Iotebwa Timiti—Rongorongo 1:1–26

Te kantaninga n rongorongon Iotebwa Timiti bwa e aonga “ni iai iroura koauan bwaai” ibukina bwa te koaua i aon Iotebwa aki toki ni kamangaoaki (Iotebwa Timiti—Rongorongo 1:1). Ngkai ko wareka Iotebwa Timiti—Rongorongo 1:1–26, tera ae e kakorakora am koaua iaon weteakina ae mai ieta?

Taraa naba Saints,, 1:3–19.

Iai te tai ae “akea rabakaum” ke ko namakina te mangaongao ibukin te babaire are ko riai ni karaoia? (Iotebwa Timiti—Rongorongo 1:13). Te taneiai are e rinanona Iotebwa Timiti n 1820 e kona n riki bwa te banna ni katooto ibukin karekean te kaotioti nakoim. Te katooto, ngkai ko kamatebwaia Reirei ao Berita aika Tabu 1:5–25, kakaei taneiai ake a titebo ma ake iroum. Tera ae ko reiakinna:

• E kanga Iotebwa ni katauraoia ibukin te taneiai ae tabu iaon te tataro? (tarai kiibu 8, 11, 14–15).

• Te bwai ae na riki man kamatebwaian koroboki aika tabu n ukoran te kaotioti? (taraa kiibu 11–12).

• Tera ae ko na karaoia ngkana ko kaitaraaki ma kakaitara? (taraa kibu 15–16, 21–26).

• Butimwaea ao mwakuri i aon kaeka ake ko karekei (taraa kiibu 18–25).

Tera riki nonori tabeua are ko kona ni karekea man ana rongorongo Beretienti Henry B. Eyring “The First Vision: A Pattern for Personal”? (Riaona, Feb. 2020, 12–17).

Kona bae naba n taratarai katooto inanon koroboki aika tabu iaoia aomata aika a rereitaki ma te Atua. Tamnei i nanon Gospel Art Book ke tabeua booki n Nakomai, Iriirai e kona n anganiko iango. Kataia kaekai titiraki ake a karinanaki mai imwaina ibukin katooto n tatabeua nako ake ko kunei. Baikara bwaai ake ko a tia ni karekei ni kaeka nakon titiraki? Tera ae ko kona ni karaoia ni buokiia tabeman bwa a na rinanon naba taneiai aika a tamaroa?

Taraa naba Russell M. Nelson, “Ongo Irouna,” Riaona, Meei 2020, 88–92: Topics and Questions, “Personal Revelation,” Gospel Library.

E kakoauaa Iotebwa Timiti bwa e na kaekaa ana tataro te Atua, ma e aki ataia bwa e na kanga te kaeka anne ni bita maiuna—ao te aonaaba. Ngkai ko wareka te bwai are e rinanona Iotebwa, iangoia bwa e kanga mwiin te Moan Mii ni Burabeti n tia ni bita maium.

Te katooto, te Moan Kaotioti e kaoki tabeua koaua iaon taekan te Atua te Tama ao Natina, Iesu Kristo, ake e kaokoro ma ake a kakoauaaki irouia aomata n ana tai Iotebwa. Ngkai ko wareka Iotebwa Timiti—Rongorongo 1:15–20, iangoia ni korei kawai aika kakaokoro ni kabwanina te rongorongo ae ai aron aio: “Ibukina bwa e riki te Moan Kaotioti, I ataia bwa …”

Tera am namakin ngkai ko iangoa te taneiai are e rinanona Iotebwa ao bwaai ni kabane ake a riki mai iai?

Taraa naba “Ask of God: Joseph Smith’s First Vision” (witeo), Gospel Library; “Joseph Smith’s First Prayer,” Te Boki n Anene n Taromauri, nambwa. 26.

6:22

I nanon maiuna, e korei aron ana taneiai n te Buakonikai ae Tabu Iotebwa Timiti tao aua te tai, ni kabonganaia taan koroboki. Irarikina, a rawata manga rongorongo ake a koreaki irouia aomata ake a ongo ana karaki Iotebwa i aon ana mii ni burabeti. E ngae ngke rongorongo aikai a kaokoro n tabeua kabwarabwaraaia, ni kaineti ma taan koro rongorongo, taan ongora, ao te tai are e taekinaki iai, ma a bon titebo aroia. Ao rongorongo akanne i bon irouia a kaotii kabwarabwara ake a buokiira ni mataata raoi n te bwai are e rinanona Iotebwa Timiti, n aron naba Euangkerio n te Nu Tetemantiake ake aua ake a buokiira ni mataata raoi iaon ana mwakuri te Tia Kamaiu.

Tarai naba Topics and Questions, “First Vision Accounts,” Gospel Library.

