Savali o le Eseta a le Au Peresitene Sili

Ia Tootutuli Tulivae Uma, saunia e Dan Wilson

I lenei vaitau fiafia o le Eseta, tatou te auai faatasi ma soo faamaoni o le Faaola i le faamanatuina o le Toetu o lo tatou Alii o Iesu Keriso. O le Toetu o se meaalofa i fanau uma a le Tama Faalelagi o e na ola i lenei lalolagi.

Matou te molimau atu e tuuina atu e Iesu Keriso le malologa ia i latou o e “mafatia i avega” (Mataio 11:28). Na te silafia “le ala e fesoasoani ai i ona tagata e tusa ai ma o latou vaivaiga” (Alema 7:12) aua sa Ia tauaveina i Ona lava luga o tatou tiga ma agasala. “Ua na tauave o tatou tiga, ma na tauave o tatou faanoanoa … ma o ona faalavalava foi ua malolo ai i tatou” (Isaia 53:4–5).

O i latou o e faatinoina le faatuatua ia te Ia, tausia Ana poloaiga, ma maua sauniga faaola ma le faaeaga “tou te faamoemoe e ala i le togiola a Keriso ma le mana o lona toetu, ia faatutu mai outou i le ola faavavau” (Moronae 7:41).

Matou te valaaulia tagata uma e o mai i a Iesu “ina ia latou maua le ola, ia maua atili ai lava” (Ioane 10:10). O le fusia o i tatou lava ia te Ia e ala i le osia ma le tausia o feagaiga e faatamaoaigaina ai o tatou olaga i le taimi nei ma le faavavau. Tau ina ia e maua le faamoemoe, faamalologa, ma le fiafia a o e latalata atili atu i le Faaola o le lalolagi i lenei vaitau o le Eseta.

O Le Au Peresitene Sili