“Abɔekyir C: Ma Primary—Nkyerɛkyerɛ ma Ndwontow Mber na Mbofra Sacrament Nhyiamu Ɔyɛkyerɛ,” Bra, Bɛka Mo Do—Dze Ma Fie na Asɔr: Nkyerɛkyerɛ na Ahyɛmudzi 2025 (2025)

“Abɔekyir C,” Bra, Bɛka Mo Do—Dze Ma Fie na Asɔr: 2025

Abɔekyir C

Ma Primary—Nkyerɛkyerɛ ma Ndwontow Mber na Mbofra Sacrament Nhyiamu Ɔyɛkyerɛ

Ndwom krɔnkrɔn yɛ edwindadze a ɔyɛ ndam a wɔdze boa mbofra ma wosũa Ɔsor Egya ne enyigye ho nhyehyɛɛ na Jesus Christ n’Asɛmpa n’ahyɛse fapem nokwar horow no ho nsɛm. Ber a mbofra tow asɛmpa fapem ho ndwom no, Sunsum Krɔnkrɔn no bɛgye no nokwaryɛ ho dase. Ndwom mu nsɛm na ndwom no bɛka mbofra no hɔn adwen na hɔn akoma mu hɔn abrabɔ mber nyina mu.

Hwehwɛ Sunsum no mboa ber a eyɛ ahoboa dua ndwom mu dze kyerɛkyerɛ asɛmpa no. Kyɛ wo dasee wɔ nokwar a wɔtow no ho ndwom no. Boa mbofra no ma wonhu mbrɛ ndwom no fa dza worusũa na worinya ho sũahu wɔ fie na wɔ Primary adzesũa mbea no.

Akwankyerɛ ma Sacrament Nhyiamu Ɔyɛkyerɛ

Bishop no kwankyerɛ ase no, wɔtaa yɛ mbofra sacrament nhyiamu ɔyɛkyerɛ no afe nkyɛmu anan dza otsĩa anan ber mu. Primary president na n’apamfo na ndwom baanodzinyi, nye ɔpamfo a ɔwɔ bishop na n’apamfo mu a ɔhwɛ Primary do no dzi dwuma yɛ ɔyɛkyerɛ no ho nhyehyɛɛ.

Ɔyɛkyerɛ no wɔdɛ ɔma mbofra no kwan ma wɔdze dza hɔn na hɔn ebusua ebusua esũa efi Nkyerɛkyerɛ na Ahyɛmudzi mu wɔ fie na Primary afe ne nyina mu, a Primary ndwom horow a wɔatow no afe no mu no kã ho no to gua. Ber a hom yɛ ɔyɛkyerɛ no ho nhyehyɛɛ no, hom ndwen akwan horow a ɔbɔboa mboanofo no ma woetsim wɔ Agyenkwa no na Ne nkyerɛkyerɛ do.

Asɔr atɔw horow a mbofra no suar no bia wobotum esusu akwan horow a ebusua mu mba botum nye hɔn mba no akã ho. Bishop na n’apamfo kuwba mu baako botum akã nsɛm tsiabaa dze nhyiamu no aba ewie.

Ber a hom yɛ ɔyɛkyerɛ no ho nhyehyɛɛ no, hom nkaa akwankyerɛ a odzi do yinom:

No ho adzesũa mbobɔdo no nnyi dɛ odzi mber pii fi Primary adzesũa anaa fi ebusua ebusua ho.
Dza wɔdze kyerɛ, afadze, na mfonyin anaa video a woyi kyerɛ no mmfata sacrament nhyiamu.

Hwɛ General Handbook: Serving in The Church of Jesus Christ of Latter-day Saints, 12.2.1.2, Asɛmpa Nwoma Korabea.

Ndwontow Mber ho Nkyerɛkyerɛ

Sima 5 (Primary president na n’apamfo): Mbuei mpaabɔ, kyerɛwsɛm anaa gyedzi ho nsɛmpɔw, na kasa kor

Sima 20 (ndwom baanodzinyi): Ndwontow ber

Primary president na n’apamfo na ndwom baanodzinyi no yiyi ndwom horow a wɔbɔtow no bosoom biara mu dze etsim fapem horow a mbofra no rusũa wɔ hɔn adzesũa mbea na fie no do. Ndwom a wɔakyerɛw no nkorkor a ɔma fapem yinom tsim no kã kwankyerɛ yi ho.

