Doktrin mo Ol Kavenan 2; Josef Smit—Histri 1:27–65

Hemia wan samting blong bilivim se God i bin gat wan wok blong Josef Smit i mekem—yumi save luklukbak long laef blong hem mo luk i klia wanem we hem i bin mekem i hapen. ?Be yu eva tingting se God i gat wan wok blong yu tu? Taem yu ridim Josef Smit—Histri 1:27–33, tingting abaot wanem hem i wok ia. ?Olsem wanem nao hemia i kontribiut i go long Restoresen blong gospel blong Sevya we i stap gogohed?

Elda Gary E. Stevenson i bin tijim: “Taem yumi stap go long Kraes mo stap helpem ol narawan blong oli mekem semmak, yumi stap tekpat long wok ia blong God blong fasin blong sevem man, mo blong mekem oli kam olsem wan god, we i lukluk nomo long ol responsabiliti we God i givim long yumi. … Ol responsabiliti ia oli simpol, oli givim insperesen, oli givim strong paoa long tingting mo man i save mekem. Hemia nao olgeta:

• Stap laef folem gospel blong Jisas Kraes

• Stap kea long olgeta we oli stap long nid

• Stap invaetem evriwan blong akseptem gospel

• Joenem ol famli blong taem we i no save finis” (“I Naes Nomo—I Naes mo Simpol,” Liahona, Novemba 2021, 47).

Tingting hevi long ol eksperiens we yu bin gat taem yu stap tekempat long wanwan long ol tabu responsabiliti we oli givim long yu. ?Wanem nao nekis samting we Sevya i gat blong yu mekem? I gat wan Topics and Questions blong wanwan long ol responsabiliti ia (luk long “Our Role in God’s Work of Salvation and Exaltation,” Gospel Laebri). Maet bae yu go tru long ol pej ia blong helpem yu blong ansarem kwestin ia.

Samtaem bae yu filim se Lod i no save yusum yu from ol mistek we yu bin mekem. ?Wanem nao yu lanem aot long eksperiens blong Josef Smit insaed long Josef Smit—Histri 1:21–26 ?Olsem wanem bae yu kam blong save se yu “stap stanap long fored [blong God]”?

Luk tu long (vidio) “Youth Responsibility in the Work of Salvation”, ChurchofJesusChrist.org; “Wok Ia blong Fasin blong Sevem Man,” Jeneral Hanbuk, 1.2.

3:15

Taem Moronae i kamkamaot long Josef Smit, hem i kwotem sam long ol profesi blong OlTesteman mo Niu Testeman, olsem Aesea 11; Ol Wok 3:22–23; mo Joel 2:28–32. Taem yu ridim Josef Smit—Histri 1:34–47, tingting abaot from wanem ol profesi ia bae oli bin impoten blong Josef i save. ?From wanem oli impoten blong yu yu save olgeta?

Yu save ridim tu wanem we Elda David A. Bednar i bin tijim abaot fas visit blong Moronae long Josef Smit “Wetem Paoa blong God long Bigfala Glori” (Liahona, Novemba 2021, 28).

13:16

Luk tu long “An Angel from on High,” Hym, namba 13.

Josef i bin gat 17 yia nomo taem hem i luk blong fastaem, ol buk we oli wokem long gol. Oli no bin givim responsabiliti ia long hem yet, be, afta long fo yia. Ridim Josef Smit—Histri 1:48–60, blong stap lukaotem wanem we i hapen long laef blong Josef long tetaem ia. ?Olsem wanem nao yu ting se ol samting ia we oli hapen oli bin mekem hem i rere long wok we God i singaotem hem blong mekem? ?Wanem ol eksperiens we yu bin gat we i bin mekem yu rere blong givim seves long God mo ol narawan? ?Wanem nao yu stap go tru long hem naoia we i save helpem yu blong rere from fiuja seves?

?Wanem ol toktok olsem “planem,” “hat,” mo “tanem” long seksen ia oli stap tijim abaot misin blong Elaeja mo olgeta blesing blong ol prishud ki we hem i bin putumbak? ?Olsem wanem nao yu bin filim hat blong yu i tanem i go long ol bubu blong yu? Tingting long sam wei we yu save eksperiensem ol filing ia plante taem. Blong stap lukaotem ol bubu blong bifo mo stap mekem wok blong olgeta insaed long tempol i wan wei (luk long FamilySearch.org). ?Wanem ol narawan we yu save tingting long olgeta?

Luk tu long Doktrin mo Ol Kavenan 110:13–16; Gerrit W. Gong, “Hapi mo blong Oltaem,” Liahona, Novemba 2022, 83–86.

• Samtaem yumi evriwan i filim “se God i panisim yumi long ol samting we [yumi] no strong long olgeta mo ol samting we [yumi] no stret evriwan long olgeta,” olsem we Josef Smit i bin mekem. Tugeta, yu mo ol pikinini blong yu i save stadi long Josef Smit—Histri 1:29 , blong stap lukaotem wanem we Josef i bin filim olsem. ?Wanem nao yumi save lanem aot long eksampol blong hem we i save helpem yumi taem yumi mekem ol mistek? ?From wanem hem i impoten blong save se, God i bin singaotem Josef nomata se hem i no stret gud evriwan?

• Maet ol pikinini blong yu bae oli save gat wan gudtaem blong priten blong stap olsem Josef Smit taem yu stap talem stori blong Moronae we i visit long Josef Smit—Histri 1:27–54 o “Japta 3: Enjel Moronae mo Ol Gol Plet” (long Ol Doktrin mo Ol Kavenan Stori, 13–17, o vidio we i go wetem long Gospel Laebri). Eksampol, oli save foldem han blong olgeta olsem se oli stap prea o priten blong klaem long Hil Kumora, mo i gohed. Afta, yu save askem olgeta blong tokbaot wanem we God i singaotem Josef Smit blong mekem mo olsem wanem blesing i kam long yumi olsem wan risal blong hemia. Eksampol, from se Josef Smit i bin transletem Buk blong Momon, ?wanem blesing nao yumi bin kasem tru long hemia? ?Olsem wanem wok blong hem i bin helpem yumi blong kam moa kolosap long Papa long Heven mo Jisas Kraes?

  

  2:29

• Yu mo ol pikinini blong yu i save glad blong stap lukluk ol pikja blong famli blong yufala, sapos i posibol, tekem tu wan pikja blong famli blong yufala we i stap long tempol (o luk long Gospel Art Buk, namba 120). Afta, yufala i save ridim Doktrin mo Ol Kavenan 2 mo serem wetem wanwan long yufala, ol tingting blong yufala abaot from wanem yumi gat ol tempol mo from wanem Papa long Heven i wantem ol famli blong stap tugeta blong oltaem. Tugeta, tingting blong singsing “Families Can Be Together Forever” (Children’s Songbook, 188). ?Wanem nao singsing ia i talem we yumi save mekem blong stap wetem famli blong yumi blong oltaem?

• Ol pikinini oli save stap glad abaot mo filim glad blong famli histri. Blong helpem olgeta, yu save serem ol stori o ol pikja abaot ol bubu blong yufala blong bifo. Toktok wetem ol pikinini blong yu abaot, laef i bin olsem wanem blong ol bubu blong olgeta bifo taem oli bin ol pikinini. Mo tu, ol pikinini blong yu oli save glad blong mekem sam aktiviti blong famli histri long FamilySearch.org/discovery.