I mwin ana Moan Mii ni Burabeti ae kamiimii, e bon ti tangiria Iotebwa Timiti n tibwaua ana taneiai ma tabeman. Te kakaitara are e kaitarai a kakubanako irouna. Ngkai ko wareka ana rongorongo, tera ae e kaunga nanom n tiku n ongotaeka ni kaeti nakon am kakoaua? Tera riki katooto tabeua—man koroboki aika tabu, am bakatibu, ke aomata ake ko kinaia—ae a anganiko te ninikoria n teimatoa ni koaua nakon taneiai aika mai iroun te tamnei ake a tia n reke iroum?

Taraa naba Gary E. Stevenson, “Nourishing and Bearing Your Testimony,” Riaona, Nobembwa 2022, 111–14.

• N reiakina taekan Iotebwa Timiti ngke te kairake e kona ni buokiia am ataei ni kairekerekea ma ngaia ngkai a reirei man te bwaai are e rinanona. Tao a na kona n taua tamnein Iotebwa Timiti ao n tibwaa are a ataia iaona. Ngkana e kainnanoaki, ko kona ni karinii tabeua koaua n rongorongona man Iotebwa Timiti—Rongorongo 1:3–14 (taraa naba “Mwakoro 1: Iotebwa Timiti ao Ana Utu,” n Karaki man Reirei ao Berita aika Tabu, 6–8, ke te witeo ae irekereke ma ngaia iaon Gospel Library). Tera ae e a tia ana taneiai Iotebwa ni buokia ni katauraoia n riki bwa te burabeti? Tera are E katauraoira iai te Atua bwa ti na karaoia?

  

  3:22

• Iangoia ni kaotia nakoia am ataei aekakin nako booki, ni ikotaki ma booki aika tabu. Buokiia n iangoa te titiraki ake a kona ni kaekaaki man booki aikai. I mwiina kam kona n uaia ni wareka Iotebwa Timiti—Rongorongo 1:10–11 ni kakaea bwa tera ana titiraki Iotebwa Timiti ao tera kaeka ake e kunei inanon booki aika tabu.

• A kona am ataei ni kunei taeka n te kibu 12 are a kabwarabwara bwa e kanga warekan Iakobo 1:5 n rootaki iai Iotebwa Timiti. I mwiina ko kona n tibwai ami taneiai imarenami bwa e kanga te kibu ni koroboki aika tabu ni korakora kairorona iaom. Kam kona naba n uaia n anenea te kuna iaon warekan koroboki aika tabu, n aron “Search, Ponder, and Pray” (Aia Boki n Anene Ataei, 109). Tera ae e reireia te kuna aei ae bukin tera ti warekii booki aika tabu?

• Ni moana te marooro iaon ae ti na kanga n reitaki ma Tamara are i Karawa, tao ngkoe ao am ataei kam kona n bon titirakini ngkami titiraki ni kabonganai aanga ni reitaki, n aron kanakoan rongorongo n te tekiti, tareboon, ke korei rongorongo. Ti na kanga n titiraki taian titiraki nakon Tamara are i Karawa? Ti na kanga ni kaotia Nakoina ae ti tangiria ao ni karinea n ara tataro? Ikotaki ni wareka Iotebwa Timiti—Rongorongo 1:16–19 ao ni marooro iaona bwa e kanga Tamara are i Karawa ni kaekaa ana tataro Iotebwa Timiti. Ngkoe ao am ataei kam kona n tibwai taneiai ngke ko butiia te Atua ibukin buokam ao ko karekea te kaeka.

• Ataei aika uarereke a bae ni kukurei n tei ao n arorii baia bwa aongkoa ngaiia taian kai n te Buakonikai ae Tabu ngkai ko tuangiia taekan te Moan Mii ni Burabeti. Tuangiia ataei bwa a na mwaeiei bwa aongkoa a ukaki n te ang ngkai ko taetae iaon ana tataro Iotebwa. I mwiina tuangiia bwa a na tei n aki kakamwakuri ao n aki karongoa ngkai ko tuangiia ae Tamara are i Karawa ao Iesu Kristo a kaoti nakon Iotebwa.

• Ataei ake a ikawai a bae n tangiria ni kabongana teuana ke e raka riki n tamnei ake n te kabwarabwara aei n tuangko bwa tera ae a ataia n taekan te Moan Mii ni Burabeti. Kaungaia bwa a na tara Iotebwa Timiti—Rongorongo 1:14–17 ao n tibwaa aia iango ao namakin iaon ana taneiai Iotebwa (taraa naba “Mwakoro 2: Moan Miin ni Burabeti Iotebwa Timiti,” n Karaki n Reirei ao Berita aika Tabu, 9–12, ke te witeo ae irekereke ma ngaia n te Gospel Library).

  

  3:23