Doktrin mo Ol Kavenan 3–5

Eli long seves blong Josef Smit, i had blong faenem ol gudfala fren—speseli ol fren olsem Martin Haris, we i bin wan man we oli respektem hem, we i gat samting mo we i mekem ol bigfala sakrifaes blong sapotem wok blong Josef. So, taem we Martin i askem blong soem ol fasfala 116 pej we oli bin raetem long han, blong Buk blong Momon we oli transletem finis long waef blong hem, long nomol fasin, Josef i wantem blong respektem rikwes blong hem, nomata se Lod i wonem hem blong no mekem. Sore tumas, ol pej we oli bin raetem oli bin lus long taem we Martin i bin holem i stap, mo Lod i bin panisim gud Josef mo Martin from (luk long Saints,, 1:51–53).

Taem yu ridim Doktrin mo Ol Kavenan 3:1–15, tingting hevi long wanem we Lod i wantem yu blong lanem aot long eksperiens blong tufala. Eksampol, ?wanem nao yu lanem abaot:

• ?Wok blong God? (luk long ol ves 1–3, 16).

• ?Ol risal blong fraet long man bitim stap trastem God? (luk long ol ves 4–8).

• ?Ol blesing we bae i kam taem yumi stap fetful? (luk long ves 8).

• ?Wei we, tugeta, Lod i stretem mo leftemap tingting blong Josef? (luk long ol ves 9–16).

Long mesej blong hem “?Wea Nao Yu Stap Lukluk I Go?,” Elda Lynn G. Robbins i givim plante long ol eksampol blong ol pipol insaed long ol skripja we oli fraet long God mo ol pipol we oli foldaon from ol fos blong ol narawan (Liahona, Novemba 2014, 9–11). Tingting blong stap ridim ol eksampol ia insaed long ol skripja we i hem givim. ?Wanem nao yu lanem aot long ol stori ia? ?Wanem ol eksperiens we yu bin gat taem yu bin trastem Lod taem yu fesem fos we i kam long yu blong mekem samting i defren? ?Wanem nao ol risal blong ol aksen blong yu?

Luk tu long Dale G. Renlund, “Wan Plan blong Folem blong Kasem Revelesen blong Yuwan,” Liahona, Novemba 2022, 16–19; “The Contributions of Martin Haris,” long Revelations in Context (2016), 1–9; Topics and Questions, “Seeking Truth and Avoiding Deception,” Gospel Laebri; “How Gentle God’s Commands,” Hym, namba 125.

Seksen 4, plante taem ol fultaem misinari oli yusum. Be, hem i gud tumas blong luk se revelesen ia, Lod i bin givim long Josef Smit Senia, we Lod i no bin singaotem hem i go long wan misin, be hem i bin gat hat blong “wantem wok blong God” (ves 3).

Wan wei blong ridim seksen ia i blong pikjarem long maen olsem wan wok we oli tokbaot blong wan we i wantem help wetem wok blong Lod. ?Wanem nao Lod i stap lukaotem? ?Wanem ol gud samting, we Hem i givim?

?Wanem nao yu lanem abaot stap givim seves long Lod tru long revelesen ia?

Presiden Russell M. Nelson i singaotem kam tugeta blong Isrel se i wan jalenj“ we i moa bigwan, stamba wok we i moa bigwan mo wok we i moa bigwan long wol” (“Hope of Israel” [worldwide youth devotional, June 3, 2018], Gospel Laebri). ?Wanem nao yu faenem insaed long toktok blong hem we i givim insperesen long yu blong tekempat long wok ia?

Long Maj 1829, waef blong Martin Haris, Lusi, i putum wan klem long kot se Josef Smit i stap giaman long ol pipol taem hem i stap priten blong transletem ol buk we oli wokem long gol (luk long Saints, 1:56–58). Mekem se, Martin i askem Josef blong givim moa pruf se ol buk we oli wokem long gol oli tru. Doktrin mo Ol Kavenan 5 hem i wan revelesen we i kam blong ansarem rikwes blong Martin. Wanem nao yu lanem aot long seksen ia abaot ol samting ia:

• Wanem we Lod i talem se bae i hapen sapos oli putumaot ol buk we oli wokem long gol blong wol i luk (luk long Doktrin mo Ol Kavenan 5:7). ?From wanem yu ting se hemia nao stret samting we i hapen?

