సిద్ధాంతము మరియు నిబంధనలు 3–5

జోసెఫ్ స్మిత్ పరిచర్య యొక్క తొలినాళ్ళలో మంచి స్నేహితులు—ప్రత్యేకించి గౌరవనీయుడు, భాగ్యవంతుడు, విలువైన సహకారాన్ని అందించే స్థితిలో ఉన్న మార్టిన్ హారిస్ వంటి స్నేహితులు దొరకడం కష్టంగా ఉండేది. కాబట్టి మార్టిన్ మోర్మన్ గ్రంథ అనువాదపు మొదటి 116 చేతివ్రాత పేజీలను తన భార్యకు చూపించడానికి అనుమతి కోరినప్పుడు, ప్రభువు దానికి వ్యతిరేకంగా హెచ్చరించినప్పటికీ జోసెఫ్ సహజంగానే అతని అభ్యర్థనను గౌరవించాలని కోరుకున్నాడు. దురదృష్టవశాత్తూ, మార్టిన్ దగ్గర ఉన్నప్పుడు ఆ పేజీలు కోల్పోబడ్డాయి మరియు జోసెఫ్, మార్టిన్‌లు ప్రభువు చేత తీవ్రంగా గద్దించబడ్డారు (Saints, 1:51–53 చూడండి).

మీరు సిద్ధాంతము మరియు నిబంధనలు 3:1–15 చదివినప్పుడు, వారి అనుభవం నుండి మీరు ఏమి నేర్చుకోవాలని ప్రభువు కోరుతున్నారో ధ్యానించండి. ఉదాహరణకు, దీని గురించి మీరేమి నేర్చుకుంటారు:

• దేవుని కార్యము? 1– 3, 16 వచనాలు చూడండి).

• దేవుడిని నమ్మడం కంటే మనుష్యునికి భయపడడం వలన కలిగే పర్యవసానాలు? 4–8 వచనాలు చూడండి).

• విశ్వాసంగా నిలిచియుండడం నుండి వచ్చే దీవెనలు? (8వ వచనము చూడండి).

• ప్రభువు జోసెఫ్‌ను సరిదిద్దిన మరియు ప్రోత్సహించిన విధానం? (9–16 వచనాలు చూడండి).

వేరే పని చేయాలనే ఒత్తిడి ఎదురైనప్పుడు మీరు ప్రభువును విశ్వసించినప్పుడు మీరు కలిగియున్న అనుభవాలేవి? మీ చర్యల యొక్క ఫలితాలేవి?

డేల్ జి. రెన్లండ్, “వ్యక్తిగత బయల్పాటు కొరకు ఒక అంతర్లీన నిర్మాణం,” లియహోనా, నవ. 2022, 16–19 కూడా చూడండి.

4వ ప్రకరణము తరచు పూర్తి-కాల సువార్తికులకు అన్వయించబడుతుంది. అయినప్పటికీ, ఈ బయల్పాటు వాస్తవానికి జోసెఫ్ స్మిత్ సీనియర్‌కు ఇవ్వబడిందని గమనించడం ఆసక్తికరమైనది, ఆయన సువార్తసేవకు పిలువబడలేదు, కానీ “దేవుని సేవించాలనే కోరిక” కలిగియున్నారు (3వ వచనము).

ఈ ప్రకరణమును చదివేందుకు ఒక విధానము, ప్రభువు కార్యము చేయాలని కోరుకునే వారి కొరకు ఉద్యోగ వర్ణనగా దానిని ఊహించుకోవడం. దేవుడు దేనికోసం చూస్తున్నారు? ఆయన ఏ ప్రయోజనాలను అందిస్తారు?

ఈ బయల్పాటు నుండి ప్రభువును సేవించడం గురించి మీరేమి నేర్చుకుంటారు?

అధ్యక్షులు రస్సెల్ ఎమ్. నెల్సన్ ఇశ్రాయేలు సమకూర్పును “అతిగొప్ప సవాలు, అతిగొప్ప హేతువు మరియు భూమిపై అతిగొప్ప కార్యము” అని పిలిచారు (“Hope of Israel” [worldwide youth devotional, June 3, 2018], Gospel Library). ఈ కార్యములో పాల్గొనడానికి మిమ్మల్ని ప్రేరేపించేలా ఆయన ప్రసంగంలో మీరు ఏమి కనుగొన్నారు?

1829, మార్చిలో మార్టిన్ హారిస్ భార్య లూసీ, జోసెఫ్ స్మిత్ బంగారు పలకలను అనువదిస్తున్నట్లు నటించి ప్రజలను మోసం చేస్తున్నాడని కోర్టులో దావా వేశారు (Saints, 1:56–58 చూడండి). అందువలన బంగారు పలకలు నిజమైనవని మరింత సాక్ష్యం కొరకు మార్టిన్, జోసెఫ్‌ను అడిగాడు. సిద్ధాంతము మరియు నిబంధనలు 5 మార్టిన్ అభ్యర్థనకు జవాబుగా ఇవ్వబడిన బయల్పాటు. క్రింది వాటి గురించి ఈ ప్రకరణము నుండి మీరేమి నేర్చుకుంటారు:

• బంగారు పలకలను ప్రపంచానికి కనపడేలా ప్రదర్శిస్తే ఏమి జరుగుతుందని ప్రభువు చెప్పారు (సిద్ధాంతము మరియు నిబంధనలు 5:7 చూడండి). అలా అని మీరు ఎందుకు అనుకుంటున్నారు?

