“Mumu 30–Sanda 5: ‘Nsanananmu a Wɔbɔɔ ho Anohoba no Kɔ Kan’: Jesus Christ N’Asɛmpa no ne Mãhyɛ ne Nsanananmu no,” Bra, Bɛka Mo Do—Ma Fie na Asɔr: Nkyerɛkyerɛ na Ahyɛmudzi 2025 (2025)
“Jesus Christ N’Asɛmpa no ne Mãhyɛ ne Nsanananmu no,” Bra, Bɛka Mo Do—Ma Fie na Asɔr: Nkyerɛkyerɛ na Ahyɛmudzi 2025
Mumu 30–Sanda 5: “Nsanananmu a Wɔbɔɔ ho Anohoba no Kɔ Kan”
Jesus Christ N’Asɛmpa no ne Mãhyɛ ne Nsanananmu no
Ibesi dɛn ahyɛ dza osii a ɔsesaa wiadze no ne mfe a otsĩa 200 ho fa? Ɔno nye asɛmbisa a President a Odzi Kan na n’Apamfo na Asomafo Abaguafo Duebien no dwendween ho ber a Ebɔbira 2020 rebɛn no, a ɔhyɛ mfe 200 nsew fitsi Joseph Smith n’Enyido-adzehu a Odzi Kan no. President Russell M. Nelson kãa dɛ “Yɛdween ho dɛ ana yɛnyɛ nkaadze bi nsi hɔ” “Naaso ber a yɛdwendween abakɔsɛm mu asɛm tsitsir yi ho na Enyido-adzehu a Odzi Kan a no nsunsuando tserɛw kɔ aman nyina do no, yenyaa nkenyan dɛ yɛnyɛ nkaadze a ɔnnyɛ dza wɔdze ɔbo pa anaa boba ayɛ mbom nkasafua … , a wɔakyerɛw, nnyɛ “abopon do” mbom wɔakyerɛw ekrukye no wɔ hɛn “nyimpa akomapon” do. [2 Corinthfo 3:3]” (“Hear Him,” Liahona, Esusow Aketseaba 2020, 90).
Nkasafua nkaadze a wɔyɛe ne dzin dze “Jesus Christ N’Asɛmpa no ne Mãhyɛ Nsanananmu no: Mfe Ahaebien Dawurbɔ a wɔdze ma Wiadze.” Ɔnnyɛ Enyido-adzehu a Odzi Kan ho nkaadze nko, mbom ɔyɛ adze nyina a Jesus Christ ayɛ—na Ɔda ho reyɛ—fitsi dɛm ber no. N’asɛmpa ne Nsanananmu no hyɛɛ ase ber a nyimpa kor danee kɔr Nyankopɔn hɔ na otsie No. Ɔkɔ do wɔ dɛm kwan no ara do, akoma kor, sũahu krɔnkrɔn kor aber kor—a hom dze kã ho.
Adwenkyerɛ horow a wɔdze Bosũa Adze wɔ Fie na wɔ Asɔr
Nyankopɔn dɔ Ne mba a wɔwɔ wiadze aman nyina mu.
W’adwen yɛ wo dɛn wɔ siantsir a Nsanananmu ne dawurbɔ no dze Nyankopɔn no dɔ ho asɛm bedzi kan? Ber a irusũa dawurbɔ no, hwehwɛ nsɛm a ɔkyerɛ Nyankopɔn no dɔ ma “Ne mba a wɔwɔ wiadze aman nyina do.” Asɛmpa no ne Nsanananmu no esi dɛn aboa wo ma atse No dɔ nkã?
Hwɛ Gerrit W. Gong, “All Nations, Kindreds, and Tongues,” Liahona, Ɔberɛfɛw 2020, 38–41 so.
Asɛmbisa na ɔdze hyɛɛ Nsanananmu no ase.
Wobotum akã dɛ Agyenkwa no dze asɛmbisa ho mbuae hyɛɛ N’asɛmpa ne Nsanananmu no ase. Ebɛn asɛm na inya ho atsenkã dɛ Nsanananmu dawurbɔ no wɔ ma obi a ɔwɔ nsɛmbisa wɔ Nyame ho, asɛmpa no, anaa “ne kra no nkwagye ho”? Ibotum so esũa Joseph Smith—Abakɔsɛm1:5–20 dze ahwɛ dza ibotum ehu efi Joseph Smith hɔ a ɔfa erohwehwɛ asɛmpa nsɛmbisa ho mbuae.
