Te mara’ara’a te mau rāve’a tāvinira’a misiōnare

I teienei, tē vai nei te mau rāve’a tāvinira’a misiōni nō te mau melo pa’ari o te ’Ēkālesia i te mau vāhi ato’a nā te ao nei. Nā mua a’e nei, i te fenua Marite, i Canada ’e i te tahi noa mau vāhi e nehenehe ai e ravehia te feiā pa’ari misiōnare rave ’ohipa. E ora noa te mau misiōnare rave ’ohipa i te fare iho ’e e tāvini e 8 hora e tae atu i te 40 hora i te hepetoma hō’ē nō te roara’a e ono ’āva’e. E tāmau noa tō rātou peresideni tītī i te riro ’ei ti’a fa’atere nō rātou.

Tē fa’aitoito-noa-hia nei te feiā pa’ari ’ia tāvini i te mau misiōni rave tāmau i te ātea ’ē atu i te ’utuāfare mai te mea e ti’a ia rātou ’ia nā reira.

Te feiā e ’ana’anatae nei e tāvini ’ei misiōnare pa’ari ’aore rā ’ei misiōnare pa’ari rave ’ohipa e nehenehe rātou e fa’atae i te anira’a i te SeniorMissionary.ChurchofJesusChrist.org (nā roto i te reo Peretāne, Farani, Paniōra, ’e Potītī).