Tapeĝuahẽ Porãite ko conferencia-pe

Che hermano ha hermanakuéra, avy’aiterei pomoĝuahẽ porãitévo ko conferencia mundial tuichaitévape. Ñañembyaty heta hendápe ko mundo jerére, ñahendu ha ñañembokatupyry haĝua umi hermano ha hermanakuéragui ñasosteneva’ekue Autorida General ha oficial general ramo ko tupâópe. Ha’ekuéra oheka kuri Yvága pytyvõ umi mensaje-kuéra okompartítavape, ha oñandu hikuái inspiración pe he’iva’erãme.

Ko conferencia omarka pe 90 aniversario Conferencia General oñembohasa hague radio rupive. Conferencia Octubre 1924 aja, umi sesión oñembohasa peteĩha jave radio-pe, emisora KSL rupive Tupâopegua. Ko Conferencia avei omarka pe 65 aniversario oñembohasa hague Conferencia televisión rupive. Conferencia General oikóva Octubre 1949-pe, umi sesión ojetelevisa peteĩha jave pe Lago Salado área-pe, estación KSL rupive.

Jahechakuaa umi medio de comunicación moderno jehovasa, ohejáva millones miebrokuéra tupâogua omaña terã ohendu ko Conferencia General. Umi Sesión ko fin de semana-gua oñemhohasa hína via televisión, radio cable, satélite ha internet rupive, ha avei umi aparato móvil rupive.

Umi seis mese-kuéra ohasava’ekuépe jajohecha paha guive, peteĩ templo pyahu ojededika ha peteĩ ojerrededika. Mayo-pe, Pte {nb Uchtdorf odedika pe templo Fort Lauderdale Floridagua. Peteĩ celebración cultural hechapyrãva oñepresenta pe ára dedicación mboyve. Upe ára rireguápe, Domingo, 4 de Mayo, pe templo ojededika mbohapy sesión-pe.

Ojapo kuri mokõi semana ramo aguereko hague privilegio arrededikávo pe templo Ogden Utahpegua, originalmente ojededikava’ekue 1972-pe, Pte Joseph Fielding Smith –re. Peteĩ tuicha celebración cultural oiko kuri pe rrededicación mboyve, hetaiterei juventud oparticipa ha upévare mokõi presentación voi oiko, diferente mitã pyahukuéra reheve. En total oparticipa 16.000 mitã pyahu. Pe rrededicación servicio oiko ára uperireguápe, heta hermanokuéra oparticipa, ha avei hermanakuéra lider umi organización auxiliar pegua ha presidente témplogua, ikonsejerokuéra ha hembirekokuéra.

Templo-kuéra construcción okontinua. Próximo mes-pe ojededikáta templo pyahu Phoenix, Arizona-pe, ha próximo año, 2015-pe, ña’anticipa por lo menos cinco templo dedicación ha rrededicación, ha ikatu hetave avei, ojejapopárõ.

Ha’e haguéicha abril-pe, opa umi templo oñe’anunciava’ekue oñemopu’ãmba ha ojededikapa vôve, jaguerekóta 170 templo omba’apóva ko mundo jerére. Roñekoncentrágui hína rokompleta haĝua umi templo oñe’anuncia raẽva’ekue, ko’aĝa noro’anunciamo’ãi ni peteĩ templo pyahu. Upevére, tenonderã, rohechakuaávo umi tekotevẽ ha ro identifica propiedakuéra, ro’anunciáta ambue templokuéra.

Ko tupâo okakuaave ohóvo. Ko’aĝa jaguereko 15 millón rupi miembrokuéra ha ñanderetave jahávo. Ñane rembiapo misional oho tenonde gotyo. Jaguereko 88.000 misionero rupi, oservíva hína okompartívo pe mensaje evangelio rehegua ko mundo jerére. Ro afirma jey misionero rembiapo ha’eha peteĩ sacerdocio rembiapo, romokyre’ỹ opa mitãkaria’y hekopotĩva ha ikatúvape, toservi peteĩ misiónpe. Roime agradecido avei umi mitãkuñakuérape oservíva avei. Ha’ekuéra ojapo peteĩ tuicha kontribución avei, jepérô, ha’ekuéra noĩri igual mandato guýpe oserviva’erãha, umi mitãkaria’ýicha.

Ko’aĝa poroipepirû peñangareko haĝua umi hermano ha Hermanakuérare oparticipátava ko árape ha ko’erõ umi sesión conferenciaguápe. Opavave umi ojejerureva’ekuépe oñe’ẽ haĝua oñandu tuicha rresponsabilida ojapóvo ko tembiapo. Ñahendu aja, iñe’ẽnguéra topoko ñane korasõre ha tokakuaa ñande jerovia, añembo’e humildemente; Jesucristo rérape . Amén.