Nkyerɛkyerɛ na Ahyɛmudzi 3–5

Joseph Smith no som dwuma ahyɛse no, nna ɔyɛ dzen dɛ obenya anyɛnkofo pa—nkanka anyɛnkofo tse dɛ Martin Harris, nyimdzifo, ɔhonyanyi a ɔabɔ afɔr pii dze agye Joseph n’edwuma no abamba. Ntsi ber a Martin bisaa kwan dɛ ɔmfa Mormon Nwoma ne nkyerɛase nkrataafa 116 a wɔakyerɛw no nkɛkyerɛ ne yer no, nna Joseph pɛ dɛ ɔyɛ n’ebisadze no ma no, mpo dɛ Ewuradze bɔɔ no kɔkɔ dze tsiae. Awerɛhow mu ara, nkrataafa no yewee ber a ɔwɔ Martin ne nsamu no, na Ewuradze twuuw Joseph na Martin hɔn enyim ara yie (hwɛ Saints, 1:51-53).

Ber a ikenkan Nkyerɛkyerɛ na Ahyɛmudzi 3:1–15 no, dwendwen dza Ewuradze pɛ dɛ isũa fi hɔn sũahu no mu. Mfatoho, ebɛnadze na isũa fa:

• Nyame n’edwuma ho? (hwɛ nyiyimu 1–3, 16).

• Irusuro nyimpa kyɛn ibenya awerɛhyɛmu wɔ Nyame mu no nsusuando (hwɛ nyiyimu 4–8).

• Nhyira horow a ɔba hɔn a wɔkɔ do yɛ anokwafo? (hwɛ nyiyimu 8).

• Kwan a Ewuradze tsenn Joseph na Ɔhyɛɛ no nkuran ber no ara? (hwɛ nyiyimu 9–16).

N’amandzɛɛbɔ mu “Which Way Do You Face?,” Elder Lynn G. Robbins ma hɛn kyerɛwsɛm mu mfatoho pii wɔ nkorɔfo a wɔsuroo Nyame na nkorɔfo a wogyaa hɔnho maa binom hɔn nhyɛdo (Liahona, Ɔberɛfɛw 2014, 9–11). Susu dɛ ibɛkenkan kyerɛwsɛm mu mfatoho a ɔakã ho asɛm no. Ebɛnadze na isũa fi nsɛm yinom mu? Ebɛn sũahu horow na enya a itweer Ewuradze ber a nna wɔrehyɛ wo dɛ yɛ adze fofor? Wo ndzeyɛɛ no sunsuando yɛɛ dɛn?

Hwɛ Dale G. Renlund, “A Framework for Personal Revelation,” Liahona, Ɔberɛfɛw 2022, 16–19; “The Contributions of Martin Harris,” wɔ Revelations in Context (2016), 1–9; Nsɛntsir na Nsɛmbisa, “Seeking Truth and Avoiding Deception,” Asɛmpa Nwoma Korabea; “How Gentle God’s Commands,” Asɔr Ndwom, nkanee 125.

Wɔtaa dze Ɔfã 4 to etuhoakyɛ asɛmpasomafo ho. Naaso, ɔyɛ enyigye dɛ yɛbɛhyɛ no nsew dɛ nyikyerɛ yi wɔdze maa Joseph Smith Panyin a nna wɔrennfrɛ no nnkɔ asɛmpakã na mbom nna ɔwɔ “pɛ dɛ ɔbɔsom Nyame” (nyiyimu 3).

Kwan kor a edze bɛkenkan ɔfã yi nye ibɔdwen ho dɛ ɔyɛ obi a ɔpɛ dɛ ɔboa Ewuradze n’edwuma no n’edwumayɛ ho ahwehwɛdze. Nna ebɛnadze na Ewuradze rohwehwɛ? Ebɛn mfaso na Ɔma?

Ebɛnadze na isũa fa erosom Ewuradze fi nyikyerɛ yi mu?

President Russell M. Nelson frɛɛ Israel mboano no tafɛrbanyinmbɔmu kɛse, botae kɛse, na edwuma kɛse wɔ asaase do” (“Hope of Israel” [wiadze nyina mu mbabun mpaabɔsom, Obiradzi 3, 2018], Asɛmpa Nwoma Korabea). Ebɛnadze na ihu wɔ n’asɛm yi mu a ɔhyɛ wo nkuran dɛ edze woho bɛhyɛ edwuma yi mu?

Ebɔw afe 1829 mu no, Martin Harris ne yer, Lucy, samaan Joseph Smith wɔ mbra enyim dɛ oepetuw dɛ ɔrekyerɛ sika mprɛtse ase dze redaadaa nkorɔfo (hwɛ Saints, 1:56–58). Ntsi Martin bisaa Joseph dɛ onya adanse bi nkã ho mfa nkyerɛ dɛ sika mprɛtse no yɛ nokwar. Nkyerɛkyerɛ na Ahyɛmudzi 5 yɛ nyikyerɛ a wɔdze maa wɔ Martin n’ebisadze no ho. Ebɛnadze na isũa wɔ ɔfã yi mu a ɔfa dza odzi do yinom ho:

• Ebɛnadze na Ewuradze se ɔbɛba sɛ wɔdze sika mprɛtse no kyerɛ adasamba dɛ wɔnhwɛ a (hwɛ Nkyerɛkyerɛ na Ahyɛmudzi 5:7). Dɛn ntsi na edwendwen dɛ dɛm na ɔbɛba?

