Nkyerɛkyerɛ na Ahyɛmudzi 2; Joseph Smith—Abakɔsɛm 1:27–65

Ɔyɛ adze kor dɛ ebegye edzi dɛ nna Nyame wɔ edwuma ma Joseph Smith dɛ ɔbɛyɛ—yebotum ahwɛ ekyir ahwɛ n’abrabɔ na yehu no pefee dza otumii yɛe. Naaso esusu pɛn dɛ Nyame wɔ edwuma ma wo so a? Ber a ekenkan Joseph Smith—Abakɔsɛm 1:27–33 no, dwendwen mbrɛ dɛm edwuma no bɛyɛ. Osi dɛn na ɔyɛ ne kyɛfa wɔ Agyenkwa no n’asɛmpa ne Nsanananmu?

Elder Gary E. Stevenson kyerɛkyerɛɛ dɛ: “Ber a yɛba Christ nkyɛn na yɛboa binom so ma wɔyɛ dɛm no, yɛdze hɛnho hyɛ Nyankopɔn no nkwagye na nkwagye ntowdo edwuma mu a, otsim asodzii krɔnkrɔn a wɔhyehyɛɛ do. … Asodzi yinom da famu, okenyan, ɔhyɛ nkuran, na wobotum ayɛ. Ɔno nye yi.

• Edze Jesus Christ asɛmpa no robɔ bra

• Erohwɛ hɔn a wɔwɔ hia mu no do

• Eroto nsa afrɛ obiara ma wɔagye asɛmpa no

• Uniting families for eternity” (“Simply Beautiful—Beautifully Simple,” Liahona, Ɔberɛfɛw 2021, 47).

Dwendwen sũahu horow a enya ber a edze woho hyɛɛ asodzi krɔnkrɔn a wɔahyehyɛ no kor biara mu. Ebɛnadze na Agyenkwa no bɛma ayɛ a, odzi do no? Nsɛngyinado na Nsɛmbisa krataafa wɔ hɔ ma asodzi yinom kor biara (hwɛ “Our Role in God’s Work of Salvation and Exaltation,” Asɛmpa Nwoma Korabea). Ibotum ahwehwɛ nkrataafa yinom ma wɔaboa wo ma eyi asɛmbisa yi ano.

Ɔtɔfabi a ibenya atsenkã bi dɛ Ewuradze nnkotum nye wo ayɛ edwuma osian mfom a ayɛ. Ebɛnadze na isũa fi Joseph Smith no sũahu mu wɔ Joseph Smith—Abakɔsɛm 1:28–29? Ibesi dɛn bohu wo gyinabew wɔ Nyame [enyim]”?

Hwɛ “Youth Responsibility in the Work of Salvation” (video), ChurchofJesusChrist.org; “The Work of Salvation and Exaltation,” General Handbook, 1.2 so.

3:15

Ber a Moroni pue Joseph Smith do no, ɔserɛɛ kãa Ahyɛmu Dadaw na Fofor nkɔnhyɛ pii, tse dɛ Isaiah 11; Ndwuma 3:22–23; na Joel 2:28–32. Ber a ekenkan Joseph Smith—Abakɔsɛm 1:34–47 no, dwendwen siantsir a nna nkɔnhyɛ yinom behia dɛ Joseph bohu. Dɛn ntsi na ohia ma wo dɛ ibohu?

Ibotum so akenkan dza Elder David A. Bednar kyerɛkyerɛɛ a ɔfa Moroni ne nsera a odzi kan a ɔdze seraa Joseph Smith wɔ “With the Power of God in Great Glory” (Liahona, Ɔberɛfɛw 2021, 28).

13:16

Hwɛ “An Angel from on High,” Asɔr Ndwom, nkanee 13 so.

Nna Joseph edzi mfe 17 pɛr ber a odzii kan hun sika mprɛtse no. Wɔammfa annhyɛ ne nsa dɛ ɔnnhwɛ do, mbom, kesi mfe anan ekyir no ana. Kenkan Joseph Smith—Abakɔsɛm 1:48–60, a erohwehwɛ dza osii Joseph n’abrabɔ mu dɛm mber no mu. Edwen dɛ osii dɛn na nsɛm a osisii yɛɛ no ahoboa ma edwuma a Nyame afrɛ no ho dɛ ɔbɛyɛ no? Ebɛn sũahu na enya a wɔayɛ wo ahoboa ma edze asom Nyame na nkaafo? Ebɛnadze na sesei erefa mu a obotum aboa wo ma ayɛ ahoboa ma ndaamba som?

