Ma Primary—Irisiesie Mbofra ma Abrabɔ Mber Nyina wɔ Nyankopɔn ne Ahyɛmu Anamɔn Kwan no do

Ma mbofra no mfonyin ahorow a ɔkyerɛ gyedzi wɔ Jesus Christ mu, nnuho, enuma, na pisi (hwɛ Gospel Art Book, nkanee 1, 111, 103, na 105). Kenkan anaa enye mbofra no nse gyedzi ho nsɛmpɔw a otsĩa ananno, na kã kyerɛ hɔn ma wonsuo hɔn mfonyin no mu wɔ sor ber a wɔkã dɛm fapem no anaa ayɛdze no. Boa mbofra no ma wɔntse mbrɛ fapem na ayɛdze horow no mu kor biara boa hɛn ma yɛbɛyɛ tse dɛ Ɔsor Egya na Jesus Christ ara yie ase.

Ibesi dɛn bɔboa mbofra no ma wɔatse ase dɛ gyedzi, nnuho, enuma, na pisi nnyɛ dza osi mber-kor ara pɛr, mbom onya nhyɛdo wɔ hɛn sunsum mu mpontu wɔ hɛn abrabɔ ber nyinara mu? Mfatoho, ibotum dze aba na dua kɛse bi no mfonyin akyerɛ hɔn (anaa adorɔw ndzɛmba yinom wɔ board no do). Boa hɔn ma wɔndwen ndzɛmba horow a wɔboa aba ma onyin bɛyɛ dua kɛse, tse dɛ nsu, dɛtse, na ewia ne kan. Boa hɔn ma wonhu dɛ iyinom tse dɛ ndzɛmba a yɛyɛ a ɔma yenyin bɛn Nyankopɔn hɛn abrabɔ mu nyina—yɛrotow hɛn gyedzi wɔ Jesus Christ mu, yerunu hɛnho daa daa, yɛdze hɛn enuma ahyɛmudzi no robɔ bra, yedzi sacrament, na yetsie Sunsum Krɔnkrɔn no.

Enye mbofra no nkyɛ asɛm a ɔfa hwiipow ho a ofi Elder Dale G. Renlund n’asɛm mu “How Can Repenting Help Me Feel Happy?” (Friend, Mumu 2017, 12–13, anaa Liahona, Mumu 2017, 70–71; hwɛ video no so “Repentance: A Joyful Choice” [Asɛmpa Nwoma Korabea]). Asɛmkã no rokɔ do no, to nsa frɛ mbofra no ma wɔndwen mbrɛ Elder Renlund n’atsenkã bɛyɛ. Dɛn ntsi na yɛtse dɛwdzi nkã sɛ yenu hɛnho a? Enye mbofra no nkyɛ dɛwdzi na ɔdɔ atsenkã a enya ber a ibisaa Ɔsor Egya dɛ Ɔmfa wo bɔn nkyɛ wo.

Fa Agyenkwa no n’enuma na obi so n’enuma ho mfonyin kyerɛ (anaa hwɛ Gospel Art Book, nkanee 35 na 103 anaa nkanee 104). Bisa mbofra no ma wɔnkyɛ dza ɔson na dza ɔyɛ kor wɔ mfonyin ebien no mu. Hom mbɔ mu nkenkan Matthew 3:13–17 anaa “Chapter 10: Jesus Is Baptized” wɔ New Testament Stories, 26–29 mu (anaa video a ɔnye no kɔ do wɔ Asɛmpa Nwoma Korabea). Ma mbofra no ntsen hɔn nsatseaba wɔ ndzɛmba a ɔwɔ mfonyin no mu a wɔbɔ dzin wɔ akenkan anaa video no mu. Kã wo dɔ ma Agyenkwa no na wo pɛ dɛ ebɛka No do no ho asɛm kyerɛ mbofra no.

1:52

Hom ntsie anaa hom ntow enuma ndwom, tse dɛ “When Jesus Christ Was Baptized” (Children’s Songbook, 102). Ebɛnadze na yesũa fa enuma ho fi ndwom no mu? Kenkan 2 Nephi 31:9–10, na to nsa frɛ mbofra no ma wontsie siantsir a wonumaa Jesus Christ. Ma wɔndorɔw hɔnankasa hɔn mfonyin wɔ hɔn enuma da.