• ప్రభువు యొక్క కార్యములో సాక్షుల పాత్ర (11–15 వచనాలు చూడండి; 2 కొరింథీయులకు 13:1 కూడా చూడండి).

• మీకై మీరు మోర్మన్ గ్రంథము గురించి సాక్ష్యాన్ని ఎలా పొందవచ్చు (16, 24 వచనాలు చూడండి; మొరోనై 10:3–5 కూడా చూడండి).

మన కాలములో—మరియు మీ జీవితంలో జోసెఫ్ స్మిత్ యొక్క పాత్ర గురించి సిద్ధాంతము మరియు నిబంధనలు 5:1–10 మీకేమి బోధిస్తుంది? (2 నీఫై 3:6–24 కూడా చూడండి.)

• పరలోక తండ్రిని విశ్వసించడాన్ని నేర్చుకోవడం గురించి చర్చను ప్రారంభించడానికి, మీరు కోల్పోబడిన చేతివ్రాత పేజీల కథనాన్ని సమీక్షించాలనుకోవచ్చు. తర్వాత, సరైనది కాదని తెలిసినది ఏదైనా చేయాలని మీ పిల్లలు శోధించబడిన సందర్భాలను మీరు వారితో నటింపజేయవచ్చు. ఈ సందర్భాలలో సిద్ధాంతము మరియు నిబంధనలు 3:5–8; 5:21–22 లోని ఏ పదాలు లేదా వాక్యభాగాలు వారికి సహాయపడగలవు?

  

  4:38

• సిద్ధాంతము మరియు నిబంధనలు 4 లోని ప్రతీ వచనము అమూల్యమైన సత్యాలను కలిగియుంది, అవి దేవుడిని సేవించడం గురించి నేర్చుకోవడానికి మీ పిల్లలకు సహాయపడగలవు. ఈ సత్యాలను కనుగొనడంలో వారికి సహాయపడేందుకు ఇక్కడ కొన్ని ఉపాయాలున్నాయి:

  • మీరు కలిసి సిద్ధాంతము మరియు నిబంధనలు 4:1 చదివి, దేవుని యొక్క “ఆశ్చర్యకరమైన” కడవరి దిన కార్యమును వర్ణించే చిత్రాలను (సువార్తికులు, దేవాలయాలు మరియు మోర్మన్ గ్రంథము వంటివి) చూపించవచ్చు.

  • “మీ పూర్ణ హృదయము, శక్తి, మనస్సు మరియు బలముతో ఆయనను సేవించుము” (సిద్ధాంతము మరియు నిబంధనలు 4:2) అనే వాక్యభాగమును వర్ణించే అభినయాల గురించి లేదా చిత్రాలను గీయడం గురించి మీ పిల్లలు ఆలోచించవచ్చు.

  • పొలంలో పనిచేయడానికి ఉపయోగించే సాధనాలను మీరు కలిసి చూడవచ్చు. ఈ సాధనాలు మనకెలా సహాయపడతాయి? తర్వాత, దేవుని కార్యము చేయడానికి సాధనాల వంటివాటిని సిద్ధాంతము మరియు నిబంధనలు 4:5–6లో మీ పిల్లలు కనుగొనవచ్చు.

  • పెద్ద పిల్లలు తమ స్వంతంగా సిద్ధాంతము మరియు నిబంధనలు 4 పరిశోధించి, దేవునికి సేవచేయడమంటే అర్థమేమిటనే దాని గురించి వారు నేర్చుకున్న విషయాలను జాబితా చేయవచ్చు.

  • సువార్త పరిచర్య గురించి ఒక పాటను కూడా మీరు కలిసి పాడవచ్చు.

• సాక్షుల గురించి మీ పిల్లలకు బోధించడానికి, పిల్లి తన ముందు కాళ్ళపై నడవడం చూసినట్లు ఒక స్నేహితుడు చెప్పడాన్ని ఊహించుకోమని మీరు వారిని అడగవచ్చు. వారు దీనిని నమ్ముతారా? అదే విషయం మరో స్నేహితుడు చెబితే? “సాక్షి” అంటే ఏమిటి మరియు సాక్షులు ఎందుకు ముఖ్యము అనే దాని గురించి మాట్లాడండి. అప్పుడు ఇటువంటి ప్రశ్నలకు జవాబుల కొరకు సిద్ధాంతము మరియు నిబంధనలు 5:1–3, 7, 11 పరిశోధించుటకు మీ పిల్లలకు మీరు సహాయపడవచ్చు:

  • ఏమి తెలుసుకోవాలని మార్టిన్ హారిస్ కోరుకున్నాడు?

  • జోసెఫ్ స్మిత్ బంగారు పలకలను ఎవరికి చూపించగలడు?

  • బహుశా పలకలను చూడడం మోర్మన్ గ్రంథము నిజమని ఒకరిని ఎందుకు ఒప్పించలేదు?

  • మోర్మన్ గ్రంథము యొక్క సాక్షులుగా ఉండేందుకు మనమేమి చేయగలము? (సిద్ధాంతము మరియు నిబంధనలు 5:16; మొరోనై 10:3–5 చూడండి).