Joseph Smith—Abakɔsɛm1:1–26

Joseph Smith n’abakɔsɛm no botae nye dɛ ɔbɛma “[y]eehu nokwar no” osiandɛ wɔadandan Joseph no ho nsɛm no nokwar no (Joseph Smith—Abakɔsɛm 1:1). Ber a erekenkan Joseph Smith—Abakɔsɛm 1:1–26, ebɛnadze na ɔhyɛ wo dasegye dzen wɔ ne frɛ a ofi sor no ho?

Hwɛ Saints, 1:3–19 so.

Ana “wo nyansaa atɔ sin pɛn anaa ayɛ konsẽe wɔ adwenpɔw bi a ohia dɛ eyɛ ho? Joseph Smith—Abakɔsɛm 1:13 Sũahu a Joseph Smith nyae wɔ afe 1820 mu no botum ayɛ nhwɛdo pa ama wankasa w’ankorankor nyikyerɛ ne nya. Mfatoho, ber a ihwehwɛ Joseph Smith—Abakɔsɛm 1:5–25 mu no, hwehwɛ sũahu a ɔnye wodze sɛ. Ebɛnadze na isũa fa:

• Mbrɛ Joseph sii yɛɛ ahoboaboa ma mpaabɔ sũahu krɔnkrɔn no? (hwɛ nyiyimu 8, 11, 14–15).

• Kyerɛwsɛm adzesũa asɛdze wɔ nyikyerɛ ne nhwehwɛɛ mu? (hwɛ nyiyimu 11–12).

• Dza ibɛyɛ ber a ihyia hɔn a wotsia wo? (Hwɛ nyiyimu 15–16, 21–26).

• Eregye mbuae a enya na edze ridzi dwuma? (hwɛ nyiyimu 18–25

Ebɛn nhumu ntomu na ibotum enya efi President Henry B. Eyring ne nkyerɛwee yi mu “The First Vision: A Pattern for Personal Revelation”? (Liahona, Kwakwar 2020, 12–17).

Ibotum ahwehwɛ mfatoho binom so a ɔwɔ kyerɛwsɛm mu a nkorɔfo nye Nyankopɔn enya nkitahodzi. Mfonyin a ɔwɔ Gospel Art Book anaa Bra, Bɛka Mo Do nwoma mu no botum ama wo adwenkyerɛ horow. Bɔ mbɔdzen dɛ ibeyi nsɛmbisa a woedzi kan akyerɛw ano ma mfatoho biara a ihu. Ebɛn sũahu na enya wɔ irinya mpaabɔ ho mbuae ho? Ebɛnadze na ibotum ayɛ aboa binom ma hɔn so woenya sũahu pa?

Hwɛ Russell M. Nelson, “Hear Him,” Liahona, Esusow Aketseaba 2020, 88–92; Nsɛngyinado na Nsɛmbisa, “Personal Revelation,” Asɛmpa Nwoma Korabea.

Nna Joseph Smith wɔ awerɛhyɛmu dɛ Nyankopɔn beyi ne mpaabɔ ano, mbom n’enyi annda mbrɛ nyiano no besi bɛsesa n’abrabɔ—na wiadze no. Ber a ikenkan Joseph no sũahu ho nsɛm no, dwendwen mbrɛ Enyido-adzehu a Odzi Kan no nsunsuando no asesã w’abrabɔ.

Mfatoho, Enyido-adzehu a Odzi Kan no daa Nyame Egya na Ne Ba, Jesus Christ ho nokwar pii, a nna ɔson dza nkorɔfo dodow a wɔwɔ Joseph ne nda mu no gye dzi no, edzi. Ber a ikenkan Joseph Smith—Abakɔsɛm 1:15–20 no, hwɛ dɛ ibɛkyerɛw akwan ahorow a edze bowie asɛm no kyerɛw, tse dɛ: “Osian dɛ Enyido-adzehu a Odzi Kan no sii no, minyim dɛ …”

Ebɛn atsenkã na inya ber a idwendwen Joseph no sũahu na biribiara a ofii mu bae no?

Hwɛ “Ask of God: Joseph Smith’s First Vision” (video), Asɛmpa Nwoma Korabea “Joseph Smith’s First Prayer,” Asɔr Ndwom, nkanee 26.

6:35

N’abrabɔ mu no, Joseph Smith kyerɛɛw no sũahu wɔ Kwã Krɔnkrɔn no mu no, annyɛ yie koraa mpɛn anan, a ɔtaa fa ɔkyerɛwfo. Dza ɔkã ho no, nkorɔfo binom so a wɔtsee dɛ Joseph rekã n’enyido-adzehu no so kyerɛɛw ho asɛm No mu nsɛm no nyina nnyɛ kor kofee, ogyina onyia ɔkyerɛwee, otsiei, na gyinabew no, naaso ne nyina saa. Kor biara dze nsɛm kakra to do a ɔboa hɛn ma yɛtse Joseph Smith no sũahu no ase yie, tse dɛ ma Ahyɛmu Fofor n’asɛmpa anan no boa hɛn ma yɛtse Agyenkwa no somdwuma no ase yie.

Hwɛ Nsɛntsir na Nsɛmbisa, “First Vision Accounts,” Gospel Library.