Kyerɛkyerɛ mu dɛ ahyɛmu yɛ anohoba a ɔda obi na Ɔsor Egya ntamu. Ber a yesie hɛn anohoba horow a yɛdze bɔ Nyame no, Nyame bɔ hɛn anohoba dɛ Obehyira hɛn. Kyerɛw no wɔ board do M’Anohoba a medze bɔ Nyame na Nyame N’Anohoba a Ɔdze bɔ Me. Hom mbɔ mu nkenkan Mosiah 18:10, 13 na Nkyerɛkyerɛ na Ahyɛmudzi 20:37, na boa mbofra no ma wɔnkyerɛw anohoba horow no nkorkor wɔ tsir a ɔfata ase (hwɛ Dallin H. Oaks, “Your Baptism Covenant,” Friend, Kwakwar 2021, 2–3 so). Kyɛ mbrɛ Ɔsor Egya esi aboa wo ber a ebɔ mbɔdzen dɛ ibesie w’enuma ahyɛmu no.

Fa ndzɛmba a Jesus Christ yɛe no somdwuma ber mu no ho mfonyin kyerɛ mbofra no (ama oeehu mfatoho binom no, hwɛ Gospel Art Book, nkanee 33–49). Ma mbofra no nkasa mfa dza Agyenkwa no reyɛ wɔ mfonyin kor biara mu. Kenkan Mosiah 18:8–10, 13, na to nsa frɛ mbofra no dɛ wontsie ndzɛmba a wɔbɔ ho anohoba dɛ wɔbɛyɛ sɛ wonuma hɔn a (hwɛ “The Baptism Covenant,” Friend, Kwakwar 2019, 7, anaa Liahona, Kwakwar 2019, F3). Osi dɛn na anohoba horow yinom benya nhyɛdo wɔ hɛn daa daa ndzeyɛɛ do? To nsa frɛ mbofra no ma wɔndorɔw hɔnankasa hɔn mfonyin a wɔroboa obi wɔ kwan a Jesus bɛyɛ do.

To nsa frɛ obi a ndaansa yi wonumaa no na wosii no pi no ma ɔmbra adzesũa bea na ɔmbɛkyɛ sɛ wosi wo pi a mbrɛ ɔtse. Bisa nyimpa yi ma ɔnkasa mfa ɔabɛyɛ Jesus Christ N’Asɔr a ɔwɔ hɔ Ma Nda a Odzi Ekyir Ahotseweefo n’asɔrba yi n’asekyerɛ ma no. Boa mbofra no ma wɔndwen akwanhorow a wobesie hɔn enuma ahyɛmu dɛ Asɔrmba (tse dɛ wɔrosom binom, wɔroto nsa afrɛ nkaafo ma woesũa Jesus no ho nsɛm bi akã ho, wɔrobɔ mpaa wɔ nhyiamu ase, na ne nkekã ho). Kyɛ mbrɛ ereyɛ ndzɛmba yinom aboa wo ma atse dɛwdzi dɛ eyɛ Christ N’Asɔrba no ne nkã.

Fa nkorɔfo a wɔwɔ Mormon Esu ho no hɔn mfonyi kyerɛ (hwɛ Gospel Art Book, nkanee 76), na bisa mbofra no ma wɔnkã dza wohu no mfonyin no mu no ho nsɛm. Kã Alma na no nkorɔfo a worunuma hɔn wɔ hɔ no hɔnho asɛm (hwɛ Mosiah 18:1–17; “Chapter 15: Alma Teaches and Baptizes,” wɔ Book of Mormon Stories, 43–44, anaa video a ɔnye no kɔ do wɔ Asɛmpa Nwoma Korabea). Bobɔ Mosiah 18:8–9 do na to nsa frɛ mbofra no ma wɔnyɛ ndzeyɛɛ a ɔbɔboa hɔn ma wɔkaa ndɛmba a nna nkorɔfo yi wɔ ho pɛ dɛ wɔbɛyɛ dɛ Christ N’Asɔrmba. Mfatoho, yebesi dɛn bɔboa binom ma “woetu anamɔn aba kan dɛ wɔnye Nyame rebedzi ahyɛmu”? (Russell M. Nelson, “Hope of Israel” [wiadze nyina mu mbabun mpaabɔsom, Obiradzi 3, 2018], Asɛmpa Nwoma Korabea). Kyɛ sũahu bi a ehu dɛ Asɔrmba rosom wɔ akwan yinom do.

