Ejapo nde jerovia ejerciciogui nde priorida tuichavéva
Elder Richard G. Scott rupive
Quórum Doce Apóstoles gua
Jaguereko hetarõ jepe umi problema, jadedikaveva’erã tiempo ja’eherse haĝua activamente ñande jerovia.
Adan ha Eva oĩ ramo guare pe Jardin de Eden-pe, oguereko heta umi oikotevẽvagui isustento diariorã. Ndoguerekói hikuái jehasa’asy ni ñembyasy. Ndohasái haguere umi ára hasýva ndoikuaái hikuái ikatuha ovy’a; ndohasaiva’ekue jehasa’asy, upévare ndikatúi oñandu pya’guapy.
Tiempo ohasa rire, Adan ha Eva ojapyhara pe tembiapoukapy ndo’uiva’rãha pe yvyramata ivai ha iporãva rehegua yva. Ojapóvo upéva, noĩvéima hikuái peteĩ estado de inocencia-pe ha oñepyrũ o’experimeta umi oposición principio. Hasykatu, isalud ojedeteriora ha oñepyrũ oñandu vy’a’ỹ ha avei vy’a.
Ho’úvo pe yva oñembotoveva’ekue, Adan ha Eva oikuaa ko mundo-pe oĩha pe iporãva ha ivaíva. Pe idecision ojapo posible ñande jaju ko yvy apére jajeproba haĝua. Jajehovasa pe albedrio reheve, ha’éva pe capacida jajapo haĝua decisión ha ñañerresponsabiliza haĝua umívare. Pe je’a ojapo posible ñañandu vy’a ha avei vy’a’ỹ ko tekovépe. Jahasa’asývo, ikatu ñakomprende pe py’aguapy.
Ñande Ru Yvagagua oikuaa upéva oikotaha; ha’ékuri parte pe iplan de felicida perfectogui. Ha’e oprepara peteĩ tape, pe Ita’ýra Jesucristo iñe’ẽrendúva rekove perfecto rupive, pe ñande Salvador, ikatu haĝuaicha ijexpiacion rupive ñavence oimeraẽ dificultad jaguerekótava ko vida terenal-pe.
Jaiko tiempo hasývape. Natekotevẽi a’ennumera opa umi aña mbarete oĩva ko mundo-pe; natekotevẽi adescribi opa umi problema ha jehasa’asy ha’eva parte ko ñande vida terrenal-gui. Opavave ñaime conciente ñande propia lucha py’ara’ã, py’arasy ha vy’a’ỹ ndive.
Ko vida mortal-pe ñanembo’e pe propósito jaju haĝua ko’ápe ha’ékuri jajeproba ha jaguereko oportunidad jakakuaávo. Jaikuaákuri ñambohovaketaha pe adversario ñañakue. A vece japercibive umi mba’e ivaiva ko vida terrenal-pe umi iporãva rangue. Profeta Lehi ombo’e: “Oĩmanteva’erã ningo peteĩ jejoavy opa mba’épe.”. Jepe opa umi problema jaguerekótava, jadedikava’erã tiempo ja’eherse haĝua activamente ñande jerovia. Upéva oguerúta ñande rekovépe pe Jesucristo expiasión pu’aka positívo ha henyhẽva jeroviagui.
Ñande Ru Yvagagua ome’ẽ ñandéve umi herramienta ñanepytyvõtava jaju haĝua Cristo-pe ha jajerovia Ijexpiacion rehe. Umi herramienta oñekonverti ramo jepokuaa básikope, ome’ẽ peteĩ tape hasy’ỹveva jatopa haĝua py’aguapy ko vida terrenal dificulta apytépe. Este dia ahesa’yĩjose cuatro umi herramienta. Añe’ẽ aja, ikatu piko emañami mba’éichapa reiporu umíva; ha upéi eheka Ñandejára guía edetermina haĝua mba’éichapa ikatu reiporu porãve.
Pe ñembo’e
Primera herramienta ha’e pe ñembo’e. Eñe’ẽ meme nde Ru Yvagagua ndive; ededika tiempo cada día ekomparti haĝua hendive ne pensamiento ha temiandukuéra; ere chupe opa umi ndepy’apýva. Ha’e oñeinteresa umi mba’e iñimportánteva ha avei umi icotidianovevare nde rekovépe. Ekomparti hendive opa ne remiandu ha experienciakuéra.
