Matara-fa’ahou-ra’a te hiero : Ha’apa’o maita’i, hi’o maita’i

E matara fa’ahou te mau hiero ma te rāve’a ’ia hi’o maita’i ’e te ha’apa’o maita’i i roto e pae tuha’a ’e ’ia au i te mau huru orara’a ’e te mau ’ōpanira’a a te fa’aterera’a hau o te fenua iho e tū’ati i te ma’i pe’e TOVI-19. E fa’aiti mai te mau tuha’a i te fifi, e pāhono i te tītaura’a ’e te fāito o te hiero, ’e e fa’atura i te mau ’ōpanira’a nō te ea i roto i te mata’eina’a o te hiero.

I te ’āva’e Tetepa 2021, ’ua hōro’a te Peresidenira’a Mātāmua i te hō’ē rata nō te ha’api’i i te mau ta’ata haere hiero ato’a ’e te mau rave ’ohipa ’ia ’ō’omo i te pāruru vaha i te mau taime ato’a i roto i te hiero. « Nō te hō’ē tau poto noa teie mau parau pārurura’a, mai te au i te vaira’a o te ma’i TOVI-19, ’e e fa’a’orehia te reira i te taime iho ā e maita’i mai te reira », tē nā reira ra te rata. « ’A rave i te mau mea ato’a e nehenehe ia ’outou ’ia rave nō te pāruru ia ’outou iho ’e ’ia vetahi ’ē ’ia ti’a ho’i i te ’ohipa a te Fatu i nā pae e piti o te pāruru ’ia nu’u i mua.

’Ua fa’aitoito ato’a te Peresidenira’a Mātāmua i te mau melo o te ’Ēkālesia ’ia pātiahia ’e ’ia pāruru ia rātou iho ’e ia vetahi ’ē i te pararera’a o te ma’i.