2:41

Kenkan Nkyerɛkyerɛ na Ahyɛmudzi 33:15, na bisa mbofra no ma wontsie akyɛdze soronko no a Ɔsor Egya dze ma hɛn ber a wonuma na wosi hɛn pi no. Ama wɔaaboa hɔn ma woesũa mbrɛ Sunsum Krɔnkrɔn akyɛdze no besi bɔboa hɔn ho nsɛm bi akã ho no, hom mbɔ mu mbobɔ John 14:26; Galatiafo 5:22–23; 2 Nephi 32:5; 3 Nephi 27:20 do. Hom botum so abobɔ nkyerɛwee “The Holy Ghost Is …” (Friend, Ɔbiradzi 2019, 24–25, anaa Liahona, Ɔbiradzi 2019, F12–F13 no do).

Ansaana adzesũadze no bɛhyɛ ase no, bisa mbofra no ɔwofo baako anaa mbordo ma wɔnkyɛ mbrɛ woesi ehyira hɔn osian dɛ wɔwɔ Sunsum Krɔnkrɔn akyɛdze no ntsi. Osi dɛn na Ɔboa hɔn? Wosi dɛn tse Ne ndze?

Hom mbɔ mu ntow ndwom a ɔfa Sunsum Krɔnkrɔn no ho, tse dɛ “The Holy Ghost” (Children’s Songbook, 105). Boa mbofra no ma wɔntse dza ndwom no kyerɛkyerɛ hɛn fa mbrɛ Sunsum Krɔnkrɔn no botum aboa hɛn no ase.

Boa mbofra no ma wɔndwen akwan soronko ho a yebotum nye nyɛnko bi a ɔtse ekyirekyir akasa, tse yɛrekyerɛw krataa, yedze email rokɔ anaa yɛrekasa foon do. Kyerɛkyerɛ hɔn dɛ Ɔsor Egya botum akasa edua Sunsum Krɔnkrɔn no mu akyerɛ hɛn wɔ akwan ahorow mu. Fa President Dallin H. Oaks n’asɛm “How Does Heavenly Father Speak to Us?” no boa mbofra no ma wɔntse ase akwan soronko no a Sunsum Krɔnkrɔn no botum akasa akyerɛ hɛn adwen na hɛn akoma (Friend, Ebɔw 2020, 2–3, anaa Liahona, Ebɔw. 2020, F2–F3).

Kyɛ mber bi a Sunsum Krɔnkrɔn no duaa w’adwen mu adwendwen anaa w’akoma mu atsenkã do nye wo nyaa nkitahodzi no ho sũahu (hwɛ Nkyerɛkyerɛ na Ahyɛmudzi 6:22–23; 8:2–3; hwɛ Henry B. Eyring, “Open Your Heart to the Holy Ghost,” Friend, Dzifuu 2019, 2–3, anaa Liahona, Dzifuu 2019, F2–F3 so). Gye dase kyerɛ mbofra no dɛ Sunsum Krɔnkrɔn no botum aboa hɔn wɔ gyinabew a ɔtsetse dɛm mu.

Boa mbofra no ma wonhu mber a wɔretse Sunsum no ne nkã—mfatoho, ber a wɔrotow Agyenkwa no ho ndwom anaa ber a wɔreyɛ ayamuyie ama binom no. Boa hɔn ma wonhu sunsum mu atsenkã a Sunsum Krɔnkrɔn no dze ba, nkanka Ne nkenyan dɛ yɛ biribi. Dɛn ntsi na edwen dɛ Sunsum Krɔnkrɔn no ma hɛn atsenkã yinom? Boa mbofra no ma wɔdwen ndzɛmba a ohia dɛ yɛyɛ ho ama yɛaatse Sunsum Krɔnkrɔn no dɛ ɔrekasa akyerɛ hɛn. Kasa fa dza eyɛ dze tse Sunsum no pefee mu ara.

To nsa frɛ mbofra no ma wɔnkekã “Jesus Introduced the Sacrament to the Nephites” wɔ Scripture Stories Coloring Book: Book of Mormon (2019), 26 no mu. Bisa hɔn ma wɔntsen hɔn nsatseaba wɔ dza nkorɔfo no rodwen ho wɔ mfonyin no mu no. Kenkan 3 Nephi 18:1–12 anaa “Chapter 45: Jesus Christ Teaches about the Sacrament and Prayer,” wɔ Book of Mormon Stories, 126–27 n’afã kakra kyerɛ mbofra no (anaa hom nhwɛ video a ɔnye no kɔ do wɔ Asɛmpa Nwoma Korabea). Ebɛnadze na yebotum ayɛ dze akaa Jesus Christ sacrament ber no mu no?