Onyaa n’Enyido-adzehu a Odzi Kan nwanwa no, nna Joseph Smith pɛ dɛ ɔnye binom kyɛ no sũahu no. Hɔn a wotsiaa no no yɛɛ no ahobow. Ber a ikenkan n’asɛm no, ebɛnadze na okenyan wo ma igyina pintsinn wɔ wo dasegye ho? Ebɛn mfatoho binom—ofi kyerɛwsɛm mu, ewuakɔr, anaa nkorɔfo a inyim hɔn—na ɔma wo akokodur dɛ ibetsim wɔ nokwar mu wɔ sunsum mu sũahu a enya no?

Hwɛ Gary E. Stevenson, “Nourishing and Bearing Your Testimony,” Liahona, Ɔberɛfɛw 2022, 111–14.

• Worusũa Joseph Smith ne mbabun ber mu nsɛm bɔboa wo mbofra ma wɔdze hɔnho ato noho ber a wosũa fi no sũahu mu no. Bia wobotum esuo Joseph Smith no mfonyin mu na wɔakyɛ no ho nsɛm bi a wonyim. Sɛ okehia a, ibotum dze no ho nsɛm nokwar binom akã ho efi Joseph Smith—Abakɔsɛm 1:3–14 (hwɛ “Chapter 1: Joseph Smith and His Family,” wɔ Doctrine and Covenants Stories, 6–8, na video a ɔnye no kɔ do wɔ Asɛmpa Nwoma Korabea mu no). Ebɛn sũahu na Joseph nyae a ɔboaa no ma ɔyɛɛ ahosie dɛ ɔbɛyɛ nkɔnhyɛnyi? Ebɛnadze na bia Nyankopɔn resiesie hɛn ma yɛabɛyɛ?

  

  3:22

• Hwɛ dɛ edze mbuuku ahorow a kyerɛwsɛm no kã ho bɛkyerɛ wo mbofra no Boa hɔn ma wɔdwendwen nsɛmbisa a mbuukuu yinom botum ama nyiano. Nkyii hom botum abɔ mu akenkan Joseph Smith—Abakɔsɛm 1:10–11 dze ahwehwɛ nsɛmbisa a nna Joseph Smth wɔ na mbuae a ohun no wɔ kyerɛwsɛm no mu.

• Mbofra no botum ehu nsɛmfua a ɔwɔ Nyiyimu 12 a ɔkyerɛ ɔrekenkaan James 1:5 mbrɛ osii nyaa nsunsuando wɔ Joseph do. Nkyii wobotum wɔnye hɔnho akyɛ sũahu a kyerɛwsɛm mu asɛm bi enya nhyɛdo kɛse wɔ do. Hom botum so abɔ mu atow ndwom a ɔfa kyerɛwsɛm akenkan ho tse dɛ “Search, Ponder, and Pray” (Children’s Songbook, 109 Ebɛnadze na ndwom no kyerɛkyerɛ fa siantsir a yɛkenkan kyerɛwsɛm ho?

• Ama wɔaahyɛ ho asɛmkã ase wɔ mbrɛ yɛnye Ɔsor Egya nya nkitahodzi no, bia ɔwo na wo mbofra botum dze nkitahodzi ahorow, tse dɛ text, foon ɔfrɛ, anaa nsaano krataa dze ebisa nsɛmbisa. Yesi dɛn bisa Ɔsor Egya nsɛmbisa? Yesi dɛn kyerɛ no dɛ yɛdɔ No na yedzi No nyi wɔ hɛn mpaabɔ mu? Hom mbɔ mu nkenkan Joseph Smith—Abakɔsɛm 1:16–19 na hom nkã mbrɛ Ɔsor Egya sii buaa Joseph Smith ne mpaabɔ no. Nkyii ɔwo na wo mbofra botum akyɛ sũahu afa ber a hom bisaa Nyankopɔn hɔ mboa na hom nyaa nyiano.

• Ɔbɛyɛ mbofra kakraba dɛw dɛ wobegyina tsentsen na wɔatsentsen hɔn abasa mu rɛyɛ dɛ ndua agoragor a wɔwɔ Kwã Krɔnkrɔn no mu ber a ikã Enyido-adzehu a Odzi Kan ho asɛm kyerɛ hɔn. Bisa mbofra no ma wɔndandan hɔnho tse dɛ ma mframa robɔ hɔn ber a erekasa fa Joseph a ɔrobɔ mpaa ho. Nkyii bisa hɔn ma wongyina fakor na komm ber a ekã kyerɛ hɔn dɛ Ɔsor Egya na Jesus epue Joseph do.

• Mbofra a wɔayɛ mpanyin no enyi begye dɛ wɔdze mfonyin a kor anaa no mboree a ɔwɔ n’apɔwdo n’apɔwdo mu no akã nsɛm a wonyim fa Enyido-adzehu a Odzi Kan no ho. Hyɛ hɔn nkuran ma wɔnhwɛ Joseph Smith—Abakɔsɛm 1:14–17 na wɔnkyɛ hɔn adwendwen na nkã-tse fa Joseph no sũahu no ho (hwɛ “Chapter 2: Joseph Smith’s First Vision,” wɔ Doctrine and Covenants Stories, 9–12, anaa video a ɔnye no kɔ do wɔ Asɛmpa Nwoma Korabea so).

  

  3:23