Fa’anahora’a ’āpī nō te parau fa’ati’a o te hiero

Ha’amata i te 25 nō ’Ātopa 2021, e hōro’a te feiā fa’atere nō te mau titi tei mā’itihia i te mau parau fa’ati’a o te hiero—’eiaha rā te mau parau fa’ati’a nō te mau ’ōro’a nō te feiā ora—ma te fa’a’ohipa i te mau rāve’a tauturu a te feiā fa’atere ’e te pāpa’i parau (LCR) nō te nene’i i te mau parau fa’ati’a. E nehenehe te feiā fa’atere o te autahu’ara’a e fa’a’ohipa i te hō’ē tu’urimara’a rorouira nō teie mau parau fa’ati’a, ’aore rā e nehenehe rātou e tu’urima i te parau fa’ati’a mai tei ravehia i teienei.

Te fa’a’ohipara’a i te mau tu’urimara’a roro uira ’o te rāve’a pāruru roa a’e ïa nō te hōro’a i te mau parau fa’ati’a o te hiero, e mai te mea e nehenehe, ’a fa’a’ohipa i te mau tu’urimara’a roro uira. Tē tīa’i nei te feiā fa’atere o te ’Ēkālesia ē, i te 13 nō Tītema 2021, e fa’a’ohipa te mau ’āmuira’a ato’a a te Ēkālesia i te LCR.

Ta’a ’ē atu i te reira, ’ua fa’a’āpīhia te hōho’a o te parau fa’ati’a tā te mau melo ’aita i fāri’i i te ’ōro’a hiero e fa’a’ohipa nei nō te ’āmui atu i roto i te mau bāpetizora’a ’e te mau ha’amaura’a mono. E’ita te fa’ata’ara’a « parau fa’ati’a tā’ōti’ahia nō te hiero » e fa’a’ohipa-fa’ahou-hia.

Nō te mau melo tei hōro’ahia te hō’ē parau fa’ati’a huru tahito a’e, e nehenehe rātou e tāmau noa i te fa’a’ohipa i te reira parau fa’ati’a ē hope roa atu.