Doktrin ak Alyans 3-5

Nan kòmansman ministè Joseph Smith la, li te difisil pou l jwenn bon zanmi—espesyalman zanmi tankou Martin Harris, yon mesye respektab ak rich, ki te gwo sakrifis pou sipòte travay Joseph la. Konsa lè Martin te mande l pèmisyon pou montre madanm li 116 premye paj maniskri yo nan tradiksyon Liv Mòmon an, Joseph natirèlman te vle onore rekèt li a, malgre Senyè a te avèti l kont sa. Trajikman, paj yo te pèdi pandan l te nan men Martin, epi Senyè a te reprimande Joseph ak Martin sevèman (gade Les Saints,, 1:51–53).

Pandan w ap li Doktrin ak Alyans 3:1–15, medite sou sa Senyè a vle ou aprann apati eksperyans yo a. Pa egzanp, kisa w konnen aprann konsènan:

• Travay Bondye? (gade vèsè 1–3, 16).

• Konsekans nan krenn lòm olye mete konfyans nan Bondye? (gade vèsè 4–8).

• Benediskyon yo ki vini nan rete fidèl? (gade vèsè 8).

• Fason Senyè a te alafwa korije ak ankouraje Joseph? (gade vèsè 9–16).

Nnan mesaj li a “Nan ki Direksyon W ap Gade?,” Eldè Lynn G. Robbins bay anpil egzanp nan ekriti yo sou moun ki te krenn Bondye ak moun ki te sede anba presyon lòt moun (Lyawona, Nov. 2014, 9–11). Konsidere li egzanp sa yo nan ekriti li nan referans li yo. Kisa w aprann apati resi sa yo? Ki eksperyans ou te fè kote ou te mete konfyans nan Senyè a lè ou te fè fas avèk presyon pou fèyon bagay diferan? Ki rezilta aksyon ou yo te bay?

Gade tou Dale G. Renlund, “Yon Kad pou Revelasyon Pèsonèl,” Lyawona, Nov. 2022, 16–19; “Kontribisyon Martin Harris yo,” nan Revelations in Context (2016), 1–9; Sijè ak Kesyon yo, “Chèche Laverite epi Evite Twonpri,” Libreri Levanjil la; “Oui tes Commendements,” Cantiques, no. 66.

Seksyon 4 la souvan aplike pou misyonè aplentan yo. Sepandan, li enteresan pou nou note ke revelasyon sa a te adrese a Joseph Smith, papa a, ki pa t aple pou l t al nan misyon men ki te toujou gen “dezi pou l sèvi Bondye” (vèsè 3).

Yon fason pou w li seksyon sa a se imajine l kòm yon deskripsyon tach pou yon moun ki vle fè travay Senyè a. Kisa Senyè a ap chèche? Ki benefis Li ofri?

Kisa nou aprann konsènan sèvi Senyè a apati revelasyon sa a?

Prezidan Russell M. Nelson te rele rasanbleman Izrayèl la “pi gwo defi, pi gran kòz, ak pi gwo travay sou tè a” (“Espwa Izrayèl” [devosyon mondyal pou jèn, 3 Jen, 2018], Libreri Levanjil la). Kisa w twouve nan mesaj sa a yo ki enspire w pou w patisipe nan travay sa a?

An Mas 1829, madanm Martin Harris, Lucy, te depoze yon plent nan tribinal ke Joseph Smith t ap twonpe moun yo nan pretann ke l tradui plak yo (gade Sen yo,, 1:56–58). Konsa, Martin te mande Joseph pou l te ba l plis prèv ke plak lò yo te reyèl. Doktrin ak Alyans 5 se yon revelasyon an repons ak demann Martin an. Kisa nou aprann nan seksyon sa a konsènan bagay sa yo:

• Kisa Senyèa te di ki t ap rive si plak annò yo te ekspoze pou mond la wè yo (gade Doktrin ak Alyans 5:7). Poukisa w panse se kosan sa ye?

• Wòl temwen yo nan travay Senyè a (gade vèsè 11–15; gade tou 2 Korentyen 13:1).

• Kijan pou w akeri yon temwayaj konsènan Liv Mòmon an pou tèt pa w (gade vèsè 16, 24, gade tou Mowoni 10:3–5.

Kisa Doktrin ak Alyans 5:1–10 anseye nou konsènan wòl enpòtan Joseph Smith nan epòk nou an—ak nan lavi nou? Gade tou 2 Nefi 3:6–24.

• Pou kòmanse yon diskisyon konsènan aprann fè Pè Selès la konfyans, ou gendwa vle repase istwa a sou paj maniskri ki te pèdi yo (gade Istwa Doktrin ak Alyans yo, 18–21). Ou ka apresa monte teyat avèk timoun yo sou sitiyasyon kote yo gendwa jwenn tantasyon pou yon bagay yo konnen ki pa kòrèk. Ki mo oswa fraz nan Doktrin ak Alyans 3:5-8; 5:21-22 ki ka ede yo nan sitiyasyon sa yo?

  

  4:39

• Chak vèsè nan Doktrin ak Alyans 4 genyen verite presye ki ka ede timoyn ou yo aprann konsènan sèvi Bondye. Men kèk ide pou ede yo dekouvri verite sa yo:

  • Nou ka li ansanm Doktrin ak Alyans 4:1 epi montre foto ki dekri travay “mèvèye” Bondye nan dènye jou yo (tankou travay misyonè yo, tanp, ak Liv Mòmon an).

  • Timoun ou yo ka refelchi sou aksyon yo oswa desinen pòtre ki dekri fraz “sèvi li avèk tout kè nou, pouvwa, panse ak fòs nou” (Doktrin ak Alyans 4:2).

  • Ou ka gade ansanm zouti moun itilize pou travay nan jaden. Nan ki fason zouti sa yo ede nou? Apresa timoun ou yo ka chèche jwenn bagay yo nan Doktrin ak Alyans 4:5-6 ki ta ka tankou zouti pou fè travay Bondye a.

  • Pi gran timoun yo ka nan Doktrin ak Alyans 4 pou kont yo epi fè yon lis sou bagay yo aprann konsènan kisa l vledi pou sèvi Bondye.

  • Chante yon kantik konsènan travay misyonè ansanm, tankou “Je voudrais déjà partir en mission” (Chants pour les enfants,, 90).

• Pou anseye timoun yo konsènan temwen yo, ou ta ka mande yo pou imajine ke yon zanmi te di yo yo te wè yon chat k ap mache sou de pye devan l yo. Eske yo t ap kwè sa? Kisa k t ap pase si yon lòt zanmi te di yo menm bagay la? Pale konsènan kisa yon “temwen” ye ak poukisa temwen yo enpòtan. Kijan ou t aka ede timoun chèche nan Doktrin ak Alyans 5: 1–3, 7, 11 pou jwenn repons pou kesyon tankou sa yo?

  • Kisa Martin Harris te vle konnen?

  • Kiyès Joseph Smith te ka montre plak annò yo?

  • Poukisa wè plak yo pwobableman pa t ap konvenk yon moun Liv Mòmon an vrè?

  • Kisa nou ka fè pou n vin temwen pou Liv Mòmon an? (gade Doktrin ak Alyans 5:16; Mowoni 10:3-5).