Ber a ekyerɛkyerɛ mbofra ndwom no, to nsa frɛ hɔn ma wɔnkyɛ dza woesũa dadaw a ɔfa nsɛm na nkyerɛkyerɛ fapem a ndwom no kyerɛ ho. To nsa frɛ mbofra no ma wɔnkyɛ hɔn adwen na atsenka fa nokwar a wohu no wɔ ndwom no mu.

Children’s Songbook nye buukuu tsitsir a ɔboa ndwom adzesũa wɔ Primary. Asɔr ndwom a ofi asɔr ndwom buukuu mu na ndwom a ofi Friend mu so fata. Ndwom fofor biara a wɔbɔtow wɔ Primary no otwar dɛ bishop na n’apamfo ma ho kwan ana (hwɛ General Handbook, 12.3.4).

Ndwom ma Ndwontow Mber

Sanda

“Follow the Prophet,” Children’s Songbook, 110–11
“Search, Ponder, and Pray,” Children’s Songbook, 109

Kwakwar

“Per Yɛ Dza Oye,” Asɔr na Mbofra Ndwom, 67
“A Child’s Prayer,” Children’s Songbook, 12–13

Ebɔw

“Every Star Is Different,” Children’s Songbook, 142
“When I Am Baptized,” Children’s Songbook, 103

Ebɔbira

“When He Comes Again,” Children’s Songbook, 82–83
“Did Jesus Really Live Again?,” Children’s Songbook, 64

Esusow Aketseaba

“‘Give,’ Said the Little Stream,” Children’s Songbook, 236
“Shine On,” Children’s Songbook, 144

Ɔbiradzi

“The Holy Ghost,” Children’s Songbook, 105
“I Want to Be a Missionary Now,” Children’s Songbook, 168

Ayɛwoho

“Stand for the Right,” Children’s Songbook, 159
“He Sent His Son,” Children’s Songbook, 34–35

Dzifuu

“I’m Trying to Be like Jesus,” Children’s Songbook, 78–79
“I Feel My Savior’s Love,” Children’s Songbook, 74–75

Fankwa

“I Love to See the Temple,” Children’s Songbook, 95
“To Think about Jesus,” Children’s Songbook, 71

Ɔbɛsɛ

“Family History—I Am Doing It,” Children’s Songbook, 94
“The Church of Jesus Christ,” Children’s Songbook, 77

Ɔberɛfɛw

“Keep the Commandments,” Children’s Songbook, 146
“To Be a Pioneer,” Children’s Songbook, 218–19

Mumu

“Meyɛ Nyame Ne Ba,” Asɔr na Mbofra Ndwom, 61
“O Little Town of Bethlehem,” Hymns, no. 208

Edze Ndwom Rekyerɛ Nkyerɛkyerɛ

Ndwontow mber no botae nye dɛ ɔboa mbofra no ma wosũa asɛmpa ho nokwar horow no. Adwenkyerɛ a odzi do yi botum ekenyan wo ber eyɛ akwanhorow ho nhyehyɛɛ a edze bekyerɛ asɛmpa fapem a wohu no wɔ asɔr ndwom na Primary ndwom mu no.

Kenkan kyerɛwsɛm a ɔfa ho no. Children’s Songbook mu ndwom dodowara na asɔr ndwom mu no, kyerɛwsɛm ntotoho a ɔfa ho no, wɔakyerɛw no nkorkor. Boa mbofra no ma wɔnkenkan nyiyimu yinom, na kasa fa mbrɛ kyerɛwsɛm no si fa ndwom no ho. Ibotum so akyerɛw kyerɛwsɛm ntotoho kakraabi wɔ board do na ama mbofra no dze ntotoho biara ato ndwom anaa nyiyimu bi wɔ ndwom no ho.

Kyerɛw bea a ɔda hɔ pan no mu. Kyerɛw ndwom ne nyiyimu kor wɔ board do a nsɛntsitsir pii nnyi mu. Nkyii bisa mbofra no ma wɔntow ndwom no, a woritsie nsɛmfua a ɔbɛhyɛ mbea a ɔda hɔ pan no ananmu. Wogu do dze asɛmfua rehyɛ bea a ɔda hɔ pan biara no, wɔnpɛnsampɛnsam asɛmpa fapem horow a wosũa fi nsɛmfua a onnyi hɔ no ho.