Orrespetágui nde albedrio, pe Tuva Yvagagua araka’eve nandeforzamo’ãi reñembo’e haĝua; ha katu, re’ehersévo pe albedrio ha re’inclui chupe cada aspecto nde vida diaria-pe, ne korasõ oñepyrũta henyhẽ py’aguapýgui. Pe pya’aguapy ogueruta peteĩ luz eterna nde jehasa’asýpe ha neipytyvõta rerresolve haĝua peteĩ perspectiva eterna guive.
Tuvakuéra, peipytyvõ peprotege haĝua pende ra’ykuérape pe’armávo chupekuéra pe oración familiar pu’aka reheve pyhareve ha pyhare. Mitãkuéra oñebombardea cada dia umi lujuria, codicia, orgullo ha heta ambue komportamiento vai reheve. Peprotege pende ta’yrakuérape umi influencia mundana-gui pemombaretévo umi jehovasa poderósova oúva pe oración familiar-gui. Péva ha’eva’erã peteĩ priorida noñenegociaiva pende vida diaria-pe.
Estudio de las escrituras
Pe herramienta mokõiha ha’e ja’estudia Tupã ñe’ẽ umi escritura-pe ha umi oúva umi profeta viviente-gui. Ñañe’ẽ Tupã ndive ñembo’e rupive, ha katu, hetave vece, ha’e oñe’ẽ ñandéve Iñe’ẽ ojehaíva rupi. Eikuaa haĝua mba’éichapa oñehendu pe voz divina ha eñandu haĝua, emoñe’ẽ Iñe’ẽ, estudia umi escritura ha emedita. Ejapo chugui peteĩ parte integral nde vida diaria-pe. Reipotarõ nde ta’yrakuéra ohechakuaa, okomprende ha iñe’ẽrendu pe Espiritu ñe’ẽmbeguére, re’estudiava’erã umi escritura hendivekuéra.
Ani recede pe Satana japúpe he’íva ndereguerekoiha tiempo remoñe’ẽ haĝua umi escritura. Eiporavo peteĩ momento re’estudia haĝua. Eñembojuruhe’ẽ pe Tupã ñe’ẽme cada dia iñimportanteve pe jeke, mbo’ehao, mba’apo, televisión, video juego terã redes sociales-gui. Ikatu remoĩporãjeyva’erã nde priorida, reguereko haĝua tiempo re’estudiávo pe Tupã ñe’ẽ. Upeicha ramo, ejapóntema.
Oĩ heta promesa profética umi jehovasa oúvare pe estudio diario de las escrituras reheve.
Amoĩve che ñe’ẽ upe promesa-re: Rededikarõ tiempo todos los días, personalmente ha nde familia ndive, pe’estudia haĝua Tupã ñe’ẽ, pe py’aguapy oprevalecéta nde rekovépe. Pe py’aguapy ndoumo’ãi pe mundo okapeguágui. Pe py’aguapy oúta nde róga, nde familia, nde korasõitegui. Ha’éta peteĩ Espiritu Don, omimbítava nde pype ha oinfluítava umi hénte oĩva nde jerérepe. Rejapota hína peteĩ tuicha mba’e rembokakuaa haĝua py’aguapy ko mundo-pe.
Nda’éi ndereguerekomo’ãiha problema. Nemandu’ake Adan ha Eva oĩrõ guare pe jardín-pe ndoguerekói problema, ha katu ndaikatúi avei oñandu vy’a, ni vy’apavẽ, ni py’aguapy. Umi problema ha’e peteĩ parte importante ko vida terrenal-pe. Pe escritura estudio constante ha diario rupive retopáta py’aguapy pe confusión nembojeréva apytépe ha pe mbarete reikotevẽva rerresisti haĝua umi py’ara’ã. Reguerekota peteĩ jerovia firme pe Tupã Gracia-re ha reikuaáta pe Jesucristo expiación rupive opa mba’e oĩ porãmbataha, Tupã tiempoitépe.
