Tē tāmau noa nei te haerera’a mua o te mau hiero ’āpī

’A haere maita’i noa mai ai te ma’i pe’e i te mau fenua, ’ua ha’amata fa’ahou ā te mau hiero, te mau ’ōpani ’īriti ’e te mau ha’amo’ara’a i te haere i mua. Tē tāmau noa ra te matara-fa’ahou-ra’a o te mau hiero, mai te au i te huru orara’a o te fenua.

Tē tupu nei te mau ’ōpani ’īriti nō te hiero i Winnipeg, Manitoba, Canada, ’o tē ha’amo’ahia i te 31 nō ’Ātopa 2021, ’e nō te hiero i Pocatello, Idaho, Fenua Marite, ’o tē ha’amo’ahia i te 7 nō Novema 2021.

’Ua ’āvarihia te pū fāri’ira’a rātere ’āpī nō te hiero nō Mesa Arizona i te ’āva’e ’Ātete 2021, ’e e tupu te mahana ’ōpani ’īriti nō te hiero mai te°16 nō ’Ātopa ’e tae atu i te 20 nō Novema, ’e te ha’amo’ara’a e tupu i te 12 nō Tītema.

’Ua ha’amo’ahia te mata’eina’a tu’iro’o nō te hiero nō Nauvoo i Illinois, Fenua Marite ’e te tahi atu mau tuha’a e tu’uhia i muri iho.

’Ua tārenahia te ’ōpani ’īriti nō te hiero i Washington D.C, Fenua Marite, hou te ha’amo’ara’a i te 19 nō Tiunu 2022.

I te ’āva’e Mē no teie matahiti, ’ua fa’aarahia te hō’ē hiero nō Ephraim, Utaha, Fenua Marite, ’e ’ua tupu te tāpūra’a repo mātāmua nō te mau hiero nō Salvador, Peresiria ; Nairobi, Kenia ; Phnom Penh, Cambodia ; Neiafu, Tona ; ’e Tallahassee, Floride ; Tooele, Utaha ; Syracuse, Utaha ; Helena, Montana ; ’e Pittsburgh, Pennsylvania, Fenua Marite.

I muri a’e i te ’āmuira’a rahi, ’ua tāpūhia te repo i te 9 nō ’Ātopa 2021 nō te hiero nō Casper, Wyoming, Fenua Marite, ’e i te 30 nō ’Ātopa 2021 nō te hiero nō Pago Pago, Hamoa Marite.

Tē tāmau noa nei te mau fa’a’āpīra’a i te hiero nō Hamilton, Niu Terani ; Hong Kong, Taina ; Tokyo, Tāpone ; Columbus, Ohio, Fenua Marite ; ’e Manti, Roto Miti, ’e St. George, Utaha, Fenua Marite.

Tē tāmau noa nei te patura’a e 40 fa’ahou hiero nā te ao nei.