Doktrin ak Alyans 2; Istwa—Joseph Smith 1:27–65

Se yon bagay pou kwè ke Bondye te gen yon travay pou Joseph Smith fè —nou ka egzamine lavi pase li epi wè klèman kisa li te akonpli. Men eske ou te janm konsidere ke Bondye gen yon travay pou ou tou? Pandan w ap li Istwa—Joseph Smith 1:27–33, reflechi konsènan kisa travay sa ka ye? Kijan sa kontribye nan dewoulman Retablisman levanjil Sovè a?

Eldè Gary E. Stevenson te anseye: “Lè nou vin jwenn Kris la epi ede lòt moun fè menm bagay la, nou patisipe nan travay sali ak egzaltasyon Bondye a, ki fokis sou responsablite ki divinman deside. … Responsablite sa yo senp, se sous enspirasyon, motivasyon, epi fezab. Men yo:

• Viv levanjil Jezikri a

• Pran swen moun ki nan nesesite yo.

• Envite tout moun pou yo resevwa levanjil la

• Ini fanmi yo pou letènite” (“Senpleman Mayifik—Mayifikman Senp,” Lyawona, Nov. 2021, 47).

Medite sou eksperyans ou te fè nan patisipe nan chak nan responsablite ki doivinman deside sa yo. Ki pwochen bagay Sovè a ta p vle ou fè? Genyen yon paj Sijè ak Kesyon yo pou chak nan responsablite sa yo (gade “Wòl Nou nan Travay Sali ak Egzaltasyon Bondye a,” Libreri Levanjil la). .Ou gendwa eksplore paj sa yo pou ede ou reponn kesyon sa yo.

Ou ka pafwa santi tankou Senyè a pa ka itilize ou akòz erè ou te fè yo. Kisa nou aprann apati eksperyans Joseph Smith lan nan Istwa—Joseph Smith 1:28–29? Kijan ou ka konnen kote “ou kanpe devan [Bondye]”?

Gade tou “Responsablite Jèn yo nan Travay Sali a” (videyo), ChurchofJesusChrist.org; “Travay Sali ak Egzaltasyon an,” Manyèl Jenereal, 1.2.

3:15

Lè Mowoni te parèt kote Joseph Smith, li te site plizyè pwofesi Ansyen ak Nouvo Testaman an, tankou Ezayi 11; Travay 3:22–23; ak Jowèl 2:28–32. Pandan w ap li Istwa—Joseph Smith 1:34–47, reflechi konsènan poukisa pwofesi sa yo gendwa te enpòtan pou Joseph Smithte konnen yo. Poukisa yo enpòtan pou w konnen yo?

Ou t aka li tou sa Eldè David A. Bednar te anseye konsènan premye vizit Mowoni kote Joseph Smith nan “Avèk Pouvwa Bondye nan Anpil Glwa” (Lyawona, Nov. 2021, 28).

13:17

Gade tou: “Un ange saint de Dieu,” Cantiques, no 8

Joseph te gen sèlman 17 ane lè li te premye wè plak lò yo. Yo pa te ba li kontwòl sou yo, toutfwa jis kat ane apresa. Li Istwa—Joseph Smith 1:48–60, pou chèche jwenn sa ki te pase nan lavi Joseph pandan tan sa a. Kijan ou panse evenman sa yo te prepare li pou travay Bondye te aple li pou fè a? Ki eksperyans ou te fè kite prepare ou pou sèvi Bondye ak lòt moun? Ki eksperyans w ap fè aktyèlman ki ka ede ou prepare pou sèvis alavni?

Kisa mo tankou “plante,” “kè yo,” ak “vire” nan seksyon sa a anseye nou konsènan misyon Eli a ak benediksyon kle prètriz yo li te retabli a? Èske w konn santi kè w tounen sou zansèt ou yo? Panse a fason w ka santi kalite santiman sa yo pi souvan. Chèche zansèt ou yo epi akonpli òdonans pou yo nan tanp lan se yon fason (gade FamilySearch.org). A ki lòt bagay ou kapab panse?

Gade tou Doktrin ak Alyans 110:13–16; Gerrit W. Gong, “Kontan e Ajamè,” Lyawona, Nov. 2022, 83–86.

• Nou tout pafwa santi nou “kondane akoz feblès ak enpèfeksyon [nou] yo,” jan Joseph Smith te santi l la. Ou ak timoun ou yo ta ka etidye Istwa—Joseph Smith 1:29 ansanmpou chèche jwenn sa Joseph te fè lè li te santi l konsa. Kisa nou ka aprann apati egzanp li a ki ka ede nou lè nou komèt erè? Poukisa li enpòtan pou n konnen ke Joseph te aple pa Bondye malgre li pa te pafè?

• Timoun ou yo gendwa amize yo nan pretann ke yo se Joseph Smith pandan w ap rakonte istwa vizit Mowoni an nan Istwa—Joseph Smith 1:27–54 oswa “Chapit 3: Anj Mowoni ak Plak Lò yo” (nan Istwa Doktrin ak Alyans yo, 13–17, oswa videyo korespondan an nan Libreri Levanjil la). Pa egzanp, yo ka kwaze bra yo tankou lè y ap priye oswa pretann y ap grenpe monte Hill Cumorah a, ak plis toujou. Apreas ou ka mande yo pou pale konsènan sa Bondye te aple Joseph Smith pou fè ak kijan nou jwenn benediksyon kòm rezilta. Pa egzanp, kijan nou te beni paske Joseph te tradui Liv Mòmon an? Kijan travay li a te ede nou vin pi pre Papa nou ki nan Syèl la ak Jezikri?

  

  2:29

• Petèt ou ak timoun ou yo t ap kontan admire kèk foto sou fanmi ou, ki ka menm enkli yon foto sou fanmi ou nan yon tanp (oswa gade Liv Imaj Levanjil la, no. 120). Apresa nou ta ka li Doktrin ak Alyans 2 epi pataje youn ak lòt kisa nou santi konsènan rezon nou genyen tanp yo ak poukisa Pè Selès la vle fanmi yo rete ansanm pou tout tan. Anvizaje chante ansanm “Ensemble à tout jamais” (Chants pour les enfants, 98). Kisa chante sa a di nou ka fè pou nou ka ansanm avèk fanmi nou pou tout tan?

• Timoun yo ka vin gen antouzyas epi santi lajwa nan istwa familyal. Pou ede yo, ou ka pataje istwa oswa foto sou zansèt ou yo. Pale avèk timoun yo konsènan kijan lavi a te ye pou zansèt ou yo lè yo te timoun. Timoun ou yo ka byen renmen kèk nan aktivite sou istwa familyal yo nan FamilySearch.org/discovery.