Ebɛnadze na nkasafua tse dɛ “bɛhyɛ,” “akoma,” na “dan” wɔ ɔfã yi mu no kyerɛkyerɛ wo fa Elijah no ndwuma na asɔfodzi nsaafee a ɔdze saan ananmu bae no ho? Kwan bɛn do na atse dɛ w’akoma adan akɔ w’ewuakɔr do? Dwendwen akwan horow a ibotum ataa enya dɛm atsenkã yinom. Erohwehwɛ w’ewuakɔr na ereyɛ ayɛdze ama hɔn wɔ temple no yɛ kwan kor (hwɛ FamilySearch.org). Binom so a edwendwen ho nye dɛn?

Hwɛ Nkyerɛkyerɛ na Ahyɛmudzi 110:13–16; Gerrit W. Gong, “Happy and Forever,” Liahona, Ɔberɛfɛw 2022, 83–86.

• Hɛn nyina ɔtɔfabi a yɛtse dɛ “[hɛn] mfom na mberɛwyɛ ebu hɛn fɔ,” tse dɛ ma Joseph yɛe. Ɔwo na wo mbofra botum abɔ mu esũa Joseph Smith—Abakɔsɛm 1:29 a, yɛrohwehwɛ dza Joseph yɛe ber a onyaa dɛm atsenkã no. Ebɛnadze na yebotum esũa efi ne fasusu mu a obotum aboa hɛn ber a yɛ yɛfom no? Dɛn ntsi na ohia dɛ ibohu dɛ Nyame frɛɛ Joseph a onndzi mu no mpo?

• Wo mbofra botum agye hɔn enyi ber a wɔreyɛ dɛ ma wɔyɛ Joseph Smith ber a ekã Moroni ne nsera ho asɛm a ɔwɔ Joseph Smith—Abakɔsɛm 1:27–54 mu no anaa “Chapter 3: The Angel Moroni and the Gold Plates’ (wɔ Doctrine and Covenants Stories, 13–17, anaa video a ɔnye no kɔ do wɔ Asɛmpa Nwoma Korabea). Mfatoho, wobotum abobɔw hɔn nsa tse dɛ ma wɔrobɔ mpaa anaa wɔayɛ dɛ ma wɔrofow Koko Cumorah, na ma ɔkekã ho. Nkyii ibotum ebisa hɔn ma wɔakasa afa dza Nyame frɛɛ Joseph dɛ ɔnyɛ ho asɛm na mbrɛ no nsunsuando no ayɛ hɛn nhyira no. Mfatoho, osi dɛn na ɔyɛ nhyira ma hɛn osiandɛ Joseph Smith kyerɛɛ Mormon Nwoma no ase? Osi dɛn na n’edwuma no aboa hɛn ma yɛabɛn Ɔsor Egya na Jesus Christ?

  

  2:29

• Bia ɔwo na wo mbofra enyi bɛgye dɛ wɔrohwɛ hɔn ebusua mfonyin no bi, a hom ebusua mfonyin a wɔwɔ temple kã ho (anaa hwɛ Gospel Art Book, nkanee 120). Nkyii hom botum akenkan Nkyerɛkyerɛ na Ahyɛmudzi 2 na wɔnye hɔnho akyɛ hom adwendwen a ɔfa saintsir a yɛwɔ temple na saintsir a Ɔsor Egya pɛ dɛ ebusua ebusua bɔmu afebɔɔ. Hwɛ ma wɔmbɔmu ntow “Families Can Be Together Forever” (Children’s Songbook, 188). Ebɛnadze na ndwom yi kã dɛ yebotum ayɛ ma yɛnye hɛn ebusua atsena afebɔɔ?

• Mbofra hɔn enyi botum agye mbordo na woenya ebusua abakɔsɛm mu dɛwdzi. Ama edze aboa hɔn no ibotum akyɛ w’ewuakɔr hɔn ho nsɛm anaa mfonyin. Enye wo mbofra nkasa mfa ma nna abrabɔ tse ber a hɔn ewuakɔr no yɛ mbofra. Wo mbofra botum so hɔn enyi agye ebusua abakɔsɛm dwumadzi ho wɔ FamilySearch.org/discovery.