“Ritembwa 30–Tianure 5: ‘Te Berita ni Kaokan Bwaai E Waaki Nako’: Kaokan Bwanin Ana Euangkerio Iesu Kristo,” Nakomai, Iriirai—Ibukin te Mweenga ao te Taromauri 2025 (2025)
“Kaokan Bwaninin Ana Euangkerio Iesu Kristo,” Nakomai, Iriirai—Ibukin te Mweenga ao te Taromauri: 2025
Ritembwa 30–Tianuare 5: “Te Berita ni Kaokan Bwaai E Waaki Nako”
Kaokan Bwaninin Ana Euangkerio Iesu Kristo
Ko kanga ni kauringa koron 200 te ririki n te bwai ae e a tia n bita te aonaaba? Anne te titiraki ae a iangoia raoi te Moan Beretitentii ao te Kooram n Abotoro n te Tengaun ma Uoman n rokon Eberi 2020, ni mwaakena koron 200 te ririki ni moan nooran Moan Miin ni Burabeti Iotebwa Timiti. Ti mimi ngkana e na tabekaki rake te kauring anne.“Ti iangoia ngkana e na kateaki te kauring,” E ururing Beretitenti Russell M. Nelson. “Ma ngkai ti iangoa te rongorongo ae onoti ngkoa ao kamatoaan mwiin te Moan Kaotioti ae tabangaki, ti namakina te kukurei ni katea te kauring tiaki n te kurainaite ke te atiibu ma n taian taeka … , n aki kaaraki i aon ‘baaba aika atiibu’ ma e na koreaki i aon “baaba aika iriko” aika i nanora [2 I-Korinto 3:3]” (“Ongo Irouna,” Riaona, Meei 2020, 90).
E atuunaki taeka ni kaunuringa ake a karaoaki “Kaokan Bwaninin Ana Euangkerio Iesu Kristo:Te Katanoata n te Kauabubua n Ririki nakon te Aonaaba.” Tiaki ti te kanuringa nakon te Moan Mii ni Burabeti ma bon nakon naba are e a tia ni karaoia Iesu Kristo—ao ae e karaoia ngkai——ma ngkekei. E moa Kaokan Ana Euangkerio ngke temanna te aomata e nakon te Atua ao n ongo Irouna. E reitinako n te kawai ae ai aron anne: teuana te nano, teuana te taneiai ae tabu n te taina—n ai aron ae riki naba iroumi.
Iango ibukin te Kamatebwai n te Mweenga ao n te Taromauri
“E tangiriia Natina te Atua ni kabuta aaba n te aonaba.”
N ami iango, bukin tera te katanoata i aon Kaokan Bwaai e moanaki ma te rongorongo i aon ana tangira te Atua? Ngkai ko kamatebwaia te katanoata, noori taian kabwarabwara n ana tangira te Atua ibukiia “Natina ni kabutaa te aba n te aonaaba.” E kanga ni buokiko Kaokan te Euangkerio n namakina Ana tangira?
Taraa naba Gerrit W. Gong, “Aaba, Reeti, ao Neewe,” Riaona, Nobembwa. 2020, 38–41.
E moanaki Kaokan te Euangkerio ma te kaeka nakon te titiraki.
E kona n taekinaki bwa e moana Kaokan ana Euangkerio te Tia Kamaiu man kaekaan te titiraki. Tera te rongorongo ae ko namakina Katanoata Ni Kaokan Bwaai ae iai ibukin te aomata ma titiraki n taekan te Atua, te euangkerio, ke “kamauiakin tamnein teuanne [ke neienne]”? Ko kona naba ni kamatebwaia Iotebwa Timiti—Rongorongo 1:5–20 n nooria bwa tera ae ko kona n reiakinna mairoun Iotebwa Timiti ibukin kunean taian kaeka nakon titirkai n te euangkerio.
Taraa naba Topics and Questions, “Ukoukoran Kaeka,” Gospel Library.
