɛmudzi 10:34–52. Ibotum so akyerɛw no nkorkor, nokwar horow a esũa afa Ewuradze ho fi nyiyimu yinom mu. Nokwar yinom si dɛn nya nsunsuando wɔ ɔwo na Ɔno nkitahodzi mu? Ebɛnadze na okenyan wo fa Ewuradze ne nyansaa na nhumu wɔ nkrataafa 116 ne nyewee ho ahoboa ho?

Ibotum so enya nkenyan dze ahwehwɛ Ne nyansaa na nhumu wɔ w’abrabɔ mu. Kenkan asɛm a ɔwɔ Elder Ronald A. Rasband n’amandzɛɛbɔ “By Divine Design”—obotum dze mfatoho aba w’adwen mu (Liahona, Ɔberɛfɛw 2017, 55–57). Hwɛ dɛ ibɛkyerɛw ber a ogu do reba w’adwen mu no. Ewuradze resi dɛn reyɛ edwuma wɔ w’abrabɔ mu? Mfatoho, ebɛn “mpofirmu ndzɛmba” na Ɔayɛ ho ahoboa? Ebɛn fapem na Ɔatow ma wo nhyira horow? Eben aber na Oedzi wo kan ma akɔsom obi a ɔwɔ ehiadze mu?

Hwɛ Romefo 8:28; Nkyerɛkyerɛ na Ahyɛmudzi 90:24; Nsɛngyinado na Nsɛmbisa, “Plan of Salvation,” Asɛmpa Nwoma Korabea so.

Joseph no nua panyin Hyrum pɛɛ do ohu Ewuradze ne pɛ ma no, ntsi obisaa Joseph dɛ ɔnhwehwɛ nyikyerɛ mma no. Ɔyɛɛ Nkɔnhyɛnyi no dɛw dɛ ɔbɛyɛ dɛm, naaso annyɛ yie koraa no nna asɛm kor bi a ɔwɔ dɛm nyikyerɛ no (Nkyerɛkyerɛ na Ahyɛmudzi 11) mu no nye dɛ Hyrum botum ahwehwɛ nyikyerɛ ama noho. Na dɛmara na “hɔn a wɔwɔ pɛ pa nyinara, na wɔatow hɔn kantankrankye dɛ worutwa no” botum ayɛ (nyiyimu 27). Ber a ekenkan ɔfã 11 no, ebɛnadze na itse dɛ Ewuradze rekyerɛkyerɛ wo afa ankorankor nyikyerɛ ho? Osi dɛn na iyi fa dza Ɔkyerɛkyerɛɛ Oliver Cowdery wɔ afã 6–9 mu no? Ebɛn nsɛm bio na Ɔwɔ ma wo?

Hwɛ “Let the Holy Spirit Guide,” Asɔr Ndwom, nkanee 143.

Ansaana Mormon Nwoma no wɔbɛkyerɛ ase ewie no, nna Hyrum Smith enyi aber dɛ ɔbɔboa wɔ Nsanananmu edwuma no. Ber a ekenkan Ewuradze no mbuae ma n’apɛdze no, hwɛ “ebenya [Nyame n’]asɛm n’asekyerɛ” (nyiyimu 21). Osi dɛn na erenya Nyankopɔn n’asɛm no boa ma edze tum som No?

• Ama eyi nyiyimu enyim akyerɛ wo mbofra no, ibotum ebisa hɔn afa ndzɛmba a “aber biara” wɔyɛ ho. Ebɛnadze na Ewuradze se ɔsɛ dɛ yɛyɛ no aber biara wɔ Nkyerɛkyerɛ na Ahyɛmudzi 10:5 mu. Dɛn ntsi na Ɔpɛ dɛ yɛyɛ dɛm?

• Ibesi dɛn aboa wo mbofra ma wɔkaa dɛ wɔbɔbɔ mpaa aber nyina? Bia wobotum atase mboba nkakraba tromtrom na wɔakã do “Nkyerɛkyerɛ na Ahyɛmudzi 10:5” anaa “Bɔ Mpaa Aber Nyina” Wobotum dze hɔn mboba no atoto mbeabea a wɔpɛ dɛ wɔkaa hɔn ma wɔbɔ mpaa, tse dɛ hɔn mpa nkyɛn, dze akã hɔn skuul mbuukuu ho, anaa bea a wodzidzi. Dɛ mbrɛ Nkyerɛkyerɛ na Ahyɛmudzi 10:5 kyerɛ no, Nyankopɔn si dɛn hyira hɛn sɛ yɛbɔ mpaa? Wo mbofra botum enya mbuae bi akã ho wɔ ndwom tse dɛ “A Child’s Prayer” (Children’s Songbook, 13).

• Mbofra botum esũa ehu ber a Sunsum no nye hɔn rekasa. Ama wɔaboa hɔn no, ibotum dze bulb kandzea anaa touchlight na obi a n’enyi agye no mfonyin esuma dan mu hɔ beebi, nkyii bisa mbofra no dɛ wɔnkɔhwehwɛ ndzɛmba yinom. Kenkan Nkyerɛkyerɛ na Ahyɛmudzi 11:13, na boa wo mbofra no ma wɔnkyerɛ nkasafua a ɔfa ndzɛmba a woehu no ho ase. Ebɛnadze na nkasafua yinom kyerɛkyerɛ fa mbrɛ Agyenkwa no si boa hɛn ho?

• Erekyɛ wankasa wo sunsum mu sũahu botum aboa mbofra no ma woehu Sunsum Krɔnkrɔn ne nhyɛdo wɔ hɔn abrabɔ mu. Erekyɛ no, bisa hɔn so ma wɔnkyɛ hɔn sũahu. Hom botum abɔ mu akenkan Nkyerɛkyerɛ na Ahyɛmudzi 11:12–13, a hom rohwehwɛ mbrɛ yebotum ehu ber a Sunsum Krɔnkrɔn no rema hɛn kwankyerɛ. Gye dase dɛ Ɔsor Egya pɛ dɛ odua Sunsum Krɔnkrɔn no mu ma hɛn kwankyerɛ.

• Tse dɛ Hyrum Smith, bia wo mbofra benya akwan pii nye binom akyɛ asɛmpa no. Hom botum abɔ mu akenkan Nkyerɛkyerɛ na Ahyɛmudzi 11:21, 26 na ebisa mbofra no ma wɔahwehwɛ dza Ewuradze kãa kyerɛ Hyrum dɛ ohia dɛ ɔyɛ ama oeetum aakyerɛkyerɛ asɛmpa no. Ibenya Nyame n’asɛm no n’asekyerɛ nye dɛn? Yebesi dɛn botum ayɛ iyi? Yesi dɛn “kora” Nyame n’asɛm do wɔ hɛn akoma mu? Bia wo mbofra no botum edzi asɛdze-agor nye binom akyɛ biribi a ɔfa Jesus Christ anaa Mormon Nwoma no ho.