Hwɛ Nsɛngyinado na Nsɛmbisa so, “Seeking Answers,” Asɛmpa Nwoma Korabea
M’Akoma N’Apɛdze no n’afã bi, Walter Rane yɛɛ nsaano mfonyin no
Jesus Christ dze N’Asɔr asan ananmu aba.
Ebɛnadze na inyim fa “Christ N’Ahyɛmu Fofor Asɔr,” a Agyenkwa no duaa Joseph Smith do dze saan ananmu bae no ho? Hwɛ dɛ ibosũa kyerɛwsɛm yinom na N’Asɔr no su binom a wɔakyerɛw no nkorkor:
-
Matthew 16:15–19
-
Mark 16:15–18
-
Luke 6:12–13
-
Ndwuma 4:34–35
-
1 Corinthfo 15:29.
-
Ephesusfo 4:11–15
Odzi do, ibotum ahyehyɛ kyerɛwsɛm a ɔwɔ sor ma ɔnye dza ɔwɔ ase no asaa, a ɔkã mbrɛ dɛm N’Asɔr su horow no a, Jesus Christ dze duaa Joseph Smith do saan ananmu bae.
Ebɛnadze ntsi na w’enyi sɔ Jesus Christ N’asɛmpa no ne Nsanananmu?
Mpɛn bi Elder Jeffrey R. Holland na ne yer susuu mbrɛ hɔn atsenkã besi bɛyɛ sɛ wɔtsenaa ase ansaana Asɔr no a wɔdze asan ananmu aba no a. Wobisaa hɔn ho dɛ, “Ebɛnadze na yɛbɛpɛ dɛ nkyɛ yɛwɔ? Kenkan hɔn sũahu ho asɛm wɔ “A Perfect Brightness of Hope” (Liahona, Esusow Aketseaba 2020, 81–82). Kwan bɛn do na Nsanananmu no aboa ma wo sunsum mu enyidado no ahyɛ mã?
Hwɛ Nsɛngyinado na Nsɛmbisa, “Apostasy and the Restoration of the Gospel,” Asɛmpa Nwoma Korabea.
“Nsanananmu a Wɔbɔɔ ho Dawur no Kɔ Kan.”
Ana adwen ho pɛn dɛ ɔwo ankasa ekã asɛmpa no ne Nsanananmu ho a? Hwɛ nsɛm yinom a President Dieter F. Uchtdorf kãe no: “Ɔtɔfabi a yɛdwen dɛ asɛmpa Nsanananmu no yɛ biribi a woewie yɛ, wɔabɛsen hɛn ekyir. … Nokwar no nye dɛ, Nsanananmu yɛ dza ɔkɔ do; na yɛtse mu sesei” (“Are You Sleeping through the Restoration?,” Liahona, Esusow Aketseaba 2014, 59).
Ber a eyɛ krado dɛ ibosũa mbrɛ wosii dze asɛmpa no saan ananmu baa wɔ mfe 1800 ber mu no, bia ibotum ahyɛ ase adwendwen mbrɛ wosii dze saan ananmu bae wɔ w’abrabɔ mu. Kenkan Nsanananmu dawurbɔ no a nsɛmbisa ɔtse dɛm wɔ w’adwen mu: Misii dɛn bae bohun dɛ ɔyɛ nokwar? Misi dɛn dze moho hyɛ Nsanananmu no ndɛ?
“Ɔsorsor no ebue.”
Kasasin “ɔsorsor no ebue” n’asɛkyerɛ ma wo nye dɛn? Ebɛn adanse na ihu—wɔ Nsanananmu dawurbɔno mu, wɔ ndɛ Asɔr no mu, wɔ kyerɛwsɛm no mu, na wɔ w’abrabɔ mu—dɛ ɔsorsor no ebue ampaara?
Ibotum so edze “The Morning Breaks” (Asɔr Ndwom, nkanee 1) akã w’adzesũa ho. Ebɛnadze na ihu wɔ asɔr ndwom yi mu a ɔtow wo ntseasee mu wɔ kasasin no “ɔsorsor no ebue” ho?
Hwɛ Quentin L. Cook, “The Blessing of Continuing Revelation to Prophets and Personal Revelation to Guide Our Lives,” Liahona, Esusow Aketseaba 2020, 96–100.
Hom mbɔ mu nsũa adze President Nelson ato nsa afrɛ hɛn dɛ “yɛnsũa [Nsanananmu dawurbɔ no] ankorankor na yɛnye [hɛn] ebusua mu mba na anyɛnkofo nsũa” (“Hear Him,” 92). Susu mbrɛ enye binom botum akã w’adzesũa ho.