Rongorongona man The Desires of My Heart,, iroun Walter Rane
E a tia Iesu Kristo ni kaoka Ana Ekaretia.
Tera ae ko ataia n taekan “Te Nu Tetemanti n Ana Ekaretia Kristo,” are e kaokia te Tia Kamaiu rinanon Iotebwa Timiti? Iangoa kamatebwaian kiibu aikai ao ni karinanii tabeua rongorongon Ana Ekaretia:
-
Mataio 16:15–19
-
Mareko 16:15–18
-
Ruka 6:12–13
-
Mwakuri 4:34–35
-
1 I-Korinto 15:29
-
I-Ebeto 4:11–15
I mwiina, ko kona ni kabotaui kiibu aika i eta aikai ma aika i nano, ake a kabwarabwara bwa e kanga Iesu Kristo ni kaoka aron taekan tein Ana Ekaretia rinanon Iotebwa Timiti:
Bukin tera ko kakaitau ibukin Kaokan ana Euangkerio Iesu Kristo?
A tia n te taina Unimwaane Jeffery R. Holland ao kainnabana ni kataia n iangoia bwa tera aron aia namakin i mwain kaokan te Ekaretia. “Tera ae ti tangiria bwa a na tia n reke iroura?” a bon titirakiniia. Wareka rongorongoia i nanon “A Perfect Brightness of Hope” (Riaona, Meei 2020, 81–82). E kanga ni buokiko Kaokan te Euangkerio n kakoroa nanon am kaantaninga n tamnei?
Taraa naba Topics and Questions, “Apostasy and the Restoration of the Gospel,” Gospel Library.
“E waaki nako te Ekaretia ae Kaokaki are e beritanaki.”
Ko a tia n iangoiko bwa ngkoe kanoan te euangkerio ae Kaokaki? Iangoi taeka aikai mairoun Beretitenti Dieter F. Uchtdorf: “N tabetai ti iangoa Kaokan te euangkerio bwa te bwai ae e tabwanin, are e a kaman mena i bukira. … N te koaua, Kaokan te Euangkerio bon te waaki ae reitinako; ae ti maeka ngkai iai” (“Are You Sleeping through the Restoration?,” Riaona, Meei 2014, 59).
Ko tauraoi ni kamatebwaia bwa e kanga aron kaokan te euangkerio n te 1800 tabun, ko kona ni moanna man iangoana raoi bwa e kanga ni kaokaki i nanon maium. Wareka te Katanoata ni Kaokan Bwaai ma taian titiraki n aron aikai n te iango: I kanga n ataia bwa e bon koaua aio? N na kanga n riki bwa kaain Kaokan te Euangkerio n te bong aei?
“A uki karawa.”
Tera ae kananonaaki n te kibuntaeka ae “a uki karawa” i bon iroum? Tera te kakoaua ae ko nooria—i nanon te Katanoata ni Kaokan Bwaai, n te Ekaretia n boong aikai, i nanon koroboki aika tabu, ao i nanon maium—bwa a bon kaukaki ni koaua karawa?
Ko kona naba n kaaira “The Morning Breaks” (Boki n Anene n Taromauri, nambwa. 1) bwa kanoan am kamatebwai. Tera ae ko kunea n te anene aei ae e karekea riki otam n te kibuntaeka ae “a kaukaki karawa”?
Taraa naba Quentin L. Cook, “The Blessing of Continuing Revelation to Prophets and Personal Revelation to Guide Our Lives,” Riaona, Meei 2020, 96–100.
Te uaia n reirei. E kaoira Beretitenti Nelson ni “kamatebwaia [te katanoata ni Kaokan Bwaa] i bon iroura ao ma [ara] utu ao raorora” (“Hear Him,” 92). Iangoia bwa ko na kanga ni kairiia tabeman n am kamatebwai.
Ibukin iango riki tabeua, taraa te beeba ni kaongora n te namwakaina aio n te Riaona ao Ibukin Kakorakoraia Kairake maekatiin.