2:8

Bisa mbofra no ma wɔnkã ndzɛmba binom a ɔwɔ dɛ daa wɔkaa dɛ wɔbɛyɛ, tse dɛ wɔbɛkyekyer hɔn shoe lace anaa wɔbɔhohor hɔn nsaho ana woedzidzi. Dɛn ntsi na ohia paapaapa dɛ yɛbɛkaa ndzɛmba yinom? Kenkan Moroni 4:3 kyerɛ mbofra no, na to nsa frɛ hɔn dɛ wontsie dza yɛbɔ ho anohoba dɛ yɛbɛkaa no aber nyina ber a yedzi sacrament no. Dɛn ntsi na ohia papaapa dɛ yɛbɛkaa Jesus Christ? Boa mbofra no ma wɔntse ase mbrɛ sacrament paanoo na nsu no si boa hɛn ma yɛkaa dza Jesus Christ ayɛ ama hɛn no (hwɛ Moroni 4:3; 5:2).

Kyerɛw no wɔ board no do “Mobɔ anohoba dɛ …” Kenkan sacrament mpaabɔ no kyerɛ mbofra no (hwɛ Nkyerɛkyerɛ na Ahyɛmudzi 20:77, 79). Sɛ wɔtse anohoba bi a yɛbɔ ma Nyame a, gyina kakra na boa hɔn ma wonwie asɛntɔw no wɔ board no do a wɔdze anohoba a wɔtsee no. Boa hɔn ma wɔntse ase dɛ sɛ yedzi sacrament a, nna yɛrobɔ anohoba kor noara a yɛbɔɔ no enuma ber no.

Yɛrefa Jesus Christ ne dzin ato hɛn do n’asekyerɛ nye dɛn? Ama wɔaaboa mbofra no ma woeyi asɛmbisa yi ano no, kyɛ biribi a yɛdze hɛn edzin to do no ho mfatoho. Dɛn ntsi na yɛdze hɛn edzin to ndzɛmba yinom do? Dɛn ntsi na Jesus Christ bɛpɛ dɛ Ɔdze Ne dzin bɔto hɛn do? Susu dɛ ebɛkyɛ nkyerɛkyerɛmu yi a ofi President Russell M. Nelson hɔ: “Yɛdze hɛn ndzeyɛɛ na nsɛnkã—repaa mu kã na yɛregye dase kyerɛ nkaafo no—dɛ Jesus nye Christ no, kã yɛrefa Agyenkwa no Ne dzin ato hɛn do ho” (“The Correct Name of the Church,” Liahona, Ɔberɛfɛw 2018, 88).

Boa mbofra no ma wɔnhyɛ nhyira a wonya osian asɔfodzi no ntsi nsew. Ama wɔaaboa hɔn ma woenya adwenkyerɛ binom no, ibotum dze video no “Blessings of the Priesthood” (Asɛmpa Nwoma Korabea) no akyerɛ. Susu dɛ ebɛkyerɛw nhyira yinom nkorkor wɔ board no do. Dɛn ntsi na nhyira yinom hia hɛn papaapa no? Gye dase dɛ nhyira yinom ba hɛn do osian Jesus Christ na N’asɔfodzi tum no.

3:5

Boa mbofra no ma wɔnhwehwɛ mfonyin ahorow a ɔkyerɛ mbrɛ Nyankopɔn si dze No tum dzi dwuma dze hyira hɛn. Mfatoho, wobotum ahwehwɛ wiadze yi a Ɔbɔe maa hɛn no mfonyin, ayarsa ho mfatoho, na ayɛdze krɔnkrɔn a Ɔdze ama hɛn no (hwɛ Gospel Art Book, nkanee 3, 46, 104, 105, 107, 120). Kyɛ siantsir a asɔfodzi no na nhyira horow a ɔdze ba no yɛ wo enyisɔ. Boa mbofra no ma wɔndwendwen sũahu horow ho ber a wɔdze Nyame N’asɔfodzi tum no hyiraa hɔn no.