Gye dase. Gye dase tsiabaa wɔ asɛmpa nokwar horow a wohu no wɔ Primary ndwom mu no kyerɛ mbofra no. Boa mbofra no ma wɔntse ase dɛ ndwontow yɛ kwan kor a wobotum dze agye dase na wɔatse Sunsum ne nkã.

Gyina dɛ dasefo. To nsa frɛ mbofra no ma wɔmbra kan nkorkor ngyina hɔ na wɔnkyɛ dza woesũa efi ndwom a worɔtow no mu anaa mbrɛ wosi tse nka fa nokwar a wɔakyerɛ wɔ ndwom no mu ho. Bisa hɔn atsenka a wonya ber a wɔtow ndwom no, na boa hɔn ma wonhu Sunsum Krɔnkrɔn ne nkenyan no.

Fa mfonyin horow dzi dwuma. Bisa mbofra no ma wɔmboa wo ma hwehwɛ anaa wɔndorɔw mfonyin a ɔnye nsɛmfua anaa kasasin a ho hia wɔ ndwom no mu no kɔ do. To nsa frɛ hɔn ma wɔnkyɛ mbrɛ mfonyin horow no si fa ndwom no ho na dza ndwom no kyerɛkyerɛ no. Mfatoho, sɛ erekyerɛkyerɛ ndwom no “When He Comes Again” (Children’s Songbook, 82–83) a, ibotum edze mfonyin ahorow atoto dan no mu nyina a ɔkyerɛ nsɛmfua a ɔwɔ ndwom no mu a ho hia (tse dɛ abɔfo, esukwankyɛba, na nworaba). Bisa mbofra no ma wɔmboa mfonyin horow no ano na wonsuo mu wɔ sor a wɔahyehyɛ ma ɔnye ndwom a wɔbɔtow no akɔ do.

Kyɛ adzesuadze a ɔfa adze bi ho. Ibotum dze adze bi a okenyan mpɛnsampɛnsamu a ɔfa ndwom bi ho edzi dwuma. Mfatoho, sɛ wɔrotow ndwom “‘Give,’ Said the Little Stream” (Children’s Songbook, 236) a, ibotum akyerɛ mbofra no ndzɛmba binom ho mfonyin tse dɛ esutsen, nkyɛkyɛr, nsu a ɔrotɔ, na nhyirɛn ahorow. Iyi botum egya akɔ mpɛnsampɛnsamu a ɔfa mbrɛ som ndzeyɛɛ ketseketse mpo botum aboa binom wɔ akwan tsitsir mu.

To nsa frɛ ma wɔnkyɛ ankorankor sũahu horow. Boa mbofra no ma fapem a wɔakyerɛkyerɛ wɔ ndwom no mu no ɔnye sũahu horow a woenya wɔ fapem yinom ho no nsaa. Mfatoho, ansaana wɔbɔtow “I Love to See the Temple” (Children’s Songbook, 95) no, ibotum ebisa mbofra no ma wɔama hɔn nsa do sɛ woehu temple pɛn a? Ber a wɔrotow no, ma wɔndwen atsenka a wonya ber a wohu temple.

Bisa nsɛmbisa. Nsɛmbisa pii wɔ hɔ a ibotum ebisa ber a wɔtow ndwom no. Mfatoho, ibotum ebisa mbofra no dza wosũa fi ndwom no ne nyiyimu biara mu. Ibotum so ebisa hɔn ma wɔadwen nsɛmbisa a ndwom no ma ho mbuae ho. Iyi botum egya akɔ mpɛnsampɛnsamu afa nokwar horow a wɔkyerɛkyerɛ wɔ ndwom no mu ho.

Fa nsa ndzeyɛɛ a ɔnnyɛ dzen dzi dwuma. To nsa frɛ mbofra no ma wɔndwen nsa ndzeyɛɛ horow a ɔnnyɛ dzen a ɔbɔboa hɔn ma wɔakaa ndwom no mu nsɛmfua na nsɛm. Mfatoho, sɛ wɔtow “Search, Ponder, and Pray” (Children’s Songbook, 109) a, ibotum ama mbofra no atsen hɔ nsatseaba wɔ hɔn enyiwa do ber a wɔrotow wɔrohwehwɛ kyerɛwsɛm no mu, atsen hɔn nsa wɔ hɔn tsir do ber wɔrotow wɔrodwendwen ho, na wɔabobɔw hɔn abasa ber a wɔrotow mpaabɔ ho.