Iango ibukin Reiakinaia Ataei
“Ti katanoata ma te koaua.”
-
Ngkai kanoan te Katanoata ni kaokan bwaai ma am ataei (ke tamnei n te witeo iroun Beretitenti Nelson ngke e warekia), buokia bwa a na kunea te kibuntaeka ae moanaki man te mwakoro n taeka n ai aron“ti katanoata,” “ti kaotia,” ke “ti kakoaua.” Tera koaua ake a katanoatai ara burabeti ao abotoro? Tao ko kona n tibwai am kakoaua ma am ataei n tabeua man koaua n aron aikai.
6:0The Restoration of the Fulness of the Gospel of Jesus Christ
Iai ana titiraki naba ngkoa … Iotebwa Timiti.”
-
Tao e kona ni kakaongora nakoia am ataei ni ukori tabeua ana titiraki Iotebwa Timiti are e a tia ni kairia nakon Kaokan ana Euangkeiro te tia Kamaiu. Buokia bwa a na kunea tabeua katooto i nanon Iotebwa Timiti—Rongorongo 1:10, 29, 68. Ti kanga ni kakabwaiaaki n boong aikai ibukin ana kaeka te Atua nakon ana titiraki Iotebwa Timiti?
-
Ko kona naba n anganiia am ataei te tai ni marooroakina taekan titiraki ake iai irouia. Tera ae ti reiakinna mairoun Iotebwa Timiti bwa ti na kanga ni kunei kaeka? (taraa Iotebwa Timiti—Rongorongo 1:8–17; tarai naba kiibu 3 ao 4 n“Aio Natiu ae Tangira,” Aia Boki n Anene Ataei, 76).
“A roko ana rongorongo Karawa n anga te kaetieti nakon Iotebwa.”
-
Antai taan “uarongorongo mai karawa [ake] a roko n anga te kaetieti nakon Iotebwa”? A kona ni kakukurei irouia am ataei n tarai tamneia i nanon te Gospel Art Book (taraa numbwa aika. 91, 93, 94, 95). A kanga taan uarongorongo aikai n tatabemaniia ni buoka “manga katean ana Ekaretia Iesu Kristo”? Koroboki aika tabu aika a baireaki i nanon te wiiki aei iteraniban te waaki ni kakukurei a kona ni buokiia am ataei n kaekaa te titiraki aei.
E a tia ni kaoka Ana Ekaretia Iesu Kristo.
-
Ko na kanga ni buokiia am ataei bwa a na ota bwa tera ae nanonaki ibukin kaokan ana Ekaretia te tia Kamaiu? Tao ko kona ni katea te taua ae bebete ma bwaai ni kateitei ke mwangko ao ni “kaokia n arona” ke ni manga kateia. Ke, ngkana am ataei a tia ni manga onea mwiin te bwai teuana ibukina bwa e bua ke n uruaki, ko kona ni kabotaua te taneiai anne nakon kaokan Ana Ekaretia te Tia Kamaiu. Buokiia ni kunei bwaai aika onoti ake a taekinaki i nanon Katanoata ni Kaokan Bwaai are e kaokia te Tia Kamaiu.
“A uki karawa.”
-
Ni kamatataa n te korotamnei bwa tera te kibuntaeka ae “a kaukaki karawa” nanona, tao ko kona n tibwaa te rongorongo ma am ataei, te moantai i akuun te mataroa ae kainaki ao i mwiina rinanon te mataroa ae uki. Anganiia bwa a na ikaruoruo n tibwaua naba te rongorongo. Tera te rongorongo ae iai iroun Iesu Kristo ibukira? Tera taian taneiai aika a tia ni buokiira n ataia bwa a kaukaki karawa nakoira?
Ibukin iango riki tabeua, taraa te beeba ni kaongora n te namwakaina aio n te Te Rao maekatiin.