• Adasefo hɔn asɛdze wɔ Ewuradze n’edwuma mu (hwɛ nyiyimu 11–15; hwɛ 2 Corinthfo 13:1 so).

• Mbrɛ ibesi benya Mormon Nwoma no ho dasegye ama wo ho (hwɛ nyiyimu 16, 24; hwɛ Moroni 10:3–5 so).

Ebɛnadze na Nkyerɛkyerɛ na Ahyɛmudzi 5:1–10 kyerɛ wo fa Joseph Smith n’asɛdze wɔ hɛn nda yi mu—na wɔ w’abrabɔ mu ho? Hwɛ 2 Nephi 3:6–24 so.)

• Ama wɔdze ahyɛ kasa a wɔbɛkã afa irusũa enya awerɛhyɛmu wɔ Ɔsor Egya mu ase no, bia ibɛpɛ dɛ ibobɔ nkrataafa a wɔakyerɛw a ɔyiwee ho asɛm no do (hwɛ Nkyerɛkyerɛ na Ahyɛmudzi mu nsɛm, 18–21). Nkyii ibotum nye wo mba no edzi asɛdze-agor wɔ gyinabew horow a wɔsɔɔ hɔn hwɛɛ dɛ wɔnyɛ biribi a wonyim dɛ ɔnnyɛ Ebɛn nkasafua anaa kasasin horow a ɔwɔ Nkyerɛkyerɛ na Ahyɛmudzi 3:5–8; 5:21–22 mu a obotum aboa hɔn wɔ gyinabew yinom mu?

  

  4:39

• Nyiyimu kor biara a ɔwɔ Nkyerɛkyerɛ na Ahyɛmudzi 4 mu no wɔ nokwar a ɔsom bo a obotum aboa wo mbofra ma woesũa afa wɔrosom Nyame ho. adwenkyerɛ horow binom nye yi a ɔbɔboa hɔn ma woekopue nokwar yinom do:

  • Hom botum abɔ mu akenkan Nkyerɛkyerɛ na Ahyɛmudzi 4:1 na edze mfonyin akyerɛ a ɔda Nyankopɔn “n’ahobow” nda a odzi ekyir edwuma edzi (tse dɛ asɛmpasomafo, temple, na Mormon Nwoma).

  • Wo mbofra botum adwendwen ndzeyɛɛ anaa wɔadorɔ mfonyin a ɔkyerɛ kasasin “mfa hom akoma, ahom, adwen nye ahoɔdzen nyina nsom no”(Nkyerɛkyerɛ na Ahyɛmudzi 4:2).

  • Hom botum abɔ mu ahwɛ edwindadze horow a wɔdze yɛ edwuma wɔ haban mu. Osi dɛn na edwindadze yinom boa hɛn? Nkyii wo mbofra botum ahwehwɛ ndzɛmba wɔ Nkyerɛkyerɛ na Ahyɛmudzi 4:5–6 a ɔtse dɛ edwindadze horowa wɔdze yɛ Nyame n’edwuma.

  • Mbofra a wɔayɛ panyin no hɔnankasa wobotum ahwehwɛ Nkyerɛkyerɛ na Ahyɛmudzi 4 mu na wɔakyerɛw erosom Nyame n’asekyerɛ nkorkor.

  • Hom botum abɔ mu atow ndwom afa asɛmpasomafo edwuma ho, tse dɛ “I Want to Be a Missionary Now” (Children’s Songbook, 168).

• Ama edze akyerɛkyerɛ wo mbofra adasefo ho asɛm no, ibotum ase hɔn dɛ wɔndwen dɛ nyɛnko bi akã akyerɛ hɔn dɛ wohun egyinambowa bi a ɔrenantsew n’anan enyim dze no do. Nkyɛ wɔbɛgye edzi a? Na sɛ nyɛnko fofor bi kã asɛm kor noara ɛ? Kasa fa dza “dasefo” yɛ na siantsir a adasefo hɔn ho hia kɛse. Ibotum aboa wo mbofra ma wɔahwehwɛ Nkyerɛkyerɛ na Ahyɛmudzi 5:1–3, 7, 11 mu dze enya nsɛmbisa a ɔtse dɛ iyinom ho mbuae.

  • Nna ebɛnadze na Martin Harris pɛ dɛ ohu?

  • Woana na Joseph Smith botum dze sika mprɛtse no akyerɛ hɔn?

  • Dɛn ntsi na ehwɛ sika mprɛtse no orinnyi obi n’ekyingye dɛ Mormon Nwoma no nnyɛ nokwar?

  • Ebɛnadze na yebotum ayɛ dze abɛyɛ Mormon Nwoma no ho adasefo? (hwɛ Nkyerɛkyerɛ na Ahyɛmudzi 5:16; Moroni 10:3–5).