Ama eenya adwenkyerɛ bi akã ho no, hwɛ bosoom yi Liahona a wɔdze epue na For the Strength of Youth dawurbɔ nkrataa.
Adwenkyerɛ horow a wɔdze Kyerɛkyerɛ Mbofra Adze
“Yɛpaa mu kã no ahobrɛadze mu.”
-
Ber a enye wo mbofra kenkan Nsanananmu dawurbɔ n’afã n’afã (anaa wɔhwɛ video a President Nelson rekenkan no), boa hɔn ma wonhu asɛntɔw horow a wɔdze kasasin tse dɛ “yɛpaa mu kã,” “yɛkã dɛ” anaa “yegye dase dɛ” hyɛ ase no Ebɛn nokwar horow na hɛn nkɔnhyɛfo na asomafo repaa mu rekã? Bia ɔwo na wo mbofra botum akyɛ wankasa wo dasegye wɔ nokwar horow yinom ara ho.
6:0The Restoration of the Fulness of the Gospel of Jesus Christ
“Nna Joseph Smith … wɔ nsɛmbisa.”
-
Bia ɔbɛyɛ enyigyedze ama wo mbofra no dɛ wɔbɔhwehwɛ nsɛmbisa a Joseph Smith wɔ a ogyaa Agyenkwa n’asɛmpa Nsanananmu no. Boa hɔn ma wonhu mfatoho binom wɔ Joseph Smith—Abakɔsɛm 1:10, 29, 68 mu. Kwan bɛn do na yɛayɛ nhyira ndɛ osiandɛ Nyankopɔn buaa Joseph Smith ne nsɛmbisa no ntsi?
-
Bia ibotum so ama wo mbofra no kwan ma wɔakã hɔn nsɛmbisa ho nsɛm. Ebɛnadze na yesũa fi Joseph Smith hɔ a ɔfa mbrɛ yebesi bɔhwehwɛ mbuae? (hwɛ Joseph Smith—Abakɔsɛm 1:8–17; hwɛ nyiyimu 3 na 4 so mu wɔ “This is My Beloved Son,” Children’s Songbook
“Ɔsor abɔfo baa bɛkyerɛkyerɛɛ Joseph.”
-
Woana nom nye “ɔsor abɔfo [no a wɔ]baa bɛkyerɛkyerɛɛ Joseph no? Bia wo mba hɔn enyi bɛgye dɛ wɔrohwɛ hɔn mfonyin wɔ Gospel Art Book mu (hwɛ nkanee 91, 93, 94, 95). Abɔfo yinom mu kor biara sii dɛn boae ma “wɔsaanee kyekyeer Jesus Christ N’Asɔr no bio”? Kyerɛwsɛm a woesusu ho ma dapɛn yi dwumadzi krataafa no botum aboa wo mbofra ma woeyi asɛmbisa yi ano.
Jesus Christ dze N’Asɔr asan ananmu aba.
-
Ibesi dɛn botum aboa wo mbofra ma woenya ntseasee wɔ Agyenkwa N’Asɔr a wɔdze asan ananmu aba no ase. Bia wobotum dze ntaabow ntayaa agoragor anaa nkɔɔpow esi abantsentsen na “wɔasan ayɛ” anaa woesi, no bio. Anaa, sɛ wo mbofra ahyɛ biribi n’ananmu bio osiandɛ ɔyewee anaa ɔsɛɛe a, ibotum edze atoto mbrɛ Agyenkwa no dze N’Asɔr resan ananmu aba ho. Boa hɔn ma wonhu ndzɛmba pɔkyee a wɔabɔ edzin wɔ Nsanananmu dawurbɔ no mu a Agyenkwa no dze asan ananmu aba.
“Ɔsorsor no ebue.”
-
Ama akyerɛ kasasin “ɔsorsor no ebue” ase no, bia ibotum nye wo mba akyɛ asɛm bi, odzi kan fi abow a wɔato mu ekyir na nkyii dze edua abow a woebue mu. Ma hɔn so mfa mber nkyɛ asɛm no nkorkor. Ebɛn asɛm na Jesus Christ wɔ ma hɛn? Ebɛn sũahu horow na wɔaboa hɛn ma yeehu dɛ woebue ɔsorsor no ama hɛn?
Ama eenya adwenkyerɛ horow bi akã ho no, hwɛ bosoom yi Friend dawurbɔ krataa a wɔdze epue no.