Akwan etsitsir no mu kor a yenya Nyame No tum mu nhyira wɔ hɛn abrabɔ mu nye dza odua asɔfodzi ayɛdze mu (hwɛ Nkyerɛkyerɛ na Ahyɛmudzi 84:20). Ama wɔaaboa mbofra no woesũa nokwar yi no, ibotum akyerɛw kyerɛwsɛm a odzi do no nkorkor wɔ board no do: 3 Nephi 11:21–26, 33 (enuma); Moroni 2 (pisi); Moroni 4–5 (sacrament). Mbofra no baako biara botum asan mu eyi nyiyimu yinom mu kor na ɔahwehwɛ ayɛdze a ɔkã ho asɛm no. To nsa frɛ mbofra no ma wɔnkyɛ mbrɛ wɔregye asɔfodzi ayɛdze horow esi ehyira hɔn ankorankor.

Boa mbofra no ma wɔntse ase dɛ wobenya tum efi Nyame hɔ sɛ wonuma hɔn na wosie hɔn enuma ahyɛmu no a. Bisa mbofra no mbrɛ tum yi besi aboa hɔn.

Enye mbofra no nkenkan Mark 3:14–15, na kyerɛ hɔn dza osii hɔ a wɔakã ho asɛm no ho mfonyin (tse dɛ Gospel Art Book, nkanee 38). Bisa mbofra no sɛ woehu obi a wɔnye no risi hɔ ama no ɔfrɛ bi anaa wɔhyɛɛ no sɔfo wɔ asɔfodzi dzibew bi mu a (anaa kã wo sũahu a enya ho nsɛm kyerɛ hɔn). Osi dɛn na ɔno nye dza Agyenkwa no nye N’Asomafo no yɛe no sɛ? Boa mbofra no ma wɔnkyerɛw no nkorkor ɔfrɛ horow, anaa asɔfodzi dzibew ahorow a wobotum dze ama Asɔrmba, tse dɛ kyerɛkyerɛnyi anaa kuw baanodzinyi. Ɔfrɛ na dzibew kor biara ne nkyɛn no, ibotum akyerɛw dza obi a ɔwɔ dɛm ɔfrɛ anaa dzibew no wɔ tumdzi dɛ ɔdze yɛ. Kã kyerɛ mbofra no mbrɛ obi a ɔwɔ asɔfodzi nsaafee no kwankyerɛ ase eyi wo esi hɔ no, aboa wo ma asom.

Ma mbofra no ndwen biribi ho a ihia ho saafee, tse dɛ kaar anaa abow. Ebɛnadze na ɔbɛba sɛ nnyi saafee no a? Hom mbɔ mu nkenkan Nkyerɛkyerɛ na Ahyɛmudzi 65:2, na kyɛ wo dasee wɔ asɔfodzi nsaafee ne hia a ohia ho. Hom botum so ahwɛ “Where Are the Keys?” video no. (Asɛmpa Nwoma Korabea) na hwɛhwɛ dza Elder Gary E. Stevenson kyerɛkyerɛ fa asɔfodzi nsaafee ho.

2:51

Fa temple kor anaa no mboree no mfonyin kyerɛ. Bisa mbofra no dza ɔma temple yɛ bea soronko no. Kyerɛ mu dɛ wɔ temple kor biara ho no nkyerɛwee yi wɔ ho: “Krɔnkrɔn ma Ewuradze—Ewuradze ne Fie.” Bisa mbofra no dza wɔdwen ho a “Krɔnkrɔn ma Ewuradze” n’asekyerɛ botum ayɛ. Dɛn ntsi na temple wɔfrɛ no Ewuradze ne fie? Ebɛnadze na iyi kyerɛkyerɛ hɛn fa temple ho? Sɛ mbofra no hɔn mu bi akɔ temple a, hɔn so botum akyɛ mbrɛ hɔn atsenkã yɛe ber a wɔwɔ hɔ no. Sɛ akɔ temple a, kyɛ mbrɛ w’atsenkã yɛe dɛ Ewuradze wɔ hɔ, na kasa fa siantsir a temple no yɛ krɔnkrɔn bea ma wo no.