Pe Noche de Hogar
Reñeha’ãvo remombarete nde familia ha rekultiva py’aguapy, nemandu’ake pe tercera herramienta-re: Noche de hogar semanal. Ani rejapo pe noche de hogar-gui peteĩ mba’e jajapova vai vaínte . Ejapo pe decisión nde familia oĩtaha lune ka’aru terã pyhare oñondive ógape. Ani reheja umi exigencia mba’apo, deporte, ambue activida, escuela terã oimeraẽ mba’e iñimportanteve pe tiempogui pehasáva oñodive famíliaicha.
Mba’éichapa ojejapo pe noche de hogar naiñiportanteitereíri ha katu pe tiempo invertido. Pe evangelio oñembo’eva’erã formal ha avei informalmente. Ejapo taha’e peteĩ experiencia significativa nde familiape ĝuarã. Pe noche de hogar ha’e peteĩ tiempo ñame’ẽ haĝua testimonio peteĩ ambiente seguro-pe; ña’aprende haĝua mba’éichapa ñambo’e, ñaplanifica ha ña’organizava’erã; ñamombarete haĝua umi lazos familiares; ja’establece haĝua tradiciones; ha ñañe’ẽ haĝua unos con otros, ha iñimportantevéva: jajediverti haĝua!
Pe conferencia de abril ohasava’ekuépe, hna Linda S. Reeves he’i mbarete: “…atestifikava’erã umi jehovasa jarrecibívagui pe estudio de las escrituras rupive ha oración diario, ha ..noche de hogar semanal. Ko’ã ha’e practica ñanepytyvõva jaguenohẽ haĝua pe estrés, ome’ẽ dirección ñande rekovépe ha ogueruvéta protección ñande rógape”. Pe hna Reeves ha’e peteĩ kuña iñaranduetereíva. Romokyre’ỹ atã rehupyty haĝua nde propio testimonio ko’ã mbohapy hábito ikrucialvagui.
Templope jeho
Pe cuarta herramienta ha’e templope jeho. Opavave jaikuaa ndaiporiha ambue tenda oĩvehápe py’aguapy ko yvy ári ndaha’eirõ Tupã templo. Ndereguerekóirõ peteĩ rrecomendación reho haĝua templope, eñaha’ã remerece haĝua peteĩ, ha reguerekóvove, eiporu py’yĩ. Emoĩ peteĩ tiempo eho haĝua regularmente pe templo-pe ha ani reheja avave ni mba’éve ne’impedi reime upépe.
Reime vove témplope. Ehendu umi ordenanza ñe’ẽ, eñembo’e ha emedita umívare ha eñeha’ã ekomprende isignificado. Pe templo ha’e peteĩ tenda iporãveva ñakomprende haĝua pe Jesucristo expiación pu’aka. Eheka chupe upépe. Nemandu’áke jajehovasave jagueraharamo témplope ñande hentekuéra réra10.
Ko’ã cuatro herramienta ha’e jepokuaa básico re’afirma haĝua nde rekove pe Jesucristo expiación pu’aka ári. Nemandu’áke ñande Salvador ha’eha pe Principe de Paz. Pe py’aguapy ko vida terrenal-pe ou isacrificio expiatoriogui. Ñañembo’évo pyhareve ha pyharekue de forma constante, ja’estudiávo umi escritura diariamente, jaguerekóvo pe noche de hogar cada semana ha jaharõ témplope regularmente, ñambohovái hína activamente Iñinvitacion he’íva “eju cherendápe”. Jadesarrollavévo umi hábito, Satana oñeha’ãvéta ñandedaña haĝua, ha katu pokãvéta icapacida ojapo haĝua upéva. Jaiporu rupi ko’ã herramienta, ja’eherse ñande albedrio ja’acepta haĝua Isacrificio Expiatorio don completoite
Nda’éi opaite problema odesaparecetaha pejaporamo upéva. Jaju ko vida terrenal-pe japrogresa haĝua umi jehasa’asy ha prueba rupive. Umi problema ñandepytyvõ oiko haĝua ñandehegui ñande Ru Yvagaguáicha ha pe Jesucristo expiación ojapo posible jagueropu’aka umíva. Atestifika jajúvo activamente Chupe, ikatu jagueropu’aka opa py’ara’ã, opa ñembyasy, opa jehasa’asy jahasátava; Jesucristo rérape. Amén.