• Rol blong ol witnes insaed long wok blong Lod (luk long ol ves 11–15luk tu long 2 Korin 13:1

• Olsem wanem blong kasem wan testemoni abaot Buk blong Momon blong yuwan (luk long ol ves 16, 24; luk tu long Moronae 10:3–5).

?Wanem nao Doktrin mo Ol Kavenan 5:1–10 i tijim yu abaot pat blong wok blong Josef Smit long dei blong yumi—mo long laef blong yu? (Luk tu long 2 Nifae 3:6–24.)

• Blong statem wan toktok raon abaot fasin blong stap trastem Papa long Heven, maet bae yu wantem blong luklukbak long stori blong ol pej we oli raetem we i bin lus (luk long Ol Doktrin mo Ol Kavenan Stori, 18–21). Afta, yu mo ol pikinini blong yu i save mekem drama abaot ol situesen we i save hapen taem we maet oli wantem blong mekem wan samting we oli save se i no stret. ?Wanem ol toktok o ol sentens insaed long Doktrin mo Ol Kavenan 3:5–8; 5:21–22 we i save helpem olgeta long taem blong ol situesen olsem?

  

  4:39

• Wanwan ves long Doktrin mo Ol Kavenan 4 i gat insaed ol naesfala trutok we i save helpem ol pikinini blong yu blong lanem samting abaot stap givim seves long God. Hemia sam aedia blong helpem olgeta blong faenemaot ol trutok ia:

  • Tugeta, yufala i save ridim Doktrin mo Ol Kavenan 4:1 mo soem ol pikja we oli soemaot wok blong God blong ol lata-dei we “i gud tumas” (olsem ol misinari, ol tempol, mo Buk blong Momon).

  • Ol pikinini blong yu oli save tingting long ol aksen o droem ol pikja we oli soemaot aksen we i stap long sot sentens ia “wok blong hem wetem ful hat, ful paoa blong tingting, ful maen mo paoa blong yufala” (Doktrin mo Ol Kavenan 4:2).

  • Tugeta, yufala i save luk ol tul we oli stap yusum blong wok long wan garen. ?Olsem wanem nao ol tul ia oli helpem yumi? Afta, ol pikinini blong yu oli save faenem ol samting long Doktrin mo Ol Kavenan 4:5–6 we oli olsem ol tul blong stap mekem wok blong God.

  • Ol bigfala pikinini oli save lukluk long Doktrin mo Ol Kavenan 4 long taem blong olgetawan mo raetem wan lis blong ol samting we oli lanem abaot wanem i minim blong givim seves long God.

  • Tugeta, yufala i save singsing wan singsing abaot misinari wok, olsem “I Want to Be a Missionary Now” (Children’s Songbook, 168).

• Blong tijim ol pikinini blong yu abaot ol witnes, yu save askem olgeta blong pikjarem long maen blong olgeta, se wan fren i talem long olgeta se hem i luk wan puskat i stap wokabaot wetem tufala leg long fored blong hem nomo. ?Bae oli save bilivim hemia? ?Be wanem bae i hapen sapos wan narafala fren blong olgeta i talem semmak samting? Tokbaot wanem i wan “witnes” mo from wanem ol witnes oli impotem. Afta, yu save helpem ol pikinini blong yu blong lukaotem Doktrin mo Ol Kavenan 5:1–3, 7, 11 blong kasem ol ansa blong ol kwestin olsem ia:

  • ?Wanem nao Martin Haris i wantem blong save?

  • ?Huia nao Josef Smit i save soem ol buk we oli wokem long gol long hem?

  • ?From wanem se, blong stap luk ol buk i no wan stret wei blong mekem wan i bilivim se Buk blong Momon i tru?

  • ?Wanem nao yumi save mekem blong stap olsem ol witnes blong Buk blong Momon? (luk long Doktrin mo Ol Kavenan 5:16; Moronae 10:3–5).