Hom mbɔ mu nkenkan Nkyerɛkyerɛ na Ahyɛmudzi 97:15–17. Bisa mbofra no ma wɔnhwehwɛ dza Ewuradze enyi da kwan wɔ nkorɔfo a wɔhɛn Ne fi krɔnkrɔn mu no ho. Dɛn ntsi na ohia dɛ yɛfata ansaana yɛahɛn Ne fie mu no. Kasa kyerɛ mbofra no fa temple recommend ho, na mbrɛ wobesi agye bi, fa kã nkɔmbɔdzi yi ho. Ibotum ato nsa afrɛ bishop na n’apamfo mu kuwba ma ɔnye hɔn akyɛ mbrɛ temple recommend kokoamu mpɛnsapɛnsamu tse na nsɛmbisa a wobisa no.

Bisa mbofra no ma wɔmboa wo ma bobɔ ahyɛmu a yɛnye Nyame dzi ber a wonuma hɛn na dɛ yekenyan no ber a yedzi sacrament no do (hwɛ Mosiah 18:10; Nkyerɛkyerɛ na Ahyɛmudzi 20:77, 79). Fa temple mfonyin kyerɛ, na kyerɛkyerɛ mu dɛ Ɔsor Egya wɔ nhyira binom so a Ɔpɛ dɛ Ɔdze ma hɛn wɔ temple mu.

Dorɔw abobow a ogya kɔ anamɔn kwan bi do. Bisa mbofra no siantsir a wɔdwen dɛ ɔyɛ mboa dɛ wonya anamɔn kwan a wɔbɛnantsew do. Hom mbɔ mu nkenkan 2 Nephi 31:17–20, bea a Nephi dze enuma ahyɛmu no toto abobow ho na ɔto nsa frɛ hɛn dɛ yɛnkɔ do nnantsew anamɔn kwan no do enuma ekyir no. Ahyɛmu horow binom so wɔ hɔ a yedzi wɔ enuma ekyir, a ahyɛmudzi a wɔyɛ no temple no kã ho. Kyerɛkyerɛmu dɛ President Nelson afrɛ anamɔn kwan yi “ahyɛmu anamɔn kwan” no.

Kasa fa mber bi a obi yɛɛ biribi maa wo a nna nnkotum ayɛ ama woho. To nsa frɛ mbofra no ma wɔnkyɛ sũahu a ɔtsetse dɛm. Kyerɛkyerɛ mu dɛ sɛ yɛkɔ temple a, yebotum agye ayɛdze krɔnkrɔn tse dɛ enuma ma binom a woewu. Yesi dɛn na yɛyɛ tse dɛ Jesus ber a yerɛyɛ edwuma ama ewufo no? Ebɛnadze na Ɔayɛ ama hɛn a nna yennkotum ayɛ ama hɛnho?

To nsa frɛ mbabun no hɔn mu baako anaa no mboree a woenuma hɔn ama hɔn ewuakɔr ma wɔnkyɛ hɔn sũahu no. Bisa hɔn dɛ nna temple no mu tse dɛn. Hyɛ hɔn nkuran ma wɔnkyɛ hɔn atsenkã ber a wɔreyɛ edwuma yi ama hɔn ewuakɔr.

Dorɔw dua wɔ board no do, a ndwow na nkorbata kã ho. Ma mbofra no ndwen ho mbrɛ ebusua si tse dɛ dua. Kyerɛw ndwow no do Ewuakɔr, kyerɛw nkorbata no do Mbasantsen, na kyerɛw dua tsen no do Ɔwo. Hom mbɔ mu nkenkan asɛntɔw yi a ofi Nkyerɛkyerɛ na Ahyɛmudzi 128:18: “Osiandɛ sɛ yɛnnkã [hɛn ewuakɔr] ho a, wonnkotum edzi mu, nna sɛ hɔn so wɔnnkã hɛn ho a, yennkotum edzi mu.” Bisa nsɛmbisa a ɔtse dɛ mbrɛ odzi do yi: Dɛn ntsi na yehia hɛn ewuakɔr? Dɛn ntsi na hɛn ewuakɔr hia hɛn? Hɛn awofo, nananom, na ewuakɔr binom esi dɛn aboa hɛn? To nsa frɛ mbofra no ma wɔnhwehwɛ Nkyerɛkyerɛ na Ahyɛmudzi 128:18 ne nkaa no mu nhwɛ dɛm kasasin no a ɔkã mbrɛ yebesi bɔboa hɛn ewuakɔr ho asɛm.

Susu dɛ enye abofra biara n’awofo bɛyɛ edwuma ahwehwɛ ewuakɔr bi a ohia ayɛdze wɔ temple mu (hwɛ FamilySearch.org).